[برفسور ملتمس]

سلامن عليكم ورحمة الله وبركاته


ياجماعة الخير مو من عادتي أنزل مواضيع خاصة { بالبنات } بس صراحة قفلت معاي يوم شفت هالموضوع .. وقلت لا لا مستحيل نستغفل إلى هذه الدرجة ؟

فمعقولة هالقصة حقيقية وودي واحد يجي ويقول كلامك يابرفسور { نصب + يجيب ادلة = عشان يثبت }

لأن وجهي زي هالفيس =

<< هذا المستخدم لايدقق في أمور الصبايا منشان هيك جاهل بالموضوع ؟


والصراحة توني ألاحظ واسال نفسي وأقول { صح ليش العباية سوداء ؟؟}


هذي القصة منتشرة والكثير صدقوها ، فهل حقيقية وهل أنتم مصدقين ؟

القصة :

أن تاجرا من العراق أتى ببضاعة الى المدينة. وكان لديه خمر {يعني جمع خمار}وكان فيها ألوان عدة فنفذت الألوان كلها الا الخمر السود وكسدت عنده- فأصاب التاجر الهم والغم كيف يرجع بالبضاعة الى العراق. فذهب الرجل الى المسجد النبوي يشكو بثه وهمه ألى الله سبحانه فقابله شاعر ناسك في المسجد يقال له مسكين الدرامي-مسكين الدرامي كان شاعر غزل وكان أهل المدينة يحبون شعره ولكن في آخر حياته تزهد وتنسك وأنقطع عن نظم الشعر. فرق قلب مسكين الدرامي للرجل فقال له أذهب وستجد خيرا أن شاء الله- فكر مسكين الدرامي في الأمر فجد حيلة للناس-فذهب الى بيته وخلع ملابس الزهد والتنسك ولبس ملابس الشباب والخيلاء ثم طاف بين أهل المدينة منشدا:

قل للمليحة في الخمار الأسود---.ماذا فعلت بناسك متعبد
قد كان شمر للصلاة ثيابه---.لما وقفت له بباب المسجد
فسلبتي منه دين ويقينه---وتركتيه في حيرة لا يهتدي
ردي عليه صلاتهه وصيامه---لاتقتليه بحق دين محمد

فجاء أصحاب مسكين الدرامي من النساك وقالوا له ماذا صنعت فقال أمهلوا للأمر

أنتشرت هذه الأبيات بين الناس وقام المغنون يطفون بين أهل المدينة منشدين لها* فشاع بين الناس أن مسكين الدرامي رجع للشعر بعد أنقطاع طويل-ومن الأبيات أنها أمرأة فاتنة ذات خمار أسود أرجعته للشعر بعد أن رآها- فتسآلوا من تكون هذه المرآة- فقاموا نساء المدينة يشترون الخمر السود من التاجر حتى نفذ ماعنده حتى تدعى كل أمرأة ذات خمار أسود أنها هي.

مر مسكين الدرامي بالتاجر فقال له هل ذهب همك؟ فقال نعم-فرجع الى بيته وخلع ملابس الخيلاء ورجع الى تنسكه* فهذه الأبيات آخر ماقاله مسكين الدرامي*

وشاع شعره الدعائي فلم تبقى في المدينه امرأة إلا واشترت خمارا أسود حتى نفذ ما كان مع التاجر .


-------------- أنتهت ..


ملاحظة : الأبيات مشكوك فيها { وأرجوا مراعاة هذا الشيء } ولكن أنا طرحت القصة كما هي ..

رجاء خاص لاحد يقولي { ايوه هذا الي صار والشكوى لله ومشت علينا }

[حربي عابر دربي]

اذا كنت تقصد اللون الاسود فهو فعلآ هو من تقاليدنا والا الاصل تغطيت الوجه والبدن باي لون غير فاتن او ملفت للنظر

كذلك توجد بلدان اسلامية تحتجب نسائها باللون السماوي وغيرهـ

واللون يعتمد على التقاليد فقط وليس هو الاصل

[مهزله]

معقوله تكون صحيحه صراحتن اول مرهـ اسمع الابياات ..

[برفسور ملتمس]

ياحربي أنا والله مستغرب من الشباصات مايلبسن ألوان مع انهن يموتن بشي أسمه تغيير فقلت أكيد مايسكتن على عبث يمكن في فتوى ، فمن باب أن الموضوع { أنثوي بحت } قلت أسدحه نشوف الردود والإثباتات

[برفسور ملتمس]

مهزلة / كل شي جائز ، وبصراحة أنا يمكن أروح الدوام أصلع < على الاقل الحق على نفسي لابكرى تطلع أبيات ، عاد الحريم اذا طلع عليهم شي حتى لو هو صحيح راحو يخترعون للرجال قصص وسوالف على وزن { مو بس حنا }

[حربي عابر دربي]

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^

حتى بعد التعديل ...... ما فهمت


لاكن فيه باب من ابواب التشريع اسمه ما تعارف عليه الناس


يمكن هو سيد الموقف

شكرآ

[دَفَـادِفْ ..!]

.
.

هذا اللي صار والشكوى لله

الحين وش علاقة العنوان بالموضوع ؟
مممم بصراحة ما عندي تعليق بس بقول جازت لي القصة
وبعد هالقصة فيها إتهام إن الحريم بوقت مسكين يتنافسن لإفتتان الرجال والتغرير بهم والدليل :
((فلم تبقى في المدينه امرأة إلا واشترت خمارا أسود))

[برفسور ملتمس]

ياعزيزي ، الي بتقولي إياه { ماتعارف عليه الناس }

سؤالي من الشخص الذي أخترع العباية السوداء ، وأنت عارف أن هاللون يميل إلى الحزن والعزاء ، بينما الرجال لون ثيابنا { بيض } فليش للهدرجة البنات كئيبات ؟

وش معنى مايصير فيه ألوان { ثانية ، أصفر أزرق مثلاً < متعصب ، أبيض ، سماوي ، .إلخ }

فهل في دليل قال الله وقال رسوله ، عن لون العباية السوداء ؟

بنفس الوقت أن البنات التزامهم للصمت وعدم تحريك ألسانتهم صراحة خلاني في حيرة من أمري

مع أنهم من تالي جريئات ههه اجل معقولة يفكرن بقيادة السيارة ولايفكرون في تغيير لون العباة ؟

[حربي عابر دربي]

^^^^^^^^^^^^^^^^^^^

عمومآ

يمكن توقيت مخمخك متاخر شوي فـ يمكن لو تريح شوي تبي تسوي جميل بالمنتدى كله

جايزتن لك الاللوان والتغييرات يالرمنسي هاه

اللون الاسود هو سيد الالوان ( اللون الملكي ) حتى سيارت الملوك والامراء سود .... وش تقول .... لك تعليق ... ولا تبي تقول ترزق على غيرنا

[دَفَـادِفْ ..!]

.
.
طيب ماكد سألت نفسك سؤال (بالمقابل) يعني ... ليه أنتم تلبسون ثياب بيضاء
ليه مثلآ ما تغيرون تخلون ألوان ثيابكم برونزي ولا تركوازي ولا ليلكي
يعني مثل ماقال حربي اللون الاسود " متعارف عليه " ولبس غيره قد يدخل ب (( لبس الشهرة )) والله أعلم لأن ثوب الشهرة معروف انه محرم وهو إذا أشير إلى الإنسان بسببه أو اشتهر وعرف به ..
نقلت لكم فتوى الشيخ ابن جبرين رحمه الله :
الفتوى :
هل لا بد أن يكون حجاب المرأة وعباءتها باللون الأسود؟
السؤال س: هل لا بد أن يكون حجاب المرأة، وعباءتها باللون الأسود؟ وما حكم الحجاب، والعباءة بالألوان الأخرى؟
الاجابـــة :
لا يلزم ذلك، ولكن يفضل أن يكون الخمار، وغطاء الوجه باللون الأسود، فقد ذكرت عائشة أن نساء الأنصار اختمرن بالسواد، فأصبحن كأن على رءوسهن الغربان
ويجوز أن يكون الجلباب، والرداء باللون الأحمر، أو الأخضر، أو غير ذلك ما لم يكن فيه تشبه بالرجال.ا.هـ
() يعني بإختصار هو مو منهي عنه لذاته منهي لتبعاته ( بوضح الحكم بس ) والله أعلم
.......ممم أنا لو بغير عبايتي كان خليتها أحمر بأزرق (مو عشان شيء ) لا أحد يقلدن يا بنات

[برفسور ملتمس]

ياحربي - صراحة ماشاء الله عليك { خبرتك واسعة في مثل هذه المواضيع } ، لكن أنا خانني التعبير وأجهلها لذلك أنا طرحت الموضوع ..

ثانياً ، شف شف صورتك طالع لون الخيل كيف ليش ماحطيت أسود ؟؟ < أو مانت من ضمن الملوك

ولنفرض أنهم أشتروا سيارات سوداء هل يقارنون البنت المخلوقة في السيارة المصنوعة << لول

ملاحظة : لاتقولي صورتي سوداء ترى هي بيضاء الأصل هذا فقط أثار الغبار والضباب والشمس ساطعه من جهته وشوفها من ورى اذا حبيت تتأكد ..

[برفسور ملتمس]

اقتباس طيب ماكد سألت نفسك سؤال (بالمقابل) يعني ... ليه أنتم تلبسون ثياب بيضاء

الا سألت وجاوبت نفسي جواب ، وقلت { نلبسه بالصيف فقط } عشانه بارد وخفيف ونلبس ألوان ثانية بالشتاء حتى الأسود والعودي وغيرها

اقتباس ليه مثلآ ما تغيرون تخلون ألوان ثيابكم برونزي ولا تركوازي ولا ليلكي

نلبس جميع الألوان وليست فقط بالثياب بل بالبدلات وشوفي بدلات لاعبين الأندية وغيرها ، وأذكر مدرسنا العلوم لبس أخضر بمناسبة أسبوع الشجرة

اقتباس يعني مثل ماقال حربي اللون الاسود " متعارف عليه " ولبس غيره قد يدخل ب (( لبس الشهرة )) والله أعلم لأن ثوب الشهرة معروف انه محرم وهو إذا أشير إلى الإنسان بسببه أو اشتهر وعرف به ..

متعارف عليه وآخر شي يطلع { بياع عبايات هههه } وهو الي وهقكم ، طيب وليش مامشيتو كلكم على الأبيض ولا على العودي ولا على الأحمر كله بالاخير { ساتر } ومغطي لجميع الجسم ..

[حربي عابر دربي]

^^^^^^

هذا من تواضعك طال عمرك

اما صورتك انت وخيلك تراي مصدقك وما فيه داعي تحلف

لاكن انت وخيلك تذكرني بالبنقاليين الي ينزلون من السياكل ويدفونهن رجليه ( هالحركة ذي بصراحه تبيله مخمخه ومفطح كامل على شان تبذل جهد جبار حتى تعرف السر وهو ليش ينزلون من السياكل ويدفونهن ... والله قهر يعني راحمن السيكل والا ما يبي يزيد العداد حق المسافة والا ايش )

[مامونه 2002]

السؤال هذا مليون مره باليوم يطن براسي بس اخر شي توصلت له
قلت انه اللون الاسود لون غير فاتن
واثبات جوابي :هو اللون التي تزكرش به بعض عباءة النساء الله يهديهن مثل الفضي احس انه مفتن هذا اللون لاني وانا انا بنت تعجبن اقعد اناظر اللون الي ساطع بيده
وش رايكم بي عاد اجيب جواب واثبته قسم اني خطيره لاتعليق خخخخخخ