[إليـن اليـوم..!]

السلآلآلآم عليكم ورحمة الله وبركاته


كيف الحال ان ششاء الله بخير



نفسي اقولكم قصتي باسترآحة ناس عزموني


ي انا للحين اللقط وجهي والمشكلة مالي ششغل ابدآ ابدآ ابدآ




الله يسسلمكم وآآآحد من جماعتنا عزيز علي وعزمني انا والعيال الي معي( ما اقاربي )


طبعا تقريبا حنا 6 الي بنروح له ولزم ننام عندهم ببيت الشششعر والغرف


قلت وش ورانا عادي خل ننام


تعشييينا وسهرنا وسولفنا وكل ششششيء

وجاء موعد النوم ونمنا


قمنا الصبببح وافطرنا وما قصصصر الرجال واخوانه كل شيء جايبينه لنا الله يجزاهم الف خير



قلت يالله استاذن انا لزم ارجع لآن اهلي عندهم شششغل طبعا الي معي جايين بنفس سيارتي يعني لزم يرجعون معي



ويوم رجعنا او وحنا بالخط ( الطريق) شفت واحد من الي معي كان عمره صغير يععني 14 سنة وماخذ حاجه للناس؟ ( بضرب مثال جوال)



انا بغيت اموته المشكلة لو هو اخوي كان مسسحت بوجهه الارض بس ولد الناس وش بتسوي به,,, انا هاوشته بالسيارة واخذته منه..


والمشكلة كيف برجع الشيء للآسترآحه وانا طالع؟



وافكـــر وافكــــر وارجع لهلي والنفسسسية رآيحه وطي


فكرت اني اقول للناس الي رحت لهم اني ناسي اي حاجه بس عشششان ادخل الاسترآحه وارميها باي مكان اهم شيء تطلع منا


وتوكلت على الله وقلت لبو هالولد السالفة كيذا كيذا وهذا الشيء الي ماخذه ولدك ورجاااء رجعه بطريقتك زي ما اخذه ولدك يرجعه لآني مالي وجه امر عند هالناااس



الحين المشكلة السالفة فات عليها مده بس اني افششششل اذا شفت عيالهم بعرس.. عيد... اي مناسه


قسسسسم بالله القط وجهي واكرهه عمري عشششان حساب هالبزر الي ماخذه وكل ما ششفته ودي اذذبحه... حسبي الله عليه وعلى اليوم الي اخذته معي


وانا والله واحدن اخاف ربي واموري متيسره ولا اعرف هالحركات هذي ابدآ ولله الحمد ولا تربيت عليها



رررررجاء شوفوا لي حل

[ديـالا]

من راي انك تمر استراحتهم وتحلتة عليهم.. ويمر السالفة بسلام ولا يدررون عشان الفشيلة

[إليـن اليـوم..!]

8


المشششكلة ما تحملت وعطيت الغرض ابو الولد الي ماخذه وقالي برجعه بطريقتي!!!

[ـالتُفاحة الورديّة]

احس انه عادي إذا سلمت المسروق لوالد السارق

خلاص طلعت انت من السالفة كله

صح انه ليش يسرق وفشلكم بس الله لايبلانا

[إليـن اليـوم..!]

8


مشششكوره على الرآي

[قائد المجد]

الله يعين

[ابو كندا]

أحس أنك حساس بزياده

أنت ماأخطئت والمخطي هالبزر وأنت كلمت ابوه

مأدري هو رجعه وإلا لا

ودليل حساسيك أنك تستحي إذا شفتهم بمناسبه

وشكلهم مادريو عنك

وفقك الباري

[خلفان]

والله ياهي ماله دخل تستحي عليى ايش ياخي


تعلم شكلك فاهم الحياء غلط

[جــــــ الرحيل ــــرح]

الله يكون بعونك

[أطوي جروحي بضحكتي]

أهم شي أنت واثق من نفسك وأنت موب من النوع .. وماعليك وش قالوا عنك أو ظنوا أنك أنت السارق ..أو من القبيل ...

..بالعربي ....طنش من هم حولك ونظرات الناس خاصة ...خلهم وتفسيرهم للمشكلة ..

ولاتهتم لاأمر الفشيلة ولا حاجه

أذا انت طبعك دائم تأنب ضميرك لأي شي ماسوته أنت أو بدون ما تقصده..

ماراح تعيش على الحال
نصيحتي لوجه الله

[الوباء المدمر]

علمهم بالسالفه وقلهم انه الي معك هو الي اخذ الليزر

لانك الحين في محل شك

[إليـن اليـوم..!]

مشششكورين على الرد الممتـــآآأإز


الله يجزآكم خير واحد واحد

[برفسور ملتمس]

الحين هو ليزر ولا جوال - ا خاف اخر شي تطلع بطانية ..

المهم صراحة انت غلطان - وشكل هالبزر متعود ياخذ اشياء ولاركبتوا بالسيارة جلس يستعرض - ولا لو هو يستحي وماعنده جراءة وماتعود ماعرضه قدامك ..

مثل هالاشياء يبي لها حل عاجل ولو طول الموضوع كان بالامكان انك تحطه بسيارة حداهم - أو تكلم من الي تمون عليه بالاستراحة يجدعه بطريقة احترافية ..

أما اذا طول الموضوع فمافيه طريقة الا أنك تخلي شخص صوته غريب عنهم يتصل من نفس الجوال ويقول { حصلته بالمكان الفلاني أو جنب الاستراحة} وبحطه بالمحل الفلاني تعالوا خوذوه ، بكل ستر ..

ولاتعود لها

[%*%الحلوة%*%]

الله يعينكم