[جبل شمر]

صدمه ... توقعنا اكثر من كذا ... وش فايدة معونات الانديه 10 ملايين لكل نادي ؟؟

[ياليت]

يآحول يآلحريم مآلهن نصيب

آي وآلله المكآفآه ششششويه

[L&Mَ]

شد همك .. وارفع معدلك ..


وانشاء الله ما تحتاج مكرمات .. ولا خربطه ..


وبعض الناس بدوا من الصفر .. والحين شفهم مشاء الله ..

[عذراً ... يا حبيبتي]

الحمد لله على سلامته ..

تبوووووووون الصدق ..

المكرمات محبطه للشعب .. بنظري

[علوش بلوش]

[size="7"]اقوووووووووووووووول المكرمه الي مستفيد منه الصوووووووووووووووووووووووووص[/size]

[المنخرش]

مساكين والله مساكين

تقوقعت عقول المنافقين حتى بهرجوا الحبه إلى قبة .. ليخرجوا الحثاله إلى اسطورة

والحقوق إلى مكرمات

تباً لكم

[جنَــاحُ حُلمْ]

وقت وتنسون ويرجع كَل شئ لوضعه
والبَطاله بكمَ بكم مدآم أبو هنود مغطي الخبيب
والزووووول ماسك العقارات

[نجدية حرة]

هذا الرابط لمن أراد تقديم مطالب الشعب الحقيقية..

بعد قراءة المطالب لك حق التأييد في خانة (تأييد المطالب) أسفل العنوان..

فنحو دولة الحقوق والمؤسسات..

تفضلوا الرابط من الموقع الرأيسي:

http://dawlaty.info/%D8%A7%D9%84%D8%...B7%D8%A7%D8%A8

[غــــ م ــــوض]

ينتظرون قدوم الملك بلهفة ..

وعبآرآت رآئعه !

وملك الملوك ينزل في الثلث الأخير من الليل ليعطي من يسأله ..

وهم في لذة النوم ولا نرى من ينتظر نزوله إلا الرآآبحووون !!

[ابو احمد 769]

نعبنبو داركم والله مايملى افواهكم الا التراب ..
ياشباب اشتغلو بدل مانتم متبطحين بالاستراحات ومالين الشوارع ازعاج وتفحيط الخير واجد لكن البلا منكم ومن اهلكم اللي مخلينكم بالبيوت مثل النسوان .
مايرفع ضغطي الا اللي يقول نبي رواتب للعاطلين مادري وش معنى عاطل يعني وظيفه ولا تموت من الجوع يعني يبي الدوله توظف 26 مليون ويجيبون الافغاني والهندي والبنقالي خدام لكم والله ماصارت يالشعب السعودي...... واحر تسبديييييييي منكم . شوفو الاجانب يحولون مبالغ خياليه كله من شقاهم وتعبهم . الميدان ياحميدان اشتغل بيدك وارفع نفسك وخل عندك عزه وكرامه......... ياشباب مادري وش تحسون فيه ماتفشلون اذا الواحد يطلب من امه ولا ابوه فلوس والله معطيه عافيه وقوه جسدية .. اعذروني من ردة فعلي بس هذي الحقيقه .. تحياتي للجميع

[أوتار سرمدية]

الفرحة بعودة خادم الحرمين غمرت كل الوطن وعمرت كل قلوب المواطنين
الحمد لله على سلامته وعودته سليم معافى
والله يكفي البلاد والعباد شرور الفتن ماظهر منها ومابطن
القرارات التي اصدرها الملك مشكورا عليها ولكن
للاسف لاترقى لتحقيق تطلعات الشباب وهم عماد الامة وسندها
البطاله بحاجه لحل جذري فالفراغ مفسده ومصيده
الفقر اثقل كاهل كل المواطنين في اغنى بلدان العالم
لماذا لاتؤخذ على أيدي ديوان الخدمه المدنيه الى تاركين اكثر من 180 الف وظيفه دون شغلها وهل ترقية الموظف الى على رأس العمل أهم من توظيف العاطلين عن العمل ؟؟
وما أقول إلا الله يكفي الملك شر بطانته الي ماتدله على الخير للوطن والمواطن

[المنخرش]

اقتباس المشاركة الأساسية كتبها ابو احمد 769 نعبنبو داركم والله مايملى افواهكم الا التراب .. ياشباب اشتغلو بدل مانتم متبطحين بالاستراحات ومالين الشوارع ازعاج وتفحيط الخير واجد لكن البلا منكم ومن اهلكم اللي مخلينكم بالبيوت مثل النسوان . مايرفع ضغطي الا اللي يقول نبي رواتب للعاطلين مادري وش معنى عاطل يعني وظيفه ولا تموت من الجوع يعني يبي الدوله توظف 26 مليون ويجيبون الافغاني والهندي والبنقالي خدام لكم والله ماصارت يالشعب السعودي...... واحر تسبديييييييي منكم . شوفو الاجانب يحولون مبالغ خياليه كله من شقاهم وتعبهم . الميدان ياحميدان اشتغل بيدك وارفع نفسك وخل عندك عزه وكرامه......... ياشباب مادري وش تحسون فيه ماتفشلون اذا الواحد يطلب من امه ولا ابوه فلوس والله معطيه عافيه وقوه جسدية .. اعذروني من ردة فعلي بس هذي الحقيقه .. تحياتي للجميع

على هونك يالحبيب على هونك

نسبة الي بالشوارع الي تشوفهم .. ال 10% إن كثرنا هذولا مغنيهم الله ولو تشوف البطالة انتهت راح تشوفهم هم نفسهم
هذولا ابواتهم منغنغين
اما المساكين شفهم إذا جاء وقت التمر والجح والعيد وشلون يكدون بدداسنهم وشهاداتهم عالية
شفهم وشلون ماسكين بيت كامل يكدون عليه .. والصبح يدرس والمساء يكد لنفسه

تعال للاجانب
روح لاي قطاع خاص وأنا اشتغلت بنفسي وشفت بنفسي
سعودي يحمل شهادات وخبره في مطعم وطبخ
اشتغل في قطاع خاص بمرتب 2500 ريال .. مهب حرام ؟
جاء بعده سوري أقل منه شهادات وخبره .. بل مامعه شهاده معه خبره فقط
يستلم من نفس الشركة ونفس المكتب 7500 ريال
بالله عليك .. وتقولي الأجانب يكدون ..؟

روح لمصنع بيبسي وشف المهازل في الأجانب كيف يبذح فيها

أحنا مانطالب نوظف الي متبطحين

نطالب (هالمنافقين) عليهم لعنة الله .. يوظف ولد اخوه وعمه وقريبه
والآن يوجد آلاف من الوظائف شاغره
كل واحد ينتظر ولده وولد عمه يخلص من المدرسه ويتوظف ..

بالله قلي ليش الكبارين لما ولده يتخرج (ثانوي) نجده يأخذ منصب كبير ومرتب وسياره ؟
والي مالهم إلا الله .. نجده معها ماجستير يهش فيها الذباب ؟

بالله عليك وين العدل والانصاف في التوظيف ؟

خلهم يبطون كبدك .. لكن ذق ماذاقوا وراح تعرف .. والي يفحطون ليس قدوه ولا أسوه ولله الحمد
بل نحن لسنا من هواة التحفيط والتطعيس

نحن نريد منزل متواضع وزوجه وستر نفسك وعفها عن السؤال
هذا مانريد ..

لم نطالب بشيء ليس لنا أو نتذلل .. لا يخسون والله
نحن نطلب حقوقنا (فقط) حق الوطن على مواطنيه فقط ..

حقوقنا صارت إكراميات مع أننا نستحقها وهي لنا أصلاً
لكن استعباد

أبيك تروح لأي شركة كبيره .. مثل بيبسي سابك ارامكوا
او حتى شركات العقاريه الثانية مثل بن لادن او الاتصالات وغيرها

وروح شوف مسيرات الرواتب .. وشوف الفرق بين السعودي وغيره..

السعودي يجلس فتراو طويله بين مقابلات واوراق وواسطات عشان يتوظف
والأجنبي يمكن دون مقابلة أصلاً .. هذا شي يشوفه الجميع وواضح جداً ولا يعرفه أكيد إلا من قدم وتوظف فيها

نحن لانريد القطاع الحكومي .. نحن نريد حماية المواطن من القطاع الخاص واعطائك كافة حقوقه
مو كل مسؤول يرمي التهمه للاخر


حبيت أوضح لك رؤوية يمن انت ماتشوفها ..

شكراً عزيزي

[عمر الرويس]

ليمضي قدر الله

[MELBOURNE]

لو تكلمنا على انها حقوق وليست مكرمة لما كان هذا وضعنا

القيادة تتغير اذا ما كان الشعب يريد التغيير حقا

اما اذا كان الشعب يريد التطبيل فلا تغيير في القيادة

( القيادة لست اعني بها الاشخاص بل اعني الفكر )