[سارب النهار.]

على طريق الخبوب تقاطعات تشكل خطر كبير
وحوادثها مميته وليس لها ظرورة أطلاقا



وهي تقاطع العريمضي

وتقاطع المريدسية



والحل اغلاقها نهائيا

[اخو دريحم]

ومفرق طريق حويلان مع طريق الخبوب دائما حوادثه

[سارب النهار.]

اقتباس المشاركة الأساسية كتبها اخو دريحم ومفرق طريق حويلان مع طريق الخبوب دائما حوادثه

صح خطر مفرق حويلان

بس صعبه يقفل لانه يخدم قرى كثيره
والحل اشاره او مطبات

[{ صوت بريدة }]

والله انك صادق المفروض يغلقونهم وياخذون فوق تحت من الجسر ، اما مفرق حويلان تغير اسمه ابشرك وصار مفرق الموعد نسبة لمطعم هناك صغير كان يحكر المقلقل ومعطينه دعاية وسمو الشباب اسمه على نفس المطعم كدعم وللذمة اذا تبي تتأكدون اكتبو باليوتيوب ( هجولة الموعد)

[سارب النهار.]

اقتباس المشاركة الأساسية كتبها { صوت بريدة } والله انك صادق المفروض يغلقونهم وياخذون فوق تحت من الجسر

صح عليك والجسر مهوب بعيد آمن لهم وامن للعابرين مع الطريق

[mshal.com]

والله ياهي صعبه أطلع من المريدسية وأنكس مع الكوبري .

والله إن تشوف مطامر الأرصفة على أصوله .

لكن أتوقع لو يجربون المطبات الكبيرة مثل اللي عند مسجد الونيان , ومثل اللي عند شيب الدواس

بحي مشعل . أتوقع راح يخفف بإذن الله الحوادث , والطيران اللي ماله داعي .

صعبة كل تقاطع خطر تسكره نهائي , تسان مايبقى ببريدة تقاطع !

الله يتسفينا وياكم شر هالسيارات .

[سارب النهار.]

اقتباس المشاركة الأساسية كتبها mshal.com والله ياهي صعبه أطلع من المريدسية وأنكس مع الكوبري . والله إن تشوف مطامر الأرصفة على أصوله . لكن أتوقع لو يجربون المطبات الكبيرة مثل اللي عند مسجد الونيان , ومثل اللي عند شيب الدواس بحي مشعل . أتوقع راح يخفف بإذن الله الحوادث , والطيران اللي ماله داعي . صعبة كل تقاطع خطر تسكره نهائي , تسان مايبقى ببريدة تقاطع ! الله يتسفينا وياكم شر هالسيارات .

مهوب بعيد الكوبري

والمطبات صعبه بها الطريق خاصه الناس مستمره وسالكه فجأه يضربون جبل


قفلوا اغلب التقاطعات وتركوا اخطرهن

[شوق ~]

كان فيه أحد مات فاقريباً راح نغلقه
أما إذا للحين مامات كم واحد
فا من رايي تنتظرون لين يموت كم واحد علشان نغلقه

هذا مو كلامي هذا كلامهم

[سارب النهار.]

اقتباس المشاركة الأساسية كتبها ~ إني راحلة ~ كان فيه أحد مات فاقريباً راح نغلقه أما إذا للحين مامات كم واحد فا من رايي تنتظرون لين يموت كم واحد علشان نغلقه هذا مو كلامي هذا كلامهم

ان شاء الله يغلقون التقاطعات الخطره قبل ما يموت احد

[امي نور عيني]

اما حق العريمضي تشهدو قبل ماتلفون الصراحه مرعب

[سارب النهار.]

اقتباس المشاركة الأساسية كتبها امي نور عيني اما حق العريمضي تشهدو قبل ماتلفون الصراحه مرعب

فعلا مرعب والجاي من الشرق للغرب يقترب من التقاطع ولا يرى السيارات التي تقطع الطريق
لان التقاطع في منحدر

[mshal.com]

أخوي سارب : أدري أول الأيام بعد وضع المطبات بيصير مهرجان طيران , لكن مع الوقت يعرفونه .

الطريقة هذي أنا شفته بالبكيرية الصراحة روعة . بعد وش يضر السواق اذا تأخر عشر ثواني , ( حق المطب ) .



أختي راحلة , واجد اللي ماتوا الله يغفر لهم , هذا غير الحوادث الكثيرة .

[عمدة الريان]

انا اؤيد رآي بعض الاخوه بوضع اشاره في مفرق المريدسيه ومطب في مفرق ديره اجدادي وعاصمه الخبوب العريمضي الحبيبه والله يحفظ الجميع من الحوادث

[العبد الضعيف]

الله يكفينا شرهن بالزيادة عليهن تقاطع حويلان المفروض يا يغلقونهن أو أشارة لكن إذا ناديت حياً فلا حياة لمن تنادي