[ضايق الصدر]

اقتباس المشاركة الأساسية كتبها صاحبة الأمتياز تسمع اغاني لا بعد وعلى خفيف طيب هو وش دراه عنه اعتقد السالفه فيها شي ***

واااااااااااوك عاد حريم يبي يمخمخن ههههههههه راحت غلطه البنت ههههههههههه

[تهاني...]

اقتباس الحمدلله متزوج ومخلف الله يرزقكم

مصري الاخ

[ابو كندا]

اقتباس المشاركة الأساسية كتبها تهاني... مصري الاخ

والله طحن بألسن هالبنات
تصبحون على خير

[صمت النار]

بالنسبة لرأيي

انك تقوله لايتزوج لحد مايتأهل ويحس أنه قد المسئوليه

بالله معقوله جاي يسألك وش رايك

لاتزعل لكن من جد معقولة لهالدرجة توصل في الواحد إذا جاء يخطب ..

المهم

المسألة ترجع لشخصية صديقك وإسلوبه في الإقناع والتأثير ..

إذا هو مو ذو شخصية ويمتلك إسلوب إقناع وتأثير في الطرف الثاني , فنصيحة لايخطبها ويدخل في مشاكل مع بنت الناس مستقبلاً

أما إذا هو شخصية وعنده اسلوب رائع في الإقناع فيتوكل على الله ويخطبها , لأنه راح يقدر يغيرها ويخليها تترك سماع الاغاني وغيرها ..

وإذا الله وفقه وخطبها وتزوجها لايجيب طاري الاغاني من اول يوم ولا من اول اسبوع يخليها بعد فترة وبدون أمر , بـ إسلوب حلوو ومحبب , يعني تتركها بإقتناع مو علشانه هو ..

الله يوفق الجميع

[البروفيسور.........]

وانت هالحين تبغى بنت تكون لك ابن تيميه ..؟؟

استغقر الله ..

وانت ماتحلق لحيتك؟؟

وبعدين نصيحه لك اجزم وحط بالعرس طق >> عاشوا عاشوا .. عاشوا والله عاشوا ..


...

وبعدين اتوقع اللي تسمع اغاني على خفيف يعني تعرف ترقص ... وخصوصاً على خفيف ..





وبصراح اكبر ((اللي تسمع اغاني تراه عاطفيه قوه قوه ))

[محمد الرشودي]

أهم شيء خليه يشوفه .. قبل وبعدين بيسهل ربك أخاف أنه عقب الشوفه يمر على السلسال ويطلب لها شوي من الشويات <<< يعني القليلات مو شويات اللحم ! تفهمون غلط عاد !!

اذا هو ملتزم بالحيل من وجهة نظري الشخصية .... بيرزقه الله غيرها وهو يرزق ! يدور له وحده على نفس المود على قولتهم .. واذا هو البساط أحمدي .. يعني عادي بعض الأحيان يمر خالد وإلا راشد وإلا زكي جمعه .. يتوكل على الله ..


بالتوفيق ..

[Hadeel.m]

قوله يجلس عند امه احسن ..


ايش اللي تسمع اغاني على خفيف .!!!
يعني هذا سبب يخليه يتردد .!!


و بعدين هوه كامل مكمل و يمكن لما تشوفه البنت ما يعجبها و ترفضه ....

[قـــصـــيـــة]

مايبيلها راي يااخوي البنت مسلمة والحمدلله وكل بني آدم خطاء وإلا قل لوه يصبر للحور ذذ


الحين بعض الناس يقولون مانبي اللي يدخّن أكيد اللي يدخّن بيستخدم شي ثاني
وإذا صارت تسمع أغاني لايصير خايف انها تسمع شي ثاني هه

وهو مب رجّال؟ أو خايف تزعل إذا قال لها حرام تسمعين أغاني ومنعها ؟!




الله يهديها ويصلح الحال

[فخفخينة]

كل الردود السابقة مافهمت منها شيئ ابي رد

وش اقوله


بعدين تو ارسلت له رسالة سالته عن كيف عرف انها تسمع اغاني يمكن كذب قال انه يعرف اخوها وساله عنها

والبنت اصلن تقرب له

[دَفَـادِفْ ..!]

كل الردود السابقة مافهمت منها شيئ




والله عآد ماندري البلآ منا ولآ منك
()
إذا هذا العيب بس وهو شايفها ومعجبته يتوكل على ربه
ماكو إنسان خالي من العيوب !
سبحآن الله بعض الرجال يدقق بعيوب البنات , وينسى عيوبه وقد تكون أكبر من عيوب البنت !

[{ صوت بريدة }]

اقتباس المشاركة الأساسية كتبها فخفخينة كل الردود السابقة مافهمت منها شيئ ابي رد وش اقوله بعدين تو ارسلت له رسالة سالته عن كيف عرف انها تسمع اغاني يمكن كذب قال انه يعرف اخوها وساله عنها والبنت اصلن تقرب له

يعجبني الي يكتب مواضيع يأمل من خلاله أنه يقدم النصيحة ويأخذ ارائهم وردودهم ، وأنت وصلت للي تبغاه ، ولكن ياعزيزي واعتبرها وجهة نظـر أن موضوعك بالنسبة لي ( لايمكن أن أسميه سواء فبركة ) ..

أجل ياجماعة الخير ، هل في رجل يروح يكلم صديقه أن البنت الي تقرب له تسمع أغاني ، وأنه يبي يتزوجها ( فوشرايك ) ولنفرض أنه تزوجها كيف يرضى لنفسه يتكلم عن زوجة المستقبل وأم عياله لشخص يعتبر صديق، لأنه بمجرد يتكلم عنها فهو يتكلم عن العائلة بشكل عام وعن خواتها ومثل هالأمور أعتقد أنها ( سمعة ) خصوصاً أنها تقرب له .. وهل ياأخوان هنالك عاقل أنه يتكلم عن أخته بهالطريقة ، ويقول للشخص الي يبي يتقدم لها أن أختي تسمع أغاني ؟؟!!

هنالك عقليات لاتعي كيف تفكر..

[ضايق الصدر]

افا كل هذا ومافهمتن ؟!
قله اذا هذا العيب بس يتوكل على الله ويخطب ويشوف .. والله يوفقه ..

[دفا.]

انا بعطيك رأيي

اذا هذا العيب اللي عشانه متردد
وكل شيء تمام

قوله توكل على الله
وتزوجها

اهم شيء الصلاة والابتعاد عن كبائر الذنوب
وغيره مقدور عليه

كثير اللي تزوج والحمدلله الزوج والزوجة تمسكوا بالدين والالتزام

باختصار

اذا هو شاف البنت وجازت له ماعنده غير هذا العيب يتوكل على الله ويتزوج

عسى الله يجمع بينهم على خير

ويوفق كل بنت وشاب على الزواج

وترى الزواج نصيب لاتهتم ربك هو اللي يختار لك

[صاحبة الامتياز]

شكلنا انتكلم انقلش

شوف اذا كانت تقربله وعارف تربيته واخلاقه ومايعيبه الى سماع الأغاني

فأعتقد بأن الأمر بسيط يتوكل على الله ويخطبها

وبعد الزواج يقد يغيرها وراح تتأثر فيه

وقبل كل شي خله يستخير والله يوفقه

***