[السامي البريداوي]

,,

يقال أن ( شلة ) شباب يطلعون كل أسبوع ينبسطون ويتعشون ..

لكن كان بينهم شاب بالعامي مايحقر نفيسته . كل شيئ يعرفه ..

وكل موضوع يتحدثون فيه لا زم يتخدل فيه ويقول رأيه .. ورأيه طبعاً هو الصحيح
كان مضايقهم هذا الشيئ ..

وفي تلك الليلة قال واحد من الشباب فلان فعلة مو معقول ولا (وش ) ترون .
قالوا عز الله أنك صادق .!!

فأقترح واحد منهم وبما أنه سيأتي بعد قليل أن كل واحد منهم يقول حرف معين , ثم يجمعون هذه الحروف ليصنعوا منها كلمة , وبالتالي يسألونه عن هذه الكلمة ومامعناه وهي من تأليفهم !!.

فأجتمعت حروفهم هكذا على كلمة ( خنفشارية ) كلمة ليس فيها أصول اللغة أي وجود .

فلما حظر هذا الشاب المسكين قال له أحدهم :

كنا نتحدث عن موضوع ونبي رأيك ..

قال : هات وش الموضوع .

قالوا له : كنا نتحدث عن الخنفشارية ..

قال : أها سبحان الله توي قاري عنهـا الخنفشارية هي ......... وبدأ يتكلم .

والشباب يضحكون ..

بعد ذلك أطلقت هذه الكلمة على كل من يدعي معرفة كل شيئ ..

أو على موضوع فيه كل شيئ ..

يقولون هذا ولا هو أكيد ..

لكن الأكيد يا أخوان ويا خوات .

أن عندنا واحد بالدوام ( باط شبدي ) على قولت الكويتيين .

كل شيئ يدعي أنه يعرف فيه ويبخص فيه .. كم جهاز كمبيوتر خربه وكم وكم ..

ويدعي بمعرفة الأحكام الشرعية ويبخص نفسه عن العلماء . والأطباء والمهندسين وووالخ .

أنـا ما أدري هذه النوعية من الناس كيف تفكر ؟؟؟!!.

أنا متيقن أن هذه النوعية ليست غبية . وتعرف أن الناس تعرف أنهـا تكذب ..

لكن هل المسألة نفسية .. أم أن مثل هذا الشخص لم يجد شخص يستمع له ويثني عليه ..

فيملأ عاطفته بنفسه أم ماذا ؟؟؟ ..

ياليت تجيبوني فأنا محتار .

[خمائل مختاله]

اذا كان الخنفشاري عنده معلومات صحيحه..

خله يتدخل بكل سالفه..

بس اذا صار ماعنده الا هرج فاضي..بس يصدع راسك..

وودك يبلع لسانه..

[السماوي]

خخخخخخخخخخخخخخخخخخ :::: اجل يبخصكم هذا لايطلع معكم خلاص

[متصفحة]

السامي ..

هذا النموذج موجود لدى الجميع دون إستثناء

الغريب هو ثقته التااامة بالعلم والمعرفة .. ولا يدع لنفسه مجال للتفكير أو البحث

وهو إما ان يكون متعصب متطرف لنفسه أو أنه جاهل لآ يعي الحياة ومتطلبات الحضور بالأخذ والعطاء

ليست قلّ ثقة وإنما ( بزاعه ) كما هو معروف لدينا عامة

أما عن صاحبكم فالمفترض ان تكون وقفتكم معه صارمة .. فقد بلغ السيل الزُبا

[مدير دبرة]

لابد ان تنكوي أكثر من مرة ... قبل ان تكتشف ذلك الرجل..!!!
وعندي اللي عندك..
لكن في الاخير.. عرفت كيف اتعامل معه.. واحجم من نظرته وتدخلاته..

هذه النوعية لديها ثقة عالية ومفرطة...
واحيانا تكون نتائجها وخيمة...
ولابد من (قومعته) وتكسير مجاديفه وعدم منحه صلاحيات..
بحيث يشعر ان مايفعله تسبب في ضرر له
حتى يترك مايفعله...

[أوتار سرمدية]

هذه النوعيه ماعليك الا أنك تضبط أعصابك معها ولا تجادله الا بالتي هي أحسن ودعه يفهم أن الإنسان المحترم ع قدر أحترامه للأخرين وأستخدم معه أسلوب نعم ولكن

[قائد المجد]

ياكثر الخنفشاريين في زماننا هذا

[فـــتــى سـلـطـانــه]

ياخي هذا الرجل انا قرأت عنه قبل قليل وهو؛؛؛؛؛؛؛؛؛؛؛؛؛ هههههه حتى انا طلعت خنفشاري واتفلسف ع العموم مشكووووووووور ع الموضوع والناس الي مثل هذا كثيرين لكن انا اتمنى يكلمني واحد منهم والله لأكسر عينه......

[نموري]

لاحول ولاقوة الابا الله مسكين من يدعي انه يعلم كل شيء لانه بالنهاية يخدع نفسه والناس يتندرون عليه

[غربة غريب]

اقتباس المشاركة الأساسية كتبها السامي البريداوي ,, لكن كان بينهم شاب بالعامي مايحقر نفيسته . كل شيئ يعرفه .. وكل موضوع يتحدثون فيه لا زم يتخدل فيه ويقول رأيه .. ورأيه طبعاً هو الصحيح كان مضايقهم هذا الشيئ .. .

هذا الجنس كثيرين في هذا الزمن
حتى أني كرهت طلعة كنت اطلعها مع زملاء صالحين
بسبب واحد نفس الشيء
ونبهته كثيرا فلم ينتهي

( الرويبضه) بمعنى آخر

[ـالتُفاحة الورديّة]

احس النوع هذا يحمل في معنى كلمة ((( غـبـــــي )))

احس ان اللي يعرف الاجابه ويقول مادري افضل من اللي يتكلم وهو مايدري وش السالفه

وهذا النوع اهون من يسألك احد سؤال وهو يدري وش الاجابه لقلت مادري كملك الجواب

شكرا على الموضوع

[أطوي جروحي بضحكتي]

مامثل السهج ..........ماكن أحد يتكلـــم ...ثمن ينطم ويسكت ولاعمرة يتكلم ولايتفلسف

ياكثر مامريت بالاوادم بس هذا علاجهم

[المنذبح]

معنا عضوه هنا في المنتدى ,,,,,,,,,,,,,,,,,


(((خنفشاريه*)))))



على مااعتقد يبي يجيكم لزخ ,,

[L&M]

ياخي دام الرجال مابه شر ..


خله يغرد على كيفه .. ولا تاخذ بهرجه ..


وبعدين ماتدري .. يمكن تدور الدنيا .. وتحصل حاجتك عندهـ ..


فـ خله يغرد لين يقول اان ام الصيرم تولد ..