[الحاسب]

اقتباس المشاركة الأساسية كتبها مستحيل اجرح السلام عليكم بعض الناس شكله وظاهره مطوع بس تعامله وتصرفاته لك عليها شوي والمشكله تلقى الناس تثق فيه من شكله وهذه المشكله الكبيره والخطره لان مو كل ما يلمع ذهب بعضهم تنك مصدي تلقاه ثوبه لنصف الساق واخر من يجي لصلاه خاصه يوم الجمعه حاط بفمه المسواك وينطنط في خلق الله بين الصفوف يبي يجلس قدام تلقاه اغلب وقته مع ربعه سفر وكشتتات وطلعات ومطاعم خاصه مطاعم الرز البخاري واذا اهله احتاجوا شي قال مشغوووول او على موعد او مرتبط وكلها على الفاضي تلقاه ما يهتم في اهله ومطنشهم ومقصر في حقوقهم ومنشغل عنهم في اشياء مالها فايده تلقاه ما يحترم قواعد المرور ونظامه ولا يحترم من يشاركه الطريق ودائما يقف في الموقف الخاطيء خاصه عند المساجد وعادي يسد على شخص ويعطله ولا يهمه تلقاه مزوج بوحده وثنتين وثلاث والرابعه مسيار متحركه متغيره ومتبدله والناس تثق فيه لانه متلحي وثوبه قصير تلقاه يحقر عباد الله ويرى نفسه فوق الكل وعليه من الذنوب اكثر من غيره بس يحسب المظهر هو الي يحاسب عليه العبد مو المخبر تلقاه في الاسواق يتفرج على خلق الله والغريبه تلقى زوجته عليها نقاب واسع ولا يمنعها او ينصحها بصراحه وش رأيكم في هذي الاشكال اللي فاهمين الدين غلط يحسبونه شكل وظاهر مو عبادة ايمانية ونيه صادقه وقول وفعل ويجب ان نعري ها الاشكال بالمجتمع ولا نقيم لهم وزن ولا تقدير ونتعامل معهم بما يستحقون

كل هذا التجريح !!!!!
أظن لم يبقى له من دينه شيئ ........ لأن الدين المعاملة.

بعتقادي لو كان طرحك على صنف من الناس هذه أخلاقهم ولم تخص ( على قولك المطاوعه) لكان موظوعك في الصميم ولسلمت من النقاد.

حقيقة نتمنى ان نعيش ديننا بحق في الأخلاق والتعامل .... بحيث يكون هناك احترام وتقدير بيننا ( حب لأخيك ما تحبه لنفسك) ( عامل الناس كما تحب ان يعاملوك ).



شكرًا لك .

[مستحيل اجرح]

اقتباس المشاركة الأساسية كتبها الحاسب كل هذا التجريح !!!!! أظن لم يبقى له من دينه شيئ ........ لأن الدين المعاملة. بعتقادي لو كان طرحك على صنف من الناس هذه أخلاقهم ولم تخص ( على قولك المطاوعه) لكان موظوعك في الصميم ولسلمت من النقاد. حقيقة نتمنى ان نعيش ديننا بحق في الأخلاق والتعامل .... بحيث يكون هناك احترام وتقدير بيننا ( حب لأخيك ما تحبه لنفسك) ( عامل الناس كما تحب ان يعاملوك ). شكرًا لك .

هم بعرفنا الاجتماعي ومسمى الناس مطاوعه ولكنهم بالحقيقه مندسين على هذا المسمى العظيم
والمطوع الحقيقي الملتزم بدين الله قولا وعملا وظاهرا وباطننا هذا محبوب من الجميع
ولكن المشكله من يقلده بالظاهر لا بالباطن هذا الخطر وهذا اساس موضوعي

[الحاسب]

اقتباس المشاركة الأساسية كتبها مستحيل اجرح هم بعرفنا الاجتماعي ومسمى الناس مطاوعه ولكنهم بالحقيقه مندسين على هذا المسمى العظيم والمطوع الحقيقي الملتزم بدين الله قولا وعملا وظاهرا وباطننا هذا محبوب من الجميع ولكن المشكله من يقلده بالظاهر لا بالباطن هذا الخطر وهذا اساس موضوعي

اذا لعلك تقصد المنافقين
نعم هم من يظهر الصلاح وباطنه خبيث
يا ريت لو ندقق بختيار الكلمات بدل مطوع هذه صفته اقول انه منافق

[مستحيل اجرح]

اقتباس المشاركة الأساسية كتبها الحاسب اذا لعلك تقصد المنافقين نعم هم من يظهر الصلاح وباطنه خبيث يا ريت لو ندقق بختيار الكلمات بدل مطوع هذه صفته اقول انه منافق

المسمى صحيح وتحريت الدقه فيه حتى اصيب الهدف من الموضوع
وقلت مطوع ظاهريا يعني بعرفنا انه مطوع لانه ظهر ملتحي ومقصر ثوبه
والجيمع يعرفونهم بهذا المسمى ولكن يجب ان نفرق بين المطوع بالظاهر
والمطوع الحقيقي الذي يجمع بين الظاهر والباطن
شكرا لك