[قوت]

السلام عليكم ورحمة الله وبركاته :
اليوم جايه لكم بموضوع باطــن تسبدي من أول الترم وهي حالة كلية بريده الاهليه ...الــى متىىىىىىىىى ...؟
كليه سمعتهـآآآ بكل مكان مـآآبهـآ دكـآآتره ...؟ أنـآ طالبه ادرس بهذي الكليه والله العظيم من اول الترم ما اخذنا الا على محاظره او محاظرتين بالماده وأغلب ايام الاسبوع عندي أوف ليـــــــــه ...؟ يقولون مافيه دكاتره طيب مافيه دكاتره لاتفتحون كليه كبر أقريح وماتوفرون فيها شي .. أجل كليه مابه مـآآآيك بالشبكات ..؟ فيه قسم من الاقساام جلسو اسبوعين يشرح لهم الدكتور بدون ماايك ؟ اعنبو دااركم تراه مآآيك ما قلت لكم جيبو لي شاشة سينمــآآآ...؟ ولا قالو للدكتوره خربـآن قالت ..كلمه دايم ترددها ( رآآح نجيب تـآني ) الى متى تبي تجيب تــآني خلص الترم وهي تبي تجيبه ؟
بس جيدين بالقرارات الصاارمه لاتلبسين ولاتحطين .مآآصارت كليه اهليه صارت مدرسه حكوميه والا درااسه وتوفير دكاتره والله ما يدرون عنه ...<~ تصيح من القهـر
هذآآ اول شــي "
عـآآد نجي للطآمة الكبرى وهو المبنــى ...!؟
مبنــى خآآيس الى بـكره ..بالله عليكم فلوس يـآخذونه مادري وين تروووح ..!؟
كليه قمت القذاره والوصـآخه تكرمون دورات ميـــآآه قذره وين عاملات النظافه ..؟ الواحد يكره عمـره لا دخل الكليه مايدري وين يجلس فاارشين لنا الحووش ثيل يحسون انهم الحين موفرين لنا كل شي السجــآده وهي السجآآده أخذوه منا ليييييييييييييييييييييييييه ؟
الوحده جالسه بالمكتب وفوق رآآسه المكيف وحنا بهالشموووس وياخذون السجاده بعد ؟قســم بالله مهب حاله <~تقول الله يجعهلم ما يكدون علي
سؤال تدرون متى نظفوا دورات الميــآآه ..؟ <~منقهره
يوم الثلاثاء كانت فيه دوره بالكليه بعد صلاة العصر والدوره عاامه للكل مو بس بنات الكليه وبذاك اليوم صاااااااارت الكليه بقمت النظاافه وشمينا ريحت الديتول .. من دخلت الكليه اووووووووول مره اشم ريحة المنظفات
لييييييييييييه ...؟يعني حنا زبايل والنااس الجايه غير ؟ والا يبون يزينون نظرة الكليه الخاايسه بعيون الناس ؟
والمشكله ينظفون ويحطون من المطهرات وتكرمون البلاعات متسكره
والله ما اقول غير حسسسسسسبي الله عليهم ونعم الوكيل .. والله لوهو ريال عندك لهم جو لمك ويضحكون بالوجه والا اذا اخذو الريال ما والله تشوفين رقعت وجيههم ولا يدرون انتي عندهم بالكليه والا لا
وهاذي معاناة كل طالبه بكلية بريده الاهليه ..

[يربش بريده]

صح انا معاناتي من معاناتك
في الكليه الاهليه ماغير اخذ من الفلوس والشي الي يقهر انا متخرج منها من سنتين
والحين جالس بي البيت والله شي يقهر وين التوظيف المضمون
والله نهب من الفلوس المضمون
والنفس الشينه

[المنذبح]

الله يعينكم وعسى الله يفرجها عليكم ..

[المحتار111]

اذكر ان المشرف عليها من الناس الي مجتهدين وهو الدكتور عبدالله الشتيوي وهو رجال متفهم جدا

حاولي تدخلين موقع الكليه وترسلين الشكوى الى الكليه

وملاحظه اختي عليك ولاتزعلين انتي طالبه جامعيه وتملكين من الثقافه مشاء الله واستغرب من بعض كلماتك التي لا تدل على طالبه جامعيه اتمنى اختي انك توجهين النقد ويكون نقد هادف مو تجريح

وتعلمين عن هذا الصرح كلية بريدة الاهليه هو منفع للمدينة بريدة لذالك ملاحظاتك ارجو ان تكون لي تطوير الكلية وليس لي تجريحها


تحياتي لك

[τйάңεεď άΙјяǿǿ7]

-



آخيراً حصصلت آحد نفس معآنآتي ‘
آجل فيه كليه ب العالم كله مدخل الطالبات والعميده والدكتورات من بوابة
دورات المياه ..!

المحتاار عذرا / لو إنك دخلتها بس مراا ولا جربت تدرس
فيها وتدفع فلوس الأترام غير السواق وفوق كل هذا ضرب المشاوير
علما ان بيني وبين الكليه ساعه !

كان ماقلت هذا الكلام ‘‘

طيب ماعندكم دكاتره ولا أهلتو الكليه تأهيل كامل
ليه تحطون منح !

ليه تجمعون خلق الله وتوهقونهم ولا بس عشان تاخذون الفلوس !!
كان خليتونا بكليتنا اللي بحي النور وعلى دكتوراتنا وقاعاتنا

ولا تأهلتو زين وكملتو كل شي نقلتونا للمكان المقطوع ‘
شهرين نتردد ولا طلعت فيهم الا بكم محاضره !
وجايين الاسبوع اللي راح يقولون بدينا ب الكويزات خيير كويزات على لاشي اخذناه ..!

ولا ندرس كتاب والاسبوع اللي بعده يغيرون المنهج والدكتور وكل شي وحنا ماغير مسوين كذا
وندرس الاسبوع اللي بعده منهج غير وبعد كم يوم يرجعون لنا المنهج اللي قبل
خير هو لعب ولا لعب بزران

ماغير دارت روسنا من هالكتب وهالدكاتره اللي يدخلون علينا شي لنا
وشي مو لنا

والاسبوع اللي راح طب ماعندهم دكتور قالت لهم العميده كل وحده تحضر بقاعه ..!
سواء المنهج يخصني ولا لا احضر والله مهزله

هذا فيض من غيض مدري غيض من فيض << اختاروا
وماخفي كان اعظم

ماقول غير الله يصبرنا عليكم
قايله لأهلي بصبر الى بعد العيد اذا استمر الوضع كذا
مالي جلسه عندهم انا مااكد على خلق الله

يمدحون جامعة القصيم الآهليه اقلها مبنى يفتح لنفس شرح وكبير
وكل شي فيها يمدحونه

قوت تصيرين صقيقتي ب الكليه ‘

..

[ξــزتــےِ مَالهَـآ כــد]

الله يعينكم
والله ماحدكم الله

[CR!S]

اتفق معكم الكليه حالتها مزريه جدا بشهادة طالباته

[Sultan1]

الله يعينكم.....

[قبلة الكون]

آلــωــلآم عليــڪــم ورحمـہ الله وبرڪــآتــہ


لاحول ولا قوة الا بالله

[حديقة العنب]

نحن المجتمع وتفكيرنا من جعلهم يتهاونون حيث ان من تدخل مدرسه او كلية اهليه تكون للراحة فقط فاصبحا وضعنا ووضعوا طلابنا مرزي ومخرجاته سيئة لذلك الكلية تهاونوا بكم لانهم يرون انكم ما دخلتوا اهلية الا للعب لايعلمون ان الشخص كلما ارتفع في مستواه كلما اصبح مهتم بتعليم ويشعر بأهميته لذلك اختي ارفعي شكوى وذكري مدى انزعاجكم من تأخر المحاضرات وانكم دفعتوا لكي تكونوا الافضل في كل شئ وذيلي الشكوى بتوقيع من الطالبات حتى يشعروا بمدى اهتمامكم

[حديقة العنب]

نحن المجتمع وتفكيرنا من جعلهم يتهاونون حيث ان من تدخل مدرسه او كلية اهليه تكون للراحة فقط فاصبحا وضعنا ووضع طلابنا مرزي ومخرجاته سيئة لذلك الكلية تهاونوا بكم لانهم يرون انكم ما دخلتوا اهلية الا للعب لايعلمون ان الشخص كلما ارتفع في مستواه كلما اصبح مهتم بتعليم ويشعر بأهميته لذلك اختي ارفعي شكوى وذكري مدى انزعاجكم من تأخر المحاضرات وانكم دفعتوا لكي تكونوا الافضل في كل شئ وذيلي الشكوى بتوقيع من الطالبات حتى يشعروا بمدى اهتمامكم

[يوسف 2000]

كلية اهلية وببريدة وادارتها من بريدة ستصبح كمستشفى القصيم الوطني وغيرها من فشل الي فشل والضحية الطلاب والمرضى .... أعطي الخبز لخبازة حتى لو اكل نصفه والله يعينكم على عقول تعتقد ان الأدارة هي الجلوس على الكرسي والأمر والنهي والبحث عن الدراهم ونومة الظهر ولا ذمة ولا ضمير كلهم بالثلاجه .

[ماعبركـ لاتعبرهـ..,]

الله يوفقكم ويعينكــــــم,,,,,,,........""