[طالب متضرر]

يا فتى ويا رجل من المريخ

هل من المعقول ان تأخذ درجات في الشهريات وتحل في النهائي ثم تطلع النتيجة راسب اليس هذا ظلم في ام عينه اليس هذا حقد من الدكاترة الاجانب نحن نأخذ مدرسين وغيرها وبالاخير تطلع رااسب عطونا اثباتات انكم تنجحون او تدرسون في جامعة الاثل

الله ياخذ حقنا من الجامعة الفاشلة بالدنيا قبل الاخرة

[كيان الأمل]

اقتباس المشاركة الأساسية كتبها فـــتــى سـلـطـانــه يا خي أشغلتنا المواطن المواطن ياخي المواطن تقوله ذاكر يجيبلك 2000 عذر وتقوله سو شي زين يتعذر أما تقوله رح العب كوره والا مباراة الهلال تابعها يروح يركض أما الاجنبي تلقاه بروف والا دكتور وياكثرهم عندنا بالسعوديه .. وبعدين كل الي درسوني مواطنين ولا استفدت منهم الا الدجه .. ما استفدت الا لما دخلت الجامعه فلا تصجنا مواطن مواطن.. ثانيا أنا ورجل من المريخ صادقين عطنا مواقف واثباتات وبكذا راح نصدق أما تكلم من فراغ عادي كلنا نقدر نتكلم.. أنا من طلاب الجامعة صح ان فيه دكاتره يقهرون لاكن لايستدعي ذلك كل ما ذكرت .. ولو تخلي هالامور وتنتبه وتركز مثل ماتركز بها الامور بدراستك تراه احسن لك وأفيدلك من كل هذا..

مب الكل مهملين
هذا حنا درسنا واجتهدنا وكرفنا
وآخرتها تجينا استاذة سعوديه وتحط لنا أسئلة أنوااع التعجيز
وهذا غير المصائب الثانية ...
هل يعقل انه طالبة بمستوى ثامن تحمل مادة مشتررررركه ثلاث مرات .. أكيد الغلط مو من الطالبة يعني 3 مراات تأخذ الماده أكيد حافظه أرقاام الصفحاات .. بس من هالدكتورات اللي غرهم المنصب ..

هذا غير التعاامل .. آه الله يعين بس

حسبي الله ونعم الوكيييييييييييييييل

[زورو الحربي]

[QUOTE=طالب متضرر;3025976]السلام عليكم ورحمة الله وبركاته




المشكلة اذا دخلت على العميد ما يعطيك وجه ليه انت فوق الناس انت كأنا خلقنا الله من طين ولا انت مخلوق من ذهب كلنا سوف نذهب الى قبر بارخص الاقمشة


للمعلومية عميد كلية العلوم تخصصه زراااااعة ؟؟؟؟؟؟؟؟؟؟

[اه منك منقهر]

ًًًًًًاول شي يكفيني اني عرفت انك احد منسوبي جامعة الضلم 

عاد ماتوصل انك تقول هالكللام علشان الكرسي الي انت عليه  ترا العالم مو دلوخ وواضح الي تسويه  


وين الوطنيه عننك جاي تسب الدكاتره السعوديين ؟

ليش تنقص من قدرهم  ؟؟


ياخي بديت اشك  انك جزماتي  
  


 
 
 

صراحه انا اقتنعت انك احد هالاجانب



لاكن الفعل ابلغ من الكلام تحياتي 

[فـــتــى سـلـطـانــه]

اه منك منقهر... تقصدني بكلامك الي فوق

[حلمـ سيكــونــ]

تحويل القبول بغير وجه حححق الى النصف الثاني ومع العلم ان النسب عاليه ويجي غيري ويااخذ مقعدي بااسم (( الواسطة)) وقالوا ايش ان القبول مايتدخل فيه احد من الكمبيوتر حنا مالنا دخل العبوا على غيري وضيعوا علينا نص سنه على الفاضي حسبي الله عليهم الله لايحللهم
وبعض الدكاتره والدكتورات أسئلتهم تعجيزيه واذ قلنلهم ليه كذا قالوا الجامعه معطيتنا الحق 30٪ من الاسئله تكون من خارج المناهج
هذا غير اذ رحنا نستفسر عن اي شي نحصل الأبواب مغلقه يعني لااحد يجي وهذا بعد غير أساليبهم الوقحه وقت اختبارات القياس بعد ماانتهينا من الاختبار وقفت وبااعلى صوته يالله برى كلن يتصل على اهله يعني راح نقعد بالجامعه مثلا ولاهي جامعه أبوك وانااا ماادري بسس زين انهم مااسكتوله سكتوه قليله الذوق وراحت وغيررررره ياااكثثثثثثر مشكلهم.... 
يعني نحتاج الى اعاده هيكله الجامعه من اول وجديد ...

[رجل من المريخ]

اقتباس المشاركة الأساسية كتبها طالب متضرر يا فتى ويا رجل من المريخ هل من المعقول ان تأخذ درجات في الشهريات وتحل في النهائي ثم تطلع النتيجة راسب اليس هذا ظلم في ام عينه اليس هذا حقد من الدكاترة الاجانب نحن نأخذ مدرسين وغيرها وبالاخير تطلع رااسب عطونا اثباتات انكم تنجحون او تدرسون في جامعة الاثل الله ياخذ حقنا من الجامعة الفاشلة بالدنيا قبل الاخرة

الأخوة والأخوات الأعزاء وفقهم الله ، لا تتوقعوا انني في طلبي للاثبات أن اكذبكم أو أقف ضدكم ، لا والله ، السبب هو رغبتي في أظهار المصائب الموجودة حتى تكون رادعة لمن يفعلها عند ما تنشر
وايضا لعل في اظهارها وفضحها إجبار للجامعة على التحقيق وردع الظالم أو على الاقل خوف الظالم والمستبد . وايضا ممكن للجامعة او المنتسبين لها أن يردوا على ما يقال
أرجو أن يكون رأي قد اتضح لكم ،

[هواي الشقه]

الله يسخر لكم وينصركم على من ظلمكم

[حبيبتهم]

ماحد ينكر الظلم اللي قاعد يصير بجامعة القصيم هذا غير التخبط بالقرارات
لي اربع سنوآت بالجامعه وللأسف كل سنه أردى من قبله
ووالله اني اتمنى لجامعتي ( جامعة القصيم ) انه تتطور وترتقى للأحسن والأفضل
ولكن المصيبه بالفساد الإداري الموجود بالجامعه ..

.................................................. .................................................. ...

بالنسبه لصاحب الموضوع اذا كنتوا متضررين من دكتور أو عميد
فيه بالجامعه سكرتير مكتب العميد المباشر
رجال والنعم فيه محترم ومايقبل بالظلم
ارفعوا خطابكم وعليه توقيع مايقل عن 50 طالب من الدفعه وراح يتابع موضوعكم مع العميد
اهم شيء يكون الخطاب فيه اسماء عشان يمشي مضبوط ويعتمد
واذا تقدرون كلموه واشرحوا له الوضع كامل
سبق وصارت لنا مشكله مع دكتوره ورفعنا خطاب ووقف معنا وماقصر والحمدلله تم إنهاء عقده مع الجآمعه..


اي شكوى على دكتور او عضو تدريس لازم تكون بخطاب فيه شرح لنوع الضرر وعليه اسماء وتوقيع مايقل
عن 50 طالب ..
بهاالصوره فقط راح يعتمد موضوعكم ويمشي أما أنه تكون شكوى شفهيه ومن دون أسماء ماراح ينظر له ..

وبالتوووفيق للجميع ..

[ام تركي]

اقتباس المشاركة الأساسية كتبها طالب متضرر السلام عليكم ورحمة الله وبركاته يا خي ليه كذا جامعة القصيم وخاصة كلية العلوم نحن في السعودية اكرمنا الله بحكام ال سعود ثم يأتي الى الاجنبي يذلنا الان هو المذلول الاجنبي جاي للسعودية ثم يتأمر علينا اود ان ارسل رسالة لمدير الجامعة خالد الحمودي الله لا يوفقه اللي قاعد يجيب لنا دكاترة سباكين وحدادين وغير ذلك والله لايوفق الدكاترة عبدالرحمن ملاح وجزماتي وابوطير وفتحي وغيرهم كثير اللهم سلط على مدير الجامعة والدكاترة واعمدة الكليات عذابا فوق العذاب اللهم شتت شملهم اللهم سلط عليهم جندا من جندك المشكلة اذا دخلت على العميد ما يعطيك وجه ليه انت فوق الناس انت كأنا خلقنا الله من طين ولا انت مخلوق من ذهب كلنا سوف نذهب الى قبر بارخص الاقمشة اذا لم يتفاعل معنا مدير الجامعة سوف نتوجه مباشرة الى وزير التعليم العالي لنعرض المشكلة عليه واذا لم يتفاعل معنا كذلك سوف نتوجه باذن الله الى الملك عبدالله بن عبدالعزيز ال سعود الذي ملك قلوب ملايين الشعب الكبير والصغير الذي سوف يحل باذن الله مشاكلنا اود من من الملك عبدالله بن عبدالعزيز ووزير التعليم العالي ان يغيروا مدير الجامعة والدكاترة وتتغير كل الجامعة من بعض المنسوبين والموظفين الذين لم يتفاعلوا معانا هذهـ صرخة طلاب وطالبات جامعة القصيم

لا عاجبك مدير الجامعه ولا العميد ولا الدكاتره ولا الجامعه...طيب نخليك انت تجيب دكاتره علي رحتك ويعطوك اسئله كما تريد ولو اعطوك الاسئلة المفروض يعطوها مع الحل النموذجي ومافي داعي تتعب حالك...
انتم ايها الشباب سبب تدمير هذا البلد.. تظلون طوال السنه فيس بوك ولعب وجولات وسهر ولا تفيقون الي ايام الامتحانات .. ثم تطلبون تغير كل شي حسب مزاجكم..
دكاتره كليه العلوم في كل قسم لا يقلوا عن ثلاثين دكتور ومن جنسيات مختلفه.. وكلهم ما اعجبوك

تدري اخاف يتحول التعليم العالي الي مثل التعليم العام والجميع ينجح ويحصل علي شهادات وخلاص مافي داعي للتعب
وبعدين الله يخلي ابو متعب ما يتقصه الا يكون ياتي لكم بشهادات للبيوت وخلاص ترتاحوا

[حربي عابر دربي]

من خلال تجربتي الجامعية ومخالطتي الشبه يومية لدكاترة خرجت بنتائج مبهرة عن اغلب الدكاترة خاصتآ السعوديين

وهي بان اغلب الدكاترة الجامعيين مرضى نفسيين بلا شك او ادنى ريب
للاسباب التالية
1 - الكبر العظيم ( على ايش شاري شهادة او مقدم تنازلات حتى يحصل عليها ( نسبة كبيره منهم ) او تخصصه غير وتدريسه غير)

2 - التسلط على الطلبه والموظفين داخل الجامعة

3- الاستغلال والجشع مثل مذكرات التصوير والاتفاقيات المبرمه بين اصحابها والدكاترة

4 - الاصرار على الرئي ولو كان على خطا وعدم قبول تصحيح الخطا مهما كان حجم الخطاء

5 - احتقار من هم دون درجته العلمية

6 - الحرب المتواصلة وكثرة الوشاية بزملائهم الدكاترة والتودد للمدير الجامعة من اجل المناصب

7 - استغلال موارد الجامعة استغلالآ سيئآ

8 - استنزاف الميزانية في جلسات وانتدابات وموتمرات وسفريات للمعارض الدولية وهم بالاساس حتى لا يجيدون اللغة الانجليزية بالشكل المطلوب

وغيره كثير

لاكن اعانكم الله

[طالب متضرر]

اقتباس المشاركة الأساسية كتبها ام تركي لا عاجبك مدير الجامعه ولا العميد ولا الدكاتره ولا الجامعه...طيب نخليك انت تجيب دكاتره علي رحتك ويعطوك اسئله كما تريد ولو اعطوك الاسئلة المفروض يعطوها مع الحل النموذجي ومافي داعي تتعب حالك... انتم ايها الشباب سبب تدمير هذا البلد.. تظلون طوال السنه فيس بوك ولعب وجولات وسهر ولا تفيقون الي ايام الامتحانات .. ثم تطلبون تغير كل شي حسب مزاجكم.. دكاتره كليه العلوم في كل قسم لا يقلوا عن ثلاثين دكتور ومن جنسيات مختلفه.. وكلهم ما اعجبوك تدري اخاف يتحول التعليم العالي الي مثل التعليم العام والجميع ينجح ويحصل علي شهادات وخلاص مافي داعي للتعب وبعدين الله يخلي ابو متعب ما يتقصه الا يكون ياتي لكم بشهادات للبيوت وخلاص ترتاحوا

ام تركي هل اصابعك وحدة يوم تشملين كل الشباب السعودي مهملين وراعين سهر وغيرهـ كثير ؟
خافي الله من دعوة مظلوم وهل سبق لك ان علمتي مايدور في هذهـ الجامعة من ظلم وغيرهـ ؟
هل انتي رايتي ام القهر في هذهـ الجامعة الفاشلة ام تتكلمي من فراغ ؟
وهل تعتبرين هذهـ جامعة؟ام ثانوية بحجم جامعة؟
ما طلبنا منك تعطيننا شهادات واسئلة و حل نموذجي وغيرها يا ام تركي الله لا يحيجنا الا لوجهه دام حكامنا ال سعود مو مقصرين الله يطول باعمارهم ؟
الله يعز ابومتعب اللي يحل مشاكل العالم مو مشكلة جامعة يا ام تركي ؟
ام تركي هل تشهدين امام الله ان كل الشباب هم تدمير هذا البلد ؟
الشباب ولله الحمد وقفوا مع الحكومة حكومة خادم الحرمين الشريفين حكام ال سعود اذا ما تدرين انظري كيف الملك كافئ ودفع بالوظائف للشباب؟ ام تنكرين هذا الحدث ؟
انظري كيف يفزعون عندما يكون فيه مصائب وغيرها يقفون لمساعدتهم ؟لا تنكرين معروف الشباب؟

[اه منك منقهر]

بشررى لكل المتضررين من فيز 101

منقول ونتمنى الكل يشوفه ونبيه يوصل لاكبر شريحه



بسم الله الرحمن الرحيم اتمنى من المشرفين اولا وضع المموضوع بالخاص لجمع اكبر عدد من المضلومين

واحمد الله ان شخص مد لنا يد العون

والله يجزاه خير ولا يحرمه من الاجر

وانه سوف يوصل صوتنا للمسؤوولين

وسوف يحاسب جميع المتخاذلين بأذن الله من الدكاتره ومن على رأسهم


بأذب الله سوف يتم الاجتماع بالمصلى بعد اختبار عال 101

والاجتماع بالطلاب

وكتابة اسمائهم

والتوقيع

وسوف نوصلها الى (المنقذ الذي حس بمعاناة الطلاب وأبى الا ان يساعدهم ) اتمنا الدعاء بالشفاء لانه راح ضحية الحسد


تبينه : الاجتماع سوف يكون بعد اختبار عال 101 والاختبار من الساعه 10 ونصف الى 12 اتوقع خروج الطلاب 11 والنصف

فلذالك التوجه بأذن الله هناك

تبيه : اتمنى عدم الخوف من تسجيل الاسم فلا خوف عليكم ولن يستطيع احد هضم حقكم بأذن الله

فلو خاف البعض تذكر انك مافيه اي شي تخسرره


(ولن يضيع حق وراءه وراءه مطالب )

وبأذن الله اتوقع انا تفسير الدكاتره واعادة الاختبار الفيز 101

سوف يتم بأذن الله نشرر هذا الكلام بأذن الله في البلاك بيري والايفون
لايصال الصوت الى اخواننا الطلاب

لكي يجتمع اكبر قدر من المظلومين


تذكير :

الى جميع المتخاذلين بالجامعه ( بلغ السيل الزبى ) والله يمهل ولا يهمل *


وسوف توضع حدود ونهاية لما تفعلون بأذن الله ...

[اه منك منقهر]

الي يبي يتاكد يدخل موقع جامعه القصيم ، كليه العلوم ، خاص فيزيا ١٠١ وشوفوا معانات الطلاب