[بكل صراحة]

السلام عليكم ورحمة الله وبركاته

كلكم يحفظ أو سـمع عن قصص الحارين ( رجل حار الطبع ) وعلى النقيض منه الباردين أو مانسـميهم بالثلوج مثل اللي عنده دورية لعائلته وعليه الدورية وكاشت بالطرفية من الفجر ولا جاء إلا العصر ؟؟

وأما الحارين أو مايسـمون باللي يلفون قبل العاير وفي لفظ ( يآكله بقدره ) مثل اللي قال لزوجته لاطلعنا من صلاة العشاء خلي العشاء والم ( يعني جاهز ) المهم المرة ماقصرت ولمت العشاء على ماقال ويوم جاء وإلى العشاء مرقوق , والمرقوق من طبيعته الحرارة , يوم غط يده لقاه حااااار
ومير يقول ( الله لايربحك ) ويقوم ويآخذ العشاء ويطلع بوه للشارع , وجماعة المسجد توهم يتطالعون ومن شدة الحرارة يقول للناس والعشاء بيده ( عاد هذا ينهاط ) ومعنى ينهاط أي يستطيع الإنسان لمسه بسهولة ودون ألم

هنا أضع هذا الموضوع لتنثروا ماعندكم من مثل هذه القصص على أن تحدد هل أنت بارد أم علب ( حار )