[اجهلك]

اقتباس المشاركة الأساسية كتبها (ام عبدالله) خويتي زي ماتقول النقاش موب بيني وبينها ومارديت عليها لا هي ولاا الفسفوريه ولا عندي استعداد ارد بس رديت عليك انت لان كلمتك كانت قويه كلامك يعتبر ................................!! بعدين انا مالجيت هههههههه ولا هاوشت انتم الي قاعدون تهاوشون اكلتوني بقشوري الله يهديكم

شوفي يا ام عبدالله يا اخيتي ..

حنا اهل .. لو نختلف بالمناطق او بالعوائل .. مهب مشكلة ..

وصدقين تراا اللي كتوب ردود .. قسم بالله ان يضحكون ويسولفون ..

بس انتي يا اخيتي ردك تقل قوي شوي ..

روحي شوفي الردود الثانيات في بعض المواضيع .. قسمن بالله ان تموتين من الضحك ..

لاكن موقفكم به من الضحك .. وبه من ضيقت الصدر .. وعادي الحمد لله ..

يعني ميخالف .. اتوقع انك لو انك حاطه موضوعك بـ قسم بنت بريدة .. اتوقع انك تلاقين سوالف حلوه .. وبعضهم يضحكون .. ويدعون لك بالتوفيق ..

لاكن هنا شهبان ..



لاكن يا ام عبدالله ياخيتي .. هذي رفيقك يوم جت .. حاست الوضع ..

شوفي ردوده وتجديع الكلام .. يعني شئ يقهر .. تحسب مابه بالدنيا رجال .. الا ابوه واخوانه وعنيزة

انا اقولك .. بوه رجل من عنيزة .. عن خمس مية رجال بريدة ..

ورجل من بريده عن خمس ميه رجال عنيزة ..

بس العنصرية عندكم زايده شوي ..


زي هاك اليوم سجلت بمنتدى عنيزة وحطيت اسمي بريداوي .. وقسم بالله من بكرى ممزوع من المنتدى ..

وخويك تتطبح بالمنتدى وتسولف وتضحك ..




لاكن يا ام عبدالله .. انشاء الله انك اكبر من السوالف هذي .. وااعقل ..

روحي شوفي ردود خويك .. وتجديع الهرج .. بعدين قولي وراكم تسذا ..







نصيحة لك ياخيتي .. ترا الدنيا صغييييييييييييرهـ .. مهب كل شئ جد .. عادي .. لو انتي صحكتي معهم كان مشت الامور سلال زلال ..


لكـِ

[(ام عبدالله)]

قلت انا عادي خلهم يضحكون
ورجا اسلوب التعميم ماحبه

اقتباس بس العنصرية عندكم زايده شوي ..

وش دخلني فيكم انا تقول عنصريه
توني ادري والله ان بينكم عداوه هههه يحليلكم مسويين فيها وانتم بديرتن وحده


بعدين ما انكر ان الموضوع به شي مضحك ..
بس يضحكون اما انهم يتريقون ويقولون فلم ومادري ايش!!
ويقولون اني قلت عن رجال بريده رخوم !!!
قولوني كلام ماقلته الله يهديهم

[اجهلك]

اقتباس المشاركة الأساسية كتبها (ام عبدالله) قلت انا عادي خلهم يضحكون ورجا اسلوب التعميم ماحبه وش دخلني فيكم انا تقول عنصريه توني ادري والله ان بينكم عداوه هههه يحليلكم مسويين فيها وانتم بديرتن وحده بعدين ما انكر ان الموضوع به شي مضحك .. بس يضحكون اما انهم يتريقون ويقولون فلم ومادري ايش!! ويقولون اني قلت عن رجال بريده رخوم !!! قولوني كلام ماقلته الله يهديهم

طيب يا اخيتي يا ام عبدالله ..

اول شئ نفتح صفحة جديده .. حلو ..

وثاني شئ .. قصص زي كذا .. احسن لك تحطينهن بقسم بنت بريده .. طبعا هذا احسن لك ..

ثالث شئ .. صدقين اللي يرد رد تافه .. ذا صغير ..

رابع شئ .. مهب كل شئ بالدنيا يكون جدي .. عادي لو نضحك ..

خامس شئ .. نتشرف بعضو مثلك بالمنتدى .. ورجاءاً لا تاخذين نظره سيئه من بعض الناس ..

سادس شئ .. كشتتكم حلوهـ هههههه



وووو بس .. دوتس ام عبدالله .. هذي هديه من كل اعضاء بريده اللي غلطو عليتس انتي بسسسس


~()~

[(ام عبدالله)]

تمنيت يوصل موضوعي لـ 9 صفحات على سنع .. !!
وترا الطنزه مداً باليد :::: الكلام للي تطنزو ++
شكرا على الورد كلك ذوق

[اجهلك]

لا انشاء الله .. ربي يهديهم ويصلحهم ..

بالنسبة لتوقيعك ..

اقتباس انا جديده على منطقة بريده

حياك الله

اقتباس ياليت تفيدوني بأحسن النوادي ..والأماكن الترفيهيه

النوادي .. فيه محل عند دوار الامارة .. نسيت اسمه .. لاكن عند فرع بنك البلاد .. ويفيدونك الاخوان ..

وفيه ملاهي الحكير ودريم لاند بعنيزة وملاهي الاسرة بحي الاسكان ببريدة ..

اقتباس وافضل معاهد الكمبيوتر والأنجليزي ..

فيه نيوهرايزن .. افضل معهد الان ..

اقتباس والجمعيات الخيريه .. الي فيها دورات نسائيه طبخ وخياطه والى اخره

هذي مواسم تحصل .. يعني بالعطلة الطويلة .. يكون فيه دورات مجانيه ..

اقتباس وافضل محلات التيورات النسائيه

ماودي ابزع ههههههههه .. ماعرفهن والله

اقتباس واسواق الجمله .. اكسسوارات ملابس العاب .. الى اخره.... ..... ومنكم نستفيد

اسواق الجمله .. عند السوق الداخلي .. شارع اسمه (شارع المياه) كله جمله والعاب اطفال
وبعد السوق الداخلي












واي سؤال .. جاهزين لتس ياخيتي .،‘

[(ام عبدالله)]

الله يجزاك خير ماقصرت
بارك الله فيك وكثر الله من امثالك

[اجهلك]

هلا بكـ .،‘

[فدآ عينك]

هههههههههههههه صار فلم رعب موب كششته بالطرفيه

[د/منوشـآ]

اقتباس المشاركة الأساسية كتبها عنيزاويه منفلته على فكرهـ آلصورهـ تم تغييره لشخص أجبرني بإحترآمه ونصحه بأسلوبه آلرآقي برسآله خآصه .. فمثله وأشكآله يستآهلوم آلأحترآم وإلآنحنآء ..

اعوذ بالله
الانحناء للـــــه موب للخلق

[بنت السفير]

الحمدلله على سلاااامتكم أختي..

والله يعوضكم بطلعة أحلى منها وخاااليه من العوااائق..

‏‎‏
أكرَه الدخّول فِي النّقَاشَات
لأنّها غالبًا تكُون عقيمَة ..
[ فـ/في مُحِيطي ]
ما إن تُخَالف أحدهُم فِي الرّأي ..
إلا و وضعك فِي خَانة [ الأعدَاء ]!!
وردّ عَليكَ علَى هذَا الأسَاس

دمتم بحفظ الرحمن..

[عنيزاويه منفلته]

اقتباس المشاركة الأساسية كتبها اجهلك على طاري المشاركة هذي .. امس كنت بالغضا .. وفيه واحد مغرز .. جيت وساعدته وطلعته .. يوم خلصنا .. قلت له تعال عندنا ترانا شباب .. وخذ لك فنجال .. امر يناظرن تسذا قال انت من بريدة ؟ قلت ايه .. قال : والله وما قالت .. قسمن بالله قاله بالحرف الواحد .. لاكن صرت اكبر عقل وقلت اللهم اجعل اجره وثوابه لامي .. لاكن .. كان قولك ان عنيزة كله رجال .. فـ اتمنى اني مساعد رجل وقته * ملحوظه / عمر الرجل مايقارب 40 يارب اني اصير رجل عندكـ .،‘ ~~>

وفيه أحد أشد من هآلرجل وأنأ أعترف لك وشفتهم بعيني ..!!
وفيه رجآل بريده مآشآلله عليهم مآقلنآ به شي ..
لكن أنا ذكرت مجرد موقف وحصل حتى لو كنت من ديره ثآنيه وصآر لي هآلموقف قلته ..
يعني آلمقصد مهب إني أثير هآلفتنه بين آلمدينتين بآلعكس به آلكره وآلحب بينهم ..
وكلن حر برأيه ..

أنت رجل وفعلك هو آللي يشهد لك ..
شكرآ لك ..