[سعداف]

^^
قايلك إكتم الصوت بس الله يهديك

[Ricky]

عدد المخالفات اللي اخذته من ساهر 1
عدد المخالفات اللي تجاوزتها 1000 كله من اشارات الناس

حتى ان فيه واحد لف علي بغيت اصبخ ماصورهـ كله عشان مااخذ

[رمز المحبة]

لا يا حبيبي خل ساهر يكفشه ويفكنا من شره عطيته فلشر لكن الظاهر ما فهمه ودعس أبو الشباب وصوره ساهر

[مهندس بريدة]

والله أنا أشهد ان ربعنا شنبات عليها الكلام ,, الفلشر دايم شغال اذا شافوا ساهر و الله فكوا علينا أزمات ,, لولا الله ثم هالفلشرات كان أعلنت افلاسي الآن

[MEHWAR]

ههههههههههههـــ

خل الحكومه تدري ان فيه ناس خاينين والله من النذاله بعد

والله كفو راعي ساهر ذاا والله لو هو ببريده تسان حبيته على راسه كفو والله

اشوف بعض الناس او تقدر تقول بعض الشيبان اللي يسرعون ما يفهمون حركة الفلشر هع

كم من مره اطق فلشر لان شايف ساهر من بعيد وامسك اليسار واطق فلشر الا واشوف بالمرايه سياره ماشيه

الف طعش بس انا ما رحت عن اليسار ما ودي ياخذ مخالفه من الرحامي ساهر الا انه مصر ويكبس يبين افتح له الطريق

الا وا افتح له الطريق ويبرق عليه ساهر مخالفه هع

خله يدري اني ما حديته الا لمصلحته لاكن الشكوى لله ما يحب مصلحته

ومن الملاحظ ايظا من سفرتي الى مكة والطايف هالايام

ان اهل الطايف ومكه ما يعرفون الفلشر مادري وراه ما ودهم يفزعون او مادري وش القصه

الا ان واحد من بريده طق فلشر بالطايف واستغربت احسبه من اهل الديره
يوم قربت الا والسياره مكتوب (بريده )

يا بعد تسبدي يهالاسم ويابعد تسبدي يا هله اهل الفزعات

الفلشر افضل طريقة لمنع مخالفات ساهر لكن يجب تثقيف الشيبان وش معنى الفلشر بالطريق هع

[دكتور حساس]

^



هههههههههههههههههه÷هههههههههههههههههه
بريده اهل الفزعات

اما برا تدق فلشر يحسبونك مبنشر
يقولون بالطقاق ههههههههههههههاي


ويجب تثقيف الشيبان بعد اعوذ بالله الشايب يجيك طالع الفجر لسوق الخضره يترزق الله بـ 100 ريال الا يلقطه 300 ريال تطلع طلعته بدون هدف ههههههههههه

[التميز عنواني]

ياآشباآب أنا أشوف إنه الحين مافيه أحد يفلشر ولا يجيك من السيد الثاني ويكبس هذولي أول ماطلع ساهر وياآليت نعيدهن أما الحين مافيه أحد ينبهك ماتدري إلا والفلاش ساطع بوجهك

[قــــراقــــوش]

أقول قريتوا التعليقات والله رهيبه.. والصوت ماعليك منهم الصوت جنااااان. بس لا تعلق مرة ثانيه..!!

[ابي اسم]

مرحبا شباب انا بالحقيقة ما استعمل الفلشر لكن ادبل على الفرامل 3 او 4 مرات

لاني سمعت من واحد من الشباب و كان في بداية تطبيق نظام سارق انه اذا عطيت فلشر يسجل عليك مخالفة باسم اعاقة سير نذاااااااالة طبعاً لانك حذرت الي خلفك

[دكتور حساس]

^



نذاله ?
قله بس ماتبي توت
وخله يلحق

[نادره طبوعي]

.

اخووي قهره سااهر وكنا جاايين من السووووق
ويقوم وينزل اللوحه
ويقول يالله كم تبون صوره
صراااحه فللللللله ونااااسه

.

[روح مغليها]

انا اذا شفت ساهر ... اشغل الفلشر عن زووووووجي من القهر اللي فيني .. علينا 7000 حسبي الله عليهم ...

[MEHWAR]

اقتباس المشاركة الأساسية كتبها ابي اسم مرحبا شباب انا بالحقيقة ما استعمل الفلشر لكن ادبل على الفرامل 3 او 4 مرات لاني سمعت من واحد من الشباب و كان في بداية تطبيق نظام سارق انه اذا عطيت فلشر يسجل عليك مخالفة باسم اعاقة سير نذاااااااالة طبعاً لانك حذرت الي خلفك

لا يا رجال غلطان خويك

ابد انا لي 5 ايام امر مع طريق عمر <<< كان به ساهر ومعروف مكانه قبال محل الاستاذ للكمبيوتر

المهم تعودت اذا تعديت الاشاره اطق الفلشر لاني انا حافظ مكانه وابدا ولله الحمد ما جان لا مخالفه ولا يحزنون

وايظا كل ما شفت ساهر لازم اطق الفلش ولا جاني شي الحمد لله

وماعليك طق فلشر ترا الفرامل ما يوضح

وما جاك علي

[دكتور حساس]

^

صح كلامك
لايهمونك دق فلشر واستانس