[خمائل مختاله]

انت مافيك اي علة ..حتى تحتاج لطبيب نفسي..

اللي فيك مجرد..افكار سلبيه..عششت في رأسك..وكبرتها انت..بتفكيرك..

وحطيت من اللاشئ ..شئ..

يعني الحل اعتقد..هو بترتيب افكارك تجاه المستقبل..

انك تكون متفاءل..وهذا ديدن المسلم..تزيد من جرعتك الايمانيه..والفكريه..

لاتفكر بالمستقبل..فهو من الغيب لايعلم فحواه الا الله..

الواجب عليك..هو السعي ..وبذل الجهد مع التوكل على الله اولا واخيرا..

واجعل من دراستك..ليس هما ولا حزنا..بل اجعلها..طموحا..وتحديا لذاتك..

وانت تذاكر دروسك حط براسك..افكار جميله..تخليها دافع لك..للتفوق..

مثلا انا اريد ان انجح بتفوق..لاحقق حلم امي ابي بي..لاجعلهم فخورين بأبنهم..

واي شئ صعب عليك..خليك حريص ..استفسر للمعلم..عنها..

ومن الان اختر تخصصك المفضل لك..واعمل على تطوير نفسك فيه..

حتى يكون دافع قوي لك..للاستمرار والحرص وطرد الافكار السلبيه..

كذلك تدعيم الثقه بالنفس ..ابحث بنفسك عنه بالنت..تلاقيه اشرطه..وكتيبات..

وبالاخير..كن مع الله يكن الله معك..

اجعل لنفسك وردا من القران..من الاذكار..

وبأمكانك الاستماع لاشرطة مريد الكلاب..بناء الذات..ابني نفسك..والثقه بالنفس..صناعة الذات.. ابتسم لتكون اجمل..

فهي جميلة جدا..وستغير تفكيرك للاجمل..

وفقك ربي لكل خير..

[باشا,دوت كوم]

ياهلا والله فيك انا احب ادلي برايي المتواضع لكن ابقولك اني معجب فيك تدري ليش لانك فكرت بنفسك وعرضة مشكلتك وهذا دليل انك دخلت في مرحله جديده الا وهي مرحلة التحدي مع نفسك انت الان بدات تحس في المسوليه وارجوله ولكنك بنفس الوقت خايف من المستقبل فالمستقبل بيد الله ومن كلامك ان والديك راضين عليك الحمدلله هذي نعمه فلا تترك لشيطان عليك طريق بل واصل وتحمل وانتبه لدراستك حتى تجازي والديك وتفرحهم اما بالنسبه لدكتور لاضن انك تحتاج لدكتور ابد انت تفكيرك هذا يدل على انك رجل قوي فياليت انك تثق بنفسك اكثر ومن ناحية الاصدقاء فليست كثرة الاصدقاء دليل يمكن يكون عندك صديق واحد عن الف صديق لكن يبدو انا اصدقائك لايوافقون تفكيرك وانا ارحب بك كصديق او مشوره او اي مساعده ,
اخوك

[احول اللي ماله بريده]

السلام عليكم ورحمه الله وبركاته

اقسسم بالله يآخوآن لو اقتبست كل واحد فيكم

مرآح اوفي به حقه
كل واحد والله احسسن من الثاني

وكلامكم ذا والله رفع من معنوياتي

وبصراحه مادري وش اقول والله

كلامكم لي هذا والله من ذهب

والله ياخوان حتى امي قالت لي مافيك الى العافيه

بس انت تصعب على نفسك وإن شاء كلها كم
فتره وتعدي

وعليكم السلام
لكم حبي وودي

[متى نلتقي ؟؟]

اسمع اخي الفاضل..

التفكير بالمستقبل هذا اصلا شي اساسي مفروض ع كل واحد
اجل الواحد يمشي ع عماهـ..!! لابد من الواحد ان يخطط لمستقبله ويضع له
حلم ويسعى الى تحقيقه...

اما بنسبه لخوفك من المستقبل..
فهذا نتيجه سماعك دائما((تخرجنا ولا لقينا وظايف))..
المشكله ان المجتمع يايصير مدرس ولا يقعد بالبيت ويقول انا عاطل..!!
ياحبايبي الدوله تحتاج الى دكتور ومستشار ومحقق ومحامي ومهندس ....وعد وغلط
بس تبي شد حيل واجتهاد ولا يحقر الواحد نفسه
يقول واحد لنا ايام الثنوي اتمنى اتمنى اكون دكتور ولا فيه طالب بالفصل ماضحك عليه
ومشاء الله الحين بالطب ومعدله ممتاز كان تحطيم الطلاب له دافع ..

وبالنسبه للاهليه((اعتبرها هذي اول خطوة للفشل))
صدق بترتاح من المذاكره بس ماراح تستفيد ..
واذ عطوك 100 وجاك القياس وخفسك
((عاد هنا صدق بيروح مستقبلك قدام عيونك ))
لان الجامعه ماراح تقبلك..

اتمنى والله ان تقبل بنصيحتي..وفقك الله الى مايحبه ويرضاهـ...

[بآقي امل]

شكلك من النوع اللي يهتم

لآتوسوس ترى الوسوسه يآما ذبحت نآس ..

وورآه دكتور نفسآني ذآ الحآله تمر على اغلب النآس وعلآجه الصلـآه والاستغفار

معلومه/ ترى كل وآحد بهالدنيآ مقدر له رزقه ومكتوب عند ربك

ومآعلى الآنسان الا السعي والاجتهآد فـ لآ تحمل نفسك فوق طآقته

[سعيده و بعيده]

عادي و أنا أختك لا توسوس أنت في أول مراهقتك و في هذا السن تضطرب الهرمونات في جسمك و تشعر غالب

وقتك بأكتئاب تزيد أو تقل حدته حسب الظروف اللي تمر عليك يومياً

و بما أنك قلق و مهتم بهذا الأمر و ما عندك معين

أنصحك و أنا أختك حسب خبرتي أنك تستعين بمستشار نفسي يساعدك حتى تعدي هالمرحله أن شاء الله

يوجهك و يعطيك خطوات بأذن الله تساعدك على حل جميع أمورك و تتخلص من قلقك بأذن الله

لكن قبل كل شيء توكل على الله سبحانه و أهتم بصلاتك و ذكرك


( الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ )


( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمى )



الله يشرح صدرك وييسر أمرك

[السيدة نانا]

عادي شعور الكل يمر فيه باللي عمرك
تسمى مرحلة المراهقة وراح تعديها بكل أمان بإذن الله
وقدامك المستقبل المشرق
حافظ على صلاتك ونسبتك تتحسن مع الوقت ولاتفكر بالمستقبل كثير
رب العالمين اتكفل برزقك وبمعيشتك
انت مانمت واعتمدت على غيرك
لا انت طلبت العلم والله سبحانه بيسر لك
فيه كثير شباب مروا باللي انت فيه
واللحين يضحكون على انفسهم اذا تذكروا همومهم قبل
صدقني الله معك وتذكر معية الله بكل وقت
وبالنسبة لنسبتك ألح على الله سبحانه بالدعاء
وربي ماراح يضيعك
بقدرته راح تقتلب نسبتك وسبحانه لايعجزه شي
فقط ثق بالله وتوكل
اقسم لك بالله يوم كنت بالجامعه مريت بنفس معاناتك
وكان شبح الرسوب قدام عيني
ودعيت ربي ودعيت وبقوة ووثقت بربي وبتوفيقه
وانه ماراح يخلين وسبحان الواحد الأحد تجاوزت المحنة
وطلعت بامتياز ولحد اللحين متعجبه
لكن الدعاء سلاح المؤمن
وبالنسبة لزملائك 3 خير وبركة وطبيعي جدا
لاتكثر من الوسواس انت انسان طبيعي 100٪
توكل على الله
اسأل الله لك التوفيق والسداد

[احلام 99]

عااااااادي ياأخوي والله العظيم اني مريت نفسه حالتك بااول ثانوي كنت امسك كتبي وابكي من الضيقه حتى الليل ماانام من ضيقت المدرسة بس عليك بالاستغفار وصلاه الليل الله يوفقك..

[عبدالله]

ينبغي علينا جميعا أن نستعين بالله عند حدوث مثل هذا التفكير وأن لانستسلم

وأن نكثر من الاستغفار والدعاء بطلب التوفيق في سائر أمور الدنيا والآخرة

[رنيم2]

عاااادي وش بك اهليه حلو تتخرج وتدخل الجامعه وتتوظف وش المشكله ليش تفكرخل عنك الشيطان
احسن ماعندك الاثلاثه خير ونعمه وش تبي بكثرتهم الي ماتجي منها الاالفساد وكثرت الطلعات وانت توك صغير لاخلك بالبيت احسن لك ورزقك محد ماخذه عنك الي مقسوم لك بتاخذه ان شاءالله
الله يوفقك

[ذكرايات]

السلام.......
توكل على الله ومن توكل على الله كفاااة...
ولا تفكر الا بشي واحد(الله ماخلقك عشان يضيعك)..
وخلك مع الله...تلقى الراحه..والسعاده..
واذ على المستقبل...مافي احد بيموت جوووع..لاتفكر به ولا بامس..عيش اليوم بس..
وخلك من الدكتور النفسي...القران هوالعلاج النفسي الوحيد..اوصيك بملازمته...
ووفي صلاتك بكل اركانه..يعني اتقنها...
وصدقني بتدعيلي...