[ثالث علمي]

-

اقتباس المشاركة الأساسية كتبها ثانيّ علميّ السّلام عليكم ورحمة الله وبركاته .. تتوقعون هاذي ايش ؟ احنا نقولكم أيش، هاذي الله يسلمكم مدرسة في عاصمة القصيم بريدة وبحيّ نقدر نقول أنه راقي إلى راقي جزئي "( - حي الرّوضة - اما الثانوي فمن 39 طالبه الى 21 طالبه تقريباً في الفصل الواحد المشكلة الأسبوع اللي فات ندرس بدون مكيّف بدون مكيّف ! إيوا للأسف لا الكهرباء فاتحة و لاهي إذا فتحت فرقت أصلاً المكيّفات من الأصل ماتبرّد "( تشفون حرّ الشمس ؟ الحر اللي تهربون منَه والواحد يركض من سيارته الباردة بأسرع شي ويدخل بيته احنا ؟ احنا نحتمي فيها من حرّ الفصول ! تطلع للسّاحة تقول داخل باكستان على غفلة بكل رقعة فصل فارش بساط - او بدون بساط لانهم بعضهم ماتنفتح من الصراصير اللي فيها - وجالسة معلّمته تشرح لهم والبنات يكملون الوضع استيعابا وإيديهم تحاول تتلافى أدنى أدنى نسمة حرّ "( طبعاً وفيه اكيد فصل كاسب وداخل الجنّة تدرون ليه ؟ لانه ياخذ حصّته بالمختبر - طبعا هو يسمّى مختبر تجاوزاً ولا هو دروج للقوارير بسّ "( - وطبعاً ما ان يطلع الفصل هذا لأي سبب كان مايدري ألا فصل من فصول المتوسّط سابقينه بس طبعاً آخر شي يطلعون واحنا والله نتمنّى ما نطلّعهم عن الجنّة زي مايُقال لكن احنا نحتاج - اسم المكيّف - أكثر منهم "( وبما أنّنا جبنا طاري المتوسّط فخلّونآ نتكلّم عنهم شوي، تصدقون أنهم حول 35 طالبة بفصل 4*5 ، وضعهم مايسمح حتّى أنّهم إذا صاروا بيتقلون من أول الفصل لآخره أنهم يمشون مثل الأوادم وعلى الأرض لا لازم يصيرون عصافير أو أرانب أو حتى كناغر - اللي يعجبكم - وينطّطون فوق الطاولات "( واحنا زيهم بهذا الشيء .. بالله هذا وضع مدرسة ؟ مدرسة يعني أيش ؟ يعني محتاجين لكل سبل الرّاحة لأجل نستوعب المنهج ولأجل نصدّق أننا مدرسة بالمملكة العربيّة السعوديّة وببريدة مو كأننا قرية مايُعرف مكانها "( تقولون أشتكوا ؟ المديرة ماقصّرت كل كل شي سوّته ويرسلون عمّال صيانة وطبعَاً مافيه فرق سواءً جو أو لا "( الخلاصه مين المسؤول عن كل هالمشكله اللي احنا فيها ومين اللي بيده الحل ؟ وبالإختبارات ايش بنسوي ؟! شيء مستحيل نقدر نركز ونحل بجو زي كذا .. وطبعاً مانبغى نذاكر ونتعب ويروح نصف جهدنا بس لأن المكان مايهيء فالمطلوب : تزيين المكيفات قبل - مع ان ماعاد باقي فيهم تزيين- فممكن نقول تركيب مكيفات جدد .. والله على مانقول شهيد .. ثاني/علمي .. مدرسة الثانويّة الثلاثون والمتوسطة الثالثه والأربعون حي الروضة ..

وتستمر المعاناه
ومازالت كلمة : ( السنه الجايه تدرسون بالمبنى الجديد) تتردد على مسامعنا
وياذا المبنى الجديد اللي ماندري متى بيخلص
شكله بينهد ويصير قديم قبل مايخلص

يآجماعه خلاص المبنى مانقدر نكمل دراسه فيه لو أسبوعين على بعضهم
زحممه بشكل مو طبيعي / حررر حقيقي وضيق
يعني زمان كنا كل 4 بنات بـ 3 طاولات
تعرفون اللحين أيش صار !

صاروا 6 بنات على 4 كراسي
كراسي كراسي ياجماعه فيه بنات ماعندهم كراسي ويتشاركون فيها !

بالذمه 5 سنين يبنون بمدرسه !
واللحين دخلوا بالسنه السادسه
ومكتوب عالعقد 2 ونصف
مين المسؤول عن الوضع اللي إحنا عايشينه ؟!

نطالب من هذا المنبر بإنهم يخلصون لنا هالمبنى وخلال شهر ندرس فيه ولو إنهم لو يشتغلون
بيخلصون بإسبوع لأنه ماباقي له شغل كثير بس لأنهم موقفين شغل فيه

وإليكم المقطع التالي :





وختاماً :
بنات مدرستنا الكويسات كلامنا عن المبنى فقط + لآتبالغون بأي كلمه تكتبونها والواقع مايحتاج مبالغه والله ""(


ثالث/علمي
<~ أبشركم نجحنا

[آنسة كوسة]

يالهووووي، يانهار أسود وأبيض ومشجّر
ياخي الواحد لما يشوف الصور يحسّهم غير الواقع، مو كذا بس تعودت على شكل المدرسة بالواقع اما هنا تخوّف
واييييييييييييه ياهي مدرررسسسة قرررررف قررررف من كل النواحي مكيفات ماتبرد/ مراوح ماتشتغل /
فصول بتغص من عدد البنات اللي فيها/ صراصير و كل كل انواع الحشرات

اقتباس صاروا 6 بنات على 4 كراسي كراسي كراسي ياجماعه فيه بنات ماعندهم كراسي ويتشاركون فيها !

لا يروح بالكم بعيد وتحسبونها لا سمح الله من الكراسي الجديدة،
لا ياروح امكم كراسينا هذيك الخشب اللي موجوده من اول ماخترعوا الكراسي

زحممممممممممه زحممممممممممه مو طبيعية المبنى ماعاد يستوعب البنات،
بالسّاحة فوقت الفسحة كل 6 ثواني وجزء من الثانيه صاقعه ببنت، تحسينك شوي وتعطسين بنات من قوة ماداخلين فبعض





هذا واقول لجميع أعضاء مدرستي المباركة :
انقهررررررررررررروووووووووا لي طاولة ببرررووحي نيييهااهااهاا
يالله ماتوقعت شعور الطاولة بروحي مفرح لهدرجة كذا تحسين بالحرية المطلقة، تحركين يديك ورجولك على كيفك،
أول كنت مقتصدة جدًا بالتحريك باستثناء طبعًا لو جت عطسة مفاجاءة ما أسمع الا آآه من جميع المحافظات المجاورة،
وصح أزيدكم من الشعر البيت تخيلوا تخيوا مروحتنا تشتغل ( تشتغل مو شرط انها تبرد لا سمح الله)
يالله ياقدم شعور المراوح اللي تشتغل واني لي طاولة بروحي،
آخر مره جرّبت هالشعورين لما كنت بالمتوسط


ويارب يارب يارب تبلغني مبنى حكومي
يارب أبي أعيش زي الأوادم، ابي أجرب شعور أطل من فوق على اللي تحت ،
أبي أجرب شعور يمر شهر شهرين وانت ماشفت لا صرصور ولا وزع وماحولها
ابي اجرب شعور بنت دلوعه واصير اقول لروان يااااييي أيش السموم هاذي خلّينا ندخل داخل عند المكيف، مو اللحين أقول الله روان بسسرعة تعالي لا يفوتك الهواء




واييييه بس يالله براد/ وسع الجنّة يارب

[آنسه باميه]

دموووووووووووووووع من هنا إلى آخر الحياه
وبديت ايئس من المبنى الجديد كما يئس الكفار من أصحاب القبور

معآآناااه حقيقيه والله
كل المبنى رايح فيها وكل شيء سوبحان الله خربان .. شيء عجيييييب .. عجييب والله
مكيفات - مراوح - برادات تخيلوا حتى الميكرفون حق الحارس خربان ومازينوه إلا قبل أسبوع
مكان غير مُهيأ للدراسه فيه والله

لا وأيام ماكنت بثاني أحلم باليوم السعيد اللي أدخل فيه ثالث
مو لشيء إلا عشان يكون عندي يومين ماعندي فيهم سابعه<~يتقطع قلبها وهي بالحصه السابعه عندها فيزياء وبنات الأدبي يدورون بالمدرسه
ودخلت ثالث وبؤس ماوجدت
لما نطلع السابعه نقعد بحر الساحه الأليم ونضطر آخرتها نرجع لفصلنا ولو إنه أبغض الأماكن بالنسبه لنا

يقول الدكتور عبدالكريم بكار: (يدل بعض الدراسات والكثير من المشاهدات على أن الناس حين يكونون في مكان واسع وأنيق ونظيف ومنظم وهادئ
يتبادلون بينهم مشاعر مشحونه بالغبطه والإمتنان والتعاطف واللطف,فترى السلام الحارّ والعناق,وتسمع الكلام اللطيف المعبر عن السرور والهناء..وعلى العكس من هذا
فإن الناس حين يكونون في مكان ضيق وقذر وحار وفوضوي ومملوء بالضجيج فإنهم يتبادلون فيما بينهم مشاعر السأم والملل والتشأوم والضيق وعدم الإكتراث )

ولذلك لما يكون مالنا خلق وأشكالنا ماتهيء إن الواحد يشرح وتجيب الكأبه والنوم زي مايقولون بعض المعلمات الوضع إنعكس على نفسياتنا وهذا الطبيعي

ويقولون اليابان
يغلقون الرحلات وقت اختبارات الطلاب .. عشان نفسياتهم وكذا
بينما إحنا نختبر وصرصور يفحط يمينك وذُبانه تسوي حركات بهلوانيه يسارك ووزغه تمتر الجدار اللي قدامك وفاره كل دقيقتين
تطل علينا بمحياها الجميل
ومع ذلك ننجح
--------- ونتفوق
--------------- وتستمر الحياه


وعلى طاري هذا المسكين اللي وطى صرصور والله ماالومه
أتذكر في يومِ أغبر من الإختبارات النهائيه وانا أمشي بساحة الإداره وأهوجس بإختباري اليوم وخاشه جو
وفجئه يرحمني الله ويخليني أنزل عيني إلا فيه صرصور مابيني وبينه شيء
إلا وأنط نطه لو اشارك فيها باولمبياد القفز كان أخذت المركز الاول

يارب يارب يارب حقق حلمنا وخلني أشوفني أنا وبنات مدرستي نتنعم بالمدرسه الجديده يَ ر بْ <~للحين عندها أمل وهي آخر سنه
مدري ليه احساسي يقولي إنكم بتسون حركه مال أومها داعي وتدرسون فيه السنه الجايه
لاتحاولون تسوونها بالله
بلا خيانه نستى معاكم ونتقاسم معكم الآلام وأول مانتخرج تدرسون فيها
ترى إذا سويتوها برجع وأدرس ثالث من جديد ماعلي

إيه صح نسيت أقولكم إني صرت ضب
لآ أقصد الناس يقولون إني صرت ضب
إتخيلوا صرت عادي عندي أقعد من غير مكيف وأقعد بإستمتاع وأشوف إن الجو فردوسي ومايحتاج مكيف اساساً
وإذا أحد دخل علي الغرفه يقول : قاعده من غير مكيف
أقول إيوه الجو كويس ليه
يقول : عندك إنه زين ويردد ضب ضب وهو يهرول نحو المكيف يشغله
وعاد إني أحس إنه أح أحد جرح مشاعري الرقراقه

عاد الشيء الواو والمره الحمدلله عليه إني أخيراً أخيراً شفتني أنا وبعض بنات فصلي عندنا كراسي وطاولات لنا بروحنا يآآآآآآآآآآآآآآآآآآآه شعور واااااااااااااو .. يعني كل الطاوله لي وأقدر أحرك يديني براحه
وراحت أيام ماانتصار كل دقيقتين مدخله يدها في الطاوله وكوعها يحفففففففففر فبطني وأقعد أدعي إنها تطلع يدها وأنا بكامل صحتي
وآخرتها تنآظر فيني وتقول ببلآهه : ادور كتابي ضايع شفتيه ؟
ماتدري يارعاها الله إن فيه نفره قطعت مصارينها بكوعها
والشيء الوآآآآو الثاني إننا لما نقلنا لفصلنا الجديد صار مكيفه كويس إلى كويس جزئي
وصار مكاني قدامه
يآآه أحسني بالفردوس والله مو ناقصني إلآ شوفة الله والرسول وأنا أشوف شعري يطير من الهوى وشعر البنات أحس ماودي يجون الخميس والجمعه ابداً وأحس بيجي أحد يسوي معاي لقاء عن مشاعري
اللهم لك الحمد اللهم الحمد .. عقبالكم يابنات

وإنتصار إستغفري حرام عليك ترى بعدين تروح عنك الطاوله ويصير ماعندك طاوله لحالك
يارب تراني بريئه قدامك منها ومن كلمتها يارب أدم علي نعمتك يارب وخلي لي طاولتي المتقشعه حبيبت ألبي
ووشسمه ذا ترى كنت بسوي لك مفاجعه وأخليك بوكرى تقعدين بمكاني عشان يطير شعرك من المكيف وتحسين إنك بالفردوس بس اللحين جزاءً لكِ وردعاً لأمثالك
مابقعدك بمكاني الحبيب

هذا وقد كان معكم من خلف الشاشه الفتاة أطلق شيء بالعالم والتي تكره مدرستها كأشد كره بالعالم :آنسه باميه عفا اللهُ عنها <~ وكم عالم في ذلك p:

<~ يآكثر كلامي صدق إني مره <~ إلآ من كثرة مااحنا ساكتين يابعد مصاريني يااحنا

[توبه منك يادنيا]

للآسـف لآتعليق...


-()-

[moony]

،
،
السلام عليكم ورحمة الله وبركااته،،

ومازالت المآساة مستمرة

وضعنا كل ماله يسوء ومازلنا صابريين قال تعالي :"وبشر الصابرين"
لعل الله يعوضنا بالجنة >>آمييييييييييييين

تصدقون ان من بدت الدرااسه وانا كل مادخلت المدرسه صابتي حساسيه "في الصدر والعيون
>>مع اني ولله الحمد بري المدرسه انعم بحاله جيييدة اللهم لك الحمد والشكر

من كثر ما اعاطس بالفصل محد قام يقول لي يرحمك الله لان الكل تعود يحسب الوضع عااادي

ودموعي ماتوقف من الحساسيه كل من شافني حسبني اصييح

>>مايدرون ان الصيحه غااصه


واليوم فرحااانه ان الحساسيه رااحت ومن يوم شفت المدرسه من بري ترجع الحساسيه مثل ماكانت قبل،،
>>شكلها من بري لوحده يرثي عليه

وبالسااحه ماتقدر تمشي متر واحد من غير مطباات ،،

ما ادري المبني الجديد متي يجهز مع ان شكله من بري مابقي شي حتي الصبغ جااهز

ماندري غيرنا يشووف الموضوع عاادي او احنا مكبرين الموضوع


كل يووم نسمع الجمل المعتااده المبني الجديد جاهز>>جااهز ليه ماتنقلونا

قال : قال رسول الله صلى الله عليه وسلم : "من لقى اخاه المسلم بما يحب ليسره بذلك اسره الله عز وجل يوم القيامة "

احتسبوا الاجر لوجه الله ،،
،
،

[اِنْزِواء ،]

ي قلبي الله يعينكم . .

[حوت البئر]

الصبر زين

[شقحآ بنت لؤي]

بسم الله الرحمن الرحيم،،،
[>>>اهئ اهئ بصرآحه والله حاسه بمعآنآتكم
لآني متخررجه سآبقه من هالمدرسه الكئيبه اهئ
واحممد ربي مليوون مره اني تخرجت ولله الحمد>>وعقبآآآلكم ان شآءالله
[/COLOR]

بصرآحه ووضع ماينسكت علييه والله لوو بيدي شي كآن سوويته لكم >>اغديني اففرح قلووبكم

وليكن شعآرنآ:
<< طالبه طآلبه معلمه معلمه مديره مديره معآكم معآكم >>>]والقلب دآعي لكم
بصصراحه يعني كاتبيين لووحه كبر رآسي مرتييين مده العقد ٢٤ شهرآ والحيين يمكن داخليين بالسنه الخامسه اوو السآدسه ولآ احد حس فينآ،،،
ممن المسؤؤؤؤؤؤل؟؟؟؟؟؟؟////المسؤؤله؟؟

الى الامام والقلب دآعي لكم...،،،

[s u m a i a h ~]

هههههههههههههآي قسم انكن رهيببآآآآت

ارحمكم الصررراحة
بس انشا الله يسجيب ندآآئكم باسرررع وقت



والمقطعععع مبددععع الصراااحة ههههههه
آومآ اوباما شي ثاااني

الله مير ينقلكم لمدرسة ثانية ازين واكشخ

[انسانه راقيه]

الله يقطع ابليسك ,, قطعتي امعائي من الضحك
عليك اسلوب خرااااااافي في الكتابه الهزلية ,,
الله يعوضكم

[لماااار بريدة]

ابدااااااااااااااع ...
ربنا يعوووووووووووووضكـــــــــــم .......

[آنسة كوسة]

روان =)/

اقتباس مدري ليه احساسي يقولي إنكم بتسون حركه مال أومها داعي وتدرسون فيه السنه الجايه لاتحاولون تسوونها بالله بلا خيانه نستى معاكم ونتقاسم معكم الآلام وأول مانتخرج تدرسون فيها ترى إذا سويتوها برجع وأدرس ثالث من جديد ماعلي

يعني هذا ظنّك
يعني يعني يمكن يسوونها
يعني يعني بتصيرون سخيفييين والله كذا وترى السخافة مايمدحونها، سمعت عنها اخبار ميب زينه والعياذ بالله

اقتباس [COLOR="rgb(105, 105, 105)"] إيه صح نسيت أقولكم إني صرت ضب لآ أقصد الناس يقولون إني صرت ضب إتخيلوا صرت عادي عندي أقعد من غير مكيف وأقعد بإستمتاع وأشوف إن الجو فردوسي ومايحتاج مكيف اساساً وإذا أحد دخل علي الغرفه يقول : قاعده من غير مكيف أقول إيوه الجو كويس ليه يقول : عندك إنه زين ويردد ضب ضب وهو يهرول نحو المكيف يشغله وعاد إني أحس إنه أح أحد جرح مشاعري الرقراقه [/COLOR]

هههههههههااااي، نفس الشي والله
يدخلون علي يلقون بالظّهر صاكّه المكيف وجالسة بالحرّ باستمتتتتتتاع بالغ وانا اردد بيني وبيني والله لو يعلمون مابي من سعادة لا قاتلوني عليها بالسيوف

اقتباس [COLOR="rgb(105, 105, 105)"] وإنتصار إستغفري حرام عليك ترى بعدين تروح عنك الطاوله ويصير ماعندك طاوله لحالك يارب تراني بريئه قدامك منها ومن كلمتها يارب أدم علي نعمتك يارب وخلي لي طاولتي المتقشعه حبيبت ألبي ووشسمه ذا ترى كنت بسوي لك مفاجعه وأخليك بوكرى تقعدين بمكاني عشان يطير شعرك من المكيف وتحسين إنك بالفردوس بس اللحين جزاءً لكِ وردعاً لأمثالك مابقعدك بمكاني الحبيب [/COLOR]

لا عاد بنات بلا حركات مالها داعي
قولوا ماشاء الله، الله يخلّيكم
ترى يمدحون ماشاء الله يقولون انّها تبيّض اللي تبي تبيض وتسمّر اللي تبي تسمّر وتطوّل وتقصّر وتخلّي الوحده تجيها نسبة كويسة وتتزوج بعد
وإذا ملزّمات ماتقولون ماشاء الله فعلى الأقل استنوا شوي خلّون انبسط ترى آخر مره جربت طاولة بروحي لما كنت بثالث متوسط

موني =)

اقتباس تصدقون ان من بدت الدرااسه وانا كل مادخلت المدرسه صابتي حساسيه "في الصدر والعيون >>مع اني ولله الحمد بري المدرسه انعم بحاله جيييدة اللهم لك الحمد والشكر

الله ياجرك يارب، حاسّه فيك ياألبي ]

شقحآ بنت لؤي =)

يابعدي والله ربّنا يسعدكِ ويرضى عليك ]

وصح شوفوا اليوتيوب من الموقع، عشان وضوح الكلام

[آنسة كوسة]

اقتباس المشاركة الأساسية كتبها رامــآآآ ي قلبي الله يعينكم . .

اقتباس المشاركة الأساسية كتبها توبه منك يادنيا للآسـف لآتعليق... -()-

اقتباس المشاركة الأساسية كتبها s u m a i a h ~ هههههههههههههآي قسم انكن رهيببآآآآت ارحمكم الصررراحة بس انشا الله يسجيب ندآآئكم باسرررع وقت والمقطعععع مبددععع الصراااحة ههههههه آومآ اوباما شي ثاااني الله مير ينقلكم لمدرسة ثانية ازين واكشخ

اقتباس المشاركة الأساسية كتبها انسانه راقيه الله يقطع ابليسك ,, قطعتي امعائي من الضحك عليك اسلوب خرااااااافي في الكتابه الهزلية ,, الله يعوضكم

اقتباس المشاركة الأساسية كتبها لماااار بريدة ابدااااااااااااااع ... ربنا يعوووووووووووووضكـــــــــــم .......

ههههههههههههه ، هذا الله يسلمكن لا قالوا أستفيد من المشكلة والما عارفه كيف

سوما ، لمار ، أنسانة راقيه ، راما ، توبه منك يادنيا
ربّي سعدكم ويرضى عليكم ياسوكرات

[احلاهم واتحداهم000]

طيب وش اللي حادكن انقلن وشوله تغثن ارواحكن