[@بريداوي اصلي@]

قام مرور بريدة مساء أمس بحجز المركبات المتوقفة للأستعراض " نصب السيارات " في طريق عمر بن خطاب شمال المدينة , حيث تفاجئ بعض الشباب حجز مركباتهم بسبب وقوفهاً لغرض الأستعراض بشكل ملفت للنظر وسط حالة غضب من قبل الشباب الذين قالو " مرور بريدة حرمناً من الأستمتاع بالعطلة".



الصورة

V


[/CO

[سعداف]

وينهوبه الحجز ؟ الدتسن أخذوه يا ولد : (

[إليـن اليـوم..!]

اقتباس المشاركة الأساسية كتبها سعداف وينهوبه الحجز ؟ الدتسن أخذوه يا ولد : (

لآ تعليــــق

[أم الوليد]

مساكين الشباب ينقصهم عندنا المراكز الترفيهية التربوية.. محاصرين ليش ما يخصص لهم منتزهات و يقام لهم فيها مسابقات تشويقية هادفة من الجهات المعنية

[وليدبن عبدالعزيز]

والله قمت التخلف إيش الهمجيه كل واحد يسوي الي يبي

كأن النضام على كيفه ولا ناصبين كافين خيرهم وشرهم

ياخي تعلموا من مرور عنيزة وتقبلهم لأوضاع الشباب

[ وطاقتهم حتى المرور السري يدور مع الشباب وأخذين

راحتهم بس بدون تفحيط ولا إزعاج لالالالالالالالالالا

هذي بــــــــــــــــــــــــــــريـــــــــدة والانظمة

[ملك احساس القصيم]

انا اويد كذا

لان مانراه من مهزله

واتمنى من المرور ان يلاحظ اللي مصفطين المرايات الجانبيه لان والله لها ضروره اثنا السواقه

وربي يهدي شبابنا

[غريب احساس]

يا ناس ليش ما يكون النصب في مواقع بعيده خارج المدينه

[ديـالا]

صدق ان حركتهم بالنصب مضحكة و تافهه ..

لكن دامة هواية و محببة لهم

احس عادي ينشغلون بة الشباب احسن من شغل اوقاتهم بشي ثاني؟؟

[عزف آلرحيل]

هههههههههههههههههههه
يرحموون

[صالح المشاري]

المنع من دون ايجاد بديل دليل تخلف المسؤول

[OIsssIO]

يجيك عسكري بدوي طعس
ثم يقولك
يا اخوك وقف على جنب
وهو حاقد عليك ما ادري وراه

[OIsssIO]

ههههههههههههه

[برفسور ملتمس]

اقتباس المشاركة الأساسية كتبها صالح المشاري المنع من دون ايجاد بديل دليل تخلف المسؤول

أقعد يادليل حسيتك تلعب بلياردو

معليش معليش

لو هو سوق ومنعوه على العين والرأس نطالب فيه ..

ياخوي هذولا مراهقين بلغة الشيبان { سفهاء } .. تبحث عن ايش وتخلي ايش ؟ قال ايش : تخلف مسؤول

تضيعة وقت ونصب وكلام فاضي -أعتقد مثل هالأمور المفروض يعطونهم { بريك }

ياعزيزي النصب هذا له سوالف أنت ماتجهله ، وبالاخير يجلس ياخذ له فرتين بالشارع ، { عشان يضيع وقته } ولايشري له سيارة بذيك القيمة ولايجلس يضايق أهله بسيارة غمارة ، ولايروح يخسر تلميع وتغبير وكلام فاضي عشان { هواية } ، ماشاء الله أكثر ناس اقتصاديين هم عيال الديرة فلاتظن أنهم دجاج وايضاً ماحنا دجاج عشان كل واحد يلعب على الثاني ، المقاصد واضحة ..

وحتى لو مو واضحة ، هذي دولة تطبق نظام ، ههههه والله اني لاقعدت اسولف مع واحد غريب اعتز وارفع راسي واقول ايه بريداوي اباً عن جد ، لكن أكثرهم يسكتوني بشيئين :
1ـ نصب
2ـ سيارات ..

وبعدها التزم الصمت ، واغير الموضوع إلى عالم الانترنت ، شبابنا للاسف بالاونة الاخيرة من جفرة إلى دحديرة ، طيب اهتم في سيارتك وياليته اهتمام مظهري وشي يفيده ، لا كلام فاضي يغبر بعد نصف ساعة طاير الغبار ، يلمع بعد دقيقتين مصدي من الماء ..

وانت جاي تقول تخلف مسؤول ، أنا مدري شلون تجرئت وقلت هذا الشي وأنت تدري أنهم على غلط ، يعني جايزن لك الوضع ، أنا اتوقع ان البلدية بعد ألغت البستم فقط ببريدة والسبب النصب ..

صرنا مهبط ومرعى لجميع المحافظات الثانية ودوران وشارع النهضة ياويلي السكان الي فيه وصلتهم الازعاجات والدخان والاغاني آخر الليل والاصوات ، غير الأراضي والبيوت الي يمكن تقل أسعاره والسبب الشباب ..

[الأميرالحزين]

ابسئلكم فيه شخص عاقل يشخص او ينصب ونيت هايلكس خاصه بنقل الغنم والعفش والشعير

كفو دو سو عليهم ياااااااااااامرور دوووووووووووووووووووس