[صوت انسان]

أكتب م ن وجهة نظري ليس من وجهة نظر أخر
الرجل دوما أرقى ذوقا من الانثى يحب المميز لايرضى إلا بما يسر نظره
عكس الأنثى تكتفي به كرجل لايهمها إلا ماساد وتعارف عليه الأخلاق والدين ..
ظروري الدين والأخلاق مهمه كي لاأتلقى هجوم ولكن كذلك الرجل يهمه الدين
والأخلاق أساس لقبوله بها كزوجه ولكن ذوقه الرفيع لايرضى إلا بما يسره كل صباح ومساء
يبحث عن الوجه الجميل أوربما الوسيم دائما شرطه الجمال وإذا تواضع أرادها وسيمة الشكل
عكس الأنثى لاتفكر بوسامته ولابشكله إنما ترضى به كما هو وإن كان قبيح لاأعلم !!!
لماذا هي كذلك لماذا لاتكون الأنثى ذات ذوق رفيع كالرجل ولاترضى به إلا إن
كان وسيم الشكل أو حتى مقبول الملامح ...

[دلـوعــ سيبوية ــة]

مب على ذوق الفطرة كذا الرجل يميل الى الحسناء الناعمه والمراءه تميل الى الرجل القوي الخشن ولا يهمها شكله

[كلي تفائل]

ايييييييييه فهمت
عاد الشكوى لله عسى الله يسخرهم لنا هم وشينهم
بالعكس لاصار مزيون يصير قلبي له تعرفين البنيات الحين يهنالهن الرجل فما بالك لاصار مزيون
وغالبا اتزين له ولا عمره قال ياملحس

[• إنِدثـار~]

^





آمين الله يسخرهم ؛
الوآحد لو هو شييييفه بمعنى الكلمة لآ ترتّب يطلع وش حليله
مآهو بشرط الجمال ؛ بس وين اللي يسمع : (


" الصرآحة موضوعك تنسييييم

[الريم55]

اعتقد ان الزوج مكتوب لك مو انت تختارينة بعدين ليتهم يصيرون رجال على اسمهم

[وبيص مسك]

اتوقع ان الموضوع يحتاج الى تدقيق اكثر

..,,,,,
وش المغزى من هذا الكلام او ما الفائده....؟؟؟؟

احلقوا رمشي ان صارت المتحدثه(انثى)!!!!!!!!!!

[َ ربـــــــــــى]

الله يسعدك .. من زمان ماضحكت ..
ورد وهج الدعوة ضحكني اكثر .. الله يسعدكم جميع وكل مسلم ..
شوفي أختي ..
أن كان الرجل عنده ذوق فالمرأة عندها حكمة ..
الرجل يبي شكل .. والمرأة تبي معدن أصيل .. ومايتوفر الا باصحاب الدين اللي يخافون الله ..
الرجل يبي قشور .. والمرأة تبي اللب ..

وعلى فكرة ترى موب كل الرجال نظرتهم سطحية ..

وفيه شيئ مهم ..أن اللي يحب يشوف اللي يحبه أجمل الناس ..

وبعدين يحق له الرجل يبي مزايين بلانا كلنا مزايين ..
بس حنا يابعدي مافيه امل نلقى رجل زين .. هههههه

الله يوسع صدرك بالايمان وطاعة الرحمن ..

[قـــصـــيـــة]

هذا وأنتي أنثى تقولين هالحتسي!


شوفي ياغالية مثل ماقالت الريم 55 الزوج مكتوب مب أنتي تختارينه .. بعدين الرسول عليه السلام
يقول - من أتاكم من ترضون دينه وخُلقه فزوجوه - ماقال من ترضون جماله!

يعني الذوق والرقي اللي ذكرتيهن بالرجل مب شي زين .. إذا كان الرجل يدوّر زوجة جميلة ويهمل دينها
فهذا لاذوق ولا رُقيّ هذا خلل بدينه وعقله .. فكما يقولون الجمال جمال الروح

والبنت العاقلة والراقية والذوّاقة تقبل بالرجل مهما كان شكله أهم شي دينه وأخلاقه مب جماله وفلوسه ياغالية

[نور الحياة]

انا مع وميص مسكـ ... الموضوع فيه لبس بس وشو؟؟
سواء كان كاتب الموضوع انثى اوغيرة لابد من الرد عليه
من قااااال ان الجمال اساس الحياة
والجميل اللحين دايم مغرور وشايف نفسه ورافع خشته:
والبنات اللحين يبغون الرجل الصح اللي قليل وجوده
مو الرجال اللي دايم ؟؟؟؟؟؟؟؟

واذا ربي وفق ما يحتاج جمال او غيرة أهم شي الدين والاخلاق
والرسول صلى الله عليه وسلم ما قال من ترضون جمااله

حقيقة هذا الموضوع للإستفزاز لا غيرة
ونبغى مواضيع جاااادة على مستوى وليس السخااافات

[فوشيا]

من قال أن البنت ماتبي يكون زوجه وسيم !
بس البنت مو مثل الولد هو اللي يخطب ويختار البنت اللي يبيه ويتمناه أما البنت ما بيده لا حول ولا قوه !
ومثل ما قالت رُبـى.. من تالي الزين نادر في عيالنا , لو أبحلف نسبة الزين في عيال السعوديه ماتتعدى 15% خخخ

؛ وبالنسبه لي أنا الوسامه مطلوبه وشيء أساسي.

[هايين]

الموضوع لك عليه
بس البنات ردو يرد يشفي
..

[أشوووقي]

لا تعليــــــــــــق ...

[احساسي يؤلمني]

اقتباس المشاركة الأساسية كتبها هايين الموضوع لك عليه بس البنات ردو يرد يشفي ..

[بنت أبو خالد]

في حديث الرسول صلى الله عليه وسلّم للنساء [إِذَاْ أَتَاْكُمْ مَنْ تَرْضَوْنَ دِيْنَهُ وَخُلْقُهُ فَزَوِجُوَهْ ]
ولم يذكر أحدها وسامته .

أما حديثهُ صلى الله عليه وسلّم للرجال [ تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ... إلخ ]