[روقــآن]

موضوعك كوم ورد كريتف كوم ثاني ق1

[GIVENCHY]

ههههههههههههههههههههههههههههههههههههههههههههههه
أبودعس موضوعك كووم وتعيين جناح إلى أشراف الكشكول كووم .. <= يسمع بالكوم شكله
على طاري الطفوله ..
الطفوله , أيام لاتنسى الطفوله ماضيها ذهب وحاظرها عذاب

تبي أسولف عليك من أسنان كم تقريبا


لي عودة بعد ما أروّق ياخلف الخبوب ..

[~ [ جناح ] ~]

اقتباس السلآم عليكم ورحمة الله وبركاته

و عليكم السلام ورحمة الله و بركاته

اقتباس أول شيء / أبارك لبليدر وجناح على الإشرآف , وعقبال الترقية والله من الهجة بها الاثنين ان تسان بي علم

اقتباس

كل الشكرن

اقتباس إلا على طاري الاشرآف , ودي أسألكم من اللي إلى هالحين من الكشكول مآصآر مشرف , لله دركم ياأنتم

باقي أنت

اقتباس المهم , مثلكم عآآرف إني دبشة صقعاء بالمقدمات , يعني ذرب بهرجي , أطلع تسلمة وبعد نص سآعة تلحقه الثآنية , ابد تسنك تشوف أبورآزان لابدى يسولف <-- من قال آدمن

أهنييييك على الذرابة بس وشي هي

اقتباس ندوير للمحور الأسآسي , وهو بعض الموآقف وأنت صيغنون , على طريق البزر هو أنتم تؤمنون بمقولة برآءة الطفولة , ولا لا لأني أنا مآ اقتنعت به أبد <-- واقفة لانه تختلف من طفل لآخر ,فمرة يكون دلخ , ومرة يكون بريء <- وهذا نادر , ومرة تكون خبآآآآثة ونجآسة وهذا الغالب

أنا برييييييء مثلك

اقتباس فمحاتسيكم لم تمر عليه إلا البرآءة , وقسم إني بريء منول , تصدقون لاسمعت الشباب يسولفون بمواقفهم البطولية قديما إني اطنبس رآسي من الفشيلة ,مآ أذكر لفعت أحد ابد , دآيم مجلووود يآحول ياأنا , إلا مرة ضربت وآحد وإلى الآن وأنا أتجرع مرآرة هآك الضربة , كل مآشآفن يآأما يفشلن ولا ان حصلت لبخة على الطآير , ولا نعلتن ويقول مآدريت , الله يرحم حآالي بس

ياخي دبشة منب بريء على السالفة ذذ

اقتباس أذكر مرة يوم أنا يرقة <-- لاتدققون به , كل بعد صلآة ظهر نلعب بالشآرع كورة , طبعا بدون نعآل , وإذا ضربت المآصورة هدف , من تحتيه إلى آخره يعتبر هدف , كود نسوي حركآت كبتن رآبح , لاشآت الكورة فووووق , نبدأ كل وآحد يرفع الثآني علشآن نرده , واذكر كل الاهداف تجي من فوق , عآد لاقضت المبآراة نقول والله يالمبآرة انه حمآسية , والدليل انه مآجاء الا هدفين , نسلي أنفسنا به , ويآحول يآحنا مآ اخذنا حسآب المآصورة , أذكر مآصورة عريضة ومآصورة صخيفة إيه أقولكم وحنا نلعب اذكر تعلقت الكورة بالأثلة , وخذ تحليت عليه , خمس دقآيق نلعب والبآقي نحلت على الكورة المهم وحنا نحلت على الكورة , وانا رآيحن ابجيب حصآته مآ أمدآي ارفع رآسي إلا هآآك الحصآتة الشلآفية بوجهي , طعععععععععععععععععععع <-- الضربة , وخذ خرخة دمآآن , ويتوحش هاللي حلت علي الحصآآته , ويقعد له سآعة وهو يحلف لي إني مآآدريت إني بحلته على الأثلة , عآد أقتنعت إنه مآدري , وهو انجس خلق الله هآك الايآم , مايمر يوم الا هو صآطرن مآدري وش أنا مسوي له , عآد انا من دلآختي مشت علي انه مآدري , ومرت الأيآم وقعدت أفكر به , قلت بنفسي معقولة إني طول الأثلة هآك الأيآم ويبي يحلته بالأثلة وجت علي , , يعني وشلون مآدري , وأحآول أبلعه ويمين ويسآر , وبعده تاكدت أنه قآصدة هالمجرم

اقتباس

الآن تأكدت أنك من جنبه و بـ قوة

اقتباس 2

اقتباس والله يآعندي قرق وآآجد من قوة إني ولهن عليكم <-- لاتصدقون رجآءً المهم , قديما كآن الدخآن عندنا بالخبوب يعتبر من أشد الجرآآئم , لحد إنه يتغآضون عن بعض الأمور اللي هي أشد منه إذا كآن مآيدخن ولا مآعنده رآدو أذكر وآحد يقول إنه شآف اثنين بالخلوة , ورآح علم وآحد عندهم بله تسلمة ,وقاله السآلفة , قآل أنت متآكد قآل إيه متاكد , قال طيب معهم رآدو قآل لا قال أجل الحمد لله امورهم بخير <-- أفهموه

هههههههههههههههههههههههههههههههههههههه
نو كمنت مثل لماح

اقتباس المهم أذكر مرة عند جآآرنا مصري والدخان مآينزل من اثمة الله يهديه , ومن بآب حب الاستطلاع , قلت أبشوف وش هاللي معه , بحكم دلآختي المعهودة , المهم رحت لمه قلت أبي لي وحدة , قال لا هذا مآيصلحش للصغآآآر ومآآدري إيش من هالكلام , به ذمة هالمصري , قلت اقولك ابي وحدة أبجربه , وأنا ويآوه لين عطآن وحدة , عآد يوم أخذته أبروح أجرب بعيش حيآتي , أحسبه تشتغل من روحة هي , نسيت أنه يبي له ولاعة ولا كبريت وابلش بعمر وأروح أدور يمين ويسآآر , المهم بعد المخمخة العمياء , قلت مآلي إلا أروح للبيت وأضف من البيت , المهم وقعدت ادور بالبيت كبريت ولا لقيت , مآلقيت إلا الزند , قلت حلووووووووووو , هالحين ابشبه , المهم وأطلع من المطبخ وأنا مغبي الزند بمخبآتي واروح ورى ابشغله وأنا قآعدن اضغط بها الزند ويمين ويسآر وأحآول يآما قلبته , ويآما جربت مع النص , همن اقلبه أقول شكله به بلي وخربانه , مرتن أقول الزند خربآآآن , وأنا بهاللحظة , إلا ويجين هآآك الكف اللي يمشي ألللللللللللللف , وتووووون أذني هآآك الونة , وسيدا للبيت صيآآآح , ويوم كآمل وأنا أصيح ولا اسمع احد , عآآد هاللي لفعن كف إلا هالحين كل مآآمرت من عنده بدت تصفر أأأذني <- أخذت عليه وعقبه كرهت المصري , والدخآآآن , واللي لفعن

من متى الزند غازي(ن) ديار الخبوب ؟
غريبة ما قالوا سحر

بعدين شكلك لخبطت بين الونة والصفير

آخر سؤال على هذا المقطع /: من اللي لفعك ؟
(أبوك - أخوك - أبو الجيران - آخر - حذف السؤال )

اقتباس <--- الصدز إن اصآبعي قضن , من مبطي وأنا مآكتبت مثل هالكتب لي عودة لا جآآء بالبآل شيء

ما تشوف شر أصابيعك ..
وترانا ننتظرك ..

اقتباس هذا الموضوع مجرد | تسجيل حضور | وكنت نآوي أكتبه من عهد فرعون بس العجرز مسيطرن علي

وا كثر تسجيلك الحضور ..

اقتباس إيه صح تسيف أنتم يالربع ؟

بخير دآمك بـ خير ..

اقتباس شيكررررن

العفو يا بعدي ..

اقتباس جنآح / قديمة هالحركآت , الضحة ضحكت تسليك , ولا انا وآهم

لا واهم ..

اقتباس إلا أنتم تدرسون إلى السآعة 10 بالليل

اقتباس لا آخر ما درست إلى الساع 4 .. على العموم سو اللي تبي بالموضوع , أهم شيء اللي برآسي ولحته منذ فترة شيكرن

هلا بك يا حبي لـ قلبك ..

[[ لــمّــآح ]]

^

أغديك ترجع للمــ ×××
وإلآ تروح شمآل شوي ع هالرد هههههههههههههه
أجل أكثر تسجيل حضورك ههههههههههههههههههههههههه

[ريــآض]

خخخخـ
..
ياملحك ، ودي آشوفك وانت صغير >> ذذ
..

[زحـل]

ههههههههههههههههههههههههههههههههههه اخسس يابودعس تتن زقارة صدزية انا اخبر هاك الايام
نجمع من شجر البرسوبس اللي طايحن بالارض ثمن نحطه بورقة ونشعللها دخان بلدي عاد مره طاحتنبا امي وجيك وتمصع اذاننا مصع طلع تشوه بالإذن تشوفه الحين تقول ورقة كتاب عافطة علامه

اما على طاري تحليت الحصى تسد مرة كنت قاعدن بعتبة الباب ومعي حصاته الصبح احتري تريلة تمر دايم من عند شارعنا
المهم راعي التريلة ابوبكس دايم اذا مر نمطرة بالحجارة انا واخواني عاد ابن اللذينا فكر هو وتختى لي ومن قرادة حظي مابه إلا انا المهم ونا احتريه وإلا مادري معين طلع ومن ذهانتي هجيت برا البيت يعني المفروض ادخل البيت بس نزيت يوم شفته نازل من السيارة ويبي يتصن واهج بالشارع عاد هـو يناظرن وانا وراء سيارة جيراننا اصيح على حال المسلمين
مب علشانه بس تذكرت حالنا وبكيت سبحان الله عاد اشوى هو رحمن ولا سوى شي راح

[الفيلسوف 15]

هههههههههههههههههههههه ياهو موضوع..
اذكر يوم انا صغير كنت نجس وكان اخوي ورفيق دربي حبيب مرة.. قومن ابوي مرة للمدرسة انا واخوي اناعيت اقوم واخوي قام علطول قمت عاد يوم قمت قلت لخوي الحين الساعة عشر مايمدينا نروح للمدرسة وانا اصلاً ماودي اروح للمدرسة وهي الساعة سبع ونروح لبرحة وراء بيت ونقعد نفطر ونسولف ويوم جت الساعة 12شفنا ابوي رايح للمدرسة عاد الارض على شارعين ابوي يجي دايم مع شارع واحد حنا رحنا مع الشارع الثاني لقينا ابوي هدى علشان يلف عاد حنا رجعنا مع الشارع الاول وطلع ابوي بوجهنا عاد انا اقالي ماعرفته واخوي راح لمه عاد نادان ابوي ويقالي توي ادري عنة قال امشوا قدامي ونمشي قدام السيارة يوم وصلنا لم الدرسة لقينا الوكيل معه لي وابوي يقوله اضربهم هذولا حمير (الله يكرمكم ) والوكيل يقولة خلاص يعقلون عاد توسط لنا الوكيل يوم دخلت الفصل كل العيال يناظرونن احلى توك جاي يوم قعت على الكرسي ويرن الجرسة طلعة طلعة طلعة ونروح لم البيت

[ابن الإسلام]

والله يالدعساوي قرقك كثير
مليت وأنا أقراء

[الـدعساوي]

اقتباس المشاركة الأساسية كتبها ولد حمد وكل موضوع لازم تقول تسجيل حضور التحليت على البلديه يجووز ,, أذكر لازم نحلت عليهم اذا جوو يضفوون الزبايل وانتم بكراامه عااد أنواع اللحق بنا وخذ طيران بين البيوت ,, شكرن حبيبتنا دعيسه

وش اللي حاشرك هالحين أنت
البلدية , له شيء ثآني , بس بحكم انكم بالحمر , فمآتدرون وش الطبخة
شكريات أنت

اقتباس المشاركة الأساسية كتبها الــمــفــتــرس ههههههههههه ههههههههه وأقول وراه برطمك سود << كلاك لاكن وش رايك بحب الإستطلاع << لا تبطي ق1 ولد حمد / حنا حتى القلابيات ما سلمن

حب الاستطلآع , شيء رهيييب , خصوصا باشياء لاتحمد عقبآه
بس تحمل العوآآقب , لاصرت دلخ
شكرا أبوسليمان

اقتباس المشاركة الأساسية كتبها Bleeder جبت شي جديد يعني ?? لكن يوم أنا صغير خابرن روحي حبيب ولانب أعرف الهوشات ولا التتن .. خلك حبيب يحبونك أهلك

والله من التكبر , يوم صرت مشرف بديت تكد
الكتاب بآين من عنوآنه , يعني هالحين وقديما مآتغيرت دردغانة مثل ولد عمك
هههههههههههههههههههههههههههههههههههههه

اقتباس المشاركة الأساسية كتبها الـطـرطـعـانـة حقزززز لي عودة يالقزم

ومن قال إني قزم

اقتباس المشاركة الأساسية كتبها كآيدهمـ هههههههههههههـ من شارع طنطا الى الخبووووب ـهههههههههههههه والله يالموضوووع اهبال يابو دعس من زمان ماشفنا زي ذي المواضيع الي تفتح النفس ياخي والله يا انا مشتاق لك ومشتاق لمواضيعك ولكن مانقووول الله يهدي من كان السبب بالتفرقة بيني وبينك يا حبيب قلبي انت << < ذذ الى الي راحو ورى الاثل ما معهم رادو ؟؟ ولا قشة بالفراولة ولا لقو خيمة ابو الشباب فهم بخير وعادي يغيبووون بالنصف ساعة والساعة كمام ذذ اما الي فالق راسك بالحصات كئني اشوووفة اقرع وطاقية على قدام وفية شوية جبارة بجسمة وعيونه تلاقط والاعانة مكتوووبة فووووق راسة وانت هدر يوووم تمشيها اجل يحلف لك وانت تصدق والله من البرائة براسك بعد اجل رايح تقردن المصري تبي منه دخان ذذ واوك ولا ماخذ الزند تبي تشبها وتقلبها بعد ولا باغي تشبها مع الوسط بعد والله يا انت طفل برئ عقب ذي ابو دعس تكفى طلبتك لا تقطع بنا يكفي الي قطعو من الشباب او تم قطهم .

والله يآطنطا أنه ذآبحتك ذبح , كل رد لازم تجيب طآريه , اعترف وش انت آخذن من هنآآك
رجآء لاتولف , ومسألة ترقية الأثل والحبوس هذي , فرجاء شله من مخك

اقتباس ياخي والله يا انا مشتاق لك ومشتاق لمواضيعك

<-- يكفنك ذولي
هههههههههههههههههه
ومن قآلك انهم رآآحوا للأثل , أحسن الظن بارك الله فيك
وبعدين لاتغلط وتقول إنك دبشة , هذا يسمى طهآرة قلب مهب دبآآشة ,قآالوا لك بليدر , على هالحالة
منور يآكآيدهمــــــــــــــــــــ

[كآيدهمـ]

اقتباس المشاركة الأساسية كتبها الـدعساوي والله يآطنطا أنه ذآبحتك ذبح , كل رد لازم تجيب طآريه , اعترف وش انت آخذن من هنآآك رجآء لاتولف , ومسألة ترقية الأثل والحبوس هذي , فرجاء شله من مخك <-- يكفنك ذولي هههههههههههههههههه ومن قآلك انهم رآآحوا للأثل , أحسن الظن بارك الله فيك وبعدين لاتغلط وتقول إنك دبشة , هذا يسمى طهآرة قلب مهب دبآآشة ,قآالوا لك بليدر , على هالحالة منور يآكآيدهمــــــــــــــــــــ

؟؟
هذا طنطا شارع بيتنا الي بالرياض
مو الي اقبال الشقة بالمعادي ذذ

والله اني منهبل بك يوووم شفت موضوووعك

ومن ناحية القلووووب يكفي قلبك الي بين الضلوووع

انا ما قلت شي وهل تدخل بالنيات ذذ

والله انك صادق زي ذاك المثل الي يقووول
القانون لا يحمل المغفلين
وهو بالاصح
القانون لا يحمل طيبي القلوب ذذ

هههههههههههههههه ياحبيلة ابو خالد
دابة سليمة تمشي على الارض يطهر الارض الي يمشي عليها
من زوووود الطهارة والله .

النووور كلة بوجووود
ووش نبي بالنجوووم دام القمر موجود ياقمر انت .

[الـدعساوي]

كريتيف ~

اقتباس أحسن شي صكيتوا السواليف

مهب صحيح , أنا ضد قفل موضوع السوآليف , هالحين مآشال الكشكول إلا هو ,وتجي تصكره
خلاص الوآحد مآعنده قرق إلا غصب تبيه يكتب موضوع

اقتباس الدعساوي أبتل أقولك لوفيو

ممكن توضح وش معنى هالكلمة بالضبط
عل العموم لوفيو

اقتباس تسنّي اشوفه بين عيوني

هههههههههههههههههههههههههههههههههههههههههههه
هههههههههههههههههههههههههههههههههههههههه
الله يآخذ عدوك , وش هالبلى اللي أنا أشوفه , أعقل وامسحه لا أمسحك عن الأرض
بعض النآس تخصص عيآآآرة

اقتباس وتجميع من الشري

ورآآه سآكنيني بالطرفية , ولا بعسيلآن ولا بقة مثلا , وش جاب لكم الشري

اقتباس ياخي معهم سياكل مانقدر نهج

لا تخلين احلف انك اسرع من السيكل , ياخي منول السياكل , يا اما انه يجيك وطآية وحدة
ولا يجيك جنط بدون كفر
ولا ينفرط السير <-- وهذي ياكثره

ههههههههههههههههههههههههههههههههههههه
يبدوا انك مليآن بسوآليف الطفولة , ودلآخته المعهودة , قهر مآعرفتك يوم انا صغينون , أحس
اننا نركب على بعض
سير سير ولا تبطي


صعصعة ~
ورآه شكل الكيبورد يآخذ عليك نسبة بالكتب
عطنا اللي عندك بالتفصيل الممل
نورت


روقآن ~
رح شف شغلك بس


جفنشي ~
ورآآه شكل الموضة أول مآترد لازم تضحك
علمنا لاتغبي علينا شيء
الله يآخذ اللي علمك الكوم , قل آآمين
وردك كوووووم مليء بالدلاخة

اقتباس الطفوله , أيام لاتنسى الطفوله ماضيها ذهب وحاظرها عذاب

ولو أثره يجي منك <-- تقل حاقرك هالنتف
نبيك تشولف لنا من اسنان بليدر وأنت جآآي

اقتباس ياخلف الخبوب

[صعصعة]

ياخذ سعي 2.5 بالمية