[نالا]

السلام عليكم ورحمة الله وبركاته

كل عام وانتم بخير ورضى وسعادة
تقبل الله طاعتكم واتمّ بالعيد فرحتكم

ندخل بالموضووووووووع دغري



ارى في كثير من الاحيان من بعض الذكور ممن ينتقص من شأن المرأة ومن قيمتها فتجده يحتقرها ولايعتبرها شئ ويعتقد بأنها تجهل الكثير من أمور الحياة الدينية والدنيوية حتى في ابسط الأمور فيتهمها بقلة المعرفة والإدراك (انتِ وش عرفك حدك كذا وكذا) من الأمور التي تجيدها ولايحق لك ان تبدي رأيك ووجهة نظرك ولاتتكلمي في امر لايعنيك ويظن انه هو كل شئ هو الرجل الفاضل الذكي الحاذق والملّم بجميع الأمور ....
صحيح انك اقوى منها في الجسم والعضلات وأعطاك ربي حق القوامة عليها لكن هذا لايعني انك الأفضل والأعلم..
فالمرأة مثلها مثل الرجل تعلّمت وعلّمت ونالت اعلى مناصب التعليم فكيف تصفها بالجهل وعدم المعرفة؟!!
بل ان المرأة في بعض المجتمعات تكون احكم من الرجل فتجدها تتصرف بحكمة وفطنة .


هذا ماجال بخاطري عندما رأيت احدهم يتهجم عليها ويصفها بعدم المعرفة

برأيكم مالسبب في ذلك؟


اخوتي الفضلاء لي رجاء بأن لايتحول الموضوع عن مساره الطبيعي او يكون هناك سب او انتقاص للجنس الآخر



نــــــــــــــــــــــــــــــــــــــــــــــ ـالا

[صبح صبح]

والله ياختي مادري وش اقول ..


لاكن مهب كل الرجال كذا ولا كل البنات بعد ..


فـ اللي لفع البنت صدقين مهب رجل ..

وقسم بالله لو ياقف بوجهه رجل .. قسم بالله ان مايرفع لسانه ..

لاكنعلى قولتهم .. ( حكم القوي على االضعيف )



كوني بخير .،‘

[بسكات]

الأسلام اعطى المرأة حقها وانصفها ومن حق المرأة أن تقول ماتريد



وتطلب حقها الذي كفله لها الأسلام أما الدخول في مهاترات



مع الأعضاء والنقاش في أشياء لافائدة منها ومناصرة الأخوات



حتى وهن مخطئات هذا قد يجعل البعض يردد ماذكرت وأنا هنا



لا أحبذ مثل هذا النعت الإقصائي والمفروض ان نتعامل مع الأخوات



تعاملا طيبا هينا رافقين بهن وفق توجيهات ديننا وفقنا الله واياكم

[• إنِدثـار~]

نآلا ..

عِش رجب ترى عَجَب ~
وحنا عشنا كل الشهور .. وشفنا الهول والهويل ~ هــه ..
بس ولآآ يهمّك ؛ خوذي كل شيء " عآدي "
واسحبي نفس قبل ماتدخلين أمآكن تجتمع فيهآ ( بعض العقول النآقصه )..

مثل مآقآلت أحد الأخوآت في جلسه مآسنجريه :-
( اصبري بروح أعدّل الآيه بموضوعي لآ يخرجوني من الملّه ) ..!

على فكرة ..
أنا من بعد مقولة بعض الإخوة ( المرأة أكرمكم الله )
غسلت مخّي ~


هـه
كل شيء وآرد ؛ وكل شيء صآر عآدي قدّن قدّن ..
فلآ تعتبي على كل صغيره وكبيره .. ولآ :: بيجيك ضغط ذذ ::

[ξــزتــےِ مَالهَـآ כــد]

اي والله لاحظته كثيــــــــــــر
والمشكله الحين هم يتدخلون بأمورنا ولا نقول حدك سيارتك وانت وش عرفك؟
انقهر يوم اسمعه
يسلمك ربي ع الموضوع الحلو والمميز

[الـعـابـر]

لا اتوقع انه مازال هناك جاهل يتعامل بهذه الالفاظ
فالمرأة تغير حالها من اسم زوجة فقط الى شريك بكل شيء و بصفة عامة

[• إنِدثـار~]

اقتباس المشاركة الأساسية كتبها من الجماعة لا اتوقع انه مازال هناك جاهل يتعامل بهذه الالفاظ فالمرأة تغير حالها من اسم زوجة فقط الى شريك بكل شيء و بصفة عامة

كم أتمنى من الأعمآق أن يكون ذلك ~
وَطبيعة الإنسآن يرى النآس على شآكلته
فإن كنت أيّها الفاضِل وغيرك أعطى المرأة ما أعطآها الإسلام
وكرّمها ورفع من قدرهآ ..

فتبقى شريحة ( ليست والله بالقليه أبــــــــداً )
ترى المرأة بعين " القصور والنقصآن والجهل "
وكأنّهم من الرآسخين في العلم أو الجآدين في طلبه ..
أو أنهم يرون في أنفسهم كمالاً لا يحآذيه كمـال ... ~~~!

[همس الشـــــوق]

ايه والله فيه كثير كذا

شكرآ اختي على الطرح

[توتة توتة]

لو يعرف ذاك الرجل ان المرأة اجتمع عليها الابطال قديما انها اقوى مخلوق على وجه الأرض لوعرفت قدر نفسها
فماذا سيفعل ؟!

[مين أصدق]

من رأيي ان المرأه تجبرك على اشياء قديم مارستها بشبابك وهي توه تطلع من بيت اهلها تبيك تعيد الشريط يعني مراهقه متأخره

مثلا

الحنه ويالله نسافر ويالله نطلع نتمشى وووو والبعض مو الكل

يازينها بالمطبخ تقلى بطاطس وتسوي رز

[أبو غــلا]

حيلة العاجز .. قد يكون جوابك مقنعًآ فلا يجد مهربآ إلا [ وش عرفك حدك المطبخ ]

[البندري]

مع ان اللي ذكرتي كلمة مايطلقها الا الجهال الا اني مااستغرب لان الرجل العربي من طبيعته يستحقر المرأة بشكل تلقائي يعني شوفي الحين بالعزايم مع ان الناس بنعمة الا انهم يخلون الحريم تتعشى بعد الرجال زي الحيوان الله لا يغني اللي يسوي هالعادة ويرون ان المرأة عار حتى بأسمها شوفي ببطاقات الدعوه للزواج مايكتبون اسم البنت يكتبون كريمتنا ومن هالالفاظ المضحكه وغير الكلمات التي دايم نسمعها مثل كلام رجال ولا حريم او تربية مره وغيره من الالفاظ الغريبه
لا تكترثي اختي نالا العزيزة فالقادم احلى..

[نالا]

اقتباس شوفي ببطاقات الدعوه للزواج مايكتبون اسم البنت يكتبون كريمتنا

صادقه خيتو انا هالحركة قاهرتني من زمااان وقررت اني اذا سويت بطاقة زواجي ان شاء الله بكتب فيها اسمي ابغير العادة القبيحة وماهو عيب ان الواحد يذكر اسم بنته بالبطاقه

[الجخدبه]

تراكم زودتوها عاد أقول لايكثر بس واعقلن يازين البنت صدق مكسورة شوكته


لأنها اذا طلبت يمكن تحط الرجل تحت وهي الكل بالكل