[الله المستعان]

قسم با الله

وانتي تصفين تصرفات المديره تذكرت مديرتي ايام متوسطه وثانويه

ورجعت لاسم المدرسه طلعت هي

وهي الله يهديها لا تحشم لا كبير ولا صغير

ما نسى وقفت امي عندها عشان تخذ ملفي

وسحبها على مسويه انها مشغوله

وهي بس مطيره عيونها با الكمبيوتر وان تنزلت ردت وتقل على راسه الطير وحنا خدم عندها

ولا انسى العقده الي سببتها لي وتركت المدرسه عشانه وضاع عمري

حسبي الله عليها ونعم الوكيل

وعنوان الموضوع مناسب ميه بميه لتصرفتها

ونصيحه مني لك لا تسجلين بنتك هناك

تحطها براسها وتعقدها

[فارس القوافي]

لاعرف هل الناس تجهل الحلول والقنوات الرسمية أم لهم أهداف أخرى من التحديد في الذكر.

أختي أذا قفلت هناك الحاكم الاداري "الامير" ولة موعد يقابل المواطنين فية .

رفعي لة طلب , أذا ثبت أنك في نفس الحي الكل في خدمة المواطن .

حتى أبو متعب يقول أنا خادم لكم كيف موظفة ترفض حق مشروع لك .

عليك بعيال عبدالعزيز بس يقول يعتمد وخلاص حسب النظام لانة في الحي .

[sama]

هالمديره ماحد سلم من شرها ..

كل صديقاتي وقريباتي اللي درسوا فيها متعذبين

ما اعرف احد ما اشتكى منها ومن ظلمها

متى تتقاعد وتفك الناس من شرها

اقتباس شوفي حبيبتي بهالزمن ماينفع الا العين الحمراء ماينفع الملاحق لو تروحين بكرا وتعطينه العين الحمراء مشت امورك قوليله ماودي اكبر السالفه واوصله للمدير ضبطيه من عندك احسن واسرع لي ولك خلك قويه لا ترجينه ماجيتي لبيته انتي من حقك تدرسين بالمدرسه اللي تبينه خصوصا انه مدرسه الحي

هذي ما ينفع معه لا ترجي ولا العين الحمراء
ابوي جايب له خطاب من الوزاره عشان تقبل اختي ..
خلتها تدرس يومين وطردتها تقول روحي مع اختك ( لمدرسة اهليه ) خييييير !!

[manedl]

شوفي ياوخيتي خذي العلم اللي يجمد على الشارب التسجيل من حق بنتك ولايمكن رفضها بأي حال من الأحوال , ثانيا تعاملي مع المديره بأسلوب نفسي بحت .
بتقولي كيف ؟ أقولك على الخاص
مع تمنياتي لك ولبنتك بالتوفيق .

[شےــم ـس الـےـودااااع]

الله يعيك يوخيتي ..

[روعة النسيان]

الله ييســــــر امركــ

[bocy]

اسمعيني انا اختي صارتلها نفس المشكله بس هي غير مدرسه بنتك المهم رحنا وقلنالهانبي نسجل عندكم ورفضت مع انها المدرسة بنفس حينا قالت المدرسة مزحومه والبنات كثار ومو مستعدين نفتح فصل قلنا انتي بتقبلينها ولالا رفضت وقلنا يالله اكتبي لنا ورقة انك ماتبين تقبلينها عندك وكتبت وطلعت اعذار حنى على طول مسكنا الورقة وودينها لم الارشاد اللي بالبشر وعلى طول كتبت بالورقة ورجعنا الورقة لنفس المدرسة وقبلت اختي غصب عنها وانتي مالك الاتسوين نفس هالحل

[♥الوردة الحمراء♥]

انا درست فيها احسن لك لاتسجلين بنتك فيها والله مديرتها مره متشدده ونفسها براس خشمها قويه والله اقوى منها

[فوفتي]

الله يكون بعونك

[لـ تسقط غلثه]

بسم الله اعوذ بكلمات الله التامات من شر ماخلق اللهما اكفينا غلثه بما شئت ياارحم الراحمين

اول شيء قبل لااكتب اللي بخاطري انا والله العضيم واقسم بالله والله والله انا مو من طالبات المدرسة الحين انا من الخريجات (( وانا كتبت كذا لإني ادري انها مو مخليه الطالبات بحالهم تبي تعاقبهم على الردود وتبي تظلم وكل شيء تبي تسويه ))

انا درسة بالمدرسه 3 سنين متوسط و1سنه ثانوي .. واقسم بالله ياهذي المديره انها متسلطه وجباره وماتحترم احد وتتعامل مع البنات بـ اسلوب التهزئي والاحراج (( تفشلها )) لاانها تدري وش قد هذا الشيء ياثر على البنات واللي يقهرك انه إذا رحتي لمهآ وهي جالسه لحالها مافيه احد الا انتي وهي تلقينه محترمه وتبوسم ولو تطلبين منها وش عطتك إياه .. اما خلي يصير عندها احد مجرد ماتدخلين من الباب تستلمك تهزئي وتطنز واحتقار لو كان طلبك شيء بسيط ... ياما احرجت بنات وهزائتهم من مسكة ادارة المدرسه والله انا اعرف وحده عمرها 33 وكانت طالبه عنده وللحين تتحسب عليها وتتكلم عن جبروتها ياربي على كثر السنين اللي مرت للحين ماتواضعت رغم انه لما كانت تعبانه والله البنات كانوا يدعون لها ويحللونها بس هي مجرد ماقامت بالسلامه رجعت على ماكانت عليه ..
غير كذا انا تقهرني لما كنا ناخذ فطور معنا وتكبه بالزباله والشاهي بالمغسله ياشيخه وش نسوي مدرستك من كنت طالبه فيها الى اليوم اشوف الطالبات نفس الشكوى انه المقصف زحمه وغالي ومافيه شيء باللهي عليكم قد شفتوا مقصف يبيع بسكوت وفيشار ابيض وعصير بس ؟! طيب احنا مانطالبك انك تعدلين المقصف بس خلينا نجيب فطورنا من بيتنا اضمن لنا واحسن واقسم بالله ياتسبدي انها تفرط تفرط لما اشوفها تكب الزنجبيل بالمغسله وحنا بردانين والاكل اللي نجيبه تعطيه الفرشات .. ولا والحين من مسكة المدعوه بهيلة الخميري المقصف وهم يقولون انه من ردي لـ اردى تبيع سفن دايز منتهي تاريخه باللهي عليكم قد شفتوا احد يشري كراتين سفن دايز ويخزنها عنده لترم كله ياخي وين مخها هذي ماتدري انه قصير الاجل ؟! والمدريه اذا رحتي تشكين لها تخليك انتي غلطانه ..
ثاني شيء انا اكره احتقارها للـ امهات والخوات اللي يجون اما يبي يشوفون وضع بناتهم بالمدرسه ولا يبي يستأذنون لهم ياخي تعاملهم معامله زي الزفت وتحتقرهم وقسم بالله انا استحي امر من عندها وهي تكلمهم ..ياخزياه حريم كبار بالسن وهي لاحيا ولا حشيمه الله لايبلانا
غير كذا واللي يزيد الطين بله ان الكادر اللي معها في الاداره كلهم يقلدونها ويمشون على اسلوبها التهزيئ والاحتقار لطالبات .. حتى لما كانت تعبانه وحت مديره بدالها اول ماجت كانت طيبه لكن من بعد ماعرفت عن سلوب غلثه قلدتها يعني هي دمرت المدرسه لعشر سنوات قدام حسبي الله ونعم الوكيل ..
اخير ياخي سقطوا حكام دول وناس اقوى منها من القذافي وحسني مبارك وحنا عاجزين لـ نسقط غلثه خلونا نجتمع كلنا ونكتب خطاب ونطيرها ونفك بنياتنا منها
ادري اني طولت بس هذا كبت سنين وسنين
(( سنين وسنين وانا صابر ياغلثه ولكن ماحصبر كمان ))

[سعد الذابح]

الله يعينك ولا تسكتين عن حق من ابسط حقوقك ..

وانا مع التشهير سوا كانت انسانه هذه المديره ام غير انسانه

والتشهير هو الحل الامثل لردع الناس ورد الحق لاصحابه اذا ظلم

.

[غــــ م ــــوض]

الحين اسمه غلثه ؟؟؟!

وش هالاسم

وبالنسبة لموضوعك

كثير من نمونة غلثه لكن مثله واشكاله

يبي له ولي امر سلطه مثل خالي موقفن مدرسة كامله بالاسكان عند حدة

من الفراش للمديره

[تغيب الشمس بيوم حلمي]

المديرات باتالي صايرات هن اللى يعبر ودبرن هذي تقبلها وهذي ماتقبلها
ياليت يشوفون لهن حل
أنا مرهـ رحت أسجل في مدرسة قريبة للبيتنا مابيننا الا شارع
عاد تعالي شوفي المذلهـ بعيونه أول شيء بدأت تحقق معي أنت وش جابك من المدرسه الفلانية وش جابك هنا وأقعد أحلف لهـ أن بيتنا عند المدرسة وبدأت تكذبني قدام الأداريات الثانية وأروح وأوريها صك البيت وعيت وبتلت ملزمهـ
عاد أخر شيء يوم أقنعته قالت أنت بنت الفلان قلت له أية قالت حنا مانقبل أحد من هالعايله لانه عندنا بنت من نفس العايله وبيتهم بعيد وعيت تنقل ودايم تتأخر لأن بيتهم بعيد وأخاف تصيرين مثلة قلت له والله ماعمري أتأخر
عاد يوم بدأت أول يوم دراسي لي الله لا يعيد ذيك الأيام
قالت لي أنت وش جابك من المدرسة اللى قبل وش اللى يفرق بس شارع والله ياأنت تلعبين
أخر شيء نفر صبري منهـ ورحت وخليت لهـ مدرسته الشينه اللى فرحت بة
المفروض يالقون لهن حل

الله يكون بعونكم

[Untitled]

اقتباس انا استغرب من بعض الناس اذا رفض ابنه من التسجيل بنفس المدرسه يدخل بنقاشات عقيمه مع ادارة المدرسه على طول للادارة شؤون الطالبات او زي ما قالت الاخت الاختبارات والقبول لا تدخلي اختي الكريمه بنقاشات لا تجدي

موب كل الناس عندهم حيله !


والله ماندري وش نسوي وللحين البنت مادرست
الله يجزاكم خير وين شؤون الطالبات او القبول ؟