[مين أصدق]

زرنا القصيم قبل فتره أنا وزميل لي من بريده وأصر نروح على سيارته وبعد مانزلني بعنيزه راح لبريده بيزور قرايب له وهالرحله خليناها تمشيه نوصل ارحامنا اللي من سنين ماشفناهم

دق علي قالي بجيك نروح لنادي ببريده علشان نسوي مساج ورحنا للنادي بعد مادخلنا القتينا بالمدلك الصيني على انه يسوي لنا مساج لكن تفاجأنا بشيئ غريب بالنادي وبقوانيين حصريه ببريده

بعد ما استعدينا للتدليك وضع المدلك على اجسامنا قطعه برتقاليه سميكه(منشفه), من الراس حتى القدم وقام بالتديلك

سألناه ؟ ليش القطعه هذي على الجسم وكيف تبي تدلك بدون لمس اليد بالجسم مباشره رفض انه يجاوبنا وظل يدلك من فوق القطعه وكأن من يدلكنا أمرأه عندما وضع القطعه

مالسبب أنه يضع قطعة قماش هل نحن ليس رجال (كشرط من شروط النادي) !

أو هناك أمور أخرى يتحفظ بها صاحب النادي !

علما أن جميع النوادي تقوم بالمساج المعتاد كما يفعله العالم بأكمله

[Galaxy S II]

طبعآ كالعاده روايه او قصه قصيره اقراها ومن ثم الموضوع لايمت بصله للفائده...وغيرها كثير

انا من وجهة نظرى ماشوف فيها شئ لو حط قطعه...

موضوعك بختصار ( ليش التشدد ) = فى بريدهـ

ويعطيه العافيه انه حط قطعه وتاكد انك رجال اذا الثقه موجوده عندك

ودامك عرفت ان هالنادي يحط منشفه وماتبي المنشفه

سير على غيره ولك كل الشكر والتقدير

وآخيرآ تقبل ردي...

ومساج العافيه يارب
باقة ورد

[صبح صبح]

هههههههههههههههههههههههه .،‘


شكله كفن الله والعالم ..


طيب الحين مافهمت .. تسال عن اللي حطه بكم ذا البرتقالي .؟ ولا وش السالفه ..!

المفروض رحت لم المدير وكلمته وقلت له السالفه ..

[مين أصدق]

وربي اضحكتني الردود هههههههههههههههههه وقسم بالله

هجوم عنيف حسيت بخوف خخخ

المقصد من موضوعي ليش الشك الزايد عن حده هل لانهم عارفين ان فيه شذوذ بكثره ولا ليش بالرياض وجده والدمام يسون لك مساج بدون مايحط فوق ظهرك منشفه

هل هذا علامه بارزه انا الشباب مو رجال هنا ولا كيف فهموني

وابعدو عن التهجم من جد شوهتو سمعة المنتدى

[• إنِدثـار~]

تحيّة عطرة لكل من مَر هنآ من أصحآب الأخلآق الرفيعه ..!
خير قدوة والله ؛ !

" من كآن يؤمن بالله واليوم الآخر فليقل خيراً أو ليصمت "

ما أعجبكم الموضوع ..؟!
مارآح ينقصكم شيء إذآ مارديتوا ..~

عقول !


أخي " مين اصدّق "
اسأل صآحِب النَّآدي ؛ ربّمآ كآن له وجهة نظر في قرآره ..
وبمآ أنَّ المدلّك ( صيني ) .. كيف يجيبونك أهل بريده ..!

حفظكم الله ~

[أبو غــلا]

ربما الخبير الصيني لا يرى التدليك بمباشرة الجلد فقد يكون احدكما مصاب بـأعراض ولا يريد الخبير نقلها للأخر

أو قد يرى الخبير إن تدليكه مباشرة قوي جدآ على البشرة فلابد من وضع منشفه ..

والخبير أبخص !

[moment.11]

يأخي انتم الي وششش تحسسسون به الوأحد بييسأل نطيييتو بوه >
اعوذ باللله صصصدز ماعندكم اتي كيت
يـأخوي والله علمي علممك مير لغدي بوه احد عااقل وعنده اتي كيت يجـأوب مثل الناسس
مير من تـألي مابه احد عاقل الا انـأ >

هرج قصصصيمي طالع من ققلب هع

[غريب احساس]

قلي وين موقع النادي

[برفسور ملتمس]

وأنت هالحين تأرك صالات الرياض ، ومساجاتها ، وماهنى لك تسوي مساج إلا ( ببريدة ) ، لاوبعد جاي تتنزه بالقصيم ، يعني جاي لنزهه عشان تشوف ميناء لويز ماريا مثلا ، ياعزيزي جاي القصيم يعني رايح البر ، ما أعتقد أنه وقت مساج ، ..

والشي الثاني ، الصيني هذا ماتكلم وهو جاي من أقصى الأرض ، وأنت ثلاث مية كيلو بظرف ساعتين
وصارت عندك هالأشياء غريبة ؟؟

[الــمــلــثــم]

اخوي ما لقيت إلا ببريدة تسوي المساج لا رجعت لديرك سو الي تبي وحنا الحمدلله متفاهمين الوضع مع أهل بريدة والقصيم والعاملين فيها بس لا تنسى إنك بعاصمة العالم (بريدة ) وبس وه وه وه وه

[To be]

قريت موضوعك وأنا تهيمل دميعاتي أقول وش طيابة القلب الله يخلف على قلبي ، إلى هالدرجة وده يطور أندية بريدة للمساج الصيني !

لكن اتضح لي إن كل حوقصك بالموضوع ودك تقول هالكلمتين :

اقتباس المشاركة الأساسية كتبها مين أصدق المقصد من موضوعي ليش الشك الزايد عن حده هل لانهم عارفين ان فيه شذوذ بكثره ولا ليش بالرياض وجده والدمام يسون لك مساج بدون مايحط فوق ظهرك منشفه

يعني قصدك إن فيه شذوذ ببريدة أكثر من الرياض وجدة والدمام ؟ لدرجة إنهم يحطون منشفة علشان الشذوذ وبالمدن الثانية ما يحطون علشان نسبة الشذوذ القليلة جداً اللي ما تقارن ببريدة اللي فيها الشذوذ

ما آدري أقول سخافة موضوع ! أو مخلفات من مخلفات افكارك حبيت توصله لنا ؟

لكن الله يرد كيدك بنحرك

واللي يقهرن أكثر عنوان موضوعك على موضوعك

[الاكيد اولهم]

شكل اشكالكم مقززه وعلشان كذا حامت كبد الصيني ..
ومابغى يشوف اشكالكم ...

[قـــصـــيـــة]

اقتباس المشاركة الأساسية كتبها To be لكن اتضح لي إن كل حوقصك بالموضوع ودك تقول هالكلمتين : اقتباس لانهم عارفين ان فيه شذوذ بكثره

صدقت يااخوي To be ..


مشكلتك يااخوي مين أصدّق تحاول تشوّه سمعة أهل بريدة .. لكن تعجز !!


ارجع لديرتك الله يستر عليك

[لسـ المواطن ـان]

اقتباس المشاركة الأساسية كتبها مين أصدق وربي اضحكتني الردود هههههههههههههههههه وقسم بالله هجوم عنيف حسيت بخوف خخخ المقصد من موضوعي ليش الشك الزايد عن حده هل لانهم عارفين ان فيه شذوذ بكثره ولا ليش بالرياض وجده والدمام يسون لك مساج بدون مايحط فوق ظهرك منشفه هل هذا علامه بارزه انا الشباب مو رجال هنا ولا كيف فهموني وابعدو عن التهجم من جد شوهتو سمعة المنتدى

أخي : إعلم أن عورة الرجل أمام الرجل من السرة إلى الركبة .. كما أن التدليك أمر مريح ولكن لا يجب أن يتعرى الناس كأنهم لحوم في ملحمة .. حتى يتم المساج ..!!
ولعل هذه الفوط التي قلت قد خصصت لصغار السن أو المردان من الناس .. أو لأي أمر يوجب احتياط ..!!وهذا الصيني يحتاط .. فهذا إن صح التعبير اجتهاد تشكر عليه إدارة هذا النادي ..!
أتمنى أن ردي أعجبك ..