[بنت أبو خالد]

[BACKGROUND="100 http://store2.up-00.com/Sep10/5DX05810.jpg"]

مدخل /
تعال أحتاج أسولف لك عن الأيام وأشكي لك
وأفض غيم الحزن وأنثر حنـين الشوق بقبالك

إهـــداء .. ل خيتو
آلآ يادار يابنت الهقاوي وهقوة الأجداد ,, ألا يابنت من روحه فدى عيونك يبددها
عزيزة حُرة ماترضى تلامس يدها الأصفاد ,, تحط الموت في روح اللي تقيدها
أصيلة مضمرة بالمجد تقود المجد ماتنقـاد ,, عفيفة لاقعد وجه الفجر من خشية العبّاد
يطيح الليل لاإرتفعت بذكر الله مساجدها ,, هي الرفعه من شموخ السجود وجبهة السجاد
أبوها لو يسجدها لوجه الله ..... سجدها ,, يرتبها الفجر في فوضه طيوره ويبكي بعاد
ويكتب على شمسـ(ن) تجي من أصبع تشهدهآآآآآآ

,,

آيييييييييه يآخسآآرة خلّصت الإجازة
وبدأ الجد <<كان ودي آحط مدخل عن الدرآسة بس هونت تفادياً للردود الحلوه اللي بتجيني

نسيت آقول لكم

آخباركم ؟؟ وآخبار الإستعدادات .. على حسب اللي إستعدادات بقمصان بيض <<-تحسب كل الناس بلشين زيها
واللي تستعد بطقم فُلة وإلا لولوكآتي
واللي تغسل بطانيته وتغير المخدآت إستعداد للتعويض عن السنين اللي فاتت <<-متى يجي اليوم دآ

بعد السوآليف اللي فوق
ندخل بالموضوع

بس قبل .. أبغى أي وحده تقراء موضوعي ..
تكوني لحالك لاني بكلمك لوحدك !
وتكوني مركزة بكل لكمة حقولها لك .. أنتي بس

يومك روتيني ؟؟
تقومي الظهر تجلسين تتغدي وبعدها مقابلة الجدرآن يأذن العصر تصلي تنظفي يأذن المغرب تجلسين مع أهلك يأذن العشاء تمسكين اللآب ساعة ساعتين تروحي تحطي العشاء وتتعشي وبعدها تنظفي و... وبكرى نفس الروتين ماتغير ..
مُمل صح ؟
تحبي تغيري ؟
رآح آقول لك جدول ذهني لحياتك ..
وتحطي له آهدآف
ذهنية / دراسية / أخلاقية / جسدية .. إلخ
بتقولي كيف ؟؟

أنا أقول لك

بالله ماتحسي أنه بمجرد ماقالوآ بكرى العيد حزنتي صح ؟
مع أنك إنحرمتي من قهوة العصر
وجلسة الفطور والجمعات وو...

رمضان .. الظهر والعصر والمغرب والعشاء
أغلبها عبادة .. من صوم لصلاة لتسبيح تهليل
تشوفي الناس اللي مصحف بإيده واللي ترك التدخين واللي يصلي وآللي وآللي ....
ليش ماعبسوآ وزعلوا لما قالوآ بكرى رمضان ؟؟
ليش فرحوا ؟؟
تدرين ليش ؟؟

لأن ... الحيااة حللوة بطاعة الله

,,

تخيلي تطق بابكم وحده .. وتقول لك
إيش تتمني ؟؟
أنتي تقولين لها أكمل الماستر بس المشكلة الفلانيه تعيقني
وبأقل من ثانية تحل المشكلة
وبكذا تقدري تكملي الماستر .. وتسألك إيش كمان ؟
تقولي فلانه مريضة بـ ...
وتطلع من شنطتها علبة وتقول لك الحين تروحي تأكليها وشوفي إيش راح يصير
وكلها ثواني وترجعي لها وأنتي مبسوووطه لان فلانه تعآآآفت

بذمتك ..
الحرمة هذي .. بتحبيها أو بتكرهيها ؟؟
بتطيعيها أو بتعصي كلامها ؟؟

الكلام وضح ؟؟
نفس الشي .. ربي عطاك الجمال عطاك عائلة صداقات صحة فلوس و....إلخ

تخيلي للحظات معآي
أنتي الحين تروحي للمولات بطلب يمكن يكون أمر !
وتروحي لأبوك وتطلبي منه المبلاغ الفلاني
500 / 1000 , أكثر أقل
وهو سيييدة يفتح محفظته ويمد لك الفلوس وتركبي السيارة وتشتري اللي فبالك
سويتي مجهود علشان تحصلي على الفلوس . سويتي مجهود علشان تطلعي ؟؟

تخيلي أنك الحين جالسه على كرسي مشلوله
وجابوا لك الأكل .. أكلتي بصعوبة ويدينك ترتعش !
بعدها ودك تمشي شوي .. بس كيف أنتي ماتقدري تمشي
شوي تبغين الحمام (وأنتي بكرآمة )
إيش تسوي ؟؟
تنادي أي آحد وبإحراج تقولين له
يدفك .. بدخلك الحمام يفسخ ملابسك وينظفك

أو تخيلي أنك مثل الهنود
تعبدين البقر وتبوسيها وتتبركي عليها ووو....

تخيلي إن أمك شديدة ونفس الشي أبوك ..
وكل يوم طايحين فيك ضرب وتهزيء
تخيلي أبوك يشرب .. وأمك لها صداقات محرمة ؟!
شلون بتكون حياتك ؟؟

الرسول اللهم صلي وسلم عليه
كان يدعو بدعاء جميل يقول [ اللهم انا نعوذ بك من زوال نعمتك وفجاءة نقمتك وتحول عافيتك وجميع سخطك ]

المفروض من اليوم ورآيح كل سجدة تسجديها تقولي هذا الدعاء أنتي ماتدرين متى تصيري معاقة , تبتر يدك , تصيري مريضة , ...ألخ

أذكر قصة .. كان شاب جاي من سهرة.. دخل غرفتة وناااااام .. قام الصبح ويده ماتتحرك !
إنشلت .. كذا فجأة !

بدون مرض بدون أي حاجة

,,

املائي حياتك بالطاعة
ترى الإنسان يُبعث على ماماتَ عليه ..

من اليوم ورآيح زيدي من طاعتك وعباتك
زيدي خشوع بصلاتك السنن الرواتب لاتتركيها أبداً الوتر لاتتركيها لو تصلي ركعه وحده بعد كل صلاة إقري وجه من القرآن على الأقل
كل ماجيتي تمسكي جهازك إستغفري الله 100 مرة
وصلي على النبي محمد 100 ..
بتضرك ؟؟ ع بال مايفتح الجهاز إستغفري وسبحي الله ,
أول ما يأذن قومي صلي ,
صومي الخميس والإثنين لاتتركيها وو..إلخ
كثيييرة هي العبادات ..
حطي فبالك وكرريه داايم
ماراح تصلح حياتي إلا لما أصلح نفسي وأقوي علاقتي مع ربي

إيش اللي يقوي علاقتنا مع ربنا ??
من ترك شيء لله عوضه الله خيراً منــه ؟؟
كيف ؟؟
أنا أقول لك كيف

شفتي فستان كييوت وحلو ويناسب الحفله اللي بتروحي فيها .. أخذتيه ورحتي تقيسيه كان مضبوط عليك وكأنه مفصل عليك .. بس
عيبه أنه بدون أكمام "توب"
وأنتي أكيد تعرفي الحكم .. إيش تسوين لحظتها .. بتقولي حراااام أول مره يناسب علي لبس وحلو علي يالله بلبسه وكلها ساعات وربي تواب رحيم !!
أو بتقولي .. مايجوز ألبسه وأنا أعرف حكمة يالله مو مشكله ..
وترفعي يدينك وتقولين ..
يارب أنا تركته علشان وجهك الكريم ابغى رضاك يارب
يارب إرضى علي مثل ما أرضيتك يارب يسر لي لبس ..
تتوقعي ربي راح يترك ؟؟
مستحيـل .. !

* أتركي أي شيء يغضب ربنا سبحانه .
* خصصي يوم لعمل طاعة .

مثلاً .. عطي أخوك/أبوك/زوجك 15 ريال يشتري فيها كرتون مويه وثلجيها .. وإذا طلع الظهر عطيه الكرتون وقولي له يوزعها على العمال
عمال النظافة - العمال اللي يشتغلون بالحفريات <<- شفتوا كيف وجود الحفريات نعمة

ومره صلحي رز وحطيه بعلب وحطيه مشروب معاه وحطيهم بكيس وخلي أخوك/أبوك/زوجك يوزعها على العمال .. بتتخيلي كيف فرحتهم ؟؟ دعوتهم لكم ؟؟
خلي يوم لك بالأسبوع .. بعيييييد عن النت بعيد عن الأجهزة بعدين عن أي شي خلي يومك كله عبادة×عبادة
مثلاً الإثنين .. كل يوم إثنين ماتلمسي أي جهاز ماتمسكي أي رواية أي شي
كل يوم طااااعة .. بيصير فيك حاجة ؟؟
أبداً .. بالعكس أنتي بتملي ميزانك بالحسنات

* اربطي مسواك بجلالك حق الصلاة
وأول ماتسلمي تسوكي دقايق .. تطبيق للسنه وزياااادة أجر

* عوضي قد ماتقدرين ..
ترى الوقت مو واقف ينتظرنا نزيد أعمال نبطل خرابيط !
أكثر شي يخوف لما تتخيلي أنك بقبرك وونيسك أعمالك
ياترى أعمالك بتونسك وإلا بتحزنك ؟!

رضاك ربي ... فقط

آلحين نجي
للآبتوب/كمبيوتر
الحين تجلسي عليه يومياً .. إنزين ليه ماتكشخيه ؟
مش لازم من برآ إكسسوآر وحركآت لالا من جوآ ؟؟
خلي خلفيته تفتح النفس
شوفي ذولي
http://hadaeeq.nqeia.com/vb303/uploa...1242917221.jpg
http://hadaeeq.nqeia.com/vb303/uploa...1242915936.jpg
http://hadaeeq.nqeia.com/vb303/uploa...1242916145.jpg
http://www.rabbizidniailma.online.fr...s/0006_jpg.jpg
http://www.7oobk.com/vb/uploaded/26654_01233182446.jpg
http://reeree.jeeran.com/%D8%AE%D9%8...%D8%AA/ana.jpg
http://image.arabseyes.com/files/images/523794d6b.jpg
http://hadaeeq.nqeia.com/vb303/uploa...1242916281.jpg
http://hadaeeq.nqeia.com/vb303/uploa...1242917341.jpg
http://hadaeeq.nqeia.com/vb303/uploa...1242917441.jpg
http://www.7oobk.com/vb/uploaded/26654_21233182446.jpg
http://mizou5.com/uploads/images/sa-c31e9a5a9c.jpg






لاااازم نكشخه مو هو اللي يجمعنا بكم ؟ بصديقاتنا ؟ بقرايبنا ?
المسـن / برامج الصوت والفيديو / الإنترنت / الوورد

المهـم ..
فيه حركة تعجبني
تغيري صوت الويندوز .. بدل طينننيييي
تحطي بسملة / سلام
وهذي بسملة جمعتها لكم

+ طريقة تغيير لويندوز Vista مالي شغل بـ XP
كلك يمين_تخصيص_الأصوات_من ضمن الخيارات [إنهاء Windows _إضغطي عليه بيطلع لك على اليسار إستعراض إستعرضي الصوت وبس <<ماأسامح أي وحده تحط موسيقى أو أغاني !

أيضاً وقت ماتشتغلي على الفوتو الإيمج الرسآم
شغلي قُرآن - محاضرآت
هذا موقع القرآن حملي سور وإسمعي
http://quran.muslim-web.com

(برنامج الفوتوشوب)
برنامج حلوو مافيه آحد مايعرفه ..
تعلمي تسوي وسائط دعوية/ذكر
تخيلي تسوين كم وحده وتنزليها بموضوع وعلى الإيميل ..
كم واحد بيقراها ؟؟ وكم واحد بيرسلها .. وكم من أجر حتحصلي عليه .. عمل بسيط جداً وياخذ من وقتك دقايق بس
اللي ماتعرف عمو قوقل يتكفل فيه
إكتبي [ دروس Mms ] ورآح يطلع لك بالهبل

الحين وقت الصوتيات
فيه أحد يتصفح أويشتغل بدون مايسمع ؟!
نبعد عن الميوزك .. نستبدله بأشعار .. بأناشيد .. بقرآن
اللي تحبي بس أهم حاااجة مايغضب ربنا

EMELAT.COM

ياكثر ماتجينا رسايل ع الإيميل حددي لك يوم بالأسبوع .. ترسلي رسائل مُفِيدة لصديقآتك لأهلك لأقاربك حطي الفتاوى اللي كثير غافل منها
مثل
موقع الإرشاد والفتاوى الشرعية http://al-ershaad.com/vb4/index.php

خليها عااادة كل أسبوع أرسلي ..
أنتي أكتبيها مو دايماً إعادة توجية
أكتبي نصائح فوائد ومثل ماذكرنا فوق
أهم حاااجة تحتسبي الأجر .. وإن شاء الله يارب كل حرف مأجورة فيه

لا احد يرد رجاءاً

[/BACKGROUND]

[بنت أبو خالد]

[BACKGROUND="100 http://store2.up-00.com/Sep10/5DX05810.jpg"]

ياااااي شوفوا شحلوه ..مهوب مثل بزراننا .. ترى فيه بزران أحلا منه وأشين
آلمهم .. كل أبو دايم نقول ياشين البزارين .. قلق .. مغثه وو.... إلخ
بس خلينا نفكر بعقلنا <<-ليه كل هالزمن نفكر مع خشومنا
تخيلوا الدنيا بدون أطفااال ؟؟
بالأعياااد .. مافيه أطفال
بالعزآيم كمان بدون أطفال
خصوصاً اللي متعود على أطفال باللهي كيف الحياة بدونهم
الحين لاشفنا بزر حلو مانصبر لين نبوسه ونعضه ونقبصه
يييييييييه زمااان كانوا يكتبون فـ كروت الزواج [أطفالكم شموع تضيء أفراحنا]<<-وممنوع دخول المغاتير
حلاااااة الدنياء الأطفال
سبحان الله القائل { اَلَمَالُ وَاَلَبَنُوْنْ زِينَةُ اَلَحَيَاةْ }

عوديهم على حفظ القرآن
وياااااااااسعدها بالأجر اللي تخلي طفل يحفظ سورة الفاتحة
بيظل يقراها كل يوم خمس مرات لاتنسوا اللي عندها أطفال ماحفظوها تسرع تحّفظهم قبل لايسبقك أحد بالأجر
قولي له إذا حفظت سورة الإخلاص أعطيك شيبس , حلاو ... أي حاجه يحبها ..
صدقيني بيتحمس ويحفظ .. بس أوعي تخلفي وعدك <<-قلبت مصري
لانه بجد بيكرهك ولا يصدقك ..
صحيح فيه بزران غثه يحومون لك الكبد بس مايمنع تتحمليهم وتحَّفظيهم سور

سوي مره لهم حفله .. يووه قد إيش بينبسطوا
قولي لهم مثلاً اللي يحفظ الأذكار أو آية الكُرَسِيْ بعطيه جائزة وبسوي له حفله .. أجزم لك كلللهم بيحفظون .. كم من الأجر تكسبي ؟؟
,,

يا حلو الستر
مو تجيك وحد أستغفر الله لابسة لك ذيك التنورة السترتش القصيرة وذيك البلوزة اللي ظهرها طالع وصدرها كمان طالع ومسويه سبايكي بشعرها قسم بالله تجيب الغثياان وتنسد نفسك بسببها
شفيها لا لبستي لبس حلو وناعم وكشخه وسويتي تعديل .. بالأكمااام .. بالفتحات ..
سوي له تعديل .. ستريه .. إلبسي الجاكيت القصير للفساتن اللي "توب" أو خيطي له أكمام ..
فتحات الصدر الواسعه .. إلبسي إيشآرب .. سوي أي حاجة تستر العاري ..
نجي عند البناطيـل ..

مايمانع تلبسي بناطيل بشرط !
بلوووزة طويييله تكون تحت الركبة , إلبسي بنطلون مع فستان .. أهم شي ماتغضبي ربك بلبسك
ومين يستاهل تغضبي خالقك علشانه !!
إلبسي وأكشخية وتمكيجي وسوي تسريحآت وحطي إكسسوار .. شحلاااات البنت لاتكشخت
**لا يجوز للمرأة لبس البنطلون عند غير زوجها..- ابن جبرين
**لبس البنجابي .. ولا حرج على المرأة من لبسه أمام النساء والمحارم إذا توفرت فيه الشروط السابقة ، على أن تكون " البلوزة " التي فوقه واسعة وطويلة تصل إلى الركبة على الأقل.- محمد صالح المنجد
** ثبت أن النبي لعن الواصلة والمستوصلة، فإذا نهي عن وصل شعر الرأس بغيره فكذلك رمش العين، لا يجوز وصله،- ابن جبرين
**الرموش الصناعية سيحقق فيه معنى الوصل المنهي عنه ، لأنه مثله وقد نهى النبي صلى الله عليه وسلم عن الوصل ولعن فاعلته والمفعول بها،- ابن باز

واللي تحب تسأل أكثر وتفاصيل اكثر عن لبس المرأه عند الناس والعوره فيه موقع الاسلام سؤال وجواب حطي سؤالك فيه
www.islam-qa.com

نجي عاااااااد الحين للفله والونااااسة
سوي قهوة وصلحي حلا
سوي شاهي وبتيفور
إجمعي أهلك بالحوش , بالصالة .. سولفوا مع بعض أضحكوا فرفشوا أهلك ترااااهم نعمه مايحس فيها إلا اللي ماله أهل .. الله يحفظ أهلنا يااارب
إقترحي تطلعوا بشاليه وجمعي كم مسابقة وجهزي جوائز .. مولازم تكون الجوائز غالية وكشخه عادي لوتحطي رمزية أو مضحكة إجمعي أهلك وخلي أحد أو أنتي يقرأ عليهم كتاب مثل كتاب محمد العريفي [الروئع] بجد بجد لوو تقرينه مليوووون مره أجزم أنك ماتملي
سولفي مع أمك عن الشي اللي تحبه عنك يوم كنتي صغيرة
سولفي مع أبوك عن مثلاً طبيعة شغله ... إيش يسوي مواقفه عن أول..كيف تزوج ماماتك عن أي شي يحبه .. لو الشي اللي يحب يسولف فيه أنتي مايهمك .. خليك كأنك مهتمه صدقيييني بيجي أبوك لك أنـتي ويقول تعالي نسولف مع بعض
وياحلو لو تعطيهم هدآآيا .. ترى هم أهم من صاحباتك وقرايبك
بكذا أنتي أخذتي أجر .. طبعاً بنية [إدخال السرور إلى قلب مسلم] وهو من أحب الأعمال إلى الله
عن عائشه رضي الله عنها [من أدخل على أهل بيت مسلمين سرورا لم يرض الله له ثوابا دون الجنة]
عن عبدالله بن عباس [من أدخل على أخيه المسلم فرحا أو سرورا في دار الدنيا ؛ خلق الله عز وجل من ذلك خلقا يدفع به عنه الآفات في الدنيا ، فإذا كان يوم القيامة كان منه قريبا ، فإذا مر به هول يفرقه قال : لا تخف . فيقول له : من أنت ؟ فيقول : أنا الفرح – أو السرور – الذي أدخلته على أخيك في دار الدنيا]
شوفتوا الاجر شلون ..
كل دايم نبي نونس الناس , والبزارين , والشيبان وكل أهلنا وصديقاتنا

فـآـآـآصل

آآه يالبى بس

,,

من عرف الله في الرخـاء عرفه اللـه في الشـــدة

إدعي بين الأذان والإقامة .. مستجاب بإذن المولى
تحري مواطن الإجابة ..
ولاتتكدري لو ما أًستجيبت دعوتك .. يمكن ربي دفع بلاء عنكِ . . أو عن أهلك
ماتدري الخيرة فيـن ؟؟
الله يهدينا لطريق الحق .. ويغسلنا بالماء والثلج والبرد ..
ويرزقنا قلباً كقلب محمد صلى الله عليه وسلم
الدعاء ..الدعاء ..

,,

خلينا الحيـن نحسن خلقنا مو عشان الناس ولا عشان ميتين عليهم عشان أنفسنا ..
عن أبي الدرداء عن رسول الله " ما من شيء يوضع في الميزان أثقل من حسن الخلق ، وإن صاحب حسن الخلق ليبلغ به درجة صاحب الصوم والصلاة "
عن أبي هريره سئل ؤسول الله صلى الله عليه وسلم عن أكثر ما يدخل الناس الجنة ؟ فقال : تقوى الله وحسن الخلق ، وسئل عن أكثر ما يدخل الناس النار ، قال : الفم والفرج"

إمسكي لساانك عن السب و اللعن و الغيبة وإذا فيه أحد يغتاب غيري السالفة وإنصحي الجميع لاتنصحي المتكلم قدامهم .. قولي يابنات مايجوز نغتاب .. إلا شفتوا الـ .... غيري السااالفة
كلنا عارفين مايُكَب الناس على وجوههم إلا حصاائد ألسنتهــم
بالله بنموت لو ماحشينا بفلانه وعلانه ؟؟ بتنكسر يدك وإلا رجلك .. ؟؟
إلا بناكل تراااب يوم نشوفها يوم القيامة تاخذ حسناتنا
حنا نتعبد ونجمع وهي تااخذه بالراحه

أمسكي نفسك لاتتكلم بأعراض الناس لاتفشي أسرار .. لو إضطريتي تعاقبي نفسك ..
إذا أغتبتي تصدقي عن اللي إغتبتي فيها بفلوووسك مو بفلوس أبوك
حُسن الخلق .. زينة المُسلم

النت وما أدراكما النت ..
فيه كثييييييير من يتهاون بالصورة الرمزية
تحط الصورة .. وماتدري يمكن تدخل النار بسبب صورة !
إيه صورة ..
لو يشوفها ولد بتكسب إثم .. الولد أخذها حطها ف منتدى ثاني .. تكسبي أثم لكل واحد مر وشافها .. أخذوها وكل واحد حطها ف منتدى وكذا كل عين شافتها ميزان السيئات يزيد ويثقل ويثقل وأنتي ياااغفلين لكم الله
خااصة مواضيع الفساتين !
تجي وحده طاايرة وتحط فستان عاااري واللي أو تتكلم عن الأغنية الفلانية أو المسلسل الفلاني أو الفلم وتجلس تتكلم فيه وتجي وحده تقول آبغى الفلم وهي ماتقصر تحط الراابط وماتدري وش بيصير بعد الرابط ... جنة

أو نــــــار

كثير يحطوا روابط اغاني في التواقيع في المسن من قل ذنوبكم تاخذوا ذنوب غيركم
من اليوم ورااايح لاتثقّلي ميزان السيئات
وأمسكي يدك عن كل شي حراااام

الدراسة
قال الرسول صلى الله عليه وسلم"من سلك طريقا يلتمس فيه علما سهل الله له طريقا الى الجنه"
طبعا بعد الاجازة
شدوا حيلكم وضبطوا الدرجات والمعدلات .. وإرفعوا روس نفسكم
وترا التنظيم والتقسيم والمتابعه بتسهل عليك المذاكره مره مره مره ..
ويقولون الدراسه وناسه ..
يقولون الله أعلم
في مدرستك أو في جامعتك لاتتأففي وتكدري نفسك ماادامك مجبرة وسعي صدرك

الناس تذااكر وتجتهد وأنتي تتأففي وتدعي الزبده ان الدراسه وناسه .. وطريق العلم طريق للجنه
ولازم النيه
,,
الطفش الزهق الملل
رطبي لسانك بذكر الله
وأنتي تشتغلي سبحي الله وهللي وأستغفري
إذا فيك ضيقة صدر ابكي نزلي دموعك لاتكتمي على قلبك
وإذا فيك ضحك إضحكي وانبسطي
تصارخي تتضاربي
شي طبيعي
تجيكي فترة زهق وملل وودك تسوي حاجات مدري وش تبي .. تحملي روحك وسايريها

نرجع للكمبيورتر
تعلمي حاجات تنفعك وتزيد كفة الحسنات
إذا تعرفي للفوتو والإيمج لاتترددي سوي دروس وإخدمي غيرك ... دعوااات تجيكي
إرسلي روابط قرآن للي عندك بالمسن
آرفعي روابط سور ونزيها بموضوع
لاطلعتوا بر حديقة أي مكان عام إملي جوالك مقاطع نافعه مفيدة نصائح ذكر إستغفار قرآن وإشتغلي بالبلوتوث ... كم وكم أجر حتكسبي ؟؟

زيدي ثقاااافتك طوري من روحك
كل يوم إقري كتاب
كل أسبوع
كل شهر للكسلانين
إقري فالمجال اللي تحبيه ..
تحبي تقري القصص .. خوذي كتب قصص نافعه ومفيدة العريفي كتبه حلوه كمان القحطاني كتبه حلوه
تحبي الشعر إقري كتب تطور مهاراتك فيه ..
تحبي الطبخ إقري كتب طبخ
عودي نفسك على القراءه
وخليك مثقفه مو دجاجه صقعا
حنا امة إقرأ .. وين القراءه ياناااس ؟؟
لاصار عندك موعد فمستشفى خوذ كتاب معك وإستغلي الإنتظار بالقراء ..
خلي القراءة عااااااادة
إقرئي وإقرئي

لا أحد يرد رجاءاً

[/BACKGROUND]

[بنت أبو خالد]

[BACKGROUND="100 http://store2.up-00.com/Sep10/5DX05810.jpg"]

حببي أهلك وأقاربك صاحباتك معلماتك فيك
أخدميهم سولفي معاهم لاتنطشي أسمعي لهم أنصحيهم حلي مشاكلهم بيدعون لك وبيحبوك
وبيظلوا يدعون لك بالخير ..
على الأقل إذا توفيتي تلاقي أحد يدعي لك
مو يدعي عليك ..

سوي لك جدول تخطيط إش بتسوي بدال الروتين اللي مامنه أي ..
نظمي وقتك وأشغلي وقت فراااعك باللي يفيدك وينفعك ..
ترى كثير ناس مايلقون وقت فراغ
تراك مغبونه عليه
وعلى فكرة ربي بيحاسبك علي وقتك إيش سويتي فيه

,,

ياختي ماتشتري لنفسك زي كذا ؟؟
وسعي صدرك أشتري أكل أشتري لبس ..
بس إيااااااااااك والإسراف ..
على شنو تشتري شنطه بـ 3000 مجنونه أنتي
الـ 3000 ألاف اللي زايده عندك ..
ترى تعيش نااااس كثيررر
وهذي أحدها ..


شوفي .. ونسي نفسك بالمعقووول
حطي لك خطوط حمراء ماتتجاوزيها ..
إذا تتمني رضاء ربك

,,

أحب اقول لكم إني احبكم قوووة
ولو عندكم شك .. كان ماصممت وكتبت وحمّلت وتعنيت ...
أتمنى من الله ثم منكِ ..
تطبقي اللي قلته ..
مو علشاني أنا

علشان نفسك تطوري مهاراتك تكوني محبوبه من الخلق والخالـق

عيشي حياتك زي ماتحبي وأنبسطي

إضحكي وإملي الدنيا بصوت ضحكاتك

شحلااااتك لا ابتسمتي <<-

عطري حياتك بالطاعة

لونيها بقرائتك للقرآن

... لاتنسيه فهو أنيس وحدتك

خليك صديقة للي تحبي ..

ونسيها .. سولفي معها ..

غيري جوها

خليك مبدعه
أبدعي .. وأبدعي
إفتخري بروحك .. بإبداعك
بس لاتصيري مغرورة

عيشي حياتك لحظة ب لحظه لاتخربي
على روحك بوقت الفرح
إفرحي وهيصي وإستانسي

خليك عون لمن يحتاجة
ساعدي من يحتاج ..
تصدقي إكفلي يتيم وياسعدك بالأجر

,,

إعذورني إن كان هناك تقصير ..
فإن وجد تقصير ..
فمني ومن الشيطان الله يكفينا شره الحقير
وإن كنت كفيت ووفيت فهذا من الله وحده
{سبحانك لاعِلم لنا إلا ماعلمتنا}
سبحانك الله وبحمدك أشهد أن لاإله إلا أنت أستغفرك وأتوب إليك ..
أختكم / بنت أبوخالد

مخرج /

تعال وحط في قلبي هموم الفرقى وأشيلك

لِأن القلبماهو قلب إذا في نبضه ماشالك

قضى دمعي من عيوني أبي من عينك أبكي لك
أخاف أبكي على طيفك ...... وأبعثر جية وصآلك

[/BACKGROUND]

[عُباب]

وااااااااااااااااااااااااااااااااااااااااااو

رووووووووعه بمعنى الكلمه مبدعه صدقين قبل ما اقرى كلامك
كنت مالي خلق الجلد الي علي

بس تغير مزاجي يوم قريته

الله يكتبه بميزان حسناتــــــــــــك

[متصفحة]

ماشاءالله يابنت أبو خالد

بدية بـ عنوان الموضوع ثم فكرة الموضوع .. ثم طريقة العرض والتنسيق

ثم الشكل العام له ..

تبارك الله

أبدعتي غاليتي ..

وصدقتي فكما قيل .. الحياة حلوة بس نفهمها > هجت به خخخخخ

من جد يعطيك ألـ1000ــف عافية على الطرح الرائع ..

دمتي ..

[%زهرة الجوري&]

طرح تخطى حدود الجمال والروعــة
الله يعطيكـ العافية ويحقق لكـ ماتتمنين
شكـــــراً لكـِ غـــالـيــتــي

[هايين]

الحمد لله من قبل ومن بعد

..
بنت ابو خالد
موضوعك مدهش

شامل كامل
ماشاء الله


شكرالك من الاعماق
..

[بسومة تميم]

موضوع اتعب وانا اقول رووووووووووووووعة
الفكرة خيال وطريقة العرض مشوقة وكلامك يحكي واقع مجتمعنا
يارب نساعد انفسنا اننا نجعل الحيـــــــــــــاة حـــــــــــــلوةجزاك الله خير على كل حرف كتبتيه

[شمعة حنين]

و الله موضوعك بث روح المثابره

والهمه اللي بي

ياليتني مشرفه و الله لأثبته

الصراحه كلمات الشكر لا توفيك حقك

أبدعتي بالطرح و نصايحك ستضل معلقه في ذاكرتي

نعم لا ليس مانع أن تلعبي تفرحي تنبسطي بس بحدود الشريعه

وتأدي واجباتك و حبذا لو فعلتي السنن

الله يجعل التوفيق حليفك موضووووعك بقمة الرووووعه

جزاك الله خير ونفع الله بك يا بنت بو خالد

[أشوووقي]

بنت ابو خالد كفيتى وفيتي
موضوع مهم بحياتنا اليوميه
بجد الموضوع يستحق التميز..

[الصمت الهادئ]

ياآآالله ماأدري وش أقول والا وش أخلي
صراحة روعة الموضوع شامل جمع بين الشكل الجمالي
والتنسيق والمفيد
مبدعه غاليتي بنت ابو خالد
موضوع لايكفيه التميز بل التثبيت ليستفيد الجميع
ودمتم بحفظ الله

[نــديم الجــرح]

يَ لِروعتكِ !

الجمال هنا لا نهآية له ،،

يَ رب لا تحرمها الأجر ،،

[رايسل]

ماشاء الله تبارك الله , بـِ أسلوبكِ الطيب الجميل جعلتي للحياة مفهوم جلي لمن يجهل ذلك !
رأيت الحياة كما أحببتي أن نشاهدها من منظاركِ ووجدتها فعلًا حلوة كما ذكرتي .
+ كلما اقتربنا من السماء كلما تضاعفت سعادتنا , ازداد حجم مسؤوليتنا , استشعارنا بـِ سمو ذواتنا !
بنت أبو خالد ..
قلائد شٌكر تعانقكِ ,
بوركتّ هذه الروضة وصاحبتها.

[أبتسم وكُلـ أمل ـي]

بنت ابو خالد
وحنّا نحبك اكثر واكثر
بداية من عنوان الموضوع ونهاية بالمخرج
رآآآآآآآآآآآآآآآئع جداً
موضوع قيّم ومن ابداعاتك ويحكي حياتنا اليومية ..
يستحق التميز بجدارة ..
أبارك لكِ طرحكِ الرائع وأسأل الله أن يبارك بهِ ..
وفقكِ الله وأسعدكِ في الدنيا والآخرة
~