[عبدالله الرقيعي]

اقتباس المشاركة الأساسية كتبها حنو القصيميه جربت تمر ××××××××× يمكن عنده حل. والله يشفيك .

والله ياختي كم مرة ابروح بس يقولون ان الي عنده سالفة متوفي
والي موجود ولده مايعرف مثل ابوهـ
لكن ابجرب اذا ماخفت ابرووح ان شاء الله

مشكورة اخت حنان الله يخليك ويوفقك اينما وجهتي

[عبدالله الرقيعي]

اقتباس المشاركة الأساسية كتبها قوتشي عندك طبيب العظام بالقصيم الوطني اسمه عبدالسلام ماأكتشف حاله المريض اللي عندنا الاهورغم إنه يراجع بفيصل بالرياص

قوتشي شكلي ابنصاوهـ بكرا
لكن انا رحت اليوم بواسطة للطبيب بالتخرصي اسمه نبيل ذكار يقولون انه زين
عطان كيسة علاجات مليانة لكن اذا ماشفت نتيجة خلال الـ24ساعة القادمة
مابه الا الي به ابروح لعبدالسلام
شكرا ربي يوفقك وييسر امورك ويخليك لاهلك ماااااقصرتي

[عبدالله الرقيعي]

اقتباس المشاركة الأساسية كتبها ▪ بــيــتــــر ▪▫ كثيراً من اللاعبين يصابون في مثل هذه الشدود العضلية ، لذا فقد يستغرق غيابهم أسابيع في حالة الإصابة بالأربطة الألام تأتي مباشرة وأستبعد أن يكون معك ذلك .. فلاتقلق علاجك هو بالمدة والصبر فمثل هذه العضلات تحتاج إلى تأهيل وتسخين قبل البدء في لعب كرة القدم ربما التوتر والخوف الزائد لديك ، ومحاولتك بسرعة العلاج كان أحد الأسباب فهو عائد نفسي ولكن طالما هذ التخوف وعمل الاشعة والاجتهادات والاحساس بأن هذا شيء خطير لن يزول وستزداد شكوك الوقت ثم الوقت ثم الوقت ، وسيزول بإذن الله

يابعدي يابيتر
ياحبني لقلبك طبيعتي منب خواف ابد لكن كل من شاف رجلي والعكازات مسك راسه
هبلون العالم كلن يقول انتبه لاتعيب رجلك والي يقول لايصير رباط صليبي
عشان كيذا اخذت الاشاعات
لكن ياحبني لقلبك ياخوي
ماقصرت وربي وفعلا كلامك قاله لي الدكتور خريف الخريف سابقا
شكرا لك من اعماق قلبي وجزيت خير الجزاء
والله يرزقك ويوفقك من حيث لاتحتسب

[عبدالله الرقيعي]

اقتباس المشاركة الأساسية كتبها قلب من ألماس صح جلوف اسمه عبدالعزيز الدخيل الله مامثله احد بالعلاج بعد الله

ابشري ان شاء الله اذا ماخفت ابروح لمه
الله يجزاكي الف خير ع الاهتمام

[عبدالله الرقيعي]

اقتباس المشاركة الأساسية كتبها ربي بك رجائي ادهنه بزيت زيتون مقري فيه واذا بدابك الوجع .. كرر هذه الآيتين وانفخ على رجلك.. ** وله ماسكن باليل والنهار وهو السميع العليم ** يانار كوني بردا وسلاما على ابراهيم اخوي زيك خاصة إذا رحنا لمكه ومشى كثير خلاااص يمسك الارض من عضلات رجله اللي خلف الساق هي تبي وقت بس وتزول بس انت اصببببببببببببر مهب كل شوي تنط لدكتور تراهم يبي يسوونك حقل تجارب طبيعي ظربه تبي توجعك وتبي تزرق ..

قولي امين الله لايخيب لك رجاء ياختي
ان شاء الله ابسوي الي تقولين عليه ابدهنه وابقرأ عليه

الله يشفي اخوك ويشفين ويشفي جميع مرضى المسلمين
فعلا عضلات خلف الساق سالفتهن سالفه معي حتى قبل الاصابة
لاكن تليقفت ابسوي فيها الشلهوب وجاك مطفوق وجلد رجيلتي واثري مابي غيرهـ

ههههههههههههههههههههه ضحكت على تنط لدكتور وحقل تجارب
لاخلاص منب ناط لدكتور اليوم رحت لدكتور نبيل ذكار وبكرا ابرووح للدكتور عبدالسلام الي قالت لي قوتشي
لا ان شاء الله ابحط زيت وابقرأ عليه وان شاء الله يصير اخر يوم من الوجع
انا مارحت عشان ازرقت ولا عشان الوجع عادي الوجع قوووووي
ع العموم ماقصرتي الله يكثر خيرك ويوفقك ويرزقك كل ماتمنين

[عبدالله الرقيعي]

اقتباس المشاركة الأساسية كتبها خمائل مختاله عندي وصفة مدحها لنا الرسيني .. طاحت امي على يدها ..واستخدمنا وصفته وحده بوحده..ثلاث ايام وشافت العافيه ربي لك الحمد.. جب من العطار ..عنزروت ..وشاشه بيضاء ..وقطرات ليمون.. افرش الشاشه وقطر عليها كلها الليمون..ثم كب العنزروت.. ثم لفه على رجلك ..ولاتفكه ابدن ..لو طاح جدد الشاشه ..وحط عنزروت جديد.. ان شاءالله كم يوم وتطيب .. دعوووواتك..

هلا اخت خمائل
اول شيئ الله يخلي لكم امك ويطول بعمرة على الصحة والعمل الصالح

سمي ان شاء الله ابجربه بإذن الله

الله يطيب فالك ويرفع مقدارك عند خالقك ويرزقكي من حيث لاتحتسبين

دعواتي لكي بالتوفيق والنجاح بالدارين


شكرا خمائل كوني بخير

[عبدالله الرقيعي]

اقتباس المشاركة الأساسية كتبها مندبلتن تسبدي بما انه اصابة كوره عليك بالعصار فولتارين وحده بوحده انشدن عنه انا اربع وعشرين ساعه لعب كوره هههههههههههههههههههه حطه لاجيت تنام وصدقن تبي تدعي لي ياحيي ماتشوف شر .

يابعد حيي وميتي انت هههههههههههه
انا جربت فولتارين وروفيناك وريباديرم كل هالعصارات حطيتهن
والله ياخيي مافرجنه الوجع فوق ماتصور انام ربع ساعة اقوم منفجع من الالم
وقل امين الله يوفقك ويرزقك ويوظفك ويزوجك البنت الصالحة
ماقصرت يالمندبلتن تسبدك
لاكن انا منب 24ساعة العب
واحدن قال تعال العب خابرن لعبك زين
امير انشحط واثري مالعبت لي سنة تقريبا
واروح وهالي تشوف وش صار لي

[عبدالله الرقيعي]

اقتباس المشاركة الأساسية كتبها عيوون الغلا الله يششفييكك أن ششاءالله كنت بقولك أشياء بس كل اللي بقول سويته انت على ماذكرت لنا الله يهون عليك وعليك بقرايت الورد يمكن تكون أصابه عن سسب

اميييييييين يارب والمسلمين اجمعين
ايه كلش سويته ماخليت شيئ
ايه الله يهدينا للورد والله ان الواحد بعض المرات مايقراه وهو مهم جدا
والله مادري بس ماتوقع عن سبب
الا تراي لابسن برمودة باللعب لايصير واحدن منهم اشهب جاز له ساقي ونحتن هههههههه
امزززززح لاحد يصدق ماهنا الا العافية ياختي
بس مشكورة ع الاهتمام اخت عيون
ماقصرتي الله يوفقك ويرزقك كل ماتتمنين في الدنيا والاخرة

[زهره الرمانه]

الله يشفيك ومرضى المسلمين

إذا مافاد الفكس والملح رح لجلوف علاجه ممتاز

[مطرق الريحان]

الله يبرد عليك وعلى كل مسلم :

جلوف مهوب بس يجبر الكسور تبي تروح له وأنت مابك كسر

مادام مابك كسر ماعليك أن شاءالله والله مجربه هالشد اللي وراء الساق ياهو ما يمزح

أغديك تشتري مسكن روفيناك يذوب بشوي ماء بفنجال وتشربه وتراه زيين لكل الآلم والله أنا أستخدمه

بعد ما سويت عمليه بفقرات الرقبه عااد بوووه شى أشد من هالوجعه اللي بالفقرات الله يشفينا وأياكم

من شده الآلم تقول مولع بين أكتوفك جمر الغضاء . عااد لامنك شربته تسكن وترتاح لو يصكون بك أهلك الجدار

ماتدري خخخخخخخ عوافي عليك .

[خالدي ورافع راسي]

رح لم smart body
عندهم علاج طبيعي يكشفون عليك ويشوفون وش بك بوه واحد فيلبيني يقاله راندي اسال عنه عندهم

اتمنى اني افدتك

[ملامحـ خجولهـ]

اخوي اوصيك لا تتهاون برجلك جرب الحجامه لشفط هذا الدم الاسود

[الأوركي]

الله يشفيك

اخوي رح للي يبيع مفروشات اب شارع الصناعه الجلوف على مااضنهم يجبرون الكسير ويزينون الي تبي

ويصرف لك العلاج

بس معلومه من يمكن دم امتحجر رح للمستشفي وخلهم يسحبونه

انا قبل اسبوع لابسة كعب وامشي بالدرج امر اطيح وتنعفت رجلي توجععععع

اعجز امشي وورم اسوووود رحت للمستشفى قالو دم انتحجر خلينا نسحبوة امر يسحبونه

واللحين تقل احصاان مشاءالله

دعووواتك لي انا وامي لان امي ساعدتن

مع السلامه

دعواتي لك بالشفاء العاجل

[عبدالله الرقيعي]

اقتباس المشاركة الأساسية كتبها تويتي 2 الوصفه الي تمشي معك علمنا عنها .بالانتظار .

والله يابن الحلال اني تخوبلت لاكن ربك يعين