[دَفَـادِفْ ..!]

كلآمك جميل
وكلآم الأخت برنسيسة أيضآ فكلآهما مكمل ..
,,
للأسف يوجد زوجآت يثقلن كآهل أزوآجهن بالديون , وراتبه يجيب الله
اللبس تلبسه مرة وحدة بس عيب تلبسه مرتين , وعيب تلبس مو ماركة
والله هي وورعآنه كذا ولا تحسب أي حساب لراتب الزوج
بس تدرون البلآ منكم ,, ماتعرفون تقولون لا ؟؟
أنتم السبب كل ماقالت حريمكم شيء لبيتوآ لين صرتوآ خآتم بيدهآ!
مرة قولوا لا .. مرة إيه ..مرة اسهجوهآ .. خصوصآ إذا كانت كماليات وليس ضروريات !
..
أعرف حرمة توصي حريم تقول اسحبن مخابي رجالكن سحب
واشترن اللي تبن , عشان يصير مفلس , لو بغى يعرس عليتس وآثره دآج ما يلقى شيء يعرس به همن يهون !!< خوش نصيحة !
,,
الأخ عبدالله الرقيعي
تزوج وييسره الله يمكن أصحابك ماوفقوا بحريم تعرف التدبير
وخلك من البداية لاتعطيها الضوء الأخضر إعتذر بطريقة لبقة عن بعض
طلباته وهيك ..
موفقين !

[عبدالله الرقيعي]

اقتباس المشاركة الأساسية كتبها دَفَـادِفْ ..! للأسف يوجد زوجآت يثقلن كآهل أزوآجهن بالديون , وراتبه يجيب الله اللبس تلبسه مرة وحدة بس عيب تلبسه مرتين , وعيب تلبس مو ماركة والله هي وورعآنه كذا ولا تحسب أي حساب لراتب الزوج مرة قولوا لا .. مرة إيه ..مرة اسهجوهآ .. خصوصآ إذا كانت كماليات وليس ضروريات ! .. أعرف حرمة توصي حريم تقول اسحبن مخابي رجالكن سحب واشترن اللي تبن , عشان يصير مفلس , لو بغى يعرس عليتس وآثره دآج ما يلقى شيء يعرس به همن يهون !!< خوش نصيحة ! ,, الأخ عبدالله الرقيعي تزوج وييسره الله يمكن أصحابك ماوفقوا بحريم تعرف التدبير وخلك من البداية لاتعطيها الضوء الأخضر إعتذر بطريقة لبقة عن بعض طلباته وهيك .. موفقين !

دفادف وش يسوون بعضهم يبي الستر
لان بعض الحريم تفضح به وتسوي مشاكل لارفض او صرفه(على ذمة الي قالي)
يستحي يخاف تقول لاحد ترا بعض الحريم مابهن مخ اهم شي الي تبي يلبى بغض النظر عن اي ارهاق لكاهل الزوج
والمرة الي تعرفين نموذج حس ومياشر لعزوف الشباب عن الزواج

اما بالنسبة لي مثل ماقلت واقول
انا الحمدلله كل شي متيسر امامي ولله الحمد والمنة ولايعوقني الا ان الله يامرني فقط
فالزواج من سنن الحياة والانسان متزوج لامحالة
ووجهة نظري الي ماتراجعت عنها ابدا
ان الزواج سبب لتوسع رزق الانسان(بشرط ان يسعى ويطرق ويصدق وسيوفق )
ولا انظر لاصحابي ربما ان بعضهم (يزود) وبعضهم (يكذب) وبعضعم (ضعيف شخصية)
وجهة نظري الحياة الزوجية (جدولة من البداية)
مثلا تاخذ بنت معروفة ويبحث عنها بدقة ويسئل عن اخلاقه واخلاق امه واهله
كما يقال في المثل الشعبي((اسئل عن امه قبل تضمه))<<هالمثل يجب ان يطبق لانه دقيييييق جدا
وبعد ماتتزوج تتفقون على ان كلن يقدر ظروف الاخر في الحياة
سواء ماديا او نفسيا وفي كل امور الحياة
ووفق الله الجميع لما يحبه ويرضاهـ

[عبدالله الرقيعي]

اقتباس المشاركة الأساسية كتبها سكريه حمراء الله عليكم يعني الرجل مايعرف يقول له لا والمفروض مايقبل عللى الزواج الا وهو قادر ياخذ بنت الناس ويجوعه هههههههههههههههههههههههههههههههههههههههههههههههههه هههههههههههه الاخ عبد الله ماكل البنات طبعهن شين<<<<<<<<<<<<<<<<<<<<<<<<<<<<< ام ام

يالسكرية الحمراء
هذا الكلام الصحيح المفروض مايعرس الواحد الاهوقادر او على الاقل يطرق الابواب(يطقطق)
بعض الناس يوهقونه يقولون اعرس ويسهل الله(وهو عاطل)
وتلقاه لاكمل دراسة ولاتوظف ولافتح مشروع
ويجي احد يوهقه يقول اعرس وترزق<<(ترزق صحيح مانختلف بس افعل السبب مهب تعرس وتقعد بالبيت وتقول ارزق)
اجل ام ام<<<محمرهـ العين علي
ومن يقول ان كل البنات طبعهن شين ينقطع لسانه الي يقول هالكلام
لا فيه بعض البنات اطيب من الرجال وتوفر رجله لاخر درجة
مثل ماقلت اول شي فيه بنات متربيات صح وواجد بمجتمعنا الحمدلله

[الـعـابـر]

المرأة بعد الدخول عليها كالداخل على المستشفى
احد يطيب وهم قلة قليلة و احد تزيد علته و مرضه كالأغلبية
و ربما خطأ مشابه للاخطاء الطبية يميت كل تلك الاحلام الوردية
خاص ..
عبدالله الرقيعي .. الزواج مصير له نهايتين
كلاهما مر لكن واحد منهم محفوف بريح من السعادة

[loquacious]

وأنا أقرأ موضوعك ذهبت لمنحنى آخر .. وهو زواج الصيف عند الرجال !!

[الـصـمـصـام]

.. باب الزواج باب مخيف على جماله ، لأنه يحتاج إلى استعداد جيد ( أقول جيد ولا أقول كامل ) لأن الاستعداد الكامل و الظروف لا يُمكن أن تتهيأ إلا نادراً ، و هناك من يجعل من الزواج عقبات و مصاعب ، يُجبر الشاب على الإعراض عن هذه الفكرة أو بالأصح هذه السنة .. حتى إذا وصل المرء إلى سن معين أعرض عن الزواج جملة و تفصيلاً و لم يجد أي انجذاب إليه و لا رغبة فيه ، و انشغل من هنا و هناك في هذه الدنيا ..

ما أجمل أن يعيش الزوجان عونًا لبعضهما تكاتفًا و تآلفًا في حياتهم ..
أسأل الله أن يوفق كل من يبغي الزواج و أن ييسر أموره و أن يبارك للمتزوجين و على رأسهم شخص حبوب جداً بيتزوج غداً

[ونـاسه]

الله يستر مانطيح لنا بوحدة ماذاقت عيشه ..

طلباته اكثر من حركاته..


افضل شيء ان الرجل يحاول بقدر مايستطيع ان يعزل زوجته عن العالم الخارجي ..

لان الحريم الله يهديهن اذا شافن ساره عنده حاجه .. ومنيره عنده الحاجه الثانيه ..

وهيله عنده حاجه اخرى ..

المسكينه البنت تعتقد كذا انه ناقصه .. والبنات الثانيات كاملات ..

والعكس صحيح يمكن هي افضل منهن بواجد ... بس هي جمعت حاجاتهن لشخص واحد ..


وهذي مشكله كبيرة ..

[بولوهي]

خوفتنا الله يهديك مقبلين ان شاء الله ..!

الله يجزاك خير على هالكلمات الرائعة وفعلا مانشاهد من مصائب في الوقت الحالي هو بسبب غلاء المهور وما الى ذلك فالشاب اول يتزوج لعف نفسه عن الحرام ولكن الان مجرد التفكير يتراجع من المتطلبات عسى الله ان يوفقنا ..

[تمر القصيم]

شف وانا اخوك الدنيا من تالي نيران
والمهر والبيت والمصاريف يزدحن من جهه
والعيال ووو الخ يزدحن من جهة
لا ولو يبلاك ربي بزوجة ماشافت عليشة بعد
كان تعاف الدنيا كلها وانا اخوك

((اشوى اني مااعرست))

[نويت أرحل]

الله يكون بعون الشباب
فعلا الحياة صارت من تالي صعبه لان لو لاحضنا اغلب الطلبات كماليات وليست ضروريه
والتقليد والغيره بين الحريم اكبر مصيبه
لازم تصير احسن من فلانه او مثله قليل اللي له شخصيه تميزه عن الباقيات وكأن الشكل هو اللي يضع للوحده قيمه بالمجتمع
كله من الخوف من الانتقاد !!!
اتكلم من واقع اشوفه
التربيه والتوجيه من الاهل له دوور كبير
اعرف شايب يقول لبناته اذا جن يعرسن لاتتوقعين ان زوجك راح يصير مثلي اصبري عليه وساعديه

[LamoOo]

يقولون خذ بنت مدللـه ولا تاخذ ملطمه مادري وش هي اظنه كذا
اشوف قرايبي الي اخذ بنت عز مرتاح معه لانه شايفه العيشه من قبل ماتاخذه
والي اخذ بنت على قد حالهم تشوف عيونه طالعه وحالته حاله تبي سفرات وتبي احسن البس واحسن الاثاث واحسن البيوت لانه ماشافت هالشي وتبي اجـرب
هذا الي شفته بعيني مو واحد ولا اثنين ياكثرهم الي كذا
والله يوووفق الجميع

[فسفوريه]

اقتباس المشاركة الأساسية كتبها LamoOo يقولون خذ بنت مدللـه ولا تاخذ ملطمه مادري وش هي اظنه كذا اشوف قرايبي الي اخذ بنت عز مرتاح معه لانه شايفه العيشه من قبل ماتاخذه والي اخذ بنت على قد حالهم تشوف عيونه طالعه وحالته حاله تبي سفرات وتبي احسن البس واحسن الاثاث واحسن البيوت لانه ماشافت هالشي وتبي اجـرب هذا الي شفته بعيني مو واحد ولا اثنين ياكثرهم الي كذا والله يوووفق الجميع

صااادقه حتى بالدلال اللي مدلله بيت اهله تلاقينه داخله حياته الزوجيه بعفويه مهنا تخطيط والي محسرن به تلقينه تخطط من يوم الخطبه وشلون تمرمر الزوج وشلون تثبت نفسه بالنهايه الله يوفق الجميع

[متصفحة]

اقتباس أود نصح كل أخت عبر هذه المشاركة بأن تكون عوناً لزوجها لا عوناً لمصاعب الدنيا عليه .. أنصحها بأن ترضى بالقليل حتى يأتيها الكثير .. ولا تطلب المستحيل منه فتنقلب حياتهما إلى جحيم لا يطاق .. أنصحها بأن تكمل معه مشواراً بدأه .. لا أن تقطعه فتخسره و يخسر هو حياة أحبها من أجلها ..

كلآمك لآغبار عليه

وأيضًا يجب على الشاب أن يبحث عن التكافؤ قبل الجمال

لأنه بالغالب من الحالات التي ذكرتها هو يكون من مجتمع متوسط ويبحث عن مجتمع لن أقول ارقى ولكن أغنى ماديًا لأن الرقي بالأخلاق لآ بالمادة

* إضافة
بعض الشباب يبخل بـ الصرف على الزوجة ويعتبر مالديها مجرد مكملات لآ أكثر

مع العلم تجده يصرف بدون إدراك على جلسات الشباب و الإستراحات و السفر بحجة تغيير الجو

وأنه من ماله

الترتيب و مواربة الأولويات أمر هام للحياة من كلا الطرفين

وكما يقال " سدد وقارب "

وفق الله الجميع لما يحب و يرضى

[قيود من حرير]

كلام في الصميم
بورك فيك