[قـــصـــيـــة]

.


المشاغبة/ حياك الله ياغالية
وهج الدعوة/ مرورك أسعدني
الزين يفرض نفسه/ آمين الله يبارك له .. وصدق ليش مايفتح بنجد ؟!
قاهر الصعاب/ أشكرك أخوي
دمعة حاشي/ كفيت ووفيت يااخوي بارك الله فيك





وفقكم الله جميعًا لما يُحبه ويرضا ..

[المتذوق]

حياك اختي جوااانا


هذا رزق من الله لصاحب المطعم

ان الله يرزق من يشاء بغير حساب .

[غريب احساس]

اقتباس المشاركة الأساسية كتبها جوااانا مدامه عادي ليش الناس منهبلين عليه !

لأنهم متخلفين

[قـــصـــيـــة]

اقتباس المشاركة الأساسية كتبها المتذوق حياك اختي جوااانا هذا رزق من الله لصاحب المطعم ان الله يرزق من يشاء بغير حساب .

سبحانه ..

بارك الله فيك أخي المتذوق ..

اقتباس المشاركة الأساسية كتبها غريب احساس لأنهم متخلفين

لا .. مثل ماقالوا هذي بركه من الله لصاحب المطعم .. الله لا يحرمنا من بركاته

أشكرك أخوي غريب احساس على المرور ..

[جود بلس]

الله يخارجنا

[قـــصـــيـــة]

اقتباس المشاركة الأساسية كتبها جود بلس الله يخارجنا

وش معنى هالدعوة يااخوي ؟؟ من زمان ودي أسأل عنها

[دُرر مضيئة]

ماسوى هالسمعه والدعاية لة الا اهل بريدة ..اول مايفسخون الحرااام على البيك....
المفروض يكافئنا يفتح ببريدة

[..وديــان.."]

تدرين ليش؟!
فيه واحد راح لمكه ويوم أخذ عمرته
بدا بطنه يقرقر جووووعان <وأكيد الجوعان كل شي يصير طعم عنده>
المهم وراح قعد يدور مطعم وشاف البيك ماعنده زحمه قال جيتك
وشرا منه وانهبل عليه لييش؟!--->لانه جوعان
أمر يرجع لبريده وقال والله يالبيك مطعم لاراح ولا جاء
ويجونك كل بريده هجوم على البيك
وبطبيعة الأنسان حب الأستطلاع والتجربه
بدو الناس من بقاع العالم إذا شافو الزحمه أنهبلوا مثلهم وقالوا ياطعمه
وبكـــــــــــــــــــــذا أشهر البيك


أتوقع هذا السبب

[صوواديف]

حلوه قبل مااموت ذي هههههههههه

جد والله تحسين تسنهم مسحورين يـــــــــــــــــــــمه

[قـــصـــيـــة]

.

وهج الأمل/ هذا اللي كثير ملاحظينه .. بالعافيه عليهم
وديان/ قصة رائعة
صواديف/ إي والله من زمان ونفسي أعرف السبب والحمدلله عرفته



أشكركنْ ياغاليات على إطلالتكنْ ..

[انثي بنعومتها]

غاليتي جواااانا

بالنسبة لمطعم البيك انا من جدة من عشر سنوات وهو مفتوح عندنا وماشاء الله مازالت الزحمة مستمرة

وعلى فكرة بكل مكان مفتوح تقريبا صار مثل البقالات هههههههه ومع ذالك زحمة

السر هو صاحب البيك شخص يخاف الله بالسر والعلانية وشخص صاحب خير ولا ازكية على الله لذلك الله فاتحة بوجهة وعلى العموم هو طعم يجنن خاصة المسحب هههههههه

[إليـن اليـوم..!]

البيك عادي جدا واقل من عادي

استتغفر الله بعض الناس تقل مشافيح ما عمرهم شافو بروستد او مسحب


يا كثثثثثر المطاعم الي تطبخ واحسن


بس اتوقع كل هالدوشة عشانه مو فاتح عندنا او بالاصح بعيد عنا

والا هو عااااادي جدا مثله مثل غيره

تحياتي يا اختي جوااانا.... < اتمنى انك اقتـنـعتي..... ههههههههههههههههه شكلك صريحة لابعد درجة

[قـــصـــيـــة]

اقتباس المشاركة الأساسية كتبها انثي بنعومتها غاليتي جواااانا بالنسبة لمطعم البيك انا من جدة من عشر سنوات وهو مفتوح عندنا وماشاء الله مازالت الزحمة مستمرة وعلى فكرة بكل مكان مفتوح تقريبا صار مثل البقالات هههههههه ومع ذالك زحمة السر هو صاحب البيك شخص يخاف الله بالسر والعلانية وشخص صاحب خير ولا ازكية على الله لذلك الله فاتحة بوجهة وعلى العموم هو طعم يجنن خاصة المسحب هههههههه

حياتس الله يابنت جده بين أهلتس ببريدة << تدرين أنا أحب أهل جدة عليهم طيبة قلب ماشاءالله

ماشاء الله عليه صاحب المطاعم الله يزيده من نعيمه .. وأغديتس تقولين له يفتح فريع صغير عندنا

أنا إقتنعت فيه من مدح الأعضاء



أشكرتس يالغالية على المرور ..

[قـــصـــيـــة]

اقتباس المشاركة الأساسية كتبها بيالة شاي البيك عادي جدا واقل من عادي استتغفر الله بعض الناس تقل مشافيح ما عمرهم شافو بروستد او مسحب يا كثثثثثر المطاعم الي تطبخ واحسن بس اتوقع كل هالدوشة عشانه مو فاتح عندنا او بالاصح بعيد عنا والا هو عااااادي جدا مثله مثل غيره تحياتي يا اختي جوااانا.... < اتمنى انك اقتـنـعتي..... ههههههههههههههههه شكلك صريحة لابعد درجة

مثل ماقالت أحد العضوات الشي القليل ينفق (:
.... إلا إقتنعت إن الله سبحانه طارح فيه البركه والله أعلم ..


أشكرك أخوي على المرور وفقك الله ..