[القلب الوردي]

واثقة الخطى
مممم
عندك خبز التورتيلا اشتري ثلاث أنواع تصير ملونة وكل لون حشيه بحشوة مناسبة له
مثلاً الأبيض تكون حشوته دجاج وجزر وجبن ومايونيز أو جبن وبيض
والأحمر حشوته خضار مشكلة
والأخضر فلافل

عندك بعد كب كيك المالح
عجينته تشبه عجينة الفطاير والحشوة ( جبن تشيدر , فلفل رومي ملون , زيتون )
وينفع تسوينه بصينية
إذا تبين طريقته حطيتها لك =)

لو تسوين لهم فطور شعبي أحس هذا يقدرونه الرجال
( حنيني , قشد , مراصيع مبللة , كيك بر , مصابيب , )
خصوصاً هالوقت برد والناس يبون شيء يدفيهم مع الزنجبيل والشاهي


موفقة

[*ألمـاس*]

اقتباس المشاركة الأساسية كتبها القلب الوردي واثقة الخطى مممم عندك خبز التورتيلا اشتري ثلاث أنواع تصير ملونة وكل لون حشيه بحشوة مناسبة له مثلاً الأبيض تكون حشوته دجاج وجزر وجبن ومايونيز أو جبن وبيض والأحمر حشوته خضار مشكلة والأخضر فلافل عندك بعد كب كيك المالح عجينته تشبه عجينة الفطاير والحشوة ( جبن تشيدر , فلفل رومي ملون , زيتون ) وينفع تسوينه بصينية إذا تبين طريقته حطيتها لك =) ياليت توضحينه يالغلا اذا سهله سويته لو تسوين لهم فطور شعبي أحس هذا يقدرونه الرجال ( حنيني , قشد , مراصيع مبللة , كيك بر , مصابيب , ) خصوصاً هالوقت برد والناس يبون شيء يدفيهم مع الزنجبيل والشاهي موفقة

يسلموووووووووووووووا
الله يغفر لموتاكم وحبيبك عموما

[القلب الوردي]

اقتباس ونجي للمـالـــح ... تشـدر تشيـز كب كيك مررررررررررره لذيذ مع الشاهي طعمه خيااااااالي عجينته تختلف عن عجينة الفطاير لانها تطلع انشف شوي وماتنفش كثير وطعمها خطير طريقته الاصليه عباره عن انه تفردين نصف مقدار العجينه بعدين تحطين الحشوه بعدين باقي العجينه وهذي اصلحها لما نكون لحالنا ، بس للتقديم اصلحه بشكل كب كيك <== تكره التقطيع مررره مقـاديـر العجينـه :: كوبين دقيق 4 ملاعق كبار حليب بودره 2 ملعقتين كبار خميره بيضه 2 ملعقتين صغار سكر ذره ملح 2 فنجانين قهوه زيت ثلثين كوب ماء تقريبا الطـريقـه :: طريقتي دائما بالعجن : اخلطي كل المقادير عدا الدقيق بالخلاط بعدين اضيفيهم عالدقيق واعجني واذا احتجتي زيادة دقيق او ماء زيدي لحد ماتطلع معك عجينه متماسكه بتلاحظين قوامها لين شوي اخف من عجينة الفطاير وبتشوفين يدك كلها زيت لانها دهنيه تطلع وغطيها واتركيها تخمر مدة ساعه ،، الحشـوه :: جبن كرافت تشدر مبشور فلفل رومي ملون مقطع مربعات شرائح زيتون اسود واخضر اخلطيهم مع بعض .. ادهني قوالب الكب كيك بالزيت وسخني الفرن على درجة حرارة 375 اقطعي قطعه صغيره من العجينه وافرديها بيدينك وهي بكفك حطي بوسطها من الحشوه وكثري مثل الصوره : تلاحظين كيف العجينه مو متماسكه مره سكريها زين وحطيها فقوالب الكب كيك وادهنيها ببيض ورشي سمسم ودخليها الفرن حتى تتحمر من تحت وحمريها من فوق واذا طلعت غطيهم بفوطه حتى تلين شوي ، بعدها طلعيهم وحطيهم بورق البليسيه وعليكم بالعاااااااااااااااافيه وهنا كنت مصلحتها بصينيه عاديه ..

نسخته من صاحبة الطريقة الله يجزاها الجنة ووالديها يارب