[عِلْيَاصِةْ !]

بِسمِ اللهِ الرحمَنِ الرَحِيمْ.

أعِزائِيّ الجمهُورِ المُتبطِحْ .
فِيّ صَبَاحِ ليلَتنَا العَصريّة تتجَلَىّ قُدرةُ البَارِيّ ، وهَا هِيّ تهتِفُ أصوَاتُ المُشجِعِينَ الكُثر .

وَبعدَ لِقاءٍ بَاتَ سِتةَ عَشرَ يومًا إِلا سبعَ دقَائِقٍ وَتِسعَ ثوَانِيّ تَنبَثقُ الهِتافَاتَ الصَارِخة المُتحمِسَة بِإكتِشَافٍ بَاتَ مُنبَطحًا فِيّ مُخيخِ وَعقلِ "عِلْيَاصَةْ !"، وَلكِنهُ لَم يجِد مَن يُقِضهُ مُبكِـرًا .

وَفِيّ تمَامِ السَاعةِ 10:06 دَقيقة، كَأنَ شيءٌ مَا أصَابَ عِليَاصَةْ ! ، تَشعُرُ بِأنَ مُستوَى الدَلاخَةِ قدِ ارتفَعْ وتشعُرُ بِأنَ هُنالِكَ تحشِيشَاتٌ خَارجَةٌ مِن بُطينِهَا الأيسَر .

فَاستيقَظت مِن خيَالاتِهَا الهِدرة وَإذَا بـِرأسِهَا يمِيلُ يمِينًا وَيسَارًا مُعلِنًا عَنْ خُروجِ فِكرَة
<- مَا قال لِتس أحَد قبِل إنتس سخِيفة ؟

’,

المُهِم المَوضُوع وَمَافِيه يَتحَدث عَن الفَرق البَسيطْ بينَ "بريدة" وَ"بريطانيا" .

ترَا مهنَا فرقٍ يِسوَى، كِلهِن وَاحِد .
وهَذا الدَليلْ .

كِلَهُمَا تبدَءَانِ بِحرفِ الباءْ والثَانيّ حرفُ الرَاءْ والثالثُ حرفُ اليَاء!
"بريدة، بريطانيا"
تبدءانِ بـِ"بري"، وَلو أمعنَا النظرَ فِيهُمَا لَوجدنَا أنَ المُشكِلَة تَترَكزُ بِحرفِ "الطَاءْ" !

وَالدَليلُ عَلى أنَ المُشكلة تتركزُ عَلى حرفِ الطَاء، عِندَ النُطقْ يتضِحُ لنَا ذلِكَ بِقولِنَا "بريطة"، وَهذا غيرُ صَحيحْ.
وَالدَليلُ عَلى أنَ حَرفَ الدَال لا مُشكلةَ بهِ وَلا عَيب هُنَا، عِندمَا نقُومُ بِنُطقِ هذهِ "بريدانيا" .

’,

بعدَ أبحَاثيّ ودِراسَاتيّ العِلمية وَالعالمِية تَوصلتُ إلَى: <- تسذب بِأمِ عَينه
أنَّ الأقوَال تعَددتِ عَلى أنَ "بريدانيَا" اسم مِن أسماءِ بريدة والبعضُ الآخرْ يقولُ بأنهَا دلع "بريدة" .
ومِنهَا قولُ هَذا وَذاكَ وَهَذهِ وَتِلك .

’,

أنتظِر أبحَاثكن، وَنِقاشاتكنْ حَبيبَاتيّ .
-> هَهَا، لا أشوفْ أحَد آخذ المَوضوع جِد ويقول إني متعصبة ولا شي ثَانيّ .

’,

المَصدر: عِلْيَاصِةْ !، بريدة ستي.

[جُ ـنـﯛنَْ]

عليآآصة ,
نقزت يوومم شفت معرفتس يَ القطططوع
لي رجععه بِ مخمخخه

[ـالتُفاحة الورديّة]

ههههه توحفة موضوعك

والمقدمة شيء خورافي

مبدعة حلوة بريدانيا

[همس الشمس]

بطرانه قوه التدليعه تستاهل بريطه ان تدلع

ونتبهي على ابحاثتس تراهن اهم شي


اهنيتس على اسلوبتس فهوا نادر من نوعه وفوكاهي الى درجة انتس لضحكتي يطلعن اسنونتس

<<شكلتس اثرتي علي هع

بس صز اول مره اقراء شي مختلف

واول مره اشوف اسلوب مثل اسلوبتس


بقولتس نصيحه وتمنا تحطينه بعين الاعتبار
النصيحه
\جميل ان تتميزبسلوب نادر وخاص وجميل ان يكون هذا الاسلوب من الطابع المرح والمضحك لا كن الاجمل ان يحمل معه بعض المعلومات الصحيحه اوبعض الاقوال المفيده\

<<عشان تضربين عصفورين بحجر

فتجمعين بين المزح وضحك والفائده\\\\

صدقين مانصحتتس الا ودي انك اتميزين اكثر ويكون اسلوبتس مضحك وبنفس الوقت مفيد


والحين اسلوبتس يهبل ويوسع الصدر بس زود عشان يكون لتس اجران

اجر ادخال السرور على اخيك المسلم
واجر نفع الناس بالفوائد والمعلومات

مادري احس ان لك مستقبل غير ومميز ان شاءالله

ققققققققققققققققققققققققققققققققققوه جازلي اسلوبتس
مشاء الله تبارك الله
يكفي انه نادر ولا احد فكر انه يخربط مثل خربيطتس الي تهبل
بس زي ماقلتلتس اضيفي قليلان من الفائده ويصير تسذا


اعذرين تسان حدى هرجي ماعجبتس

انتظر ابداعتس القادم

[رعبوووبة]

بريدانيا’’ياله من اسم رائع..يسلمو **علياصة**
اوووب اصبري طيب نقدر نقول
مثلا:برنسا <<لذلك نسبة فرنسا لضمن اسماء دلع بريدانيا,,
وشكـــــرآآآآآآ..

[نوسهـ]

نعم نعم انا اأيد اختي وقد سساعدتها في ابحااااثها وقد توصلت انا الا اننا ع حق ولافرق حتى ف الاجواء ولا التضااااريس
هذا والله اعلم
اختي عليااصه اشكر لك مجهوودك الراااائع سالين المولى انا ينفع بك النااااس والامه
حقا انك مخ عظيم ويحنا اين نحن م عبقريتك ي فتاة العرب
طسي ي الخطيره لي بااك مع موضووعتس الخوقاااقي خخخخخخخ جد رووعه يسسلمو ولي بااك ان شاء الله
وتذكري اني أايدتس ومعتس قلبا وقالبا ههه

[القلب الوردي]

مابقى إلا تقولون إن بريدة المفروض تصير بأوروبا بس من شد الزهد والقناعة عيّـت

< تراي أمزح لاتقولون إني جادة ومتعصبة

[! ۉرۉدگ تذبـل !]

الصراحه سامج المووضوع ولا يستحق النقاش وتافه

[عِلْيَاصِةْ !]

اقتباس المشاركة الأساسية كتبها ● • مِـِِْﭝنْ قّدهـَﭑ ♥ عليآآصة , نقزت يوومم شفت معرفتس يَ القطططوع لي رجععه بِ مخمخخه

مين قدهآ
أفَا بَس أجَل أنا قطُوعْ، مَا هقِيته مِنتس < بِدت التفقِيشَاتْ .
أنتظِر رجعتتس الرَهِيبةْ .
وفقكِ الله.
أنرتِ.

[عِلْيَاصِةْ !]

اقتباس المشاركة الأساسية كتبها قلب من ألماس ههههه توحفة موضوعك والمقدمة شيء خورافي مبدعة حلوة بريدانيا

هههههههههه، ومرُورِك مَزهرِيّة < علييصة مَا تبينْ تُوتْ
وَمُشَاركِتك شَيء بِوعِيـريّ > "مَأخوذَة مِن بعِير ، لأن خورافي مأخوذة من خروف" < علييييصة إستعِديّ للخقلة القَادِمة .
يَا حبيّ لكِ، طلِتكِ حِلوَةْ .

وفقكِ الله.
أنرتِ.

[عِلْيَاصِةْ !]

اقتباس المشاركة الأساسية كتبها همس الشمس بطرانه قوه التدليعه تستاهل بريطه ان تدلع هههههههههههههههههههههههههههههههه، وَالله يَا إنتس شَي رَهيبْ . وانتبهي على ابحاثتس تراهن اهم شي لا تخَافِين، الأبحَاث مُدوّنة مِن قِبَل شَركَة مَآيكروسُوفتْ < وِش دَخله ! > بيني وبينتس اللي تحتُه خَط نشبٍـ"ن" بِلسَانِيّ وَحبيت أطلعُه هنَا . اهنيتس على اسلوبتس فهوا نادر من نوعه وفوكاهي الى درجة انتس لضحكتي يطلعن اسنونتس <<شكلتس اثرتي علي هع هههههههههههههههههههههههههههههههههههههههه . رَهِيبة وَقسم بِالله . يَا أختِ أنتِ لازِم تشَاركِينَن بِأحَد صَفقاتِيّ الفيسولوجيّة < وِش دخَل أم خَطٍ أحمَر بَالحَتسي ؟ > أنتِ تمتلكِين عقِل نيّر ومِخيخه بعَد، لا لازِم نفتَح بقَالِة أنَا وإيَاتس نتِشاركْ بَه بذِيك الحَارِة < وش دخَل العقِل بَالبقالِة . بس صز اول مره اقراء شي مختلف واول مره اشوف اسلوب مثل اسلوبتس يَا حُبيّ لِتس ، تَرا تِحرجِينن تسِذا ثُمٍـ"ن" أستحِي . وَياكَافِي، إِذا إستحِيتْ أنَا مَا أعرِفْ طِريقيّ < وَاضِح إنه توَه حَافظِة هَالكِلمِة . بقولتس نصيحه واتمنى تحطينه بعين الاعتبار سَميّ وابشِريّ . النصيحه \جميل ان تتميزبسلوب نادر وخاص وجميل ان يكون هذا الاسلوب من الطابع المرح والمضحك لكن الاجمل ان يحمل معه بعض المعلومات الصحيحه اوبعض الاقوال المفيده\ <<عشان تضربين عصفورين بحجر فتجمعين بين المزح وضحك والفائده\\\\ كَلامِكِ صَحيحْ . سَميّ وابشِري، مَا طَلبتيّ شَي . تصدقين مانصحتتس الا ودي انك اتميزين اكثر ويكون اسلوبتس مضحك وبنفس الوقت مفيد فَاهمِتك وَالله فَاهمِة < بَلا حِلف طَيبْ . والحين اسلوبتس يهبل ويوسع الصدر بس زود عشان يكون لتس اجران اجر ادخال السرور على اخيك المسلم واجر نفع الناس بالفوائد والمعلومات صِدقتِ ، وَهذِي النصِيحة لِي وِلغِيريّ . تَرا حَتسيتس ذا مِن ضِمن المَوضوعْ بَس أنَا وإياتس مسَوينَ كمَالة المَوضُوع بأحَد الرُدودْ إقَاله حَركَة جِديدةْ، مِنه يستفِيدون الليّ يقرون المَوضوعْ وَطَريقة طَرح مَوضوعْ جِديدة، أنَا وإياتس نمثِل مَشهَد أصلًا للمَوضُوع عَلى شَان يستِفيدُون، يعني أخطِي أنَا بعدين أنتِ تجين وتنصحِينن وأتقبل النصِيحة عَلى شَان المُشاهِد وَالقارِئ يِعتبِرْ < تسِذب بِأمِ عَينه < أقوَى خقلِه :P. مادري احس ان لك مستقبل غير ومميز ان شاءالله آمين يَا ربْ . حُبِيّ لِك، أحِسْ إنِك شَجعتِين . ققققققققققققققققققققققققققققققققققوه جازلي اسلوبتس مشاء الله تبارك الله الله يسَلِمك، حَتى مُشاركتك وطِريقة نُصحِك حِلوة ^^. يكفي انه نادر ولا احد فكر انه يخربط مثل خربيطتس الي تهبل بس زي ماقلتلتس اضيفي قليلان من الفائده ويصير تسذا خخخخخخ، لا يخلُوا مَوضوع من مواضيعي مِن الخرَابيطْ . مِن عيُونيّ . اعذرين تسان حدى هرجي ماعجبتس ووع، وآآآوتس كِل هرجتس يحوّم التسبود مِثلتس : P. أفَا بَس، بَالعَكسْ والله مُشاركتكِ هِيّ اللي أعجِبتن بِحدِ ذاتهَا < لزُومْ الخَطمَات يَاللي تحتِتس خَط . وكِل كَلامتس أعجِبنْ، وَبحطِه ببَاليّ دَائمًا بِإذنِ الله . هَاو، وفِيه أحَد مَا يَبي أحَد يِوَجهه وَلا ينتَقده عَلى شَان يِكُون أفضَل مِن قبِلْ! انتظر ابداعتس القادم

أنتِظر مُشاركتتس بإبدَاعيّ القَادِم < صَدقتْ نَفسَه .
حُبيّ لِك، شُكرًا لِك لإكمَال المَوضُوع < ملَزمِة .

وفقكِ الله.
أنرتِ.

[نور الحياة]

انــأ ابفهم

وتكفون فهمووون عجزت افهم > تبين تبطين ما تفهمين

وش لاقين ببريدة انتم


لا بعد تقارن بدوله > ابوكـ يالثقة

لوهي الرياض كان اقول موب مشكله العاصمة وبه ناطحات السحاب > الله يرحم حالنا

لو اقول الشرقية اقول موب مشكله بعد به بحر وهاديه وحليوة وكشخة >> برااا



سوري علياصة > وش عقبه ...

[عِلْيَاصِةْ !]

اقتباس المشاركة الأساسية كتبها رعبوووبة بريدانيا’’ياله من اسم رائع..يسلمو **علياصة** اوووب اصبري طيب نقدر نقول مثلا:برنسا <<لذلك نسبة فرنسا لضمن اسماء دلع بريدانيا,, وشكـــــرآآآآآآ..

مُذهِلْ .
رَبيّ يسَلمكِ رعبوبة .
فَرنسَا لا مَا أتوَقع، أمَا العَاصِمة فَمُمكِن بَارِيسْ تُصبِح "بَارِيد"، أَوْ بَاريسْ تنقلِبْ إلَى "بُريّسَة" على وزِن بُريدَة < مُذهِل .
عفوًا .

وفقكِ الله .
أنرتِ.

[السكريه]

(((((((((((((( ياحول ياللي ماله بريده))))))))))))))