 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
17-09-2005, 02:05 PM
|
#1 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
رسالة للأمير فيصل بن بندر .. تفتيش ام سدره .. وهمجية افراده ..
السلااااااااام عليكم .. الظاهر مافيه منكم احد الا وكتب الله عليه انه يمر من عند هالتفتيش .. الحقيقه ان هذه النقطة .. الكل يشتكي منها .. الكبااااااااااار والصغاااااااااار .. كغيري من الكثير من أهل منطقة القصيم .. الذين لايحبذون مفارقتها ويجتهدون لزياااااااااااااارتها حباً بها وباهلها .. فشددت رحالي قاصدا بريدة حبيتي .. ولكن ماينغص علي حلاوة هذا كله .. سوى افرااااااااااااااد نقطة تفتيش ام سدره .. كبرياء .. غرور .. غطرسة .. همجية ليس لها حدود .. وقلة ادب وحياء ورعونة .. تخرج من منطقتك بأتجااااااااااااه القصيم .. وتمر على اكثر من نقطة تفتيش .. تجد فيها اجمل لوحاااااااااات التعامل .. وتجد منهم الاحترااااااام والتقدير .. بل تكفيك أحياناً منهم الابتسااااااااااامه .. وهذا المتعامل به في كل نقاااااااااط التفتيش في المملكة .. ماعدا شلة تفتيش أم سدره .. هل يختلف النظااااااااام لديهم .. أم هل لديهم تعليماااااااااات غير التي عند غيرهم ..
اذا كانت كذلك فيجب أن نعرفها حتى نعمل بها ولانخالفها .. أما إن كانت غير ذلك .. فإن جميع افراد نقطة تفتيش أم سدره يعملون بنظام دكتاتوري لايمثل انظمة الدولة البته .. ولايمثلون سلوك وأخلاااااااااقيات أهل المنطقة ولا المملكة عاااااااااااااااامة .. بل والله انك ترى في تعاملهم لغة ( الانتقااااااااااااااااااااااااااااااااااام ) لأن مكان التفتيش حالياً يقع في منطقة يغلب على أهلها الانتماء الى أناس لهم عداوة بينهم وبين أهل القصيم .. فصاروا يستغلون هذه النقطة لاذلال السالكين والعابرين لها .. وهذا من استغلااااااااااااااااال المناصب الوظيفيه الذي يحاربه نظام الدولة وقبله الشرع لأنه من ابواب الظلم والاجحاااااااااف .. فمتى نرى بوابة دخول القصيم تزداااااااااان بالرجال لا بأشباه الرجاااااااال .. نريد رجالاً يحسنون التعامل والتصرف .. ويقدرون المواقف .. والله اعلم ..
__________________
. . .  .. قلب البحطلة ينبض ..ينبض ينبض ينبض .. . |
|
|
17-09-2005, 02:16 PM
|
#2 |
|
عـضـو
تاريخ التسجيل: May 2005
البلد: بريدة .
المشاركات: 564
|
صدقت . أخي ابا إبراهيم ...
و ياليت قومي يعلمون ....
__________________
  |
|
|
|
17-09-2005, 02:17 PM
|
#3 |
|
عـضـو
تاريخ التسجيل: Oct 2001
البلد: Hard disk
المشاركات: 1,700
|
صدقت والله يامدحت ..
والله يجين المرض إذا مررريت من عندهم .. لكن أقووولك .. أرووح للرياض وأجي .. بدووون ما أمر عليهم .. ذله لأبعد الحدود .. ! 
__________________
سبحان الله وبحمدة .. سبحان الله العظيم سبحان الله والحمدلله ولااله إلا الله والله أكبر |
|
|
|
17-09-2005, 02:22 PM
|
#4 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
هلا بألبي ولاتهنوا ..
تصدق يالبي يتمتعون بالاذلال .. وأنا جاي من الرياض تعديت تفتيش الرياض وتفتيش الغاط .. قمه في الاحترااااااااااااام .. أما عندهم من يوم تقبل عليهم ينقزون من الغرفة .. احيان تقول وش صاير اكيد سيارتي مكتوب على لوحته ( تل ابيب 585 ) قسم بالله يمرضونك بملاغتهم .. يسلموا يالبي ..
__________________
. . . .. قلب البحطلة ينبض ..ينبض ينبض ينبض .. . |
|
|
|
17-09-2005, 02:24 PM
|
#5 |
|
عـضـو
تاريخ التسجيل: Jun 2005
البلد: أهوى الصلي بالدشكه / والرمي بالشلكه.والضرب بالموخه
المشاركات: 340
|
صدقت ياأخي مدحت... فقبل سنه ونصف .... مررت بهذه النقطه .... العصر ... وأخروني
إلىالساعه الحاديه عشر ليلا ... .. لأتفه الأسباب ... من مركز إلى مركز ... ومن مركز إلى مركز فعلا هذه النقطه .. أكرهها ... وجزاك الله خيرآ ياأبا إبراهيم.....
__________________
 |
|
|
|
17-09-2005, 02:27 PM
|
#6 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
شعبوط ..
تروح وتجي للرياض من دون متمر من عندهم .. اكيد بطياره .. تدري انهم يناظرون الطيارات .. ويقولون .. اه يالقهر .. وشلون يمرون تسذا بس .. يسلموا يالبي ..
__________________
. . . .. قلب البحطلة ينبض ..ينبض ينبض ينبض .. . |
|
|
|
17-09-2005, 02:29 PM
|
#7 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
طريب ..
هلا بيك والحمدلله على السلااااااااااااااااامه .. ياخي كم مره تروح مع طريق حايل وطريق المدينه .. وكلهم يحترمون ويقدرون .. ليه هذولا بالذااااااااااااات تعاملهم غير حضاري وغير لائق .. الله يزيل مابقلوبهم من حقد ويهديهم ..
__________________
. . . .. قلب البحطلة ينبض ..ينبض ينبض ينبض .. . |
|
|
|
17-09-2005, 05:22 PM
|
#8 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
والله صدقت في هذه
كم مرة يوقفن ويدور هو وكنادره على السيارة همن يفتح الباب الوراوي ويويز ويحقد عليك إذا مالقا شي عليك انا رخصتي منتهيه بس مادري اعماهم الله يبي يلقا مخالفه عجز يالله لك الحمد السرعه هذي امسحه من راسك الديزلية يالله تمشي اشوف سيكل يسبقن وانقهر بس اقتصادية هههههههه
__________________
|
|
|
|
17-09-2005, 05:38 PM
|
#9 |
|
عـضـو
تاريخ التسجيل: Dec 2004
البلد: السعوديه
المشاركات: 245
|
آآآآآآههه
تراكم ضربتوا على الوتر الحساس  مخصص درج بالسياره وكاتب عليه قسايم أم سدره عندك هو وتفتيش صلبوخ اللي ما تسد مريت من عندهم الا يعطونن شهاده  مير واحد منهم لا شاف اللوحه وقف بوسط الخط وبدى يعطي خويه بياناتي قبل اعطيه الرخصة والاستماره مااااااال من كثر ما عطان قسايم  آخر مره قلتله 1600 قال وشي قلتله هذي مبلغ القسايم اللي علي بعد اللي عطيتن وقال بكل استهتار تستاهل  ودي الاي فاحطن على بريهته ومركبه بدال المروحه يهف على الاديتر اهب والله ياهو مرررررر
__________________
اذا عرفت حقاً لمن تصلي .............................عرفت حقاً كيف تصلي |
|
|
|
17-09-2005, 06:36 PM
|
#10 |
|
عـضـو
تاريخ التسجيل: Dec 2004
البلد: قلب أمي
المشاركات: 3,189
|
ياشباب بالعطلة اللي راحت قبل امشي من بريدتي الحبيبة
قاصدا الدمام تسد سمعت من الشباب اللي انا اعرف ان تفتيش ام سدرة غثيثين وخصوصا عند التظليل سواءا خفيف والا ثقيل وانا ماامشي الا الفجر يعني بعز الظهر انا بالطريق المهم واقعد افكر واحوس اظلل والا لا ؟؟ وسبق اني انمسكت ثلاث مرة والاخيرة حجز وعلى حسب مااعلم ان المخالفات حتى بعد التسديد تعتبر نقاط سوداء في تاريخ السيارة يعني مايمسحونهن بحيث لو يطلب راعي الدورية معلومات راح يعلمونه من طق طق للسلام عليكم المهم واجيك واتوكل على الله وتلعب علي جنيتي وقالت يابن الحلال حر مرة ركب زيرو ثلاثة كامل القزاز مع نص القدامية واركبه واروح وكل ماوصلت تفتيش فتحت الدرايش واعدي منهم زي السلام عليكم لانهم بالغرفة قاعدين يتبردون ويطيح بي واحد حازمي بين الرياض والدمام قال انت مظلل قلت ايه قال ليش قلت والله حر ومعي العايلة وابشر ان شاء الله لاقشعه اذا وصلت قال رح (طبعا هالكلام على موتر بابا) واجي من الدمام واقعد بديرة الصعيدي مدحت ثلاثة ايام واشوف العذاااب بس اتلفت مرة تجي دورية ومرة مرور ووو الخ صرت تقل خايف وتعدي بسلام وارجع لبريدة ويطيح بي نقطة صلبوخ واحد شباب اتوقع انه ماابطا موظف قال ارفع القزاز امر ارفع قال ليش مظلل قلت حر وماادري ايش قال طيب ممنوع قلت ايه بس حر ووووو قال يالله رح واذا وصلت قشعه قلت ابشر والى يومكم ماقشعت شي <<<<< ماتلاحظون اني قلت قصة حياتي :D :D :D :D :D :D :D :D :D يالله سلامووووون
__________________
 |
|
|
|
17-09-2005, 06:56 PM
|
#11 |
|
عـضـو
تاريخ التسجيل: Sep 2005
البلد: مع الكفيل لتجديد
المشاركات: 133
|
بسبب هالموضوع اكتشفت وين التلفون الي يرن
اثاريه من توقيع المنخرش اذا مريت من فوقه ياحليلي اثارين مامن ذهانه عمومن انا راح بالي لتفتيش ام الجماجم هم الي تحس انهم نقطة جوازات بين دولتين بس ام سدره صراحه ماعمره صاير شي معي الغريبه كل النقطتين يحملن لقب ام ام سدره ام الجماجم كرهونا بمامنا حسبي الله عليهم
__________________
 |
|
|
|
17-09-2005, 07:04 PM
|
#12 |
|
عـضـو
تاريخ التسجيل: Jun 2005
البلد: نيكراغوا
المشاركات: 500
|
نقطة خسيسة ..
وصراحة فيها ناس يبحثون عن أتفه الأسباب . |
|
|
|
| الإشارات المرجعية |
|
|
النمط المتتابع
