[ابوخالد بريده]

السلام عليكم ورحمة الله وبركاته

لااريد ان اطيل عليكم موضوعي احبتي في الله
هناك ضاهره منتشرة في مدينة بريده ويغفل عنها الكثيرون ولاكن الحقيقه انها مؤلمه لنا وشبابنا
موضوعي هو ..
لدي ابن في الثامنه عشر من عمره ولديه مخالفات مروريه قيمتها 40000ريال هل هذا يعقل
لم اصدق هذا المبلغ فجلست معه لاساله من اين اتت
فرد لي بابرد لهجه ((( كله من المرور باليننا ))) قلت ليش وش مسوي قال الليله اباخذك معي وتشوف سكت وقلت خلاص


الساعه 11 طلعت معه على اني بشوف سالفة المخالفات منين جايه ويوم وصلنا اشارة هرفي متجهي لدوار الهديه كان فيه تفتيش ويوم وقفنا شفت شي لم اراه معامله مع الشباب كانهم بهايم ومخالفات لاتفه الاسباب لماذا ؟؟ ليس هناك رقيب عليهم
واخذت اسامي عسكر كانو في التفتيش نفسه ويوم سالت عنهم ؟؟ هنا المصيبه
كلهم معهم جيوب ربع ومخالفين 100% وليس هناك رقيب لماذا الضلم لشبابنا
وسالت ابني بس انت مخالفاتك كذا قال لا اخوياي كلهم قلت ابتاكد صار خويه عليه 30000 والثاني عليه 20000 يعني مخالفات لاتصدق ولدي اسامي العسكر ولدي كل شي يثبت انها ضلم بضلم
وان المووضوع كله واسطه بواسطه اللي يعرف عسكر تمشي اموره ويخالف عادي
كل شي انحل بالمملكه الا الواسطه انا مابي حل له لاكن ابي حل للمخالفات يعني لو نصير كلنا يد بيد ونطالب بالغاء المخالفات والتسيب اللي حاصل من العسكر لارتحنا

وليش المرور يلاحقهم من شارع لشارع عشان الدو ران طيب اذا مادارو وين يروحون السوق مثلا
... اكيد لا لانه مكان حريم وهيئه وين يروحون يعني مالهم الا يدورون ولحد يقنعن يقول عيالي مايدورون كلنا مرينا بالشي هذا حنا الحين نقول مانبي احد يفحط ولا يزعج ولا يهج من مرور والله عقب اللي شفته من العسكر مالوم الشباب لو فحطو ولاهجو منهم لانهم مايستاهلون الوقفه لانك اذا وقفت تبي تدخل الحجز ولا تدفع قيمه مخالفه 500 ريال وسالت الولد قلتله يوميا الشي هذا يصير قال تقريبا اذا استلمت فرقه وحده وسالت عن الفرقه هذي لقيت انواع التسيب واخذت اسامي العسكر

فلاح العنزي
منيف الحربي
العجلان
الضبيب
فهد الغدير
هذولا فرقه وحده كلهم واذا ماتاكدتو من كلامي اتمنى انكم تطلعون مع عيالكم بالليل وتشوفون اللي يصير لانامو الضباط تسيـــــب غير طبيعي


اسف للاطاله ولاكن لازم نلقا حل واتمنى من المسؤولين الانتباه لهذه النقطه وشكرا

[بولوهي]

انا تقريبا يوميا امر من عند هالتفاتيش اذا انت مضلل ولا مغبر السياره وخصوصا القزاز فاكيد تبي توقف وهذي مخالفه .. ااما اذا مسكك على شي ما سويته فيحق لك انت تقول مضلومين واسال اللي ساكنين بالحي ذاك يعجزون ينامون من الازعاج بسبب هالبزران ... وانصحك تسحب موتر ولدك ..

[بولوهي]

اقتباس وليش المرور يلاحقهم من شارع لشارع عشان الدو ران طيب اذا مادارو وين يروحون السوق مثلا ... اكيد لا لانه مكان حريم وهيئه وين يروحون يعني مالهم الا يدورون

بالله عليك ذا هرج ابوعيال ههههههههههه ارحم عقولنا ياشيخ
وقل لعيالك او قل لنفسك رح اجلس زي العالم ولا رح طعس بعيد عن الحواري .. شف العالم تكشت يمين يسار وذولا ماغير يوذون الخلق بالازعاج

[جاسم *]

انصحك تروح تسددها ,, انا ع الان 14 وكلها مخالفه تضليل ورخصه ..

ووانا مو من الشباب اللي يغبرون ولا اللي ينصبون ,,

اعرف واحد يقولي واحد مع ربع ومن اللي ينصبون واللي يغبرون علي مخالفات قيمتها 90 الف ,,

نصها دبل ونصها تضليل وتغبير ومن هالمخالفات ,,

لاكن اغدينا ننتظر العفو الملكي اللي يمسح مخالفتنا ..

[جاسم *]

اقتباس المشاركة الأساسية كتبها بولوهي بالله عليك ذا هرج ابوعيال ههههههههههه ارحم عقولنا ياشيخ وقل لعيالك او قل لنفسك رح اجلس زي العالم ولا رح طعس بعيد عن الحواري .. شف العالم تكشت يمين يسار وذولا ماغير يوذون الخلق بالازعاج

*

مافيه شي كلامه !!

وصادق ترا علمني انت وين يروحون الشباب , تبي تقول روحو طعسو وروحو فحطو بعيد ..!!؟

تطعيس بالليل راحو له ولحقتهم الدوريات تفحيط بعيد برضو لحقتهم الدوريات ,,

يااناس الواحد له طااقه يبي يطلعها صعبه تمنعه انه يطلع طاقته ,,

مو اقول هالكلام ائيد حركاتهم لا وربي بس انت وغيرك لو تشوفون لكم مكان صدقني راح يبعدون عنكم ..

*

[brns]

معليش اخوي الكريم ماتجيك مخالفه الا وانت مسوي شي خطااا امش سيدااا صدقني ماتجيك ولا مخالفه
انا لي 3 سنوات والحمد لله ماخت ولا مخالفه .. قولو مشاء الله ))

[الرحاله العربي]

هناك نقطه وهي أن بعض الشباب ليس عنده إحترام لرجل المرور وبعضهم يتعمد التفحيط أمامهم ثم يهرب وهذا ما يجعل رجل المرور يترصد له

احترم رجل المرور حتى وإن أعطاك مخالفه وسترى التغير الجذري ،، المساله احترام رجل المرور والكلام معه بكلام طيب ومؤدب وعدم تهجم بالكلام

[تيجان]

يوم القيامة فقط يعرفون هذولا الشباب وين يروحون ؟؟ يوم بيسألهم الله عن وقت الفراغ الله يهدي شباب المسلمين

[GaLi aLaThMaN]

الله يعينك على تسديد مخالفة ولدك
المخالفات تجي بارقام شنيعه الصراحه واكثرهن ظلم من هالعسكر

بس سوال مخالفات ولدك 40000 معقوله كلهن ظلم ..! ما اتوقع
اكيد ان فيه مخالفات من عدم وجود رخصه لو تشميع او مخالفات سرعه او او او الخ وكل مخالفه له سعره اللي يقص الضهر
واللي اردى و اردى تدبيل المخالفه


اللي ابي اقوله مو كل من صار له مخالفات بهالارقام هذي تحطونه على ضهور هالعسكر

[خاشوقة]

تقول إن لدي ابن في الثامنه عشر من عمره ولديه مخالفات مروريه قيمتها 40000ريال هل هذا يعقل

وتقول مابي حل / معناها ماعنك مانع تسدد.. وهذا السبب الي خلى ولك يطنش المرور ورجال الامن وماتهمه القسايم يعني بإختصار انت الي مخرب الولد (موتر جديد ودراهم وآلمه) وشيبي الشاب غير هذا!!!!!!!!



اقول ماعندك سلف 2000 ابضبط موتري .. الصدام منكسر والاشارة طايحة والنور طافي وتبي كفرات
وتبي غسيل اسبوع كامل .......... الله يعين بس ويرزقن قولو آمين

[هواي الشقه]

الا والله كلهن ظلم ويكفيك من ظلمهم تدبيل المخالفه في اقل من شهر على الاقل المخالفه تكون ثابته مافيه ربا والمفروض يعاملون الشباب بالحسنى وبالكلمه الطيبه صدقني ان الشاب يخجل يسوي مخالفه مره ثانيه وانا يقول العسكري لابني اربط الحزام وتعال استلم المخالفه وشلون يتحرك من السياره وهو مربط \\\\\عجب

[أبورامي]

الله يكون بالعون
( الناس تخطي وتبي مايقاله شيء )

[ام البنات99]

صدق والله به ضلم شديد حنا يقرب لنا واحد باالاماره يقول جاء لمي واحد صغير وحلو ومعه خطاب للامير يبي يشوف له حل قسايمه 46000الف
يقول قعدت معه وسئلته ليش قسايمك كذا قال ان واحد بنقطة تفتيش متوقف لي يبين بحاجه وانا رافض واظن انتم فاهمين وش يبون الاشكال ذي
وكل مامريت عطان قسيمه وكل مره يطلع لي حجه والمشكله اني ملزوم امر امي تغسل كلى باالمستشفى وهو باالطريق ومدري وش ااسوي المشكله يقول وقفت معه ودخلت اوراقه للامير ويوم شافه الامير قال انا مالي خص

مسكين اجل من الي له خص حسبي الله ونعم الوكيل على كل ظالم

[نظام ساهر]

اقتباس المشاركة الأساسية كتبها ام البنات99 صدق والله به ضلم شديد حنا يقرب لنا واحد باالاماره يقول جاء لمي واحد صغير وحلو ومعه خطاب للامير يبي يشوف له حل قسايمه 46000الف يقول قعدت معه وسئلته ليش قسايمك كذا قال ان واحد بنقطة تفتيش متوقف لي يبين بحاجه وانا رافض واظن انتم فاهمين وش يبون الاشكال ذي وكل مامريت عطان قسيمه وكل مره يطلع لي حجه والمشكله اني ملزوم امر امي تغسل كلى باالمستشفى وهو باالطريق ومدري وش ااسوي المشكله يقول وقفت معه ودخلت اوراقه للامير ويوم شافه الامير قال انا مالي خص مسكين اجل من الي له خص حسبي الله ونعم الوكيل على كل ظالم

اي والله مالي خص الضغط يولد الانفجار صراحه انا كان معي موتر حق شباب مثلكم عارف وانا رجال عمري بالثلاثينات وكل ماشافني عسكري وقفن يحصبي بزر يالله انتم في بريده ابتسمو للعسكر ههههههههههههه