[برفسور ملتمس]

اقتباس المشاركة الأساسية كتبها اخترتك لدربي وجهة نظر نحترمها ياالغالي .. بعلق انا على كلامك انك تقول للشباب الواعين !!! ..( رح للتحليه اللي باالرياض وغيره وشف اللي فيه واعين .. قسم بالله انك تحمد ربك على العافيه اشكال ما انزل الله بها من سلطان .. من واقع مشاهده ومن واقع نقل من زملاء ).. احيي فيك طرحك المميز مثلك .. ووجهة نظرك ..

عزيزي .. سررت بلقاءك والقرار بتواجد هذا الشارع مو بيدي أو بيدك ولكن ، فكرة وطرحت للنقاش ..،
للتوضيح : أنا سكنت الرياض سنوات طويلة ، ولكن حالياً بالقصيم ، من الصعوبة التكيف بيوم وليلة والسبب الفوارق ، معليش قلت لك قصة حياتي هههه بس للتوضيح لا أكثر .،
صحيح كلامك هنالك سلبيات في شارع التحلية لكن بالمقابل هنالك ايجابيات ، ومن ضمنها متنفس ، في مكان يقضى فيه الشباب وقتهم ، أمام مراة الجميع ، وليس بمثل مايحدث في منطقة القصيم بالخفايا وبالاستراحات ومطارد بالشوارع ، والنتيجة وبحال يتم القبض على أي شاب يقول له الكلمة المشهورة ( مافيه أماكن للشباب ) .. هل تعلم أن ثقافة شباب الرياض تختلف عن ثقافة شباب بريدة وأقصد ثقافة التطور والتكنلوجيا بينما المسافة بينهم فقط 340 كلم ..
وأنا لم أطالب بفتح سينما ، فقط شارع يلم هالشباب ويتواجد فيه ( صالات ومقاهي انترنت وجلسات مفتوحة أمام مراة الجميع ، ويكون فيه أمن بس لكسر حجة هؤلاء الشباب أولاً ثم التنفيس ثانياً ، واخيراً باب من أبواب التطور) ..