[ما تَهَاب]

كل شي يزود عن حده ينقلب ضده , أنا معك ان فيه ناس يجحدون غداهم وعشاهم بس ياحلوهم ويازينهم عند الملاقيف ..!
وبعدين بصراحة هاللي يسألون ويتلقفون يستاهلون انه يجحد عنهم لأن اللي مايستحي مايستحى منه =d

أما بالنسبة للمعدل اللي انتقدوا وقالوا ليه الشخص "يجحد" , بصراحة أنا ما اعتبرها جحادة هذي خصوصية وبالنسبة لي مااحب اقوله
لأني اعتبره شي خاص ولا لأحد دخل فيه , يعني هالشخص اللي يسأل وشو له يسأل مااتوقع انه بيستفيد شي لو عرف =) , " طبعًا اتكلم عن المعدل بعد الجامعة اما الثانوي ف الوضع مختلف .."

+ عن أبي عيسى المغيرة بن شعبة رضي الله عنه عن النبي صلى الله عليه وسلم : (( إن الله حرم عليكم عقوق الأمهات ، ومنعاً وهات ، ووأد البنات ، وكره لكم قيل وقال وكثرة السؤال ، وإضاعة المال )) متفق عليه ..

قوله : (( قيل وقال )) معناه : الحديث بكل ما يسمعه ، فيقول : قيل كذا ، وقال فلان كذا مما لا يعلم صحته ، ولا يظنها ، وكفى بالمرء كذباً أن يحدث بكل ما سمع , و (( كثرة السؤال )) : الإلحاح فيما لا حاجة إليه .


وفق الله الجميع لكل خير ..

[قـــصـــيـــة]

اقتباس المشاركة الأساسية كتبها أطوي جروحي بضحكتي كلام جدا رائع ..بس فيه نقطة ... ....هذي صعبة ..وتعرفين أوساط الناس ..لوتفوهين بكلمة ....لو أبحلف أنه وصل ولدهم اللي بكندا .. ..والكذبه مصيبة أيضاً ...لوأكتشفو حقيقة الامر كان تتسلط عليك الانظار .. وأتوقع الحل الافضل ؟ لاتمسكينها جادة ..أن تحاولين تضعين السالفة ... وشكرا ورقة خريف .. وجهة نظر لاأقل ولاأكثر

أحسنتِ بارك الله فيكِ

اقتباس المشاركة الأساسية كتبها عشوائيه ~ الا ماماتو الي يجحدووون ماحد حلم بكم .. وشوفي الحين الدين على كيفهم لاقلتي شي قالو كذبه بيضاء

هداهم الله .. شاكرة لكِ مروركِ

اقتباس المشاركة الأساسية كتبها آرام كربيت × ×االجحاااده × لاأطيق هذه الكلمه ولا أحب متمثلها .. ×الجحاده × دااء استفحل عند العواااام (لايمتلكون قدرا من الثقافه ) لاأخفيك (أن لي صديقه كرهتها بسبب جحادتها الزآآآآيده)) لكن الجحاده في نظري أنها ~ا لكتمان ,وليس الكذب ~ *فمن كذب عليك ليس كمن جحد عنك أمرا * ((حمانا وإياك من الحجاده)) .. ورقه // متابعة لأطروحاتك يامميزه . .×

عودًا حميدًا عزيزتي أرآم
صدقتِ فرق كبير بين - الجحادة - والكذب .. لكن المُشكلة يكذب ويقول هذه - جحادة - ..!!
كمثال الشخص الذي سافر وقال كنتُ في البر ! وغيرها الكثير


سعدتُ بإطلالتكِ

اقتباس المشاركة الأساسية كتبها GIVENCHY قال رسول الله صلى الله عليه وسلم " اقضوا حوائجكم بالكتمان "

وماينطق عن الهوى عليه الصلاة والسلام .. إذا كان لديك حوائج اكتمها وأخفها ولاتُخبر بها أحدًا
لكن عندما يسألك شخصًا عن تلك الحوائج فأجبهُ بصدق أو قل لاشأن لك !


وفقك الله

اقتباس المشاركة الأساسية كتبها خالديه هيبه موضوع رائع سبب الجحاده! الكثير تجدينه يسافر خطوبه زواج حمل ووووالخ يجحد كله يخاف من العين والحسد! الحمدالله والشكر حتى فيه بعضهم التافه يجحد! وفقك الله

لامشكلة أن - يجحد - المشكلة أن يكذب حتى لايعلم أحدًا بسفره ..!


شكرًا لمروركِ

اقتباس المشاركة الأساسية كتبها انكسار الم ياذي الجحاده .,. موضه وماتتغير مع الزمن .. وحده جحدت انه حامل وفي الأخير صقطت ,. الكل درى وما انفعتها الجحاده الا بتضيييع وجهها .,. والثانيه جابت نسبه كويسه وكل من سألها عن نسبتها تتصد وكأن ماعندها رد , حرمت نفسها الفرحه بعلثة العين حق وكأن هي الوحيده في الكون اللي ناجحه .,. الكثير اللي يجحد ويمشون على هالموال بـ كذبه بيضا أوهمو بها أنفسهم أنه مهب عند الله سودا وعظيمه الله يعافيهم ولاتبلانا .,. ماندري بكرى يمكن نصير منهم --> لا ان شاء الله شكرا ورقه وأعتذر عن ركاكة الأسلوب . بس بي قهر عظيم من طاري الجحاده .

إسلوب رائع ووصف قريب من الواقع


شاكرة ومقدرة مروركِ

[قـــصـــيـــة]

اقتباس المشاركة الأساسية كتبها قيود من حرير أختي كلام سديد فأنا أكره هالحركات ذي

شكرًا جزيلًا لتواجدكِ

اقتباس المشاركة الأساسية كتبها الوردة الحساسة الوسطيه أحلى شي يعني مو كل شي أهذه وقرق ولا كل شي أجحده وبعدين كل واحد وخصوصياته وراحته بكيف الناس من راقب الناس مات هما

أحسنتِ بارك الله فيكِ كلام حكيم


وفقكِ الله

اقتباس المشاركة الأساسية كتبها رعبوبه عندنا ماينفع الا الجحاده لان عيون الناس حاره

لم أقل لا - تجحدين - أو لاتكتمين أُموركِ لكن لاتقتربِ من الكذب مهما كان


شاكرة لكِ مروركِ

اقتباس المشاركة الأساسية كتبها ღ..خـوآطـر..ღ آكره مآ آشوف اللي يجحد حتى بعض آلآحيآن لآسبـاب تــافهه مثل وحده جايبه(نسبه زينه ) بس آلمشكله.. آذآ صار اللي حولك يجحد بكل شي خطبه .. حمل .. سفر.... وانتِ تخرين كل شي هذآ اللي يقهر .. يعدونك مهيكيكه.

إخبارك للآخرين بأموركِ هذا موضوع آخر كما ذكرتِ ( مهيكيكه )
وإتبعي حديث الرسول [ استعينوا على قضاء أموركم بالكتمان ] فهذا الأفضل


وفقكِ الله

اقتباس المشاركة الأساسية كتبها ام نايف انت تسذا شوفي اورقه كلن يبي ماحد يدرابه وانا مع الجحاده اللي بحدود يعني اوكيشن اجحدوا عن بس مو تحسسوني اني ابنحتكم قبل كم شهر لما فتح كارفور تذكرين المواضيع اللي نزلت ؟؟ طبعا قبل مااسجل بس كنت من المتابعين أبيوه رد وحده من قريباتي تسبه وزحمه وووو .. ومن صار بكره بـ الإجتماع وجحدت انه رايحه وتقول :ماتهيا لنا المشكله مابه الا انا وهي بالغرفه يعني تحسبن ابنحته ولا شلون .. عن نفسي اجحد والله بس وش الفايده اخواني واخواتي [خرطه] بفضحون بي يابو زيد كنك ماغزيت ولا والله ودي اجحد بس اللي عندي مايشجعوون شاكره لك موضوعك الحلو ,,

موقف سيء لأنها كذبت عليكِ ..!! وهذا مادعاني أطرح الموضوع
أما بالنسبة أنكِ تُفضلين - الجحادة - هذا من شأنكِ وكما ذكرت لأختي رعبوبه


بارك الله فيكِ

اقتباس المشاركة الأساسية كتبها ما تَهَاب كل شي يزود عن حده ينقلب ضده , أنا معك ان فيه ناس يجحدون غداهم وعشاهم بس ياحلوهم ويازينهم عند الملاقيف ..! وبعدين بصراحة هاللي يسألون ويتلقفون يستاهلون انه يجحد عنهم لأن اللي مايستحي مايستحى منه =d أما بالنسبة للمعدل اللي انتقدوا وقالوا ليه الشخص "يجحد" , بصراحة أنا ما اعتبرها جحادة هذي خصوصية وبالنسبة لي مااحب اقوله لأني اعتبره شي خاص ولا لأحد دخل فيه , يعني هالشخص اللي يسأل وشو له يسأل مااتوقع انه بيستفيد شي لو عرف =) , " طبعًا اتكلم عن المعدل بعد الجامعة اما الثانوي ف الوضع مختلف .." + عن أبي عيسى المغيرة بن شعبة رضي الله عنه عن النبي صلى الله عليه وسلم : (( إن الله حرم عليكم عقوق الأمهات ، ومنعاً وهات ، ووأد البنات ، وكره لكم قيل وقال وكثرة السؤال ، وإضاعة المال )) متفق عليه .. قوله : (( قيل وقال )) معناه : الحديث بكل ما يسمعه ، فيقول : قيل كذا ، وقال فلان كذا مما لا يعلم صحته ، ولا يظنها ، وكفى بالمرء كذباً أن يحدث بكل ما سمع , و (( كثرة السؤال )) : الإلحاح فيما لا حاجة إليه . وفق الله الجميع لكل خير ..

إضافة رائعة عزيزتي وأنتِ قلتِ ( اللي مايستحي مايستحى منه ) إذًا كما ذكرت لأخي جفنشي
قولي لا شأن لكِ ..! أو كما ذكرت أختي أطوي جروحي بضحكتي ( أن تحاولين تضعين السالفة )


مُقدرة لكِ حضوركِ