 |
|
|
|
|
05-07-2005, 12:55 PM
|
#1 |
|
عـضـو
تاريخ التسجيل: May 2005
المشاركات: 6,050
|
راعي الديك 00 أتحداكم ما تضحكون 00
هذي قصة راعي ديك منسم المهم اقولكم القصة : فيه ولد طفران (ماعنده ولا ريال) راح لابوه وقاله : عطني 15 ريال,,ودي اشتري كوره الاب : أقول إنقلع عني تراها واصله معي الولد : تكفا يبه,,بس 15 ريال والا اقولك خلها عشرة ريال الاب : ماعندي فلوس ... إذا تبي فلوس رح بع الديك حقك المريض اللي بالحوش .. الولد :بس هذا مريض ومحد بيشتريه الاب : ماعلي منك,,,دبر نفسك والله الولد استسلم للأمر الواقع واخذ الديك أول واحد قابله في وجهه اكيد أبوه....قاله الولد: تشتري الديك؟ الاب : اقول بتنقلع عني ولا أقوم اتوطا في بطنك؟ الولد :خلاص خلاص لاتنفخ طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله فلانه هذي كانت وحده متزوجه بس للأسف كانت رايحه فيها راح لها الولد عشان يبيع عليها الديك الولد :تشترين الديك تكفين؟ هلا والله بحبيبي .. تعال قرب مني عشان ابوسك بوسه خفيفه الولد :اقول مانيب فاضي لك .. خذي مني الديك وخليني اروح تروح مين ياعمري!! انا ماصدقت إني شفت رجال عندي في البيت ... الولد :ومنهو اللي قالك إن انا رجال؟ خذي مني الديك وخليني أنقلع شوي الا الباب يطق خافت الحرمه وقالت للولد تعال إندس هنا في الدولاب لايطلع زوجي ثم نروح فيها. حطت الولد في الدولاب وراحت فتحت الباب إلا وطلعلها صديقها اللي ما يحتاج .. الحرمه:هلا والله بعمري وحياتي الرجال: يا هلا فيك عمري ما أمدا الرجال يكمل كلمته إلا والباب يطق الحرمه: ياويلي ويلاه,,هذا شكله زوجي,,,تعال وادخل في الدولاب دخل خوينا في الدولاب وفجأه في عز الظلام سمع صوت يكلمه داخل الدولاب ويقوله: تشتري الديك؟ الرجال: اصصصصصصصص,,,,وطي صوتك الله يرحم والديك لاتفضحنا الولد :أقول تشتري الديك؟ الرجال: ياخوي خلاص بشتري الديك بس قصر على حسك تكفا,,, الولد :طيب الرجال: بس بكم تبيعه؟ الولد :ب100 ريال الرجال: ايش!!!!!!!!!!!! هالديك المنتوف المريض ب 100ريال!!!!!!!!!!!! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله جلسو 5 دقايق الولد :تبيع الديك؟ الرجال: توك بايعه على يابن الحلال!! الولد :تبيعه علي ولا ارفع صوتي؟ الرجال: لا لا خلاص,,اببيعه وأمري لله,,بكم تشتريه؟ الولد :بريال الرجال: أيش!! بريال!!!! انا مشتريه منك ب 100 ونت تشتريه مني بريال!!!!! الولد :تبيعه علي ولا ارفع صوتي؟ الرجال: لا لا خلاص,,اببيعه وأمري لله جلسو 5 دقيق الولد: تشتري الديك؟ الرجال: ياخوي توني مشتريه منك! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله,,,بكم تبيعه؟ الولد :ب200 ريال الرجال: الله يمحط بك انشالله,,,,توني مشتريه منك ب 100 ريال! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله جلسو 5 دقايق الولد :تبيع الديك؟ -الرجال: انا لله وإإنا إليه راجعون,,,,,بكم تبي تشتريه؟ الولد :بريال الرجال: وش تبيني أقول!! تبيني أبكي ولا أشقق هدومي,,,,يالله خذ الديك وببلاش بعد اخذ الولد الديك شوي ألا الحرمه فاتحه عليهم الدولاب وقالتلهم: يالله بسرعه انحاشو دام إن زوجي في الحمام,,بس واحد ورا الثاني وبشويش عشان لايحس فيكم زوجي طلع الرجال وانحاش ولحقه الولد بعده ب5 دقايق المهم,,,قام الولد يتمشى في الشارع وهو مستانس إن صار معاه فلوس .. بعدين راح للبيت يوم دخل البيت شاف ابوه قدامه .. راح قال لابوه: تشتري الديك؟ الأب ناظر فيه والشرار طالع من عيونه وقاله: مايكفيك يابن (??) الــ 300 ريال اللي أخذتها مني في الدولاب؟؟؟ تحياااااااااااااااتي لكم 00
|
|
|
|
08-07-2005, 02:46 AM
|
#2 |
|
عـضـو
تاريخ التسجيل: Aug 2004
البلد: منب بعيد
المشاركات: 460
|
رااااااااااااائعـــة
تصدق أني مستحقر الموضوع ومالي نفس أقراااه لأني ماشفت ولا رد بس الموضوووووع رااااااائع...
__________________
مسگيّن منْ هُو لآ نوى " يضحَـگ " منْ أحزآنُـه شرَقّ ..
حتَى إقتنَـع بإنْ [ الفرَح ] لُه شَيء لآ يُمگـن يليّق ..!؟ |
|
|
|
|
09-07-2005, 05:47 AM
|
#3 |
|
عـضـو
تاريخ التسجيل: Jan 2005
البلد: بريدة ـ الاسكان 4 شرق مسجد كعب الإحبار <<< ييزي ؟
المشاركات: 8,848
|
هههههههه
الله يقلع ابليس هالولد أنوااااع الاستغلال على فكرة المسفهل تشري الديك ؟؟؟   سلااااااااام
__________________
في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 ) |
|
|
|
|
09-07-2005, 10:16 AM
|
#4 |
|
عـضـو
تاريخ التسجيل: Sep 2003
البلد: مُجرَّدُ غُرَبَـاءْ ..!!
المشاركات: 11,482
|
ههههههههههههههههههههههههه
ههههههههههههههههههههه هههههههههههههه هههههههه والله منسم الولد ألف شكر لك وتسلم على القصة الرائعة
__________________
 |
|
|
|
|
09-07-2005, 10:42 AM
|
#5 |
|
عـضـو
تاريخ التسجيل: Jul 2005
البلد: في مكان لا يعلمه إلا اصحابه ..
المشاركات: 123
|
رائع اخي المسفهل 22
كم حصل بالاخير .. دمت بحفط الله .. |
|
|
|
|
10-07-2005, 03:33 PM
|
#6 |
|
عـضـو
تاريخ التسجيل: Apr 2005
المشاركات: 7
|
والله اني اضحك في الغرفة لوحدي
والله اول مرة اضحك كذا
__________________
للتواصل
moosa500@hotmail.com |
|
|
|
|
10-07-2005, 07:30 PM
|
#7 |
|
Guest
المشاركات: n/a
|
والله إني قاعد أضحك تقل هدر لحالي
بس ماعليه .. إلا ما تشري الديك ياخيي ؟؟ ههههههههههههههههههه |
|
|
|
10-07-2005, 11:37 PM
|
#8 |
|
عـضـو
تاريخ التسجيل: Oct 2004
البلد: 底巴雷德
المشاركات: 892
|
والله حلوه
انا ابشتري الديك بكم تحيااااااااتي |
|
|
|
|
11-07-2005, 08:00 PM
|
#9 |
|
عـضـو
تاريخ التسجيل: May 2005
المشاركات: 6,050
|
الأخوة في الله 00
سكري القصيم 00 أجل أنشاء الله القصة أعجبك 00 شكرا لمرورك الكريم 00 خوي السرور 00 اللي يكسب 300 ريال خلال دقايق 00 أكيد يبي يصير أنواع الأستغلال 00 وترى الفرص ما تتكرر 00 وتراي أبشري منك الديك 00 بس بشرط 00 يكون عند المرة 00 تحيتي وتقديري لتوقفك الكريم 00 الأعصاااااااااااار 00 ياليت كل موضوع أكتبه يكون لك توقف ومرور عليه 00 لأن ذلك يزيدني شرفا 00 فشكرا لك 00 أبو وليد الخالدي 00 هالذهين الولد حصل خلال دقايق 300 ريال 00 وحنا نتعب الليل وتال النهار 00 وبالأخير نطلع مطلوبين 00 بارك الله فيك لمرورك 00 وردك 00 القائد المحنك 00 أنا متحديكم بالبداية وقايل لكم أتحداكم ما تضحكون 00 وبعدين أشوى اللي ما سمعك أحد وأنت تضحك لحالك 00 تسان وش يقول ؟؟ عموما 00جزاك الله خيرا 00 وزادني مرورك فرحا 00 أسد العقيدة 00 أجل تقل هدر 00 وأنت تضحك لحااااااالك 00 أهم شي الوناسة يا بعد قلبي 00 وأنشاء الله أن القصة أعجبك 00 أتمنى ذلك 00 شكرا لك أستاذي أسد العقيدة 00 وبارك الله فيك 00 فمرور أمثالك على مواضيعنا يدفعنا لبذل المزيد والمزيد 00 فأشكرك بعنف 00 أبو تج 00 شكرا لمرورك وتعليقك بارك الله فيك 00 تحياااااااااااااتي لكم 00 |
|
|
|
 |
| الإشارات المرجعية |
|
|
النمط المتتابع
