[عمر اليحيى]

بسم الله الرحمن الرحيم
صاحب القصة يرويها لنا يقول :
في مساء يوم الخميس 16 / 1 / 1432هـ وفي مخيّم استأجرناه في خب روضان وقد وضع المسؤول عن المخيّم راوية ماء بمقدار (وايت) رفعها فوق شحنة رمل لكي تضخ الماء على دورات المياه والمغاسل ولم يضع لها أي حماية من تثبيت أو جدار ، وبعد العصر صعد مجموعة من الأطفال يلعبون فوق الراوية فتدحرجت عليهم فأصبحوا تحتها ، فقمنا جاهدين بشقها وتفريغ الماء وإخراج الأطفال من تحتها وعددهم خمسة ، اثنان منهم في حالة إغماء وحالتهم خطيرة جداً ، فقمنا بإسعافهم ، جزء ذهب إلى مستشفى بريدة المركزي والآخر منهم ذهب إلى مستشفى الملك فهد التخصصي ..
الأطفال الذين وصلوا إلى مستشفى بريدة المركزي وجدوا استقبال ومعالجة فورية بإجراء عملية بالرأس وأخذوا كامل الإشاعات ولله الحمد ; أما من ذهب إلى مستشفى الملك فهد التخصصي فلم يجد سوى بنقاليين متهاونين وحالة الأطفال خطرة جداً ولم يتم أي إجراء إلا بعد ساعة من وصولهم ، وتم خياطة الفتحة بالرأس دون أخذ أي أشعّة ، وأما الطفلة فلديها إصابة بالفم فقالوا أنه لايوجد مختص في هذا الوقت وبعد إلحاح على المسؤولين ، جاء الأخصائي وهو غضبان وقال لا أستطيع أعمل شيء إلا يوم السبت . ؟؟؟؟
الجدير بالذكر أن الطبيب المباشر قال أنا سأذهب آخذ بريك ولعلكم تأخذون الطفلة وحالتها خطيرة وتأتون بها غداً لعلاج فمها ، علماً أننا جلسنا 3ساعات في الأسياب ولم يؤخذ للمصابين الإشاعة .. ؟؟
كما طالبناهم بترقيد الأطفال ولم يتم ذلك إلا بعد مشاجرات معهم .. !!!!

نداء للأمانة والدفاع المدني أين مراقبة المخيمات
والنداء الثاني لمدير الشؤون الصحية بالقصيم
بمسائلة مستشفى التخصصي على هذا الإهمال
والشكر الوافر لمستشفى المركزي على هذا الجهد ..

صورة مع التحية لأمير المنطقة ونائبة
صورة مع التحية لأمين أمانة منطقة القصيم ووكيله
صورة مع التحية لمدير عام الدفاع المدني بالقصيم
صورة مع التحية لمدير عام الشؤون الصحية بالقصيم

[طموح مشرق]

لا حول ولاقوة إلا بالله...

شفى الله مصابهم...

[رياحين القصيم]

لاحول ولاقوة الاباالله ياناااس وين المسؤليه وش هالاهمال وش ذنب الاطفال تغتال فرحتهم

يارب شافيهم يااارب

[هايين]

لاحول ولاقوة الا بالله

والاطفال كيف حالهم الحين

..

[ولد حمد]

عليهم من الله ما يستحقون هذا مجزره مهب مستشفى

وصلت خدماتهم الى الحضيض


لكن أبشرك ان المصابين بعافيه

[ابوقاسم m]

الحمدلله على السلامه
وعسى اللي بالتخصصي مابهم شي
الحين ايهم ازين المركزي او التخصصي

[قــطر النــدى]

الحمد لله على سلامتهم
ولاكن العتب على الأهل........تعرفون ليش؟
لأنهم ذهبو بهم إلى مستشفى الملك فهد الله يرحمه قمه الفشل

[xX DUNHILL xX]

اقتباس صورة مع التحية لأمير المنطقة ونائبة صورة مع التحية لأمين أمانة منطقة القصيم ووكيله صورة مع التحية لمدير عام الدفاع المدني بالقصيم صورة مع التحية لمدير عام الشؤون الصحية بالقصيم

صور من غير تحيه ..
ترى ملينا كل شي غلط .. ان جيت للشوارع والمستشفيات والمدارس ابي شي واحد صح ابي شي زين الناس .. ودنا نحس اننا اوآدم حياتنا مهمه ..

xX DUNHILL xX

[الردار]

لا حول ولاقوة إلا بالله...

شفى الله مصابهم...

[الفارس الخوف]

اول شئ ياخي البزران مالقو محل يلعبون به غير الراوية هذا دليل اهمالكم بأطفالكم

ثاني شئ استقبال مستشفى التخصصي زفت بزفت ومعك حق وكان يوم شفتوا الوضع كذا رحتوا للمركزي

[مُعان]

الله يشملهم برحمته ويحيط بهم بعنايتة ويمن عليهم بالشفاء العاجل
ويجزاك كل خير

[نجم الزهرة]

اقتباس المشاركة الأساسية كتبها ولد حمد عليهم من الله ما يستحقون هذا مجزره مهب مستشفى وصلت خدماتهم الى الحضيض لكن أبشرك ان المصابين بعافيه

وش عندك إيقالك تعرفهم

أنت ولد ............. وهم إعيال ......

لله الحمد والنة أن صحتم تحسنت قليلا

لكن يقولون كل ممنوع مرغوب

تمنع الأطفال ويجون اعناد

[جساس1000]

اقتباس المشاركة الأساسية كتبها الفارس الخوف اول شئ ياخي البزران مالقو محل يلعبون به غير الراوية هذا دليل اهمالكم بأطفالكم ثاني شئ استقبال مستشفى التخصصي زفت بزفت ومعك حق وكان يوم شفتوا الوضع كذا رحتوا للمركزي

وين تبيهم يلعبون فيه
مخيم مثله مثل غيرة
لا مراجيح ولا زحليقات ولا دبابات
والدباب اشد خطورة


وابشرك حالة المصابين في احسن حال
وقد خرجو من المستشفى هذا اليوم

[زورو الحربي]

والله حتى المركزي ماهوبعيد عن التخصصي
اللي اباصله مستشفياتنا خااااااااااااااااااااااايسه