[برفسور ملتمس]

اقتباس وش دخل السينما بالمحاظرة ؟ هل تعرف ماهو السينما ؟ المحاظرات بالمساجد ياغالي

يووه تصدق توي اعرف وشو السينما أول أحسبه ( جلبريك ) ..!


عزيزي المنخرش / تدري وش مشكلتك .. مشكلة نظامك بالنقاش ( اخر رد هو الصح وهذا غلط ) ..!

جميعنا نعرف وشو ( السينما ) ولو اسئل الماوس قالي وشو .. لكن تصريح الأمير نايف كان واضح ولو تقولي ايش ماكان يقام عليه أرجع وأقولك [ سلبياته اكثر من ايجابياته ودرء المفاسد مقدم على جلب المصالح ]..! هذا شي .!

وانت تقول ( سينما يواكب ديننا الحنيف ) ، ياعزيزي 99.99% من فكرة السينما نجاحها بالأفلام والاصوات يمينك ويسارك والافلام المرعبة والخيالية ، وتحداك تجيب لي سينما ناجح بغيرها ..!

وتم الغاء الفكرة من الأمير نايف وهو صادق ، الي يبي يشوف فيلم هذا الانترنت وهذي الاستراحات ، وشوله التجمعات الي مامن وراها الا المشاكل ..؟!

وبعدين جيب سينما ناجح ويواكب المحافظين بحيث أنهم يجدونه ميزة ويتركون المساجد والمحاضرات الي تقام ويروحون له كل اسبوع ولمدة ساعتين عشان يشوفون ههههههه فيلم محافظ ماتجي صح ؟

ثم لنفرض أنهم انتجوا بالسنة ( فيلم محافظ ) ، جيب لي أفلام تواكب المحافظين ولمدة ساعتين بدون موسيقى وماتخالف ديننا الحنيف ، لاتقولي أناشيد بس ولا كشته <..!

ياخي حدث العاقل بما يعقل .. قال سينما يواكب ديننا الحنيف ..!

ثانياً المهرجانات :

كما تعلم أن المهرجانات الناجحة [ والي بجدة وانا مستعد اذكرها لك ...... ] لايخفيك الدعارة الي فيها حتى تنقل عن طريق قنوات لاتجهلها ، وهالإنفتاح هو الي مسبب لها نجاح من مذيعات مقدمات ومسابقات برعاية شركات للاسف واغاني ولجه وصجه وهذا ا لي مميز ومخلي نجاح المهرجان بجدة وبغيرها ينجح ..!

فجيب لي مهرجان يواكب دينك وتحطه في بريدة ينجح [ اذا كان النخيل والعثيم هالاثنين ] الي كل ثلاث ساعات نازل موضوع عن الفساد الي فيه ..!

عموماً :

أرجع وأقول أن النقاش في السينما مجرد تضيعة وقت لأن الموضوع أنتهى وكلمة نايف مابعدها كلمة ، والمهرجانات لايوجد مهرجان ناجح في هذا الزمان ويواكب الدين الحنيف لأن نجاحها بالاغاني والانفتاح وهذا المرغوب لدى البعض من الناس ، أما المحافظة فنجاحها ضعيف وأقرب مثال [ مهرجان الوشاح ]..!

فياليت وكما قال الجميع أن بريدة تظل بريدة في بساطتها وبعاداتها وتقاليدها والله لايجيب مثل هذه المهرجانات والسينما كي لاتؤثر علينا دينياً واقتصادياً واجتماعياً ..!

سي يوووو

[catchy.look]

اقتباس المشاركة الأساسية كتبها برفسور ملتمس فيلم محافظ ماتجي صح ؟ لو كل مبدعين الأعمال الفنيهـ ، قالوا مثل كلمتكـ كان ماشفنا مسلسلات عرضت بالآونهـ الأخيره على شاشات القنوات الإسلاميهـ وأكشن بعد ، وكان حديث الصحافهـ كلهـ مدح وإطراء لنجاحهاآ بالرغم انهاآ محافظهـ ، ومازلنا نتمنى المزيد منها .. نعم محافظين ، لكن هذا مو معناه انه مانقدر نحور كل مادهـ لصالحنا !! كل شي ممكن يكون بالإبداع وللإبداع أهله من المحافظين .. وكأن النجاح الذي نلتمسه ونرجوه لايكون إلا بالمحرمات ،! ثم لنفرض أنهم انتجوا بالسنة ( فيلم محافظ ) ، جيب لي أفلام تواكب المحافظين ولمدة ساعتين بدون موسيقى وماتخالف ديننا الحنيف ، لاتقولي أناشيد بس ولا كشته <..! من استطاعوا انتاج مسلسلات بقمة النجاح والرقي الحواري ، وكان منهاآ مسلسلات أكشن كذلكـ ، بالتأكيد هم قادرين على إنتاج سلسة من الإفلام المحافظهـ إذا سنحت لهم الفرصهـ ،، ياخي حدث العاقل بما يعقل .. قال سينما يواكب ديننا الحنيف ..! ما كنا نقول كيف مسلسلات من غير عنصر نسائي ،والنساء هم محور هام في أغلب المسلسلات ، وها نحن نراها قد تمت بفضل من الله وتوفيق ،، اللي يبي الخير بالتأكيد سيجتهد لهـ أما المحافظة فنجاحها ضعيف وأقرب مثال [ مهرجان الوشاح ]..! بما انه نجاحهاآ ضعيف ، وبما ان عدد زوار مهرجانات العيد في السنوات السابقه كما قال احد الأعضاء قليل ، كان من المفترض النظر في الأسباب ، تغيير الكوادر ، تلمس حاجات الجمهور ، نشر استبيانات وأخذ الآراء والإقتراحات ، كل هذا دارسينه وعارفين قوته ، ليش ما يعمل !! بالتاكيد ستتطور المهرجانات كل عام ،، وسكون لهاآ روادهاآ ، أما انها تلغى مرةً واحده ، فهذا حلاً عقيماً لا ينبغي ان يبدر من مسؤلين حملوا أمانةً عظيمهـ .. فياليت وكما قال الجميع أن بريدة تظل بريدة في بساطتها وبعاداتها وتقاليدها والله لايجيب مثل هذه المهرجانات والسينما كي لاتؤثر علينا دينياً واقتصادياً واجتماعياً ..! وقد ترتقي بنا إذا تكاتفنا وعملنا على ذلكـ ..

تقبل مروري رجاءً ..~

[المنخرش]

اقتباس المشاركة الأساسية كتبها برفسور ملتمس . لكن تصريح الأمير نايف كان واضح وتم الغاء الفكرة من الأمير نايف وهو صادق وكلمة نايف مابعدها كلمة

أي إلغاء ؟
ماجبت المصدر انت عشان تقول هالكلام ؟
عندك مصدر أنه تم إلغاء السينما من الأمير نايف ؟
إذا عندك هات نتناقش ؟
مع أن السينما ليس بموضوعي


وخذ هالخبر الجديد

اقتباس خبر مؤكد من عدة مصادر خاصة أصدر صاحب السمو الملكي الأمير نايف بن عبد العزيز النائب الثاني لرئيس مجلس الوزراء ووزير الداخلية حفظه الله قراراً بإتاحة المجال للسينما في المملكة العربية السعودية السعودية وأعطاء تصاريح للراغبين . وذلك بناء على ما رفعه سماحة المفتي العام للمملكة العربية السعودية وما تقتضيه المصلحة العامة .

هذا خبر اللي سمعته .. يختلف عن خبرك

اقتباس جيب لي أفلام تواكب المحافظين ولمدة ساعتين بدون موسيقى وماتخالف ديننا الحنيف

مسلسلات كاملة في رمضان في قناة ماسة تعرض بدون موسيقى ومحافظة
مطبات
غبار الهجير
وغيرها .. مو ساعتين .. بل طول رمضان

اقتباس جيب سينما ناجح ويواكب المحافظين بحيث أنهم يجدونه ميزة ويتركون المساجد والمحاضرات

غريب منك هالكلام !!
السينما ترويح وفايده
مو بديل للمحاظرات !!

مثل قناة المجد
هل لما خرجت قناة المجد الناس وقفت عن الدروس والمحاضرات ؟

اقتباس ياخي حدث العاقل بما يعقل

أستخدمها ضدك ياغالي

أنت حدثنا بما يعقل

اقتباس كما تعلم أن المهرجانات الناجحة [ والي بجدة وانا مستعد اذكرها لك ...... ] لايخفيك الدعارة الي فيها حتى تنقل عن طريق قنوات لاتجهلها

هل هذا عذر لأنه لايوجد أحتفال إلا بمخالفات شرعية ؟

ياحبيبي مقاهي الانترنت فيها فساد عظيم .. أغلقوها
المنتديات والجلسات على الدائري فيها النون مايعلمون .. أغلقوها
الملاهي في عري وجنوز ومخالفات .. أغلقوها
الأسواق فيها فتن وفيها بنات صايعات .. أغلقوها
محلات السلسال الذهبي والخيمة فيها أغاني ومفاسد أغلقوها
فلم مختار وسلطان فيه أفلام مخالفة وخليعه .. أغلقوها
حديقة الملك خالد والمنتزه والمضمار فيه مغازل وأمور مخالفها .. أغلقوها

كل واحد خلاص يقعد ببيتهم ولا يصيح عند كفر سيارته .. مو أحسن


ياخي مو معناته شي شفنا مشكلة فيه معناته نحرم كل شي


الشي واضح وكلامي واضح

هل هي حرام المهرجاانات والسيرك ؟
بدون فلسفه زايده ..


طالبتك بأمور كثيرة ولم تجيب عنها

وسأعيدها

1) مصدر خبر منع السينما
2) مالفرق بين السينما واحتفال النوادي الصيفية والأفلام المعروضه بالبروجكتر
3) هل المهرجان والسيرك والاحتفال حرام ؟ (من غير محضور شرعي) ؟

مع أن السينما ليس موضوعي لكن عشانك .. وأتمنى ماتقفزه كالعادة ولاتجاوب عليها

اقتباس المشاركة الأساسية كتبها المشكاة ليسمحلي الجميع ممن لم يعجبهم العيد في بريده اقول لهم راجعوا انفسكم فالخلل موجود فيها وليس في بريده ياخواني العيد اصله سعادة وانس ومحبه فاما ان تنميها وتفرح ويكون العيد بايامه الثلاثه جميل وان لم يكن به مفرقعات ومهرجانات لكن انت بنفسك زرعت (الوناسه) بداخلك فاصبح العيد جميلا واما ان تقتلها لانك اصلا لم تقتنع بعيد بريده فيصبح عيدك مثل العزاء كما تزعم ياخواني السعيد .. هو الذي يحمل طقسه معه.. لايهمه ان كانت السماء صحوا او مطرا

هذي ماختلفنا فيه وانتهينا وتجاوزنا عنها .. الإصلاحات الداخلية ومهرجانات الاسر
أحنا نريد أشياء ومهرجانات من جهات حكومية وشغل نظيف وتأمين أماكن وشغل الشباب والترويح عنهم

اقتباس المشاركة الأساسية كتبها وطني فخور موضوعك اخوي حلو وصحيح بس ابقولك شي اهل بريدة لا يمكن ينسجمون مع بعض لأنهم ( بنوا طبايعهم على النفاق الديني والإجتماعي والعيب ) واحيانا تقدر تسميه حياء من اظهار الفرح (نفسيات تحتاج الى علاج ) انت تدري ان بعظهم وده يخفف من لحيته ومقتنع بجواز الأخذ شرعا بس يخاف ينقدون الناس عليه حتى يخاف من الحليق وده يلبس اعقال وكبك بس يخاف من كلام الناس فيه اخوي لدى اهل بريدة موروث صحوي موديهم في دلاهيز الأحزان والنفاق الإجتماعي وشلون تبيهم يجتمعون على دفوف وعرضة وهم امس يحرمونه يحسون انه مهب مقبولة هذا الي يخليهم يرتاحون بالخارج كل شي يسوونه ما حد ينقد عليهم فهمت اخوي وتغييرهم يحتاج وقت وطرح نقض بعض الأفكار الصحوية الخاطئة بكل جرأة وتوضيح الحكم الشرعي الصحيح ، ياخي طيور الجنة توقفوا لها في بريدةلما جو يقيمونها في الإستاذ يقولون حرام وهي مالية البيوت اذا المشكلة كما قال الأخ (النفاق الإجتماعي) اما السنما فترى الشاشات الي بالبيوت وجوالات الأفيون والكمبيوترات واليوتيوب هي سنما بس المساكين يحسبون السنما (مراقص) الغرب تدخل السنما ما تلقى أحد شي قديم عندهم ( يالجهالة ربعنا )

نفاق إجتماعي
وزعلوا لما قلت لهم هالكلام..

باختصار

مايبون أحد ينتقد أو يخرج العيوب ويصلحها
يريدون كل شي على حاله مع أنه خطأ خلونا على هالخطأ مو مشكلة





شكراً للجميع