[ايماض البرق]

اولا : شكرا لك على الموضوع الرائع
ابهرني بحثك واعجبني ضبطك
حقا ابدعت واجدت في هذا الموضوع

بالنسبه لي عرض علي الموضوع قبل 4 سنوات تقريبا
اشترك فيها احد الاخوان وكان يغريني وكنت استفصل
واجد اني ادور بحلقه مفرغه

راسك ناشف (ماتفهم)<<< هذي النقطه اؤكدها بحاذفيرها
يستخدمون هذي الوسائل والاساليب
الخديعه والمكر والكر والفر في كلامهم هي بضاعتهم

طبعا القصه كنا مجموعه 5 اشخاص
الشخص الاول اشترك وكان هو الممول واخبرني بكل ما قلت
كان جدا متحمس وطموح وكان يرينا قائمة ما سيفعل بعد سنه
{معارض سيارات + قصر + ... } الخ
طلبت منه ان يريني السلعه واراني القرص وقال لي:
شفت ماء زمزم فيه طاقه ايجابيه وهذا من بركات الله
وكذلك الماء اللي يقراء فيه
وهذا القرص فيه طاقه ايجابيه لو تضعه عند تانكي البنزين وانت تعبي تمشي السياره اكثر
ولو تحطه تحت وسادتك تنام مرتاح الى غير ذلك من الاعتقادات<< هذي نقطه لم تشر اليها
طبعا تحولنا الى اعتقادات باطله والعياذ بالله

اما بقية الاخوان
فالأول كان يريد المال باي وسيله واشترك وكان ضحيه فما لبث ان خرج ندمانا
واما الثاني فكان في قمة الحيره وما زال يقابلهم ويقابل المسوقين وتاره يقتنع وتاره لا
واما الثالث فلم يكن يملك المال الكافي والقناعه الكافيه للدخول معهم
اما انا فكنت ارفض الامر بتاتا ولم اقبل ان اقابل اي شخص منهم فكنت مقتنع بزيفهم
واصر علي حتى طلب ان يشترك باسمي من ماله ورفضت ولم اكتف بذلك

بل اتصلت شخصيا على بعض المشائخ مثل الشييخ :: محمد المنجد , والشيخ الاطرم ...
واخبروني ان التسويق الهرمي لا يجوز وعنددما صدمته بهذي الفتوى قال لا نحن طريقتنا مختلفه
فعاودت الاتصال بالمشائخ وقالوا هم يدعون ذلك لكنهم في الحقيقه لم يتغيروا

اليوم صاحبنا الذي كان يعمل دعايه جالس في منزله بلا عمل
والاخر ندمان اشد الندم ...

لا تقبل ع مشروع قبل ان تعرف راي الشرع فالشرع لمصلحتك انت ايه الانسان
كل ما قلته ااكده قلبا وقالبا
بام عيني بالرياض شاهدت كل ما جرى ليس لهم موقع
يقولون الشيخ العبيكان مشترك معهم ويحتجون به
الى غير احتجاجاتهم الباطله الواهيه

كل ما ذكرته صحيح اهنيك على هذا البحث
تستحق وسام على هذا الجهد
تحية قلبيه مني لك
يعطيك العافيه
دمت بود

[المنخرش]

اقتباس المشاركة الأساسية كتبها ايماض البرق راسك ناشف (ماتفهم)<<< هذي النقطه اؤكدها بحاذفيرها يستخدمون هذي الوسائل والاساليب الخديعه والمكر والكر والفر في كلامهم هي بضاعتهم وهذا القرص فيه طاقه ايجابيه لو تضعه عند تانكي البنزين وانت تعبي تمشي السياره اكثر ولو تحطه تحت وسادتك تنام مرتاح الى غير ذلك من الاعتقادات<< هذي نقطه لم تشر اليها طبعا تحولنا الى اعتقادات باطله والعياذ بالله[/color] دمت بود

شكراً حبيب البي
الله يرفع قدرك ياغالي


انا اتمنى انه مكلمني بكذا ..لأنه شاف ردودي عليه .. اني ماقدرت أهضم (قصة القرص هذا) فما بالك بفعالية هذاا لقرص .. كان أقوم واتركه يتكلم لحاله .. لأننا لم نصل لدرجة استغباء الناس .. نحن لنا عقوووول .. وفضلنا الله عز وجل عن الحيوانات بهذا العقل .. فلما لانستخدمه ..

قلت لاحد مدربينهم عن قرص الماء

يقولي اني أشرب منه لأنه ايجابي

قلت وتغير شي ؟
قال ايه تغير شي واجد

قلت يعني الماء اختلف عن أول ..
قال تغير كبيرررر .. تعال اشتره وجرب بنفسك
قلت له انت سمين الآن .. وراه ماخفيت ..
وهذاك نحيف ليش ماسمن او زانت صحته .. او عل ىالأقل لما صب ماء طلعله قروش

استهبلت عليه .. قال ايش قال بير زمزم ..
وبعدين لم يعلم هذا الأخ ان (زمزم لما شرب له) مهب القرص الحيوي اللي طلب اكاذيب في اكاذيب من تفسير هذا الامريكي

[الهواء الغايب]

انا رحت لمهم بالمقهى

واحد يقولي أن الشيخ محمد العريفي يقول انها حرام

قلت ليش يقول حرام قال السائل ما يعرف يسأل

يوم جلست اشوي ويجي واحد قال العريفي محللها

قلت الحين خويك يقول محرمها ونت تقول محللها

واجلس احجرلهم وانا وياهم ساعة وربع مجادلة

ويجيك واحد حاط لحية ومقصر ثوبة يقول انا داخل فيها
قلت انت من رسول

قال الشيخ افلان داخل فيها هو وبناته

والدكتور افلان قلت قلت هذولا انا ما اعرفهم

قال كل هذولا مشايخه

قلت طيب

قلتلهم عندي اربع من المشايخه ايذا حللها واحد منهم وقال حلال دخلت فيها

قالو من
قلت عبدالعزيز الفوزان و عبدالله المطلق و صالح الفوزان و السدلان

يوم جاء ويتهرب قلت ابي واحد من هذولا

قال هذي يبيلها شرح وتعرف الشيخ مشغول ومن الكلام

ومن زود الكذب يقلون الشيخ صالح الونيان محللها

جاء واحد واتصل على الونيان وهو جالس معهم وقاله السالفة قال الشيخ اول مرة اسمع فيها

كذابين وحرامية

من زود الكذب يقول الساعة الي علي اتحداك تحصلها تباع بالسعودية هذي بس تبيعها الشركة


والمقر قال واحد في دبي

والثاني يقول في ملايزياء

واجلس احجرلهم

قلت طيب ابي ادخل فيها
بس عندي شرط قالو ايش
قلت وش يضمن الفلوس انها تنزل بحسابي عندكم بالشركة قال هذي شركة معروفة قلت ماعلي

انا علي اكتب عقد معكم

قال ماعندنا عقد

قال واحد نعطيك ورقة ونكتب فيها

قلت حلوو بس تكتب فيها اسمك كامل والسجل المدني حقك وتبصم في الورقة

توقيع الورقة ما يمشي عندي

قال انت ماصدقتنا ومن الكلام بس راح ترجع لنا

قلت انا ابي اسال واجيك

ويجيك واحد حاط لحية ومقصر ثوبة يلبس لبس الدين ويلعب فيه

ويخلي العالم يصدقونه انه مطوع

ويعطيني رقم جواله قال اي شيخ تبيه اتصل عليه وانا اجي اشرحله الطريقة

اخذت رقم جواله وسالت واحد قال اعرفها وحرااااااااااااااااام

واجي امسح رقمه من عندي

فيه واحد غررو فيه ودخل وانا احذره ومع ذالك مافيه احد يهرج يحسبني اكذب عليه
وهو بعد يدرس شريعة

قسم بالله اني ماعندي علم بالدين زين ولااني مطوع عادي

بس سبحان الله الله الهمني وطلع فيني دين وعلم مدري من وين جاء

والله اني ارد عليهم بالحاديث والقران وانا والله اني مادرست لا شريعة ولا اني طالب بحلقة تحفيظ القران بس سبحان الله

[[ لــمّــآح ]]

عسى الله يحفظ مآلك من كل شر
كما حفظت أموآل المسلمين ..

[المنخرش]

الهواء الغايب

حبيبنا
ليتي منزلك الموضوع قبل تقابلهم

لأنه معروف وش يبي يقولون

اسمع المقطع وش يقول فيه

يقول انا سألت الونيان

لما جومنا عليه قال حتى لو تتصل عليه ماراح يفيدك لأنه مايعرفها

طيب وشلون تقول محللها وهو مايعرفها ؟

اقتباس ويجيك واحد حاط لحية ومقصر ثوبة يقول انا داخل فيها قلت انت من رسول

عشان يخدع الشباب بهيئته للاسف ..

اقتباس قال الشيخ افلان داخل فيها هو وبناته والدكتور افلان قلت قلت هذولا انا ما اعرفهم

ياليت لو تذكر أسمائهم لي لو بالخاص هالمشايخ اللي داخلين هم وبناتهم

اقتباس قال هذي يبيلها شرح وتعرف الشيخ مشغول

الدين مافيه شي اسمه مشغول ..
الدين فيه شي اسمع كامل القضية .. وبعدين احكم

والمسأله اصلاً ماتجي بالاختصار .. لابد من تفصيل

ومافيه شيخ يرفض .. على الأقل تستطيع ان تكتب فتواك بايميل وترسله له رسالة ..
كما فعلت أنا مع الشيخ سلمان العوده ..

كتبت كل حاجة عن الشركة ..
بعد 5 ايام ارسلي الفتوى ..

يعني يكون كذا الشيخ .. ماقراها .. إلا يوم فضى .. وجلس يقرأها بتمعن ..
ثم استفسر عنها وبحث .. وجمع المعلومات .. وافتى بها


قال مشغولين قال

اقتباس من زود الكذب يقول الساعة الي علي اتحداك تحصلها تباع بالسعودية هذي بس تبيعها الشركة

كتبت هالكذبة في الموضوع

وهذا الاقتباس لها

اقتباس الشركة Bernhard H. Mayer تبع شركة كويست نت .. ومعروفه في صناعة الساعات http://www.bhmayer.net وأن هذه الساعة سعرها تقريباً من 5000 إلى 9000 ريال وسوف تصلك بعد شهر أو أكثر بقليل .. وسوف تتميز بها .. وفي الحقيقة أن كويست نت خدعتهم بذلك .. والدليل .. هذا الموقع http://www.creationwatches.com/produ...d-h-mayer-199/ فهو متخصص في بيع ساعات جميع الماركات العالمية .. ومن ضمنها Bernhard H. Mayer ونقلت لكم الرابط وانا فاتحها على صفحة ساعتهم .. ستجد ان كل ساعاتهم موجوده هنا .. بالإضافة إلى انها أقل تكلفة .. اي انهم يبيعون لك الساعة ب 3340 ريال .. وكويست نت تبيعها ب 6000 ريال

شف هالساعه هذي
تباع بالموقعهم حلو 6000 ريال


اما في الموقع الآخر العادي
ب3340 ريال ..
وياصلك بعد ايام مو ثلاث شهور

[الهواء الغايب]

هلابك يالمنخرش

والله ويا ولد خالي ودي اقولك

بس قال ناس اكثارين

ولا ادري ايهم الي قال هو وبناته

[بدر بن عبدالله]

أبا فهد بارك الله فيك ، وجزاك الله خيراً على هذا الموضوع ، وعلى جهدك
ووقتك الذي بذلته لايضاح كذب ونصب هذه الشركة ، التي أكلت أموال الناس
بالباطل وغررت بهم وبالربح الموهوم واستغلال الضعفاء ومن عليهم ديون.

وبفضل الله ثم بفضلك أبا فهد نبهت أحد أقاربي كاد أن يشترك معهم وتراجع
و حمد الله على أنه لم يشترك ، وأجره بإذن الله يعود لك ، و انظر موضوعك
كم سيصل إلى شخص وكم ستنبه شخصاً من هؤلاء المحتالين ، فلله درك ،
وجزاك الله خير الجزاء.

أبا فهد

[أبــوبــاســل 99]

قواك الله يالمنخرش ( أبـــــوفـــــــــــهـــــــــــــــد )


واتمنى من الله عز وجل ان يمتعك بالصحة ماحييت ,
جزاء ما نورتنا وابصرتنا تجاه هذه اللعبة المشينه , فوالله العظيم كدت ان اقع في فخهم إلا بعد ان انزلت هاذا الموضوع بدقائق تم اخباري من احد الشباب ان إقراء الموضوع في بريدة ستي , وبعد القراءه والتمعن صرفت النظر عن الشركة المذكورة ,,,



حمانا الله واياكم من شرها وشر من فيه شر ..

__________________

[California]

جزاك الله الف خير

والحمدلله انني لم اشترك معهم

[المنخرش]

الله يجزاكم خير ..
واشكر لكم دعواتكم .. والله يوفق الجميع لما يحب ويرضى

[ايماض البرق]

اما المقر فهو في ماليزيا
وطبعا هم عندهم الاعضاء درجات
فاذا بلغت احد الدرجات يأخذوك الى ماليزيا
طبعا على حسابك بس يأخذووك هناك ويبداون يطلعونك على اشياء

وبالنسبه للعلم اللي طلع منك طبيعي { الهواء الغايب }
تسمع بالمسجد رياض الصالحين
وبالمدرسه يدرسسون الابتدائي ثلاثة الاصول وكتاب التوحيد بالمتوسط
والقران معك على طول منهج يعني لو كنت الى الثانوي يكفيك العلم للتحصين

بالنسبه للبضاعه تردهم عن طريق { أرامكس }
انا رحت وشفت بأم عيني عندما اراد زميلي يستلم بضاعته .

الحقيقه ان الانسان الواثق بنفسه اولا والمستبصر يستطيع كشفهم

بالرياض دائما يجتمعون في المقاهي
واذا كان عندهم اجتماع او دوره غالباما يكون في فندق اليمامه

واعذرني يالغالي { المنخرش }
كل ما ذكرت شي برجع واتطفل
لما اخرش الموضوع خرشا مبرحاً ^_^

[رئيس التميز]

يا سلام عليك يا ابو فهد

دايم تعجبني مواضيعك

:. تحياتي .:

[عطــر الأمــاكن]

معي شخص بالمسن ازعجني بالشركه هذي وبين فتره وفتره يقول بكرى ابسافر لماليزيا .. اقوله ليش ؟ يقول البزنس >> ماهب عاقل خخخخخ

اقلقنا عنده صراحه حتى كاتب بتوبيكه
وداعاً للجامعه
وداعاً للوظيفه
الله العالم اخذ مقلب فيها هههههههههههههههههههه هههههههههههه

اهم شئ لما اكلمه واقوله وش سالفته هذي ودي اصير بزنس مثلك ؟ يسالني يقول وينك اقابلك واعطيك نبذه عنه !!
قلت انا بالمريخ ماتقدر توصلني اللي عندك قووله هنا بالمسن وش يمنع خخخخ

للأمانه عجزت افهم طريقته بس انا غير مقتنع باي عمل ما يكون على المكشوف وتحت جهات رسميه

مستحيل مستحيل مستحيل اني اعمل باي عمل مهما كانت ارباحه وهو غير موثوق كهذي الشركه لان نهايتي بتكون مؤلمه بكل تأكيد

بيض الله وجهك وماقصرت اخوي المنخرش وان شاء الله يستفيد منه الاخوان وواصل فضحهم والله يقويك .



::برايفت للمنخرش ::
احس اصحاب الشركه واللي فيها حاقدين عليك خخخخخخ

[المنخرش]

رئيس التميز

حياك ياغالي وبياك الله يوفقك يارب


عطر الاماكن .. ياليت ترسلي ايميله على الخاص اكون لك من الشاكرين .. اقصد ايميل هذا اللي يقول وين اقابلك