[صمت النار]

إذا كان ماتقول صحيح , وهو صحيح وتحصل ..

فهي ميزة فيه وفيك انت ايضاً ..

تقول وشلون اقول لك

هذي تعتبر فراسة عند الرجال ويعرف الشخص من وجهه .. بالعربي يعرف هل هالشخص ثقة وبيرجع يدفع المبلغ وإلا بيسحب عليه .. وهذي ناتجه من خلال تعاملة مع الناس بشكل يومي ..

اقول هالكلام من واقع تجارب شخصية .. احياناً يجيني زباين رجال ونساء ( وتطمن مو أكل وبوفيهات شغله ثانية ) فأشترط عليهم عربون مقدماً ويصل إلى 50% ولا يستلم شيء إلا بعد مايدفع باقي المبلغ اولاً .. واحياناً يجيني من اعرفهم من وجوههم وعادي ما اطلب عربون ولا اشترط عليه دفع باقي المبلغ قبل الإستلام .. كمثال .. والله ان رجال في يوم من الايام استلم شغله وكلمني وقال امرك واعطيك الحساب وقلت ابشر وخذ راحتك مع العلم ان المبلغ يصل تقريباً إلى 20 الف , لكن الرجال ثقة وكان في محل الثقة وغيره كثير .. والنصابين اكثر

المهم

مامعك سلف

امزح ,, واحمد ربك ان الله اظهر صدقك ووفائك في مظهرك الخارجي

[المسفهل]

المثل يقول وأنا أخوك [ الكتاب بيـّن من عنوانه ]

ولكن الثقة هالوقت بالذات من الصعب إطلاقها على كل أحد لإختلاط الحابل بالنابل ، ولكن وعلى ما قال حبيبنا [ صمت النار ] أنه ومن كثر تعامله مع الناس عرف في وجوههم الصادق من غيره ، ويبدو أن على سيماك الصدق ــ نحسبك كذلك ــ .


عاد تصدق إن بعضهم يقهر ، أذكر مرّة صلحت موتري بألفين ريال عاد أنا أقول للرجال ــ السعودي ــ صاحب الورشة يلله خذ حسابك ويقول لا منب فاضي تعال بعد كم يوم ووالله إني أصيح عليه يبن الحلال خذ دراهمك أنا أبسافر ويعيي ، لما حجرته بغرفته بداخل الورشة وقلت ما والله أطلع إلا أنت آخذن دراهمك وهذا كله بعد تصليح الموتر بكم يوم علماً بأن الرجل ما يعرفن ولا يدري وش أنا .