[الأم الصغيره]

سلام



بنات بريده
من فضلكم أبغى كوفيره صح


مثل رانيا بمشغل شي ستايل .. و سنا بمشغل نور
للأسف ماحصلتهن

اللي عندها ترسل لي الرقم مشكوره
علما اني ابيهم يجون عندي مابي اروح للمشغل

مشكورين

[لافندر]

حبيبتي حددي طلبك اول
يعني قص او صبغ مكياج تسريحة
كل شئ له احد غير

[الأم الصغيره]

ماكياج وتسريحات
مشكوره

[نجداويه]

قلبي مشغل فربينيا وبس هو الافضل علشان اختصر لك الطريق

مكياج فاطمه او ريما
تسريحه رجاء او كريسمي

[سهر999]

طيب حبيباتي ايش رايكم بكل من :

مركز جوثن - صالون شيفون -صالون شور-مشغل الزيزفون -

ولكن جزيل الشكر @@@@@@@@@@@@@@@@@@@@@

[الامل الواعد]

عندى لك وحده شغلهااااااااااااا لئطه ماشاء الله عليه طبعا هي سعوديه ولكل شي بس احسن شي بشغلها التسريحه والمكياااج وتجي البيت وى وى سوينا عندها قبل اسبوعين وربي مشاء الله شغلها احلى من اول برسلك الرقم اذا تبينه وعلمين اذا زينه تخبرين الناس اذواااااااااق

[ماعلينا من الناس]

انا اعرف فاطمه مكياجها جدا حلوو
وهي تمكيج عرايس وغير عرايس
بس بالتسريحات عاديه

فيه ريما صديقتي مااره تمدحها بس ماااوهقك
واظن ماتصلح الا عرايس

[تسيف تسذآ]

طيب بسأل عن مششغل الهنوف حلو عندهم المكياج والتسريحه وتصلح للعرايس ولآ لآ

[الشمرية السنعة]

شوفي ياخيتي
أحسن شي احرصي على المكياج اللي يخليك طبيعية مهب تلطيخ بهالالوان بوجهك لما تصيرين لوحة رسام يرسم مهرج
يعني ابحثي عن الكوافيرة اللي تخفي عيوب الوجه بمكياج مناسب لون بشرتك

وأنا بطبعي ما أحب المشاغل ولا أروح لهن أبد , وإن احتجت قص شعر تأتي الكوافيرة للبيت , والمكياج قليل جدا جدا أخلي أحد يصلحن لأني ماوجدت اللي تعرف للمكياج صح , وبحمد الله عندي اكتفاء ذاتي.
المهم قبل أسبوعين أحدى قريباتي عندها زواج وطلبت وحدة أسمها لميس وصلحت لها مكياج وتسريحة وكنت عندها وفعلا أول مرة يعجبني شغل كوافيرة هادي ومناسب للبشرة (مهب تكب كب المكياج الابيض للسمراء حتى تصير بيضاء غصب ) حتى أنني خليتها تسويلي مكياج وبصراحة أحس أني تغيرت وصرت أجمل , وبعدما رحت للزواج والله كم وحدة سألت عن الكوافيرة وأخذت رقمها

أدري أن كلامي كثير لكن حبيت أن أخبرك عن تجربة لي ربما تعجبك وربما لا

الخلاصة رقم الكوافيرة لميس 0502400628 ولا أدري بأي مشغل هي

[الأم الصغيره]

أشكركم من قلب
ماقصرتوا

والاخت الامل الواعد ارسلي الرقم ليش لا

[ام البنات99]

فيه جانيت فلبينيه ممتازه جدا جدا جدا
جبناها بزاوج اختي قبل اسبوعين وصارت اختي ماشاء الله شي كلن اخذ رقمها منا
اذا تبين الرقم جبته لك

[بنت الشرقيه بدم بريده]

السلام عليكم


اختي الام الصغيره

كل عام وانتي بخير ومبروك عليكم الشهر
واللهم اجعلنا من صيامه وقوامه

واللهم لا تشغلنا الا بطاعتك
والله يغفر لنا ذنوبنا


شوفي يالغاليه انا مو ساكنه بالقصيم ولا اعرف مشاغلهم بس
مره انعزمنا ورحنا للقصيم وتعرفين حوست الزواج كيف المكياج والشعر غير عن الفستان ووووو .......الخ من شغلات والحوسه وانا كان بقى لي مكياج وماخلصته ومن حظي رحنا عند خالتي على اساس نلبس عندهم ونطلع كلنا للزواج وفيه وحده تصلحهم وقالت امي كملي عندها وحطي مكياج والاخت لعبت بـ وجهي وانا كنت اخر وحده ولمى جو خواتي انهبلوا قالوا ايش الي بوجهك قلت ايش فيه قالوا ملعوب فيه وشين ومن وين جايبه المكياج ويوم شفت شكلي بالمرايه بغيت اصيح وعلى طول عطوني منديل ومستحته الاخت حاطه لي مكياج من ابو ريالين ولا المكياج مايصلح لي وحاطه محدد كـ احمر شفاه"روج" وحمره خدود مدري كيف مسحتها وراحت وانا الي كملت المكياج من عندي
ولا بعدومن بعدها زاده الحساسيه وصرت اذا جيت اروح لـ زواج وانا احط مكياج على طول تبدا الحساسيه وما اوصل للزواج الا وانا لازم يكون معاي مكياجي واعيد عليه لانه يروح وكل ما احط مكايج لازم كل شوي اروح واشوف هل راح او لا لان وانتي بالزواج ماراح تنتبهين للمكياج >>>>> قلتي قصه حياتك ايش

المهم نصيحه مني
لاتجيبين وحده تسوي لك شعرك ومكياجك واذا كان عندك وحده تعرفينها تعرف تحط مكياج مو لازم تجيبين لك وحده من مشغل او اي وحده تجي للبيت وتمكيجك والمكياج لايكون ثقيل او كثير وخاصه الاساس والبودره"بودره الاساس" ومكياج العيون لايكون كثير ومن الالوان الغامقه وخلي مكياجك ناعم وخفيف بس بنفس الوقت حلو واذا عندك احد او تعرفين وحده مكياجها حلو خليها تسوي لك وحرام تدفين ريال على وحده لامكياجها ولا شغلها حلو

والتسريحه
لاتكثرين اسبريس"مثبت" وقولي لهم يقللونه لايكثرون وخليهم يسون لك وحده ناعمه وبسيطه واتكون بنفس الوقت حلوه على اساس اذا جيتي تفكين شعرك ما يكون صعب واذا الاسبريس مايروح بسهوله ومن ثاني غسله"من بكره اذا بتتروشين يروح" وبعدين ماينصدم ولد الناس بـ شكلك يوم كنتي بالقاعه"بـ زواجك" ولمى تروشتي وتحطتي مكياج خفيف واستشورتي شعرك بعد ما فكتي التسريحه واتروشتي >>>>> ما احب استخدم اسبريس من بعد ما حطت لي وحده عندنا بـ مشغل بالرياض موجود روشتني فيه كثرت لي وقعد ثلاث ايام وبالموت راح وطلع من شعري بعدها اذا كنا بـ نحظر زواج بالقصيم وبنسافر اقولها تحطه لي بس شوي ماتكثر رشه او رشتين مو اكثر واحيانا اذا كنا بـ نحظر زواج بالرياض اقول لها تحط واحيانا اقول لا اخاف تكثر وبعدين الشعر من دون اسبريس احلى

وبعدين يكفي الفستان بيكون فخم وفي وحتى لو كان ناعم الفستان بس اكيد فيه شغلات اتفخمه ولاتنسين الذهب الي بتلبسينه والطرحه بتفخمه حتى لو كانت ناعمه وحلوه ولا فيها شي بتفخم فستانك وتعطيك شكل واستايل وتبرزك

واذا كنتي تبغين وحده تمكيجك وتبغين شغل مشاغل روحي لها وخليها تسوي لك مكياج عيون وشوفي شغلها يبين لانه الباقي اساس مع انها تحط لك شوي لان كل"اكثر واغلب" المكياج يكون بالعيون وعجبك شغلها شوفي اذا انتي بتروحين لها اخذي رقم المشغل واحزي وسوي حز قبل كم يوم او قبل اسبوع ويوم الزواج روحي لها من الضحى او الساعه 8 اما اذا كنتي بتجيبينها عندك اخذي رقم جوالها واتفقي معاها واساليها اذا تقدر تجي او لا والتسريحه بعد سوي الي تبغين تسوينها يوم زواجك وشوفي اذا طبط او لا واذا كانت حلوه ومناسبه لشكلك و وجهك وتصلح له او لا ويوم الزواج دقي عليها وخليها تجي العصر وتسوي لك بس قولي لها يوم زواجك تسوي مكياج خفيف وناعم مو كانها كابه علبه مكياج بوجهك ولاعبه فيه"لاعبه بـ وجهك" واحنا اذا كنا بـ نحط مكياج بـ مشغل نقولهم مكياج خفيف او مكياج عيون واذا رجعنا لبيتنا نكمل مكياجنا وشعرنا اذا كنا بتسوي بـ بف"تسريحه بـ الفير سواء كبير او صغير" او استشوار لانه شعري يتعب اما خواتي على حسب الي تبغا تستشور بالبيت او بالمشغل اما الاستريت بالبيت


وانتي وكيف وسوي الي يريحك والي تبغينه يالغاليه

[خواطر2]

السلام عليكم لو سمحتي الامل الواعد ممكن ترسليلي الرقم

[خواطر2]

لو سمحتن خواتي ممكن ترسليلي ارقام المشاغل ببريده اللي ممكن يجن للبيت وتكون شغله حلو بالمكياج والتسريحه ضروري ضروري