[نهوض امة]

اقتباس المشاركة الأساسية كتبها عشق الطفولة أتمنى تودين ولدك وتقولين له وين الي حاسبت عنده !! وبالأكيد يكون معك زوجك أو أخوك ! .. صدق مهزله ( بنده ) ~

اولا اشكر مرورك الكريم على الموضوع وتفاعلك معه

ثانيا والله ان هذا اللي نويت اسويه بس تراجعت في اخر لحظه وتعوذت من الشيطان وقلت ماودي علشان كم ريال افضح انسان واحرجه قدام زملائه ورؤساه وقد اتسبب بقطع رزقه بل وحللته من قلبي
ووالله اني ماكتبت اللي حصل الا حتى انبه الناس انها تاخذ الحذر لاننا نشتري اغراض كثيره ثم نحاسب دون تدقيق وهذا سبب استغلالهم لنا

[نهوض امة]

اقتباس المشاركة الأساسية كتبها فارسة الوسطى جزاك الله خير اختي على موضوعك بعدين يكفي فاتورتهم كله انجليزي ماكأننا بالسعوديه مخربطه ماتدرين وش فيها بعدين ياللي تهجمت على الموضوع تراه هي قالت( بعض )محاسبين بنده ويبدو انك منهم اواخوك لذلك تسرعت بالحكم على الاخت لابالعكس جزاها الله الف خير نبهتنا نناظر الفاتوره مره ثانيه ،،والله حلوه (وش يبي بريال )لأخذ منها ريال ومن الثاني ريال وهكذا كم يصير معه !!!!وتقول (كان ياخذ اكثر )يدري &يالذهييين &إنه اذاأخذ أكثر يبي يجاب مع أذنه بس ياخذ شي بالمعقول مايستاهل إن الحرمه تعني وتروح علشانه ؛؛؛؛؛لاعمرك تحكم وتهجم على غير فايده

جزاك الله خير اختي والله ان كلامك كله صحيح انا قلت بعض المحاسبين ولم اعمم لاانه اكيد فيهم الامين ولو خليت لخربت
ووالله يااختي ولا يهون الجميع اني ماكتبت الا غيرة على اهل بلدي ابي الجميع يتنبهون مو يكونوا على عماهم وصدقين لو كل من حصل له موقف مثل هذا او غيره ثم نبه الاخرين كان ارتدع جميع من يستغلنا وحسبو لنا الف حساب

[نهوض امة]

اقتباس المشاركة الأساسية كتبها صريح جد بعض العروض في بندة ينزل عليها عرض لمدة اسبوع او لفترة شهر ولكن بسبب رخص هذا المنتج يسحب بيوم واحد او بساعه واحدة من قبل المتسوقين وهي كميه محدودة ثم يرجع هذا المنتج الى سعرة الاصلي اختي الكريمه انتي مثل ماذكرتلك مصدرك طفل وكان الافضل لكي قبل كتابه هذا الموضوع الذهاب الى المحاسبين في بندة وسوالهم واحظار الفاتورة ومناقشتهم حتى لو كان ريال واحد لانك بتصرفك هذا انتي مخطئه حتى اذا كان هناك خطاء او سرقه من هذا المحاسب يتم عقابه وحتى لايدخل في ذمتك شي لانك الان غير متاكدة وحتى لاتتهمي الاخرين وتقذفينهم با السرقه لانه حسب مشرياتك بسبعه عشر ريال وطالعه عندك في الفاتورة فما هي مصلحه هذا المحاسب لانها سوف تذهب الى صاحب بندة و ليس للمحاسب اتمنى من الجميع وفي شؤون حياتنا الا نتسرع في اتهام الاخرين دون دليل واضح وان نخشى الله سبحانه وتعالى لان البعض اصبح يتساهل في القاء التهم على الاخرين

اخوي صريح وجدا بعد لنفترض على قولتك ان المنتج سحب من الزباين ثم رجع الى سعره الااصلي

طيب سعره الاصلي بثمانية عشر ريال ليش حسبه بسبعة عشر ريال والا بعد بتقول ان البائع له صلا حية التخفيظ على كيفه

وصدقني انا ماتسرعت بااتهام احد ونحن نخشى الله ونخافه
وايضا كان با مكاني اخذ حقي واسكت على قولتك لكن لمتى نسكت ووالله انه من كثر سكوتنا صار الكل ينهبنا التجار واصحاب الاسواق والمولات وحتى البائعين ولكن لو تكاتفنا يد وحدة ووقفنا في وجه الخطاء لا اصبح الكل يخشانا

[ابو العرب]

حسبي الله عليهم

[يربش بريده]

حسبي الله عليهم

[نيستا]

جزاك الله خير

[شئ غير]

كثرت سرقات بنده؟؟!!

[ربي الله]

معقولة وصل الاستهتار بنا من بندة وغيره لهذي الدرجه لايحسبوننا نلقط القروش من الشارع

[{ ابوحاتم }]

ياوخيتي
لو صدق ماقلتي المفروض تشتكين الموظف لـأدراة الفرع وان تأكد ماقلتي بدون اي تردد " يفصل " الموظف بدون اي حقوق مهما كانت خدمة حتى لو كانت عشرين سنه
بنده حازمه جدآ مع الموظفين في حوادث السرقات
وحوادث كثيره تحصل فصل موظفين لهم خبرات طويله والله بسبب تلاعب في اوزان الخُضار او مجرد سرقة علبة تونه او شي بسيط
اما المُحاسبين مُتابعين بشكل كبير من قبل الأمن خصوصآ في الفروع المزحومه
يُفتش بشكل تلقائي ومفاجئ وعند أجاد مبلغ زائد عن المبلغ الذي سجله عند بداية دوامه يُسأل ويكون في موضع شك

المُحاسبين يلاقون جهد وتعب عظيم وقليل الامانه يعوض جهده بسرقة دنيئه

هاذي مشكلتنا نُسرق ونسكت كان المفروض دافعتي عن حقك ان كنتي صادقه بالطرق المشروعه بدلآ من التحدث امام عشرات الألاف من متابعي الموقع بدون اي دليل ..!!

ملاحظه :

أستغرب اشد الأستغراب غايب الهيئه عن فرع المنتزهـ
دنائه وخسه من البنات في عرض اجسادهن للرجال والبحث عن الشباب والترقيم
بكل امانه لحم بشري يُعرض بشكل يومي

حفظنا الله من كيد النساء وستر على عفيفات الرجال .....

[Galaxy-22]

ياعمري حنا مثلك كل مارحنا لبنده حنا او ابوي سرقوا منا كم رياااال
ولا عمرنا انتبهنا بس ابوي انتبه لهم وحذرنا من اللي يسررق وصرنا مانحااسب عنده

واذا على قوله بعض الاعضاء انهم محتاااجين ومدري ايش خليهم ياخذون كلها كم ريال
حنا ماهمنا هالريال ولو هم صدق محتاجين ماطقوا هالبلاك ولا يسرررق لان رزقه يبي يجيه .....

[جمراوي]

فيه شي ثاني صعب كشفه تجده يمرر الغرض مرتين وينحسب مرتين وبعده هو مركز على نوع معين عند ماتمشي

يسوي مسترجع وياخذ القيمة وانت تطلع راضي فاتورك بالسليم اجمالي ما تدفع موازي لاجمالي الفاتوره.

هذي الحركة تضمن له عدم المساله له في حالة كشفه وتشك بالجهاز اللي بيده.. التفنن بالحيل كثيره
لذالك احمي نفسك وطبق الفاتوره على البضاعه وانت عنده
وبكذا ياله تسلم..

[قيود من حرير]

حسبنا الله ونعم الوكيل

[بنت كفو]

ياحليلك انا رحت قبل اسبوع لهايبر بندة الي بالمطار القديم
ولقيتهم اخذين مني 30 ريال زائدة على الفاتورة موزعين شيء رافعين سعرة وشيء زائد عن الحساب اصلا ،
وحاجه ماادري انا شاريته ومااخذته ولاهم حاسبينه مرتين مانقول غير حسبي الله وكفى ، الله ياخذ حقنا ممن ظلمنا .

[نهوض امة]

[QUOTE={ ابوحاتم };2928099][center][b][color="indigo"][b][size="4"]ياوخيتي
لو صدق ماقلتي المفروض تشتكين الموظف لـأدراة الفرع وان تأكد ماقلتي بدون اي تردد " يفصل " الموظف بدون اي حقوق مهما كانت خدمة حتى لو كانت عشرين سنه
بنده حازمه جدآ مع الموظفين في حوادث السرقات
وحوادث كثيره تحصل فصل موظفين لهم خبرات طويله والله بسبب تلاعب في اوزان الخُضار او مجرد سرقة علبة تونه او شي بسيط
اما المُحاسبين مُتابعين بشكل كبير من قبل الأمن خصوصآ في الفروع المزحومه
يُفتش بشكل تلقائي ومفاجئ وعند أجاد مبلغ زائد عن المبلغ الذي سجله عند بداية دوامه يُسأل ويكون في موضع شك

المُحاسبين يلاقون جهد وتعب عظيم وقليل الامانه يعوض جهده بسرقة دنيئه

هاذي مشكلتنا نُسرق ونسكت كان المفروض دافعتي عن حقك ان كنتي صادقه بالطرق المشروعه بدلآ من التحدث امام عشرات الألاف من متابعي الموقع بدون اي دليل ..!!

اولا انا صادقة بكلامي واعتقد انا قلت في موضوعي يشهد الله على صدق كلامي وما اعتقد اني راح اكذب علشان كم ريال انا غير متضررة ولله الحمد وان بينت في ردودي سبب اني لم الجا للادارة وماله داعي اعيد نفس الكلام

ثانيا اما عن قولتك بندة حازمة مع موظفيها وتحاسبهم على سرقة حتى علبة التونة فهذا شي كلنا عارفينه انه لو ينقص عليهم ريال واحد قوموا الدنيا وما قعدوها وياخذون التجار اكثر من حقهم اما اذا صار للمواطن المسكين فاسكت ولا تشهر وخذ حقك بصمت حتى مااااينجرح شعور هذا التاجر المسكين وتاثر تجارته ويمكن يخسر كم الف

ثالثا تقول محاسبين بندة متابعين وبندة نزيهه في البيع اذا ماذا تقول باخواننا المتداخلين واللي بعضهم اكد كلامي وبين انه تعرض للنصب من خلال احتيال بندة في وضع اسعار وهميه واحدهم وضع موضوع كامل عن ذلك على فكرة حنا قلنا بعض محاسبين بندة ولم نعمم وتاكدين ان الكثير فيهم الخير ان شاءالله

ياخي اذا بتلمع بندة انت حرلمعه على كيفك بس مو على حسابنا ترى خلاص ملينا من اللعب بعقولنا
اما عن قولتك كان اخذت حقك وما نشرت امام الوف من الناس
نعم انا في تلك اللحظة كنت قادرة على اخذ حقي لكن تركته لله وسامحت البائع لكن لابد ان انبه هذه الالوف اللتي تستغفل حتى نوقف اولئك اللذين يستغلوننا بابشع الصور ومن مبدا حب لاخيك ماتحب لنفسك