[متنيل بالف نيله]

بسم الله الرحمن الرحيم


حي الله الجماعة والزكرت

تخيلو اليوم وانا افتش بالمنتديات والقاء اعلان ان دخول المهرجان الانشادي بـــ 50 ريال يعني اليومين بــ 100 ريال معقولة وصل بهم الجشع والهبال الى هالحد وهذا ومعهم راعي

اكيد ان ادارة المهرجان له جزء من التذاكر ولا كان ماعمدوهم ... !!!

ولا شوفوا الطامة الكبرى وهذي عرفته يوم اتصلت على الشباب الي اصواتهم جميله يقول انهم مانعين اي مشارك من بريدة يعني ما فيه ولا منشد من بريدة ايه مقيوله الارض ارض ابونا والقوم طردونا

شباب بريدة هم حلات الانشاد وهم ساسه واساسه وش علم هالمقاولين الي يمسكون المهرجان

كثر خيرك يا خليل يوم قلت اهم علي شباب الديرة ولا قصرت ورايك بيضاء

اللجنة هالسنة لا تهش ولا تنش مجرد تفرج على العالم وكلن يلعب على راحته وكلا ياكل

والضحية زوار المهرجان والكسبان 100% المقاول ....!!!

نداء عاجل لامير المنطقة الذي لايرضى بمثل هذه الامور ....

...
....
.....
متنيل متنيلكم خلف كيبورده العزيز

[See_you]

صدقت اخوي

وللعلم فقط!!

انا واحد من اللي يبيعون التذاكر او واحد اللي من المفروض انهم يبيعون تذاكر !!!!

امس رصيت بحديقة الحضاري من المغرب الى الساعه 11 ولا تذكره بعت

لسببين :
1- الناس مايدرون وشي هي فورشباب

2- الاسعار النااااار

كل من جاء يشري وسألن عن السعر هج !!

اليوم ضاع وقتي على الفاضي

مشكور على الموضوع وانا كنت ناوي اكتب لكنك سبقتن

[أبورامي]

خل فورهم يصدي

[بنت قماشه]

مايحضر الا مهبول !

امنيتي يصير الحضور واحد او اثنين ,

ودي اشوف وجيههم وهي تتلون ,

[نايف بريدة]

جشع وطمع من إدارة المهرجان وأيضاً علاشان كذا حرموا تغطية المهرجان جميع فريق المنتديات بشكل عام علاشان يخذون نسبة وعلى فكرة مبلغ طائلة بحضور فرقة مصر البهلوانية بقيمة 250 ألف ريال والسيارتين راح يتم السحب 2 من ضمن الغرفة التجارية غش في غش ومهرجان السنه ماعندك أحد ,

[أقدار]

صـــــآآدق أخوي أنا قريته وش يحسسون
المشكله الراعي الرسمي حديد الرااجحي !!
وش دعوووى إن شاء الله يرخصوووووونه

[السكى سنكي]

ياحبيل حقين مسرحية طبخ تجار ...

20 ريال فقط للمسرحية .

[المفهيه]

اشكر صاحب الموضوع بس حبيت اشارك واقول انه هالحركه من منسيقين
المهرجان موجديده المهرجان اللي فات منعين شعار بريده الفحول
من المشاركه انا اقصد اللي بوسط المهرجان يعني باصاله حقت الحضاري
مو تسكيتتهم للشعرانا اللي حطو لهم خيمه وقالو هذول عيال بريده ولا عطهم ولاريال وماقصرو عيالنا راحو وشاركو وبالاخير يعطونهم دروع وبس كانه جلسة منتدى مو مهرجان طول وعرض وبالاخير دروع
يعني اللي من براء بريده يجيبهم على اربعين وخمسين الف وعالنا ولا مبالغ رمزيه تحفزهم على بذل الاكثر ماقول الا الله حسيبهم اللي مايبون الخير لعيالنا

[ريم الجزيرة]

اولا تراهم ماغصبوكم تجون
اشغلتونا عند 50 ريال
ثانيا فور شباب هي اللي محليه المهرجان السنه هذي
ثالثا ايه مانبي شباب بريدة ينشدون نبي منشدين على مستوا موب كل من هب ودب جاء ينشد يستعرض صوته علينا
وبعدين نبي نغير نبي اجانب

وفور شباب الى الأمام ابداع بلا حدود

[صاحبة الأمنيه‏]

اتمنى انه مااايروح احد واللي يبي يروووح دبشششششه


همااهم منعوا شبااب بريده من الانشااد

خلوا عيااال المناطق الثاانيه ينفعونهم ويجون ويحضرون
والجمهووووور هو اساس نجااااح الحفل.......واذا ماكان فيه جمهووور بيكووون حفللل فااااشل

[حفيد اعقيل]

اقتباس المشاركة الأساسية كتبها see_you صدقت اخوي وللعلم فقط!! انا واحد من اللي يبيعون التذاكر او واحد اللي من المفروض انهم يبيعون تذاكر !!!! امس رصيت بحديقة الحضاري من المغرب الى الساعه 11 ولا تذكره بعت لسببين : 1- الناس مايدرون وشي هي فورشباب 2- الاسعار النااااار كل من جاء يشري وسألن عن السعر هج !! اليوم ضاع وقتي على الفاضي مشكور على الموضوع وانا كنت ناوي اكتب لكنك سبقتن

.
.

أعتقد أن من أهم أسباب عدم حضور الناس لشـراء التذاكر هو ضعف الدعاية
وذلك بسـبب إبعاد منتديات المدينة عن التغطية وهي التي كانت الرئة التي
يتنفس من خلالها المهرجان خلال سنوات ماضية .

وقد اتخذت إدارة المهرجان شعارة ( لا للبريداويين )
الله يذكرك بالخير ياعبدالرحمن الخضير وفريق العمل الذي كان معك

.
.


.
.

[جهااد]

اقتباس المشاركة الأساسية كتبها أبورامي خل فورهم يصدي

وشكرا لك يااخوي على الموضوع

[GULF.sa]

شكراا فور شباب ع المهرجاااان

[المصور ابوخالد]

شوكرن لكم جميعا