[مدحت شوقي عنيزة]

مساء الخير

في عادة أراها ليست طيبة

وهي عادة ان الحريم باي مناسبه ما ياكلن الا بعد الرجال ومن فضلتهم بعد

بصراحه هذه مدري وش تسمى

مدري الرجال محتقرين الحريم ؟ ولا ما عدوهن حريم

ودي اسمع منكم وش رايكم بهالعاده ومتى تنقطع ؟

[حربي عابر دربي]

هذه العادة شبه انقطعت وان ابن اخيك

والاسباب في اعتقادي كثيرة ومنها

كان في السابق الاكل قليل فيبداء الرجال اولآ قبل النساء ثم النساء والاطفال ( عاد الله لايوريك وش يبقى يلحس الصحن كله وما اعتقد يحتاج غسيل )

تقديم الرجال على النساء تشريفآ وتقديرآ وهذا اذا كان من قلة فهو الصحيح

تعلم بان الاطفال تشارك النساء الطعام فلا تسئل عن النتيجة ابدآ

الان اختلف الوضع بشكل كبير وهو من فضل الله على الناس لاكن خرجت ضاهرة اخرى وهي الاسراف والتبذير


شكرآ

[رجل من المريخ]

كم مرة قلتها للزملاء ، فعلا اتمنى أن تترك هذه العادة التي اراها سيئة
المفروض العشاء للنساء والرجل بنفس الوقت أو عشاء جديد للنساء بعد الرجال

وإن كانت هناك بوادر لاختفاء مثل هذه العادة مستقبلا مع كثرة ( البوفيه المفتوح للنساء )

[قـــصـــيـــة]

اقتباس المشاركة الأساسية كتبها مدحت شوقي عنيزة في عادة ما ادري وش الله قايلن بها

أعتقد مايصح تقول وش الله قايلن بها ..! لأن الله سبحانه مايقول إلا الخير والحق فقط
بارك الله فيك

اقتباس المشاركة الأساسية كتبها مدحت شوقي عنيزة وهي عادة ان الحريم باي مناسبه ما ياكلن الا بعد الرجال ومن فضلتهم بعد بصراحه هذه مدري وش تسمى مدري الرجال محتقرين الحريم ؟ ولا ما عدوهن حريم ودي اسمع منكم وش رايكم بهالعاده ومتى تنقطع ؟

شي عادي جدًا وهذي تظل نعمة وليست فضله .. والمعروف اننا نقوم بالتنظيف بعد الرجال وتجديد الطعام


ومدامك فتحت موضوع يتعلق بالأكل اسمح لي أذكر عادة عجيبة عند البعض وخصوصًا الرجال
وهي ( الأكل البايت ماأبيه ) اللهُ أكبر مب هذاك تاكل من المطاعم اللي يبيتون الأكل عشرين ألف مره ..!!

[نالا]

لازالت عادات جاهلية متوارثه الى الآن

حتى وان تطور الوضع الا انها لازالت باقيه

[بنت قماشه]

تكلمت مع امي قبل عن هذا الموضوع ,


طبعاً تقول , أول الناس يضربون باللحم والرز والمفطحات , واللي يقلط عليها الرجال , ولا خلصوا آكلين نجي حنا يامعشر النساء ونقلط بعدهم , تقول احياناً نلقى شئ زين وتقدرين تاكلين , وأحياناً مانلقى الا العظامه والرز البارد ..


... والحين تقول يالله لك الحمد , وثرنا الله عليهم , يتمنون فضلة أكلنا ...


بوفيهات وحلويات وخيرات ونعم , والرجال رز ولحم ويخب عليهم < ادري كلهن نعمة لكن الأفضلية مطلوبه ..



.. واعتقد العادة انقطعت ومانشوفه الحين ,,

[L&M]

.


النعمه فضلات .!؟


.

[[ أمــيــرة ]]

اقتباس المشاركة الأساسية كتبها حربي عابر دربي تعلم بان الاطفال تشارك النساء الطعام فلا تسئل عن النتيجة ابدآ

البزرآن يآكلون لحآلهم، حتى
مآيشغلون الوآحد ويمطرسون .

*
فـ العزآيم لآ والله صحون للحريم
وصحون للرجآل ويكون الأكل
فـ وقت وآحد .
أمآ العروس قليل نقلط للعشآء
حلوه نقلط
وأشوف البعض إذ1 دخلن
يتعشن يآكلن من وسط الصحن
لأن مآ لمسه أحد .

< شكراً >


. أحسن شيء الكرآمه .

[Hadeel.m]

اعتقد انو الناس بطلت هذه العادة
و الحين ما صرت أشوفها أبدا بالنسبة للي أعرفهم

لكن إحنا في بيتنا ما اذكر انو سويناها أبدا
نفس اللي عند الرجال موجود عند الحريم و زيادة ....

[الـعـابـر]

هالعادة اصبحت من الماضي و ليتنا استمرينا على الماضي
الحريم اليوم مرفهات ع الاخر و ماياكلن الا من البوفيهات و انت طالع فوق
الحين حنا بـعام 2011
العادة هذا اتوقع موجودة بالموديلات القديمة من الـ 90 و انت راجع

[سولافة]

اقتباس المشاركة الأساسية كتبها بنت قماشه تكلمت مع امي قبل عن هذا الموضوع , طبعاً تقول , أول الناس يضربون باللحم والرز والمفطحات , واللي يقلط عليها الرجال , ولا خلصوا آكلين نجي حنا يامعشر النساء ونقلط بعدهم , تقول احياناً نلقى شئ زين وتقدرين تاكلين , وأحياناً مانلقى الا العظامه والرز البارد .. ... والحين تقول يالله لك الحمد , وثرنا الله عليهم , يتمنون فضلة أكلنا ... بوفيهات وحلويات وخيرات ونعم , والرجال رز ولحم ويخب عليهم < ادري كلهن نعمة لكن الأفضلية مطلوبه .. .. واعتقد العادة انقطعت ومانشوفه الحين ,,

[الفريدي9]

ههههههه

والله ياأنت فاضي صدز وش هالطاري بالله ؟

اعتقد من الاسباب عدم الاسراف وخاصة ان الحريم ماياكلون كثير بالمناسبات فماله داعي انه
يكون لهم صحون خاصه يقلطون بعد الرجال ويخدشن تخديش موب تملا بطنه
....
بعدين عاده متعودين عليها من اول شيابنا وعجايزنا من اول وهم هاذي طريقته
وراه تو جاء التعفف وكلمة فضلة .

عوافي.

[أم عماد]

عفوا لم أشهد هذه العادة

يبدو أنها عادة مجتمعات بعينها لاأدري ..

[همس~]

العاده هذي اعتقد قديمه لانه الان في المناسبات الرجال عشاهم مفاطيح والحريم بوفيه .
هذا غير الحلويات والمعجنات للحريم قبل العشاء .