[متيمه]

[CENTER]

[SIZE="4"]السلام عليكم ورحمه الله وبركاته

لي صديقه عرفتها من الرياض وتسكن في بريده

تقول في كلامها انه تحب اهل القصيم ويعجبونها كثيرا

الا ان السمه السيئه التي تتغطى عليهم البخل

واتت لي بكثير من الامثله كالدعوات والعزائم التي دعي اليها والدها

وتقول باانهم لايعرفون اكرام الضيف وان رجل من اكبر تجار بريده

دعى والدها في ضيافته بيته وعندما حان وقت العشاء

اصاب والدها الدهشه رجل من اكبر التجار يكرم ضيوفه بفيليه سمك

الحمد لله السمك نعمه من الله ومن افضل اللحوم

لكن انا كرجل تاجر واستطيع ان اقدم مئه ذبيحه لضيوفي ارى من البخل

ان اقدم لحم سمك

ماهذا البخل !!!!!!!!

لايجي احد ويقول حرام عليك كله نعمه فاانا اكرر لم اعيب

رسولنا صلى الله عليه وسلم ماعاب طعاما قط

وانا لم اعيب طعام السمك فاالسمك من افضل اللحوم

ولكن في نفس الوقت رسولنا صلى الله عليه وسلم

تعوذ من البخل

كان رسول الله صلى الله عليه وسلم يتعوذ يقول : ( اللهم إني أعوذ بك من الكسل ، وأعوذ بك من

الجبن ، وأعوذ بك من الهرم ، وأعوذ بك من البخل )


قد نقول ليس ملزما عليه بكونه تاجرا ان يقدم لضيوفه ذبيحه

فقد يكون لايحب التذبير والاسراف ويحب البساطه

لكن ردعتني البنت بمثال اخر

برجل ايضا يمتلك وظيفه محترمه ويملك سياره جيب لكزس

وفله باافخم الاحياء ببريده

وقام بتقديم وجبه العشاء لضيوفه بدجاج

كنت بالاول ضدها وادافع عن اهل ديرتي

وقلت لها ان انتم مستهدفيننا دائما


لكن الامثله اللي جابتها اوقفتني واحرجتني

فلم املك غير الصمت غير هذا انني بعد هاذي المناقشه

لاحظت فعلا اسمع القصص بالاجتماعات عن بخل اهل القصيم بالذات

واخرها زوج اختي يقول اننا في استراحتنا مع الشباب يوميا نطبخ العشاء دجاج

فقلت ذاك اليوم سوف نشتري لحم من باب التغيير

فطلع التقسيم لقيمه اللحمه كل شخص يدفع 25 ريال فقط

فهرب اغلب الشباب ذلك اليوم من الاستراحه هربا من الدفع للاسف

قد نعذرهم ونقول عاطلين اولايستطيعون

لكن للاسف موظفين وحتى لو كانوا منزنقين على قولتهم

هذا ليس عذر من انك تهرب وتجعل الناس يااخذون عليك صفه البخل

فتأكدت حينها صحه كلام تلك البنت

وتذكرت ايضا ايام الدراسه بالكليه عندما يكون الفطور على احد البنات

فتبدا تتهرب من يومها كان تغيب عن الكليه اوتذهب الى مجموعه بنات اخرى

والايام الثانيه تجلس كل الوقت وتأكل وتشرب بكل بجاحه

وبنفسها تلاقيها تشتري اغلى المكياج والشنط والملابس

كحال صاحب الفله واللكزس

هذا هو المقصد بالموضوع كريمين لاانفسهم فقط

[نكابر والدنيا مقابر]

وعليكم السلام ورحمه الله وبركاته

الحين صديقتس قااالت القصيم وهي ماشافت الا بيت بيتين من القصيم
اختي ترى كل مجتمع فيهم البخيل والكريم
موب القصيم بس

[أبورامي]

قولي لخويتس خلي أبوه يتعرف علي عشان أخربه وِأعزمه على أندومي رغم أن الأندومي مرتفع اليومين لكن يالله نآخذ أجره
نجدعلهم حقين الرياض نشوف جلود الأبل والغنم والغزلان عند كل باب

[ابو كندا]

اقتباس المشاركة الأساسية كتبها نكابر والدنيا مقابر وعليكم السلام ورحمه الله وبركاته الحين صديقتس قااالت القصيم وهي ماشافت الا بيت بيتين من القصيم اختي ترى كل مجتمع فيهم البخيل والكريم موب القصيم بس

[متيمه]

اقتباس المشاركة الأساسية كتبها نكابر والدنيا مقابر وعليكم السلام ورحمه الله وبركاته الحين صديقتس قااالت القصيم وهي ماشافت الا بيت بيتين من القصيم اختي ترى كل مجتمع فيهم البخيل والكريم موب القصيم بس

كيف بيت او بيتين !!!!!

اقولك ساكنه بالقصيم

وضربت لي كم مثل

[متيمه]

اقتباس المشاركة الأساسية كتبها أبورامي قولي لخويتس خلي أبوه يتعرف علي عشان أخربه وِأعزمه على أندومي رغم أن الأندومي مرتفع اليومين لكن يالله نآخذ أجره نجدعلهم حقين الرياض نشوف جلود الأبل والغنم والغزلان عند كل باب

مهب محتاج تعزموه تاجر ماشاء الله لهم مزرعه ببريده وش كبره

اما حقين الرياض والله مقدر اقول شي مالي قرايب هناك حتى احكم عليهم

بس صديقتي ذي بصراحه كريمين وظليمتهم شينه

[الرجم العالي]

اختي::..

رجاءا (كل له تمثيل نفسه ولا علاقة له بالغير) ...

وانا مره بالرياض وعزمن واحد وانا اسولف معه قالي لقيت شقه او ادورلك !!!!!!وش تسمينه ذا؟؟

يعني اهل الرياض بخلا!!! مهب منطق اني احكم على الناس كلهم بفعل القليل منهم..

وترا على فكره بعض الناس مايسوى ثيابه اللي هو لابس !! يعني بيالة شاهي وتخب عليه...لا صار ماعندك احد!!!!

تحياتي ....

[نكابر والدنيا مقابر]

اقتباس المشاركة الأساسية كتبها متيمه كيف بيت او بيتين !!!!! اقولك ساكنه بالقصيم وضربت لي كم مثل

كم مثل يعني يوصل هالامثله لـ 100 مثل ؟؟
طيب سكان القصيم اكثر من مليووون
داخله لبيوتهم كلهم صديقتس ؟؟؟
ولا شافت هالكم مثل وخلااااص صاروا القصيم كله بخيلين
اجل انا بروح اسكن بالرياض واحكم على كل الرياض من كم مثل اشوفه عندهم
ي اختي كل مجتمع به الشين والزييييين

[سعد الذابح]

فعلا كلامك صحيح اختي متيمة

وتوجد عندي امثلك كثيره على ذلك

سواء بالمجتمع او بزملائي بالعمل

[العقل الرزين]

وعليكم السلام ورحمة الله وبركاته

بنظري أن البخل يكثر في القصيم وبصراحة

يعني أنا أعرف ناس كثير وقريبين لي وفيهم بخل ماشافته عيني

ولا قلنا يكثر بالقصيم مو يعني بالمدن الثانية مافيه أبد لا عندهم ناس بخيلين مثل مانقول
بس حنا يكثر عندنا
بصــرآحة .. (الإعتراف بـ الحق فضيلة )

[NwayeR]

الله يصلح قليبتس بس , أولاً كآن من المفترض أنتس مآتحددين بريدة عنيزة ولــآ شرورة . لكن نبي نآخذ هآلشيء بحسن نية

ثانياً هاللي تحتسين عنه تعرف أهل بريدة بيت بيت يوم أنه تقول تسسذآ

أعتقد كلنآ نعرف أنه من الظلم والإجحاف أنو نحكم على مجتمع من شخص أو شخصين أو عشرة

ثالثاً الكرم والبخل بكل مكآن موجود موب بس ببريدة

وبكيفهم كريمين لـأنفسهم لغيرهم أعتقد آحرآر !

وجيد أنتس قلتِ كريمين على أنفسسهم , غيرهم لـآ كريمٍ على غيره ولـآ على نفسه !!

وأنآ أنقلتس من آهل الريآض , أنهم يقولون مآشفنآ كرم مثل كرم أهل بريدة

* لـآ تنسين تسلمين لي على اللي ردعتس

الله يصلحتس وبسس

[H N A Y]

وعليكم السسلام ورحمة الله وبركآته
ههي شآفت بيوت بريدة كلهن يوم إنه تقول تسذآ ؟!
أكيد مثل مآقآلو كل مجتمع به الشين والزين
يعني مثلا أنآ بوه بنآت بمدرسستنآ بخيلآت ويوحششن بس صعبه إني أبقول كل بنآت مدرستنآ بخيلآت عشآن بنت أو بنتيين أو خمسين بنت! !
أدري إننآ نطينآ بتس بس بعذرنآ شي يقهر

[اميره وبلاش غيره]

خليه علي الله

[ّّهمس المحبـــهّّّ]

اتمنى تسمعين كلام الاستاذ/ صالح العريض في برنامج ساعه وساعه في قناة المجد دوريه باليوتيوب

اكتفي بذالك فقط ,,