[صحراء الدهناء]

اقتباس المشاركة الأساسية كتبها عباث أبو سرهد وماأدركما ألأمين أفلام رعب وتهور الواحد منهم يتوقع أنه يقود كامري وإلا كرولا على السرعة والمخاطرة ببناتنا

عز الله انك صادق وكم مره شفت من هالنوعيه

[الـسـراج]

ألحين بدال ما تحمدون ربكم على سلامات البنات تجون تكتبون شكواكم ؟

الباص متعطل وعندهن الشرطة والهيئة محروسين الحمد لله ,

لكن المشكلة بعدم الإتصال على الإهالي بإبلاغهم تعطل الباص , والشكوى لله , والحمد لله على كل حال

[أعشقك بسكآت]

هههههههههههههههه ايه والله ي اختي نكته توحشت وحششه ,
حتى حنا الصدز انهبلنا مادري وين راحت له البنت والفراش يقول الباص رايح من زمان
لكن الفراش ماله داعي المفروض خلاهن يدقن بس شكله ماوده يصرف ولا الاداره وينهم ؟

[صعب الكلام]

السلام عليكم ورحمة الله وبركاته انا كنت بالباص والله والله صدق هالكلام عطش وحر وازعاج نقول نبي ماء يقولون خلاص بيجي الباص الثاني والجولات ولاواحد كلف على نفسه يعطينا الجوال خايفن على الرصيد وين الامن الي يقولن عنه الباص كذا مره بغا يقلب فينا وبعد ماصلح الباص ليتهم غيروه نفسه ويطق للحين وله صوت حسبي الله عليكم ياالامين ومديرتنا طلعت ولاسئلت ومقفلات الجولاات حتى المدرسه مقفله يعني لو ماكنا قريبين كان اهلي تاخروا مالقوني بس الحمدالله على سلامتنا ونرجو من وزير التربيه يتدخل في حل المشكله

[عيون عسلية]

تعالوا شوفو التعطل أيام الشتاء
وقت الأمطار أغلب الايام متعطل بنا الباص
مدري وش السالفة
السواق عميان او مايشوف الطريق
تحيااااااتي الشمرية

[عيون عسلية]

أكثر الباصات يغلب عليها التشييك
والمتابعه من المسؤلين
ايام الدوام بس اصوع وروع
تحيااااتي الشمرية

[مرآم]

يازين بس باصنا صدز القروووش تخخدم ع قولتهم القروش تجيب بنات الرجال ههه
واندونيسي وسواقتوه راكده وماهنا حليلوه ماشاء الله =)

[بيبسي دآيت]

اقتباس المشاركة الأساسية كتبها أحمر شفاة ينال الاهل القسط الاكبرمن اللوم العلاقةالوظيفية بين الاب وسائق الباص معدومة !!! الاب الناجح هومن يحتفظ بكل رقم يخص أبنته رقم السائق ورقم الباص ورقم جوال المدرسة وهوبيد المناوبة ظهراً أما عدم السماح للطالبات بالاتصال فهو من خوف السائق عليهن فلا ثقة بمن يتصلن ولا يريد تصادم مع الاهالي لان لدية أوامرصارمة بعدم تسليم الطالبة ..وهولايعرف أولياءالامور ولايثق بصدق الطالبات .... فهوفي حيرة من أمره بالتأكيد ... لكن على مديرات المدارس مسؤلية التواصل وعدم أغلاق الجوال فعملها لم ولن ينقطع بنتهاءالدوام وعلى شركات النقل سرعة تأمين البديل للحالات الطارئة .. المشكلة بسيطة جدا لوكان هناك تنسيق في التواصل منذ أول يوم دراسي وأعيب على بعض المدارس عدم تفعيل خدمة[ تواصل] بين المدرسة والاهل فهي تتخطى مثل تلك المطبات الطارئة !! أما شركة الامين فهي معلقة من عرقوبها خيانة !!!

كلام جميل

[حلمي شموخ]

اول شي مدرستنا الفاشلة مابه مديرة لا تقولون المديرة طلعت وقفلت المدرسه لانو ماابه مديرة من زوود الفششل هي مسااعده تخيلوا انه تقول اي طالبه تتاخر عن خمس دقايق بنعطيه ملفه خير انشاءالله مدرست ابوك هي الي عليه المناوبة ملزمة تنتظر الطالبه لو الى الساعه ثلاث هذا اللي عرفناه ..

ثاني شي سالفة البااص حبيت اعلق على كلامكم انه المكيفات مشغلات لا تكذبون و لاتظلمون راعي الباص لانه ماقصر اول ما طفا الباص دق على رئيس الباصات حق بريدة وبدون ذكر اسماء وقالهم جيبوا باص قالولوه الحين بنجيب باص جديد لكن راعي الباص جزاه الله خير علطول دق على الدوريات والهيئة ونحتري هالباص الجديد ولا جاء .. اثرهم كازين لنا صياانه ولا اشتغل معه والحمدلله مامتنا كبرتوا الموضووع على غير سنع ماله داعي لاتلومون راعي الباص هو معه حق مسؤليته ان دقت البنت على احد غريب على حركة منعنا من التكليم .. ينلام وراه ماتفحص الباص الخربان قبل الدراسه والمفروض يتعلمون شلون السواقه ويفحصونه كل اسبوع
اللوم الثاني على الادارة الفاشلة اللي ربع ساعه وتصك المدرسه حتى ياليت به مديرة مافيه ..

الحمد لله على كل حال ..

[الـــرزة]

صراحه اذا مر جنب السياااره امووووووت خوف
يسقط علينا
ههههههه