[معالي الوزير...]

بسم الله الرحمن الرحيم


اليوم وبعد العشاء وتقريبا الساعه 10 كلمني أحد الأصدقاء وقال : ودي أركب برنامج الجارمن والقرآن قلت له ما فيه مشكله ، طلعنا على النافوره بس والله مو تكبر ولا تعلي هالمكان ما هو قدري ولا حتى قدر رجليني .


يا أمة محمد بحياتي ما قد دخلت مقهى ولا بالحلم اليوم بسوق النافورة أكبر وأجرم المقاهي ، قتلتني ريحت الدخان لا حياء ولا حشيمه الواحد يدخل المحل وسيجارته بين أصابعه والثاني يدخن بشراهه قدام الرايح والجاي ، حسيت ساعتها إني حقير إلا ذليل يعني ما فيه ترفع .



هذا شي والشي الثاني ناس غريبة بشكلها ومضمونها ، أشكال غريبة تقزز ما تقول إنك بالسعوديه لبس بايخ وتحليقه بايخه ومشيه بايخه وهو كله بكبره بايخ (( إذا كنت لا تستحي ففعل ما شئت )) واللي يقهر بزياده يناظرك بستغراب يعني إنت الغريب وهو إبن البلاد ، الله لا يبلنا آمــــــــــين .



والثالث الغش عيني عينك ، ما يسترجي الواحد يقول الحقيقة ضايعه والله ضايعه غش في الأجهزه غش في الكلام غش في التعامل ، المصداقيه مفقوده صديقك واللي هو صديقك يغشك ويقول مزحه والله مهزله .


النهايه أقول يا ناس يعقل يكون الوضع ضياع إلى الله المشتكا وعليه التكلان ولا حولا ولا قوة إلا بالله

[وزير]

الله يستر من الجاي

[AboNawaf]

شكلك مغمض وتوك تفتح اجل

[قـــصـــيـــة]

هذا زمن الفتن!! حمانا الله وإياكم منها

لكن تفائل خير .. يقول الرسول عليه السلام: [ الخير فيني وفي أُمتي إلى أن تقوم الساعة ]


وعليكَ بالنصيحة والأمر بالمعروف والنهي عن المنكر .. حتى لا نكون كقَوْلُهُ تَعَالَى: ( كَانُوا لَا يَتَنَاهَوْنَ عَنْ مُنْكَرٍ فَعَلُوهُ )..!!



بارك الله فيك وكثّر الله من أمثالك

[معالي الوزير...]

اقتباس المشاركة الأساسية كتبها abonawaf شكلك مغمض وتوك تفتح اجل

والله إنك صادق مدري وش فيني توني أحس بس الوكاد إني قليل جدا أزور هذا المكان

[معالي الوزير...]

اقتباس المشاركة الأساسية كتبها ورقـة خـريـف هذا زمن الفتن!! حمانا الله وإياكم منها لكن تفائل خير .. يقول الرسول عليه السلام: [ الخير فيني وفي أُمتي إلى أن تقوم الساعة ] وعليكَ بالنصيحة والأمر بالمعروف والنهي عن المنكر .. حتى لا نكون كقَوْلُهُ تَعَالَى: ( كَانُوا لَا يَتَنَاهَوْنَ عَنْ مُنْكَرٍ فَعَلُوهُ )..!! بارك الله فيك وكثّر الله من أمثالك

لا فض فوك هذا الكلام الصحيح لو انا واللي مثلي يأمرون بالمعروف ما صار الوضع مزري لهذا الحد الله يتوب علي والله من قوة الهم عجزت لا أكلم صاحبي وأقوله يالله بلا برنامج بلا نيله وش عاد أنصح أستغفرك ياربي وأتوب إليك .

[L&M]

ياخي وش تسوي ..


اغلبهم اجانب ..


بس ادع لهم بالصلاح والهدايه ..

[أبورامي]

الله يصلح شباب المسلمين

[معالي الوزير...]

اقتباس المشاركة الأساسية كتبها l&m ياخي وش تسوي .. اغلبهم اجانب .. بس ادع لهم بالصلاح والهدايه ..

الله يهديهم والله مو أجانب سعوديين تعرفهم بوجيههم

[سكرووب بريده]

والله اليةم رايح ازين جوالي واذبحتن الر يحه
يووم رحت للبيت اهلمن ابوي يقول ريحك تتنن بس قاليه ابي اروح ازين جوالي

[قبصه]

فعلا نفس انطباعي عن هذا المكان في اول زيارة لي له

[حي بن صبيح]

النافوره معروفه ودك تتعلم النصب والاحتيال رح هناك لا وازيدمن الشعر بيت كله يمنين يعني الضمه ضايعه

[نواااااره]

الزمن زمن فتن لن الشكوى لله الله يهديهم ويصلحهم

[منطلدز بحماس]

هي على الدخان واللبس تهون
الخافي أعظم