[Untitled]

السلام عليكم ورحمة الله وبركاتة

قـال الرسول صلى الله عليه وسلم ( لا يدخل الجنة من كان في قلبه مثقال ذرة من كبر )


انا و بنتي رحنا نسجل في هذه المدرسه
وبنتي تعرف وحده من صديقاتها من نفس الحي فيها يعني حينا نفس حي المدرسه واكيد تابع لها
ويوم رحنا رفضت المديره بحجه ان البنات كثار بالمدرسه هو صحيح اولى ثانوي اربع فصول
امـا ثاني فصلين , وثالث فصل , ادبي وعلمي
والبنات اللي بثاني وثالث شوين مره بسبب ان كل الناس راحو لـ اهليات
لما رحنا نسجل رفضت حتى بدون مانكمل كلامنا بس لما عرفت ان بنتي تبغى تسجل !!
وذلتنا وبدينا نترجاهاا ان هذي اقرب مدرسه للبيت !!
ونلاحقها من غرفه لغرفه !!
وهي مو مهتمه ولا ترد علينا .. واذا ردت قالت : مانقبلك مانقبلك !!





السؤال هنا
هل يحق للمديره اللي تسويه ؟ وهل هذي اخلاق مديرات مدارس بريده ؟
وش اسوي انقل بنتي لمدرسه بعيده واستاجر نقل خاص ؟
هل هناك جهات مختصه في بريده ممكن تحل المشكله ؟؟
هل المدرسه ملك للمديره ؟؟



اذا كانت المدرسه اللي في حينا ماتقبلنا , راح تقبل مدرسه ثانيه ؟؟


- رجاءاَ بعيد عن ردود الهزل .. الموضوع جدي .

- اللي عنده حل للمشكله يراسلني على الخاص


إلى متى نستر على المتسلطين ؟ ؟؟

[برنسيسة بريدة]

أختي يقال :"العنوان عتبة الموضوع "وأنا سأبدأ من العتبة ..!
عنوان موضوعك يوحي بأن مديرة المدرسة قالت:"المدرسة لي أنا وحدي"هل قالت المدير هذا القول ؟
هل نطقت هذا أثناء حوارك معها ؟
إن كانت الإجابة: بنعم فلا بأس .
وإن كانت :بلا فليتك عدلتي العنوان إلى آخر .
أظن بأنها لم تقله ,ولكن تصرفها معك يوحي بذلك .صحيح لكن سيفهم القارئ أن المديرة قالت هذا الشيء وهذا غير صحيح ...
المعذرة أختي ,أقدر شعورك .لكنني أسعى لأن أكون دقيقة في كلامي عن الآخرين ,وبالأخص إذا رمزنا بما يشير إلى أشخاصهم ,وأتمنى أن يصبح الجميع هكذا .
يسر الله أمركم ,ووفقكم ..

[معلم مغترب]

هذي شكوى كيديه

والمفروض ما قلتي اسم المدرسه وقلتي مديره وبس


اكره التشهير بالناس

لو فيك خير ناصحيها او اذا اخطت عليك فيه اداره التعليم اشكيها

اما التشهير ما احد يقبله


واتمنى ان تستغفري ربك يا بنت

ولا تحملين اوزار الناس واطلبي حذف الموضوع ابرك

[ام ركوني]

اختي انامعك مديرات المدارس متغطرسات
وكن المدرسه ملك ابوها كان قالتي بنتي اولى من الاجنبية
زحي الاجنبية في المدارس الاهليه وبنتي تجلس مكانها
وشكرآعلى الموضوع المهم

[عبدالعزيز المسلم]

قولي قدر الله ماشاء فعل

[حفيدة الزهراء]

حسبي الله ونعم الوكيل

[عمدة الريان]

على العموم بعض مديرات المدارس عليهن علامه استفهام من ناحيه عدم تقديرامهات الطالبات وسؤ لتصرف معهن

[Untitled]

اقتباس المشاركة الأساسية كتبها برنسيسة بريدة أختي يقال :"العنوان عتبة الموضوع "وأنا سأبدأ من العتبة ..! عنوان موضوعك يوحي بأن مديرة المدرسة قالت:"المدرسة لي أنا وحدي"هل قالت المدير هذا القول ؟ هل نطقت هذا أثناء حوارك معها ؟ إن كانت الإجابة: بنعم فلا بأس . وإن كانت :بلا فليتك عدلتي العنوان إلى آخر . أظن بأنها لم تقله ,ولكن تصرفها معك يوحي بذلك .صحيح لكن سيفهم القارئ أن المديرة قالت هذا الشيء وهذا غير صحيح ... المعذرة أختي ,أقدر شعورك .لكنني أسعى لأن أكون دقيقة في كلامي عن الآخرين ,وبالأخص إذا رمزنا بما يشير إلى أشخاصهم ,وأتمنى أن يصبح الجميع هكذا . يسر الله أمركم ,ووفقكم ..

رأيك على عيني وراسي
صحيح بس بأعتقادي
لو كانت قالت اخف علينا من هالتصرف
والافعااااال ابلغ من الاقوال
لكن برأيك هل هناك شيء اخر يدل عليه هذا التصرف غير هذه العباره ؟؟
يعطيك العافيه

[Untitled]

اقتباس المشاركة الأساسية كتبها ...< الساحر >... هذي شكوى كيديه والمفروض ما قلتي اسم المدرسه وقلتي مديره وبس اكره التشهير بالناس لو فيك خير ناصحيها او اذا اخطت عليك فيه اداره التعليم اشكيها اما التشهير ما احد يقبله واتمنى ان تستغفري ربك يا بنت ولا تحملين اوزار الناس واطلبي حذف الموضوع ابرك

قآل تعآلي : ( لا يحب الله الجهر بالسوء من القول الا من ظلم وكان الله سميعا عليما )

يعطيك العافيه

[شيهآنه على كف صقآر]

الله يعينك

[منصوور]

ان كانك بنفس الحي واقرب مدرسه لبيتكم هي نفس المدرسه
اتحدى مهب المديره اتحدى الركيان مايسجله بالخامسه والعاشرين

انا واحد من زملاي نفس السالفه ودبرت له انا بنفسي ورقه من ادارة التربيه والتعليم تسجل غصب عليه
واذا ماعندك احد ارسلي لي على الخاص وانا اجيب لك ورقه لأن ابوي بالتعليم اللي اقدر عليه ابسويه

وعلى العموم تراها بسيطه قوه لو ماتعرفين احد تاخذون الفاتوره حقت الكهرب او عقد الايجار البيت ان كانه ايجار

وتراي مسئول عن كلامي
والله يوفقكم


الحين الاجانب ابويمن والمصاريا والدنيا كله ماليات المدارس وبنتك ماتدخل
والله يانا حمقت
لو وشو بس والله ان تسهل الامور بس روحوا للأداره ولا قولو لي
بأذن الله لأحل الموضوع
وان اردتي التواصل معي ارسلت لك رقم زوجتي تعطينه المعلومات او يدق علي حدى الرجال
والله المووووووووووفق ,,,

[ـالتُفاحة الورديّة]

عساه المدرسة الخامسة والعشرون وفيها الثانوية الرابعة جميع مبنى واحد ؟؟

ابقولك ان المدرسة فيها بلاء كل بنت تدرس تمرض < مدري متى بيتركونه الناس

لاتسجلين به بنتك روحي لمدرسة ثانية

واعرفه المديرة ماتفاهم صح

[احلاهم واتحداهم000]

شوفي حبيبتي بهالزمن ماينفع الا العين الحمراء ماينفع الملاحق لو تروحين بكرا وتعطينه العين الحمراء مشت امورك
قوليله ماودي اكبر السالفه واوصله للمدير ضبطيه من عندك احسن واسرع لي ولك
خلك قويه لا ترجينه ماجيتي لبيته انتي من حقك تدرسين بالمدرسه اللي تبينه خصوصا انه مدرسه الحي

[احلاهم واتحداهم000]

اقتباس المشاركة الأساسية كتبها قلب من ألماس عساه المدرسة الخامسة والعشرون وفيها الثانوية الرابعة جميع مبنى واحد ؟؟ ابقولك ان المدرسة فيها بلاء كل بنت تدرس تمرض < مدري متى بيتركونه الناس لاتسجلين به بنتك روحي لمدرسة ثانية واعرفه المديرة ماتفاهم صح

اوف !
طيب وش نوعيه المرض
يعني مسكونه المدرسه