حينما ضاع الوزيرالرشيد بالصمان

برجس · 02-02-2005, 06:51 PM

اهداء :

هذا المويضيع اهداء لابي ابراهيم (مدحت بن شوقي آل بريده)
لانه يحب الرشيد بقوووووه :D ( احلق ابطي الايسر وانت متجه للقويعيه ) :D

تبون الصدز ..
بالاصل كان هالموضوع رد في موضوع مدحت بالعام عن ضياع الوزير
تلقونه على هالرابط
http://www.buraydahcity.net/vb/showt...threadid=41602

وبيني وبينكم يوم شفت الرد طووويل بقوووه
قلت بيني وبين نفسي وراء ما انزله على شكل موضوع مستقل؟
قالت نفسي : مهب شينه .. قدااااااااام
رديت عليه : اهاااااا بس انثبري

.. مير ماشاورتس

خذ هالمويضيع يامدحت وادع على من ظلمك
وانتم بعد استلموا ..

زبدة الخبر اللي نقله مدحت :

(( خرج وزير التربيه والتعليم الرشيد .. مع رفقائه من كبار الشخصيات الى احد المخيمات في منطقة الصمان ..
واثناء الصباح خرج الرشيد ليمشي على رجليه .. وضاع )) :D

تخيلت الرشيد وهو يطلع من الخيمه
يقول عن اذنكم ابطلق رجليني شوي ..
وهو يتسذب حسران وودوه يطير الشراب لكن مستحي يعلمهم
يخاف يقولون وزير ورايح يزغـ .... <<< هذي عشان الطير مايبلشنا بالتحرير :D

يوم راح وراء حدا الشجر وهو قاعدن يطير الشراب سج وقعد يفكر بهموم التعليم والمعلمين والطلاب
سبحان الله حتى وهو بهالموقف مشغول باله بابنائنا (أيه هين)

يوم قضى ويضيع الدرب من كثر التفكير
ويدرعم مايدري وين الله حاطه
ويهيم على وجهه بين الفياض
وهو يقلب ناظريه في جمال الطبيعه
طبعا وهو يمشي يفكر بهموم الوزاره .. هذي مابه شك ولا تطريز

الرجال درعم وابعد عن خيمتهم ونسى نفسه الله يلوم اللي يلومه
ربعه تباطوه لكن قالوا ماودنا نقطع على الوزير تأمله في المناظر الطبيعيه الخلابه
تخبرون تأمل الوزير مهب مثل تأمل المواطن العادي .. يزود عليه الضعف

قربت تغيب الشمس وابو الرشد مارجع
والله الضيعه القشراء
حتى الوزراء ضيعتهم تختلف عنا :D

انقل لكم وضع ابوالرشد وهو هائما على وجهه تتلاطمه الاجواء البارده في الصمان << يحلفون اني معه :D

تخيلوا طاقن البشت والكنادر ومشخص يحسبه بمكتبه بالوزاره

مابه شك انه خنقته العبره
لكن يصبر روحه ويقول مهب معقوله وزير وماسكن وزاره واصيح
تصبر
وتصبر
لكن ماش
خيوط الظلام بدأت تنساب على اراضي الصمان الجميله
قال منب صايح الا لين يظلم الجو
عشان مايشوفون دموعي اذا انقذون <<< قوي بأس حتى وهو بهالموقف

لو شفتوا تراوه ذهين وزيرنا المبجل ..
وهالحركه مايسويه الا وزير التعليم باليابان :D

قسم الله ان راعي جيب شاص هو وخويه خطموا عليه
شباب شقرديه رايحين يجيبون واحدن من ربعهم مواعدينه عند المحطه اللي بمدخل الصمان

والله ويشوفون هكالزول من بعيد
يحسبونه بالبدايه ناقه ضايعه :D

قال واحدن منهم خل نتماكن الناقه
شي ببلاش ربحه بين

التفت عليه السواق وقال : يارجال تعوذ من بليس وش نبي بالحرام وحنا تونا طالعين من السجن :D
صاروا خريجين سجون وراعين جريات الله يكفينا الشر

ثم اردف قائلا السواق : خل مير نروح ونناظر يمكن نلقى به وسم لراعيه :D

ويبدأ الزول بالحركه والمناقز
التفت السواق لخويه : شكل الناقه وطت شيء .. اما حيه والا قعس <<< يسمع بالتخمينات :D
قال الثاني : اتوقع ذيب عض رجله .. والا ضب قبسه :D

كل ماقربوا زادت الحركه والمطامر
كل ماقربوا تبين لهم الزول

عوووووووووووو <<<< هذا صوت فرامل الشاص
هههههههههههههههه
اما صوت فرامل على طين :D

لا تدققون .. هما السالفه تسذب بتسذب ... وسعوا صدوركم :D

المهم .. يوم وقفوا عنده
الا والله هذا زول آدمي مهب زول ناقه :D

سلام عليكم
مارد الوزير على السلام من الروعه والوحشه والفرحه باللي جو ينقذونه .. المشاعر اختلطن عنده :D

نزلوا من الموتر
عسى ماشر يالحبيب؟
ابي اصدقائي وربعي ... ودون لاهلي <<<< يناشق من الصياح ابوالرشد

سم ابشر .. ردوا عليه
لكن وش جايبك بذا؟
ووين اهلك؟

ضيعت ربعي ... ويكعه صيحه .. وعععععععععععععععععع

افااا .. هذا كبرك وتصيح؟!!

ماصحت من الضيعه .. انا صحت يوم اظلم الوقت .. العصر ماصحت
لكن يوم الدنيا اظلمت خفت من الذيابه <<< متأثر بالقصص :D

عطوه ماء يشرب لانه ناشفن ريقه الضعيف .. همن ركبوه بالوسط بينهم :D

وهم بالطريق يدورون مخيم ربعه
سأله السواق : وراك طاقن البشت ومشخص تقل تبي تراجع وزارة التربيه والتعليم
رد وهو يتنافض من الروعه لانه راكبن بين اشناب

شنب الواحد منهم من القهر داخلن بعين الرشيد :D
قال : انا وزير التربيه والتعليم الرشيد <<< يقاله يبي يخليهم يفزعون معه اكثر

ضحك السواق وناظر خويه وغمز له : الظاهر ان الرجال معطبها ومهب صاحي
انا من يوم شفته طاقن البشت بالبر وانا داخلن الماء

قال الرشيد : وقسم بالله انا الوزير الرشيد .. والله العظيم انه انا

سم ابشر .. ابشر .. ان بغيت تصير كوفي عنان بس فكنا

يعني ماصدقتون ..
ويدخل ايده بمخباته ويطلع البوك <<< خابرن الوزراء مايشيلون ابواك مثلنا .. هذا وزير ملحط :D
ويطلع لهم الاثبات
ويولع لمبة السقف السواق ويقرون الاسم
الا والله هذا الوزير بشحمه ولحمه

ويلتفت عليه السواق .. ياولد اللذينا آمنوا
اثروووووه انت
ويطير عيونه على الرشيد
وتبدأ تصافق ركب الرشيد من الروعه .. ليتي ماعلمتهم

قال السواق : ياولد اللي منب قايل وراكم تحولونن ليلي (وجه علتز)
هذا النظام يا ابني <<< يقوله بكل برووود

بلا نظام بلا هك ... قم انزل اركب بالحوووض
يالله انتزلع
وينزل ويتله مع ايده ويجره :D

ويركب الوزير بصندوق الشاص :D

ويدورون لين شافوا خيام كبار وعليهن عقود لمبات
قالوا اكيد هذولا هم ربعه

ويوقفون حول المخيم ويقول السواق للرشيد : انزل شف هذولا ربعك والا لا
رد الرشيد : منب نازل .. اخاف انزل بلحالي

ويشطرون الموتر بعيييد وينزل الراكب ويسالهم : مافقدتوا لكم غليّم؟ :D
رد احد الوكلاء بحزن : الظاهر هذا محشش .. لاتردون عليه .. اخسروه
كرر الهرج عليهم : اقول يالربع مضيعين لكم احد؟
يوم قال مضيعين وتطير عيونهم ..
اييييه مضيعين الوزير محمد الرشيد حفظه الله وابقاه ذخرا لعلم والتعليم << الله من النفاق حتى بالبر:D

ضحك عليهم وقال الحقون خوذوه من حوض الموتر لانه متوحش ينزل بلحاله :D

وهكذا التم شمل الوزير الرشيد بربعه واصدقاءه في الصمان

والله لايعيده من كشته :D

مايستفاد من الموضوع :

1) يجب على الوزراء انهم مايكشتون الا ومعهم محرم قصدي مرافق .
2) يمنع منعاً باتاً لبس البشت والكنادر بالبر وخاصة بالصمان .
3) ان قسم الله على وزير وكشت لازم يطير الشراب ببيتهم عشان مايبلش ربعه ويضيع عليهم .
4) من لقى وزير ضايع بالبر لاينقذه عشان مايبلشه بالصياح .
5) ان لقيت وزير ضايع بالبر ركبه بالحوض وراء عشان مايحوم تسبدك بهرجه .
6) ان لقيت مخيم الوزير اللي ضايع نزله عند رواق مخيمهم وتوكل على الله .

المستشار · 02-02-2005, 11:56 PM

ههههههههههههههههههه
تسيم ، يا برجس ..
الصراحة طنزة من الدرجة الأولى <== الدرجة و لا عتبت الباب ..

و أنا أشد مشهد شدن بقوه هو / التالي :
---------------
قال الرشيد : وقسم بالله انا الوزير الرشيد .. والله العظيم انه انا

سم ابشر .. ابشر .. ان بغيت تصير كوفي عنان بس فكنا
--------------

ياخي تخيلته قداااااااااامي يمطع من الحلوف ..
و الأيمان المغلظة :D

يا حبي لقليبك يا برجس ..
زدنا ..

برجس · 03-02-2005, 12:00 AM

هههههههههههههه
انت شفت يالمستشار

تخيلت شكل ابوالرشد وهم مجلسينه بينهم
ويمطع من الحلوف

وقسم بالله اني انا الرشيد
والله العظيم انا الرشيد
صدقوووون
والله ما اتسذب عليكم

يحلفون انه ملا الغماره تفااااال - الله يكرمكم - :D

من القهر بغوا يحطونه بالدرج :D

شكرا لمرورك يالمستشار

اما شكرا لمرورك
ههههههههههههههههههههههه
تحس اني مثقف ولابسن نظاره مقعره :D

بلا شكرا لمرورك بلا هم

المستشار

دنننننننننن هناااااااااااااااااااااااك :D

:D:D
:D

سكري القصيم · 03-02-2005, 04:01 PM

ههههههههههههههه

هههههههه
تنسيييييييييييييييييييييييم

برجس الصراحه اني دخلت جو

تخيلته قدامي

افكر امثله بالمركز

اما قولكم
_____________________

ويلتفت عليه السواق .. ياولد اللذينا آمنوا
اثروووووه انت
ويطير عيونه على الرشيد
وتبدأ تصافق ركب الرشيد من الروعه .. ليتي ماعلمتهم

قال السواق : ياولد اللي منب قايل وراكم تحولونن ليلي (وجه علتز)
_____________________

حسيت انهم عرابجه

اجمل مبلقصه هذي

ننتضر منك المزيد

وشكراً لكم

الذهبي · 03-02-2005, 04:08 PM

هههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههههههههههه

والله إنك منسم إما لكم وزير معارف ضايع ... ذي تنسيييييم

المستشار · 03-02-2005, 06:41 PM

ههههههههههههههههههه
برجس على طاري يحطونه بالدرج ..
أنا عندي لغز أتحدااااااك تحله <== ما عاقت ولف لغز ..

أبيك تحط ( وزير المعارف ) بدرج حوض على ثلاث خطوااات ..
أتحدااااااااااااااااااااااااااك ..

-*-*-*-(( الحل ))-*-*-*-
الخطوة نمبر ون : أفتح الدرج بعد ما تحر حره و مع الترجيف و التشويت ..
الخطوة نمبر تو : عرفط الوزير ، و دسه بالدرج .
الخطوة الثالثه : صك الدرج و رك عليه رجلينك كلهن على شان ما يطلع ..

خطوة إضافيه <== مهب معكم بالإختبار :D قفل عليه بالمفتاح و أبلعه ..

برجس .. !!
وين هوبه أدن ؟؟
أنت تقول دن هناك تراي ما أشوف زين بذا و لا بذاك ..
أنت تعني عند الرمثة ذي و لا الي بعده ؟؟

حدد .. أولاه .. <==== الله يخلف على أهله واحدن غيروه .

سكري القصيم · 10-02-2005, 05:59 PM

ياخي حسافه يروح هلمقال

ودي يقرونه الشباب على شان تسذا رديت

بريماكس · 11-02-2005, 03:41 PM

برجس ..
تنســــــــــــــــــــــيم ،،
على هالوصف ..

والحمد لله أرتحنا منه .. و أرتاحت الوزارة ..

شوكرن برجوس ..

لا تبطي عنى بمثل هالمواضيع ..
صراحة يهبلن ..

يالله مع السلاااااااااااامة
بريماكس

الوسيــــــم · 11-02-2005, 06:17 PM

مبارك الوزير الجديد ..
أسأل الله تعالى أن يوفقه ..

لكن ياأخوان .. بارك الله فيكم ..
إنتبهوا أن تغتابوا اخوانكم المسلمين مهما كانت نواياهم ..
وادعوا لهم بالهداية والصلاح والرجوع إلى الرشد ..

الغيبة .. أمر خطير ..
"ولا يغتب بعضكم بعضا أيحب أحدكم أن يأكل لحم أخيه ميتا فكرهتموه"

وقال النبي عليه السلام:"كل المسلم على المسلم حرام, دمه وماله وعرضه"
والغيبة تتناول العرض ..

ولا يظن أحدكم بي شراً ..
فأنا لاأوافق الرشيد في أفكاره بتاتاً , ولكن إدعوا له بالهداية ..

abdrmd · 13-02-2005, 07:51 PM

كالعادة مبدع

abdrmd · 13-02-2005, 07:55 PM

طبعا بالكذب

المنخرش · 13-02-2005, 08:26 PM

اقتباس


	المشاركة الأصليّة كتبت بواسطة برجس مدحت

وهذه الكلمة مأخوه من نخاع وحيد القرن
وهي معناه التمليح والرنح
بضم النون المرتخية ورفع العين إلى أسف
بحيث تصبح

وتمسي:D

المتملدح
وكان العرب يقولون
امتلدحت الناقة

أي: انكسرة عروتها
===========
أقول مدحت

ريم : كم عمره

برجس · 13-02-2005, 11:44 PM

بسم الله نبدأ الردود

سكري القصيم :

شوكرن على الرد الكويس <<< ماعندوه شيء يقوله لك :D

الذهبي :

هذا بعض مما عندكم حفظكم الله

المستشار :

لايسمح بالرد في الموضوع مرتين

لذلك جرى التنبيه انت وخشك اللي تقل بلكه مجدوعه ببرحه :D

سكري القصيم :

انت مسموح لك الرد مرتين لانك مدحتن :D

بريماكس :

هلا بابوالبرايمكس :D
اخبر فيه موضوع لي بالمنتدى العام موجه لك
وراك طنشته وجيت ترد بذا؟؟!!
<<< وجه بن فهره :D
شوكرن يالغالي على الرد ورفع المعنويات

الوسيم :

شكرا على النصيحه

وجزاك الله خير على التذكير

برجس · 13-02-2005, 11:48 PM

abdrmd

فرحت يوم شفت ردك الاول
وجان احباط يوم شفت ردك الثاني

تراي مسامحك لانك طبيت بحوض بطني

وتراك بالف حل

المنخرش :

والله يا انت اخويتنا بالناقه اللي تنقله من موضوع لموضوع!!

ياخوي ماعندك هرج غير هالناقه
تراي اببلغ عنك المسعولين بالمنتدى
واخليهم يسجنونك <<< يقالوه يخوفك :D

:D:D
:D

02-02-2005, 06:51 PM	#1
برجس عـضـو تاريخ التسجيل: Oct 2001 المشاركات: 1,061	حينما ضاع الوزيرالرشيد بالصمان اهداء : هذا المويضيع اهداء لابي ابراهيم (مدحت بن شوقي آل بريده) لانه يحب الرشيد بقوووووه :D ( احلق ابطي الايسر وانت متجه للقويعيه ) :D تبون الصدز .. بالاصل كان هالموضوع رد في موضوع مدحت بالعام عن ضياع الوزير تلقونه على هالرابط http://www.buraydahcity.net/vb/showt...threadid=41602 وبيني وبينكم يوم شفت الرد طووويل بقوووه قلت بيني وبين نفسي وراء ما انزله على شكل موضوع مستقل؟ قالت نفسي : مهب شينه .. قدااااااااام رديت عليه : اهاااااا بس انثبري .. مير ماشاورتس خذ هالمويضيع يامدحت وادع على من ظلمك وانتم بعد استلموا .. زبدة الخبر اللي نقله مدحت : (( خرج وزير التربيه والتعليم الرشيد .. مع رفقائه من كبار الشخصيات الى احد المخيمات في منطقة الصمان .. واثناء الصباح خرج الرشيد ليمشي على رجليه .. وضاع )) :D تخيلت الرشيد وهو يطلع من الخيمه يقول عن اذنكم ابطلق رجليني شوي .. وهو يتسذب حسران وودوه يطير الشراب لكن مستحي يعلمهم يخاف يقولون وزير ورايح يزغـ .... <<< هذي عشان الطير مايبلشنا بالتحرير :D يوم راح وراء حدا الشجر وهو قاعدن يطير الشراب سج وقعد يفكر بهموم التعليم والمعلمين والطلاب سبحان الله حتى وهو بهالموقف مشغول باله بابنائنا (أيه هين) يوم قضى ويضيع الدرب من كثر التفكير ويدرعم مايدري وين الله حاطه ويهيم على وجهه بين الفياض وهو يقلب ناظريه في جمال الطبيعه طبعا وهو يمشي يفكر بهموم الوزاره .. هذي مابه شك ولا تطريز الرجال درعم وابعد عن خيمتهم ونسى نفسه الله يلوم اللي يلومه ربعه تباطوه لكن قالوا ماودنا نقطع على الوزير تأمله في المناظر الطبيعيه الخلابه تخبرون تأمل الوزير مهب مثل تأمل المواطن العادي .. يزود عليه الضعف قربت تغيب الشمس وابو الرشد مارجع والله الضيعه القشراء حتى الوزراء ضيعتهم تختلف عنا :D انقل لكم وضع ابوالرشد وهو هائما على وجهه تتلاطمه الاجواء البارده في الصمان << يحلفون اني معه :D تخيلوا طاقن البشت والكنادر ومشخص يحسبه بمكتبه بالوزاره مابه شك انه خنقته العبره لكن يصبر روحه ويقول مهب معقوله وزير وماسكن وزاره واصيح تصبر وتصبر لكن ماش خيوط الظلام بدأت تنساب على اراضي الصمان الجميله قال منب صايح الا لين يظلم الجو عشان مايشوفون دموعي اذا انقذون <<< قوي بأس حتى وهو بهالموقف لو شفتوا تراوه ذهين وزيرنا المبجل .. وهالحركه مايسويه الا وزير التعليم باليابان :D قسم الله ان راعي جيب شاص هو وخويه خطموا عليه شباب شقرديه رايحين يجيبون واحدن من ربعهم مواعدينه عند المحطه اللي بمدخل الصمان والله ويشوفون هكالزول من بعيد يحسبونه بالبدايه ناقه ضايعه :D قال واحدن منهم خل نتماكن الناقه شي ببلاش ربحه بين التفت عليه السواق وقال : يارجال تعوذ من بليس وش نبي بالحرام وحنا تونا طالعين من السجن :D صاروا خريجين سجون وراعين جريات الله يكفينا الشر ثم اردف قائلا السواق : خل مير نروح ونناظر يمكن نلقى به وسم لراعيه :D ويبدأ الزول بالحركه والمناقز التفت السواق لخويه : شكل الناقه وطت شيء .. اما حيه والا قعس <<< يسمع بالتخمينات :D قال الثاني : اتوقع ذيب عض رجله .. والا ضب قبسه :D كل ماقربوا زادت الحركه والمطامر كل ماقربوا تبين لهم الزول عوووووووووووو <<<< هذا صوت فرامل الشاص هههههههههههههههه اما صوت فرامل على طين :D لا تدققون .. هما السالفه تسذب بتسذب ... وسعوا صدوركم :D المهم .. يوم وقفوا عنده الا والله هذا زول آدمي مهب زول ناقه :D سلام عليكم مارد الوزير على السلام من الروعه والوحشه والفرحه باللي جو ينقذونه .. المشاعر اختلطن عنده :D نزلوا من الموتر عسى ماشر يالحبيب؟ ابي اصدقائي وربعي ... ودون لاهلي <<<< يناشق من الصياح ابوالرشد سم ابشر .. ردوا عليه لكن وش جايبك بذا؟ ووين اهلك؟ ضيعت ربعي ... ويكعه صيحه .. وعععععععععععععععععع افااا .. هذا كبرك وتصيح؟!! ماصحت من الضيعه .. انا صحت يوم اظلم الوقت .. العصر ماصحت لكن يوم الدنيا اظلمت خفت من الذيابه <<< متأثر بالقصص :D عطوه ماء يشرب لانه ناشفن ريقه الضعيف .. همن ركبوه بالوسط بينهم :D وهم بالطريق يدورون مخيم ربعه سأله السواق : وراك طاقن البشت ومشخص تقل تبي تراجع وزارة التربيه والتعليم رد وهو يتنافض من الروعه لانه راكبن بين اشناب شنب الواحد منهم من القهر داخلن بعين الرشيد :D قال : انا وزير التربيه والتعليم الرشيد <<< يقاله يبي يخليهم يفزعون معه اكثر ضحك السواق وناظر خويه وغمز له : الظاهر ان الرجال معطبها ومهب صاحي انا من يوم شفته طاقن البشت بالبر وانا داخلن الماء قال الرشيد : وقسم بالله انا الوزير الرشيد .. والله العظيم انه انا سم ابشر .. ابشر .. ان بغيت تصير كوفي عنان بس فكنا يعني ماصدقتون .. ويدخل ايده بمخباته ويطلع البوك <<< خابرن الوزراء مايشيلون ابواك مثلنا .. هذا وزير ملحط :D ويطلع لهم الاثبات ويولع لمبة السقف السواق ويقرون الاسم الا والله هذا الوزير بشحمه ولحمه ويلتفت عليه السواق .. ياولد اللذينا آمنوا اثروووووه انت ويطير عيونه على الرشيد وتبدأ تصافق ركب الرشيد من الروعه .. ليتي ماعلمتهم قال السواق : ياولد اللي منب قايل وراكم تحولونن ليلي (وجه علتز) هذا النظام يا ابني <<< يقوله بكل برووود بلا نظام بلا هك ... قم انزل اركب بالحوووض يالله انتزلع وينزل ويتله مع ايده ويجره :D ويركب الوزير بصندوق الشاص :D ويدورون لين شافوا خيام كبار وعليهن عقود لمبات قالوا اكيد هذولا هم ربعه ويوقفون حول المخيم ويقول السواق للرشيد : انزل شف هذولا ربعك والا لا رد الرشيد : منب نازل .. اخاف انزل بلحالي ويشطرون الموتر بعيييد وينزل الراكب ويسالهم : مافقدتوا لكم غليّم؟ :D رد احد الوكلاء بحزن : الظاهر هذا محشش .. لاتردون عليه .. اخسروه كرر الهرج عليهم : اقول يالربع مضيعين لكم احد؟ يوم قال مضيعين وتطير عيونهم .. اييييه مضيعين الوزير محمد الرشيد حفظه الله وابقاه ذخرا لعلم والتعليم << الله من النفاق حتى بالبر:D ضحك عليهم وقال الحقون خوذوه من حوض الموتر لانه متوحش ينزل بلحاله :D وهكذا التم شمل الوزير الرشيد بربعه واصدقاءه في الصمان والله لايعيده من كشته :D مايستفاد من الموضوع : 1) يجب على الوزراء انهم مايكشتون الا ومعهم محرم قصدي مرافق . 2) يمنع منعاً باتاً لبس البشت والكنادر بالبر وخاصة بالصمان . 3) ان قسم الله على وزير وكشت لازم يطير الشراب ببيتهم عشان مايبلش ربعه ويضيع عليهم . 4) من لقى وزير ضايع بالبر لاينقذه عشان مايبلشه بالصياح . 5) ان لقيت وزير ضايع بالبر ركبه بالحوض وراء عشان مايحوم تسبدك بهرجه . 6) ان لقيت مخيم الوزير اللي ضايع نزله عند رواق مخيمهم وتوكل على الله . __________________ انتبه .. سيتغير التوقيع بين كل فتره واخرى .. كن معنا :)

02-02-2005, 11:56 PM	#2
المستشار عـضـو تاريخ التسجيل: Sep 2001 البلد: حولك المشاركات: 7,887	ههههههههههههههههههه تسيم ، يا برجس .. الصراحة طنزة من الدرجة الأولى <== الدرجة و لا عتبت الباب .. و أنا أشد مشهد شدن بقوه هو / التالي : --------------- قال الرشيد : وقسم بالله انا الوزير الرشيد .. والله العظيم انه انا سم ابشر .. ابشر .. ان بغيت تصير كوفي عنان بس فكنا -------------- ياخي تخيلته قداااااااااامي يمطع من الحلوف .. و الأيمان المغلظة :D يا حبي لقليبك يا برجس .. زدنا .. __________________ . .

03-02-2005, 12:00 AM	#3
برجس عـضـو تاريخ التسجيل: Oct 2001 المشاركات: 1,061	هههههههههههههه انت شفت يالمستشار تخيلت شكل ابوالرشد وهم مجلسينه بينهم ويمطع من الحلوف وقسم بالله اني انا الرشيد والله العظيم انا الرشيد صدقوووون والله ما اتسذب عليكم يحلفون انه ملا الغماره تفااااال - الله يكرمكم - :D من القهر بغوا يحطونه بالدرج :D شكرا لمرورك يالمستشار اما شكرا لمرورك ههههههههههههههههههههههه تحس اني مثقف ولابسن نظاره مقعره :D بلا شكرا لمرورك بلا هم المستشار دنننننننننن هناااااااااااااااااااااااك :D :D:D :D __________________ انتبه .. سيتغير التوقيع بين كل فتره واخرى .. كن معنا :)

03-02-2005, 04:01 PM	#4
سكري القصيم عـضـو تاريخ التسجيل: Aug 2004 البلد: منب بعيد المشاركات: 460	ههههههههههههههه هههههههه تنسيييييييييييييييييييييييم برجس الصراحه اني دخلت جو تخيلته قدامي افكر امثله بالمركز اما قولكم _____________________ ويلتفت عليه السواق .. ياولد اللذينا آمنوا اثروووووه انت ويطير عيونه على الرشيد وتبدأ تصافق ركب الرشيد من الروعه .. ليتي ماعلمتهم قال السواق : ياولد اللي منب قايل وراكم تحولونن ليلي (وجه علتز) _____________________ حسيت انهم عرابجه اجمل مبلقصه هذي ننتضر منك المزيد وشكراً لكم __________________ مسگيّن منْ هُو لآ نوى " يضحَـگ " منْ أحزآنُـه شرَقّ .. حتَى إقتنَـع بإنْ [ الفرَح ] لُه شَيء لآ يُمگـن يليّق ..!؟

03-02-2005, 04:08 PM	#5
الذهبي عـضـو تاريخ التسجيل: Sep 2001 البلد: (( العالم المجهول )) المشاركات: 2,568	هههههههههههههههههههههههههههههه ههههههههههههههههههههههههههههههههههههه ههههههههههههههههههههههههههههههههههههههههههههه والله إنك منسم إما لكم وزير معارف ضايع ... ذي تنسيييييم __________________ حسبي الله ونعم الوكيل ((( على هذا الرابط معاً لمكافحة الغش التجاري وإستغلال الناس ))) http://www.commerce.gov.sa/mok2/form.asp

03-02-2005, 06:41 PM	#6
المستشار عـضـو تاريخ التسجيل: Sep 2001 البلد: حولك المشاركات: 7,887	ههههههههههههههههههه برجس على طاري يحطونه بالدرج .. أنا عندي لغز أتحدااااااك تحله <== ما عاقت ولف لغز .. أبيك تحط ( وزير المعارف ) بدرج حوض على ثلاث خطوااات .. أتحدااااااااااااااااااااااااااك .. ----(( الحل ))---- الخطوة نمبر ون : أفتح الدرج بعد ما تحر حره و مع الترجيف و التشويت .. الخطوة نمبر تو : عرفط الوزير ، و دسه بالدرج . الخطوة الثالثه : صك الدرج و رك عليه رجلينك كلهن على شان ما يطلع .. خطوة إضافيه <== مهب معكم بالإختبار :D قفل عليه بالمفتاح و أبلعه .. برجس .. !! وين هوبه أدن ؟؟ أنت تقول دن هناك تراي ما أشوف زين بذا و لا بذاك .. أنت تعني عند الرمثة ذي و لا الي بعده ؟؟ حدد .. أولاه .. <==== الله يخلف على أهله واحدن غيروه . __________________ . .

10-02-2005, 05:59 PM	#7
سكري القصيم عـضـو تاريخ التسجيل: Aug 2004 البلد: منب بعيد المشاركات: 460	ياخي حسافه يروح هلمقال ودي يقرونه الشباب على شان تسذا رديت __________________ مسگيّن منْ هُو لآ نوى " يضحَـگ " منْ أحزآنُـه شرَقّ .. حتَى إقتنَـع بإنْ [ الفرَح ] لُه شَيء لآ يُمگـن يليّق ..!؟

11-02-2005, 03:41 PM	#8
بريماكس عـضـو تاريخ التسجيل: Aug 2002 البلد: buraydah city المشاركات: 6,344	برجس .. تنســــــــــــــــــــــيم ،، على هالوصف .. والحمد لله أرتحنا منه .. و أرتاحت الوزارة .. شوكرن برجوس .. لا تبطي عنى بمثل هالمواضيع .. صراحة يهبلن .. يالله مع السلاااااااااااامة بريماكس __________________

11-02-2005, 06:17 PM	#9
الوسيــــــم عـضـو تاريخ التسجيل: Aug 2002 البلد: بريدة المشاركات: 3,316	مبارك الوزير الجديد .. أسأل الله تعالى أن يوفقه .. لكن ياأخوان .. بارك الله فيكم .. إنتبهوا أن تغتابوا اخوانكم المسلمين مهما كانت نواياهم .. وادعوا لهم بالهداية والصلاح والرجوع إلى الرشد .. الغيبة .. أمر خطير .. "ولا يغتب بعضكم بعضا أيحب أحدكم أن يأكل لحم أخيه ميتا فكرهتموه" وقال النبي عليه السلام:"كل المسلم على المسلم حرام, دمه وماله وعرضه" والغيبة تتناول العرض .. ولا يظن أحدكم بي شراً .. فأنا لاأوافق الرشيد في أفكاره بتاتاً , ولكن إدعوا له بالهداية .. __________________ آخر من قام بالتعديل الوسيــــــم; بتاريخ 11-02-2005 الساعة 06:23 PM.

13-02-2005, 07:51 PM	#10
abdrmd عـضـو تاريخ التسجيل: Feb 2005 المشاركات: 52	كالعادة مبدع

13-02-2005, 07:55 PM	#11
abdrmd عـضـو تاريخ التسجيل: Feb 2005 المشاركات: 52	طبعا بالكذب

13-02-2005, 11:44 PM	#13
برجس عـضـو تاريخ التسجيل: Oct 2001 المشاركات: 1,061	بسم الله نبدأ الردود سكري القصيم : شوكرن على الرد الكويس <<< ماعندوه شيء يقوله لك :D الذهبي : هذا بعض مما عندكم حفظكم الله المستشار : لايسمح بالرد في الموضوع مرتين لذلك جرى التنبيه انت وخشك اللي تقل بلكه مجدوعه ببرحه :D سكري القصيم : انت مسموح لك الرد مرتين لانك مدحتن :D بريماكس : هلا بابوالبرايمكس :D اخبر فيه موضوع لي بالمنتدى العام موجه لك وراك طنشته وجيت ترد بذا؟؟!! <<< وجه بن فهره :D شوكرن يالغالي على الرد ورفع المعنويات الوسيم : شكرا على النصيحه وجزاك الله خير على التذكير __________________ انتبه .. سيتغير التوقيع بين كل فتره واخرى .. كن معنا :)

13-02-2005, 11:48 PM	#14
برجس عـضـو تاريخ التسجيل: Oct 2001 المشاركات: 1,061	abdrmd فرحت يوم شفت ردك الاول وجان احباط يوم شفت ردك الثاني تراي مسامحك لانك طبيت بحوض بطني وتراك بالف حل المنخرش : والله يا انت اخويتنا بالناقه اللي تنقله من موضوع لموضوع!! ياخوي ماعندك هرج غير هالناقه تراي اببلغ عنك المسعولين بالمنتدى واخليهم يسجنونك <<< يقالوه يخوفك :D :D:D :D __________________ انتبه .. سيتغير التوقيع بين كل فتره واخرى .. كن معنا :)