[قيود من حرير]

إشاعة
لانوه بنت خالتي إختبرت ولاطلبوا منها صورة ولاشي

[طموح فتاة]

اقتباس إشاعة لانوه بنت خالتي إختبرت ولاطلبوا منها صورة ولاشي

اين مكان الاختبار ..وفي اي مرحلة بنت خالتك ..؟؟؟

[قيود من حرير]

اقتباس المشاركة الأساسية كتبها طموح فتاة اين مكان الاختبار ..وفي اي مرحلة بنت خالتك ..؟؟؟

ثالث

وبصراحة المكان ماأدري وينه

[. ن .]

كذب !! من يقول ان ماتدخل الاختبار الا بـ الصوره

اختبار القياس مربوط دخوله بـ بطاقه للطالبه

ومركز القياس يخيرون الطالبات اذا هي تبي تستخرج بطاقه طالب من مركز القياس >> وهذي تطلعه من الجامعه والمدرسه متكفله بـ هذا الشيء ومافيها اي صوووووره

او تستخرج الطالبه بطاقه احوال خاصه فيها من الاحوال المدنيه >> وهذي هي اللي تتطلب الصوره

طبعا الطالبه ماتدخل الاختبار الا بـ وحده من هالبطاقتين

اللي مايبي بطاقه احوال يروح يطلع بطاقه مركز القياس

وبس

الكل مر بـ هالتجربه فـ لاتكبرون الموضوع وتهولونه

[ضي الحقيقة]

السلام عليكم ورحمة الله وبركاته
في البدايه أشكر الأخ المثنى ع اهتمآمه وطرحه لمثل هذآ الموضوع ..
ثانيا .. يامن كذبتـم هذا الكلآم هل لديكم دليل ع ان هذا الكلام خآطئ واشاعات مثل مآ ذكرتم..
اللي تقول انهآ اختبرت قيآس الدرآسآت العليااا وادخلوهآ الامتحآن من دون احضآر صوره شخصيه لهآ أقول لهآ بالفم المليآآآن لقد كذبتِ بكلآمك .. هو صحيح كآن من شروطهم المذكوره بالموقع أثنآء التسجيل احضآر بطآقة الأحوآل الخآصه بالطآلبه او جوآز السفر أو صورة من سجل العآئله فقط ولم يذكر هنآ تصوير شخصي ..وأقسم بالله اني كنت من ضمن الفتيات اللآتي ذهبن لكلية الآداب بعنيزة وأثنآء تعبئة البطآقة الخآصه بالدخول طلبت مني الأستآذه الصورة الشخصيه فقلت لهآ انني لم أصور ومستحيل اضع صورتي ع الكرت مهمآ كلفني الأمر قالت : ان هذآ من الشروط كيف ما التزمتي بالشروط عندهآ قلت لهآ مستحيل تكون من الشروط وانا لم اقرأ هذا الشرط وطآلبتهآ بأن تفتح ع الموقع وتقرأ علي الشرط إن كآن صحيحاً ما كان بيدها الا انها تعصب وتأخذ الكرت وتمزقه أمآمي >> السبب ليس لديهآ حجة ترد بهآ على طلبي .. وحآولت بأن نذهب للاستديو لكي نتدآرك الوقت ونقوم بالتصوير وأثنآء امتنآعي انا ومجموعه قليله من التصوير كآن آخر كلمة سمعتهآ منهآ >> ايه من بريده علشان كذا مو مصورين >> كل هالكلام اللي ذكرته برأيكم أتكلم من فرآغ أو مثل مآقلتم للأخ المثنى انه إشآعآت وكذب أو ان اب البنت فآهم غلط لااا انمآ ذكرت وصورت لكم الحدث ووالله اني لم أظلم أحدا ابد فيمآ قلت والله ع مآ أقول شهيد .. واللي احب انبه عليه هو ان الله معنا في كل مكان سوآء كنا من بريده أو غيرهآ .. لكن لآ نقول إلآ حسبنآ الله ونعم الوكيل .. جعلوآ بيننآ وبين طموحآتنآ حآجزاً قوياً لكي يصلو بنآ إلى التحرر ..
في النهآية ..عتااب لكل اللذين ردو بإسلوب لآ يليق بأخلآقيآت إسلآميه تنآقش أمراً مهمآ في حيآتنآ الدينيه والعلميه .. سوآء كان ع كآتب الموضوع جزآه الله عنآ الف خير وهو لم يكتب شيئاً عبثاً بل ذكر مآ آلمنآ ومآ وصل إليه التعليم من هذآ القرآر الغبي بنظري والأب مربي ومعلم تربوي نآجح لم يفهم ابنته خطأ بل كآن ع صوآب وهو ينقل هذآ الخبر لصآحبه .. ومن تقول بأنهآ اختبرت قيآس ولم يطلبوا منهآ شي واالقصد بأننآ نحب الهوآش والاشآعآت ع قولتهآ >> أقول لهآ يآ عزيزتي شكلك مختبره قيآس الثآنويه العآمه ..
اعتذر من الإطآله لكن آلمتني الردود وحبيت أوضح لكم مآعآنينآه في هذآ اليوم الذي حطم طموحنآ ..
قال تعآلى ( وعسى أن تكرهو شيئاً وهو خيرٌ لكم ) .. من ترك شيئاً لله عوضه الله خيراً منه ..نسأل الله العلي العظيم أن يعوضنآ خيرا ..

[طموح فتاة]

اقتباس ثالث وبصراحة المكان ماأدري وينه

لو سمحتي قبل ان تقومي بالرد ع الموضوع اقرائي محتوى جيدا قبل ان تهتفي بالفاظ غير لائقة

لان المحتوى يتكلم عن القياس للجامعيات..وليس ثانوي ..

[قيود من حرير]

اقتباس المشاركة الأساسية كتبها طموح فتاة لو سمحتي قبل ان تقومي بالرد ع الموضوع اقرائي محتوى جيدا قبل ان تهتفي بالفاظ غير لائقة لان المحتوى يتكلم عن القياس للجامعيات..وليس ثانوي ..

أختي سامحك الله أنا لم أتكلم بكلام غير لائق
وبعدين أنا أحسبكم تتكلمون
عن طالبات الجامعة والثانوي أكررها سامحك الله

[ضي الحقيقة]

أتحدى أي خريجة جآمعيه ذهبت لِ اختبآر القيآس في يوم 10 / 4 / 1432 هـ
بِ الكلية الأدبية بعنيزة ولم يتم منهآ طلب صورة شخصية لهآ وتثبيتهآ بِ بطآقة الدخول ..
>> وطبعا شرط ان لآزم تصوير هذآ غير مذكور ضمن الشروط أثنآء التسجيل ..
واللي انتن تكلمن عليه هذآ اختبار القياس لِ الثانوية العآمة وليس لِ خريجآت البكآلوريوس ..

[الخاطف 3]

لا حول ولا قوة الإ بالله

[فارس العرفج]

ضي الحقيقة أسأل الله أن يجازيك خير الجزاء على أصرارك عدم التصوير

أذكرك بحديث رسول الله صلى الله عليه وسلم (( من ترك شيئ لله عوضه الله خير منه ))

وأنا لا أريدك أن تترك حقك يذهب عبثاً , لا يجب أن لا يترك المجرمون العلمانيون يفعلون مايريدون

يجب رفع برقية لمقام الملك عبد الله بن عبد العزيز لفضح هؤلاء الخونه

والرفع لوزير التعليم العالي

ولمدير المركز الوطني للقياس سمو الأمير الدكتور فيصل بن عبد الله المشاري آل سعود

فما أعرفه عن الأمير أنه رجل فاضل ومتدين

أرجوك لا تسكتي عن حقك يا أبنت ديرتي

حتى لا يتمادى العلمانية الأنجاس دعاة التغريب وفراخ الأفرنج


أسأل الله لك التوفيق

[حلمي العذري]

لا صدق انا فاتني الاختبار حسبي الله عليهم ..


بس صديقتي اختبرت ويوم جت تطلع قالوأ لها خذي صورتك واخذتها معها وتتصور البنت وهي متحجبه مثل
جواز السفر ..

[ريفان]

الخبر اشاعه

مافيه تصووير في القياس انا ممتحنه العام

بس انا طلعت بطاقه احوال واضطريت اتصور علشان البطاقه مو علشان القياس

صديقاتي اخذو بطاقه القياس العاديه ودخلو فيها بدون تصوير

[حلآإهم]

اقتباس ثالثاً : لم أتعود الرد بالتكذيب ومن كذبني أقول ما أنتم عندي بأوثق ممن حدثني

مششششششكله !!

[* سمـ فكري ــا*]

فعلا غريبة حكاية التصوير وماأدري ليش الناس ساكتين عليها .. انا لااتكلم عن القياس ، انا اتكلم عن بعض كليات بريدة تحديدا يشترطون صورة شخصيةللطالبات وتكون فيها محجبة زي الجوازتثبت نفسها فيها بالاختبارات واذا جت تطلع او تدخل..
لكن هذا مو من حقهم .. اجل ليش نلبس عبايات ونتغطى اذا صارت الوحده معرضه ان صورته تطيح منها او تنسرق .. يعني الواحد مايأمن على بناته وخواته بصورهن ..
المفروض يكون فيه حرية وما يلزمون البنات ولايعطوهن فرصه لهذا الشي ، وقبل هذا وهذا حنا دولة مسلمة ، ومافي ضرورة للتصوير ، فيه اختراع اسمه البصمه اذا هم فعلا حريصين على الاثبات ..
فعلا ياعالم ترى الموضوع مو سهل ، واستغلوا حاجة البنات للكليه علشان نتجبر وتوافق ..
وكل من تركت التصوير ربي بأّذن الله بيعوضه خير ، واذا فيه احد يقدر يرفع الموضوع من الغيورين للمسؤلين رح يمنع شر عظيم لأنكم تعرفون ان هذا تدرج شوي شوي ..