[حلوه البسمه]

اقتباس المشاركة الأساسية كتبها فسفوريه ولد ولده صار ولد الناس .! عقليااات تجيب الوهم كرهه

ايه ولد الناس
لصارت جايبتن كم واحد ولا سمته على ابوه ؟

اما لوهي ماجابت يمكن نوافق

بعدين لاتصرين حار ترى ماينفع
التفاهم زين

[عبدالله الرقيعي]

اقتباس المشاركة الأساسية كتبها حلوه البسمه يأشين الجده لاجت وقالت ودي اسميه على ابوي مادري وراه يوم ولدت ماسمت على ابوه وولد ألناس بتسميه على ابوه (تساليط) والدعوى كله ابوه يعني الهرج

وش دعوووه ياختي
لاوالله الجدة تامر امر وهي الي الحلا
انا مسمين ابوي على جدي
واخوي مسميته جدتي على ابوهـ
ووحدة من خواتي مسميته جدتي اسم محترم وحديث

ونتشرف ان جدتي طول الله عمرهـ مسميتنا
وخ بس ياجديدتي والله من حبي له ودي اكله ههههههههه

[عربي أصيل]

أولاً يا رجل من المريخ الحقيقة أنك صدق رجل من المريخ بمواضيعك المتميزة .. تنتقي المواضيع الهادفة والمصلحة .. أشكرك على اجتهادك .. وأتمنى منك الاستمرار بالعطاء .

بالنسبة لأسم المولود فهذا يرجع إلى الزوجين وخصوصاً الزوج . أي تجد بعض الأزواج يتفق مع زوجته بأن أسامي الذكور يختارها هو والإناث تختارها هي مع المشورة وتبادل الرأي . والبعض منهم يتم بينهم التنسيق والمفاهمه حول اختيار الاسم ثم الاتفاق في نهاية الأمر عليه ..
وأستغرب من بعض الأزواج هداهم الله يفرض الاسم فرض الذي يختاره هو ويصر ويتعنت ولو كان المولود أنثى أي لا يلقي للزوجة أي تعبير ولا يعتقد أن الزوجة لها الأحقية بإبداء الرأي والتسمية ..
أما من ناحيتي أنا فا كل أولادي قد سمتهم أمهم .. ولا أنا ما عندي سالفة ولا ذوق بالأسامي .. أقصد إذا اختارت اسم معين ورأت أنه مناسب لا يمنع موافقتها الرأي إذا ظهر لي التناسب .. والمفترض من الرجال الي مثلي خرطي بالذوق يخلي أسم الولد أو البنت عند الاعتماد بعد اقتراح الزوجة ..
وأرغب وبتمسك أن تكون الأسامي ذات معنى سليم ونزيه . وأستغرب من بعض الناس يسمي ولا يعرف ما معناه أو مجرد يجمع حروف على بعضها ويكون اسم فارغ من المعنى ولا له أي تعريف ..
تحياتي لك .. وتقبل مروري ..

[ويبقى الإحترام]

التسمية من حق الأب ، قبل سنوات سمعت فتوى للشيخ ابن منيع أن تسمية المولود من حق الأب ،، أهم شي صلاح الذرية بكيف الإسم ،، أنا جدي مسمين على أمه ومعجبن أسمي ولا ودي أغيره ،، الله يصلح لنا النية والذرية .. آمين ..

[اذكر الله ياخفوقي]

آلحقيقه أن أسسَمي مآعجبن قووهَ >> مدري ع مين مسسميني
زينتوهَ انو نـآدراً مآ أسسمع احد مثل اسسمي بس مآشش كآرهتوهَ عقب أأيه
و أمي وأبوي يقولون أنتِ محليتوهَ عآد مدري هم صصآدزين ولآ يرقعون لي

[بس مير اشوا]

اقتباس يأشين الجده لاجت وقالت ودي اسميه على ابوي مادري وراه يوم ولدت ماسمت على ابوه وولد ألناس بتسميه على ابوه (تساليط) والدعوى كله ابوه يعني الهرج

صادقه الشي الي يقهر لصار الاسم شين مره يقهر!!


او انه مسميه وتبي تسمي ثانيه

.... ليش مرة الناس الي ولدة وتعبت آآخرتها ماله حق تسمي الي تبي



في نظري ظلم ان يسمى الطفل اسامي مالهن داعي او على فلان الفلان

ليس من البر ان نسمي بهم

[حلوه البسمه]

اقتباس المشاركة الأساسية كتبها بس مير اشوا صادقه الشي الي يقهر لصار الاسم شين مره يقهر!! او انه مسميه وتبي تسمي ثانيه .... ليش مرة الناس الي ولدة وتعبت آآخرتها ماله حق تسمي الي تبي في نظري ظلم ان يسمى الطفل اسامي مالهن داعي او على فلان الفلان ليس من البر ان نسمي بهم

كلام صحيح
بس من يسمعتس

[ذلفا]

بالنسبة لأحقية التسميه المفروض يكون تشاور بين الأب والأم >>حتى الأم تعبت طبعا القرار الأخير للأب
أما التسميه على الأقارب ماله داعي >>إذا تحبهم وغالين عليك أدعي لهم وتصدق عنهم
بالنسبه لأسمي الحمدلله عاجبني ولله الحمد والمنه >>مع العلم ان الي المسميني مب أمي وأبوي بس أشوى ذوقهم زين
وأسماء هالوقت إذا كان المعنى حلوو فلا بأس

[فليفه]

انا عن رئي منه الحق الي الاب والام

بنسبه الولد الي الاب اما البنت الي الام

وا تسميه الاقارب يعني عشان ابوي ولا امي لا والله ...

[رجل من المريخ]

اللهم أرزق جميع من شارك في الرد أو لم يشارك بالذرية الطيبة البارة
واعتقد كما قال الأخوة والأخوة الاحسن هو الاتفاق بين الوالدين ، ولا يمنع اخذ رأي الاجداد من باب التقدير والاحترام
وأنا اميل للاسماء الجديدة الحديثة بشرط لا تتعارض مع الدين ، لكل زمان اسماء تناسبه
غفر الله جميع وسدد خطلكم واسعدكم في حياتكم وبعد مماتكم

[صاحبة الامتياز]

~ الحق للأم اولاًً ومن بعدها الأب

واحسن شي طريقة امي وبوي البنات امي اتسميهن

والعيال ابوي يسميهم وبكذا ماشين

واسمائنا طالعه عن دائرة القدامه ~

***

[توت الصبا]

اقتباس المشاركة الأساسية كتبها رجل من المريخ من له الحق في التسمية ؟ الأب ؟ أو الأم ؟ أو الأخوان أو الجد أو الجدة ؟ طبعا الام والاب لهم الحق الاكبر في التسميه .... هل تؤيد التسمية على الأقارب؟ سواء الأب أو الأم أو أي الأقارب غيرهم ؟ لا .. لا أؤيد .. البر بالام والاب والاقارب موب بالاسماء البر بالافعال ... هل أنت راضي عن اسمك؟ أو تتمنى تغييره؟ الحمد لله رااضيه .. اسمي من الاسماء الجديده وله معنى جميل وواضح ... هل تؤيد الأسماء الحديثة الموافقة لعصرنا ؟ أو تفضل الأسماء القديمة ؟ فيه اسماء حديثه جميله بالنطق والمعنى .. وفيه اسماء قديمه ايضا جميله بالنطق والمعنى ..

اتمنى الافاده ...

[SOoOSO]

من له الحق في التسمية ؟ الأب ؟ أو الأم ؟ أو الأخوان أو الجد أو الجدة ؟
الام..
هل تؤيد التسمية على الأقارب؟ سواء الأب أو الأم أو أي الأقارب غيرهم ؟
لالالالا مالهم داعي لاقعدو يسمون
هل أنت راضي عن اسمك؟ أو تتمنى تغييره؟
نعم لالا اياخي خلن على اسمي اسيل احسن من اغيره
هل تؤيد الأسماء الحديثة الموافقة لعصرنا ؟ أو تفضل الأسماء القديمة ؟

ايه ائيدهن الاسماء الحديثه

[كتكوته]

الاب والام يتفقون على الاسم..واحس الرجل العاقل بيقدر زوجته واقل شي يخليها تسمي اللي تبي مقابل لتعبها اثناء الحمل والولادة..
لااؤيد نهائي تدخل احد بالاسم..
اسمي راضيه عنه بقوة لانه حلو وحديث..
اؤيد الاسماء الحديثه اللي معناها حلو..
اذا جاء تدخل من الاجداد وقالوا اذا ودكم تسمون عبدالله او عبدالعزيز يعني اسماء حلوة..وبدون فرض رأي وهم يستاهلون بإمكاني أوافق ..ذيك الساعه..
اما اللي يجيك مسوي نفسه فاهم ويمون والله مايسمى الا صنيتان على ولد خال عم ابوي مثلا..يحتفظ بالاسم بذاكرته لكن يأيس اني بسمي لو زعلوا..مابقي الا هي اتعب واموت ويجي احد بارد مبرد يسمي اسم بايخ..