[فتى اللواء]

قرانا بعض الاعلانات في هذا المنتدى عن حراج على مجموعه من قطع الاراضي بحي البساتين ببريده والمعروف بخب القبر بصراحه ما ادري من وين جابو اسم البساتين يمكن من البلديه المهم خب القبر او خضيراء اوحتى الضاحي فكلها يطلق على هذا الحي /المهم سمعنا انه فيه حراج على اراضي بخب القبر // وانا انبه الاخوه اللي يرغبون بالشراء انهم يحذرون من لعبه يبي يسويها المكتب اللي يبي يحرج على الاراضي لانه متفق مع مجموعه من ملاك المخطط للدخول وقت الحراج ورفع سعره بهدف التخلص من الاراضي المتبقيه من المخطط والاشخاص طبعا من ملاك المخطط ويوهمون الناس انهم مشترين ومن راغبي الشراء وهذا طبعا حرام بس ولا عليهم من الحرام المهم يبون يبيعون بالسعر اللي يخططون له وبيع الاراضي بسرعه قبل البدء بالشروع بتطبيق تحصيل الزكاة على الاراضي واللي يمكن يطبق قريب جدا والتخلص من الاراضي //والمشكله انهم من المحسوبين على الملتزمين للاسف والا لتزام والتدين منهم براء //ارجو من المواطنين عدم الاندفاع بالتصديق بالسعر وحدها 50 ريال للمتر وهذا سعرها الحقيقي فيكفي انها بالجنوب //انتبهو ياشباب من ملعوب جديد اللهم اني بلغت اللهم فشهد

[##أبوعلي##]

الله يكفينا شرهم صدق طمع طمع لاذمه ولاضمير

[crcr]

وين 50 ريال للمتر
تصدق ..إنك أكبر نصاب
و إنك من نفس الفصيلة

[أبوراشد]

تخطيط الأرض يكلف أكثر من 50 ريال للمتر غير قيمة الأرض وغير الـ 30% المستقطعه من الأرض للخدمات
!
,,,

[فارس القوافي]

بصراحة أعلان غريب ويحمل المصداقية بقدر غير ذلك .

نعم القرار قاب قوسين أو أدني من النزول لمنع الاراضي الفاضية من عدم الزكاة .
ولكن السعر 50 أوخي في الدهنا يبلغ خمسين .
ولكن ليس هذا السعر الحقيقي أن كان خبرك يحمل المصداقية.
نشك أنك تسوى دعاية لهم .أو على وجهك وطيب . وحدة من ثنتين لاثالث لهم.

[عبدالله]

لاتخف...............للظلم نهاية................وراع هالحركات مايوفق

[فتى اللواء]

اقتباس المشاركة الأساسية كتبها crcr وين 50 ريال للمتر تصدق ..إنك أكبر نصاب و إنك من نفس الفصيلة

استاذي واخي الفاضل اني والله العضيم براء منهم ولا اعرفهم لكني قبل عام حصل حراج بخب القبر وجاء شباب يبون يشترون والواحد معاه 100000 الف ريال جمعها بتعب وعرق وديون وفجاة اول مابدء الحراج دخل مجموعه من ملاك المخطط وقالو المتر لنا ب 450 ريا جميع المخطط وهم كذابين ودخلو بصوره مشترين والله العظيم هذا لحاصل واما اني اعرفهم فوالله لايشرفني ان اصرف على بيتي وعيالي حرام واللي يسوونه اسمه النجش وهو محرم بالاسلام والمخطط اللي قلت لك حصل قبل سنه بجنب المخطط الحالي ومكتب السيف هو اللي حرج عليه والمشكله ان اللي دخلو ورفعو السعر هم ييظهر عليهم الالتزام وكثافة الحى يعني مطاوعه لكني متاكد انهم متلبسين بزي المطاوعه والاخوه الملتزمين منهم براء واطهر وانقى منهم وهم الخير والبركه لكن مشكلتنا ممن يشوه صورة الملتزمين وهم ليسو بملتزمين / ارجوك اخي استغفر ربك والله انا برء منهم والله يكفيك شرهم امين / ولكن ننتظر ونشوف والله يحمي الشباب منهم

[سقم الاعداء]

الله يكفينا شرهم طمع دنيا

[أبورامي]

الله يصلح الحال
الأراضي قابعه بكل مكان حتى الجنوب ماسلم من الغلا

[المسافر]

يبي يتخلصون من الأرضي قبل تطبيق نظام الزكاة على الأراضي

عن نفسي ما راح اشتري في تلك المنطقة ما دخلت مزاجي ابد
مشكور على التنبيه

[بذور الورد]

اقتباس المشاركة الأساسية كتبها فتى اللواء [color="green وهذا سعرها الحقيقي فيكفي انها بالجنوب // [/size][/color]

ايش الأزدراء والتحقير ذا ..
وش فيها الجنوب ..؟!
عندنا كم أرض بالجنوب ووحده بالبساتين بعد
ومسيوم المتر تقريباً 300

[ولد الربوه]

مشكور على الموضوع

[البلح]

جزاك الله خير

لكن فيه ناس ماتدخل الأنترنت ولا تشوف ماحذرت منه

لكن الله يجزاك على قد نيتك وكثر الله من أمثالك

[ابو خرخير]

كثررر الله خيرررك