[mshal.com]

شف أخوي ( الحزين ) , الزوجين منب قايلن لهم شئ سوى ( دخول واحدة من الدورات اللتي تقام للمتزوجين )

لكن الرسائل أرسل لكل من لم يتزوج

1 ) اذا منتب قد العرس لاتعرس .

2) البزارين هاليومين طايحين بالزواج , وكل من خط شنبه قال أبعرس , خبرك به واقف عند بابهم

ماعليه إلا ( مجموعة ) وتفاجا برسالة منه لاتنسانا الزواج الأسبوع الجاي !!!! .

واذا نصحته وقلت له ( اسمك اللي بزعت وجزمت تعرس ) خل الزواج مختصر بالحيل وفر الدراهم قال ( منب

أردى من غيري ) !!

وبعد كم شهر مرسل رساله ثانية ( ابشرك جان بنت ) اقاله بشاره , انقلع ياشين . ( للمعلومية منب ابارك

لهم ولاعندي نية ) لاني أعتبره نفاق ,واطقه بوجهه بعد .

لا واللي يلهدك زود يجي يعطيك نصايح , لايفوتك العرس والله وناسه , أجاوبه الوعد قدام واقل من سنتين يجي

يتشكى ( الأجار رفعه علينا الله يلعن الظالم ) ( تبي شوري لاتعرس بس ) ( خابرن لي وظيفه مسائية ثانية ,

دجيت يابن الحلال أقوله رح للي طق لك تنك وقالك أعرس )

والله هذا الحاصل واذا قلت له وراه ماتزرق مكة هاليومين قال وين أسافر عساي أعبر وانا بالديره !!!

( العرس مسؤولية , والبنت ماتركت اهله وبيته عشان تهاوشه )