[خادم بريده]

ياخوان الموضوع باختصار : كتابة العدل ببريده ـــــ كثر الكلام عن تاخر انجاز عمل افراغ الصكوك لدى كتابة العدل حيث ذكر لي احد الاخوه ان له صك ارض افراغ لدى كتابة العدل له اكثر من شهر لم يستلمه حتى الان وتوقف عمله بسبب الصك لكي يقدمه على البنك العقاري ويكمل الاجراءات لدى الجهات المختصه . وكثير من المواطنين الذين يتذمرون من تاخر انجاز الصكوك . والغريب انه ليس هناك نقص موظفين بكتابة العدل ولكن لا يتواجدون بالعمل وبذلك يتاخر انجاز العمل. وتشاهد كثرة المراجعين في مكتب مدير كتابة العدل ببريده ويتذمرون له من تاخر صكوكهم ولكن لا يحرك ساكن .
وفي كتابات العدل بالمناطق الاخرى تاخذ صكك بنفس اليوم او بعد يومين بالكثير وهذا مشاهد.
وش الحل ياخوان ؟؟؟؟
وهل احد منكم سمع بذلك او حصل له او لاحد اقاربه التاخير ؟؟؟

[أبورامي]

نعم أنا أشهد أن المسؤولين ليس أكفاء بمسك هذه المناصب
فقد حصل لي بالضبط مثل ماحصل لصاحبك وبمدة أكثر
حسبي الله عليهم ( هذي وهي محكمة أجل مانلوم الدوائر الأخرى )
المدن الثانية تتعامل بالحاسب وهؤلاء شخاميط بالأقلام

[يربش بريده]

الله يكون بعون

[سبار]

نعم نفس المعاناة مرة يقولوا الشيخ اجازة ومرة الكاتب مدري وينه وعلى هالحال

المشكله ان الشيخ يقول الضبط ماهو عندي وبعدين اتضح انه عنده

غير الكاتب الله يعين تقول يتكلم بقروش
الله يعين حادتنا عليهم الحاجه الله يغنينا عن خلقه

[الحزين]

.


قبل ثلاثة أيام ذكر لي أحد الزملاء ويقول لي معاملة بكتابة العدل افراغ صك من شهر رمضان 1431هـ وحتى الان لم تنتهي .. وكل مراجعة لكاتب العدل له طلبات جديدة .. إلخ



وبعد أن كلم صديق له .. إلخ قال الآن راجع صاحبك بكتابة العدل .. !!
وبعد المراجعة له (( تم الاستقبال وووو أفضل من السابق !!!! ))

وقال جب هذه الورقة وينتهي أمرك ..



.

[الحزين]

لعل هذا الموقع يفيدك ..

لعلك تزودهم بملاحظتك ..

http://www.moj.gov.sa/ar-sa/Pages/default.aspx

[ا ب د 7772]

يارجال انا 3 شهور وانا ارجع كله على شان تغير اسم بالصك
والمشكله طلعوا الصك يقولون صحيح ساري المفعول لكن نبي الظبط
حق الصك والى الان يقولون بكرا بعده الاسبوع الجاي المراسل مستاذن
وش السواه المشكله لو تدخل على الرئيس وتكلمه مايتجاوب معك

[حرية قلم]

ثلاثة شهور موعد عادي عندهم
بدل فاقد موعدهم بعد أربعة شهور صندوق التنمية العقاري شلون ينتظر

[Mr.B]

واللة ماشفت اكثر منهم تسيب واهمال بالدوائر الحكومية
انا لي اكثر من ستة شهور اراجع عشان صك والشغلة ماتستاهل اكثر من شهر
عادي المعاملة تروح لمكتب ثاني غلط كم مرة والمفترض انك تتابع وتعدل مسارة والا الله يعينك
مرة الموظف غائب مريض ومرة منتدب ومرة اجازة عادية
واذا انعم الله عليك ولقيتة قال اليوم مشغول تعال يوم ثاني
اخر مرة الشيخ قال بالحرف الواحد وعلي بلاطه انا الموظفين عجزت عنهم
الشكوى الي اللة
المشكلة انهم محسوبين علي اللمتزمين بالمجتمع وهذ والله كارثه
اذا الناس المفترض فيهم اكثر الناس نزاهه وحرص علي الامانة يكونون كذا

[الكيان الصامت]

ياخوي الله يجزاك خير اعرف واحد شاري بيت له 6شهور وهو يراجعهم ومابعد خلص والمشكلة انه تورط بدفع قيمت
البيت والخطا بعد من عندهم باالمساحه احمد ربك يارجال شهر ماهوب شي

[طالبة تربيه خاصة]

قال الرسول صلى الله عليه وسلم "" إذا ضيعت الامانة فانتظروا الساعه" أو كما قال

[فارس القوافي]

أنا أقول أنشا لله أنكم منتب صادقين .
أكيد فية أسباب لتأخير .

الله المستعان على متصفون.

[ولدالخب]

أنا حصل مثل صاحبك ,بل ضيعوا أحد الضبوط فصرت أنا الضحية اتردد ولاحس ولاخبر.
وأسوأحالة أن تدخل على مديرهم(العنقري)الذي همه التعقيد والتأخير.
الدولة تسير في أتجاه راحة المواطن والعنقري ماسكة عكس.
وش ذنبي ان النغيمشي او غيره لم يضبط الصك أوضيعه.

المفترض ينجز شغلي ويحاسب المسؤؤل/لاالعكس اعاقب بفعل غيري؟؟؟؟؟؟؟؟؟

[دفا..]

بسبب ضغط العمل !!!!!!!!!!!!!!

اعرف موظف بكتابة العدل مايرفع راسه من الضغط
لكن بصرااحه هذا الشخص نموذجي

يحب يحلل راتبه