[خالد العتيبي]

السلام عليكم ورحمة الله وبركاته
بصراحه شدني الموضوع ..
وقلت لازم أرد

أولاً .. الله يهديكم وينير دروبكم وتشوفون الصح من الغلط

ثانياً .. اخواني .. من حنا علشان نتكلم عن شيخ بذل وقته وطاقته لطلب العلم ؟
عبد العزيز آل الشيخ وغيره.. حنا مانقدسهم .. بس الصحيح صحيح

يعني معقوله اللي دارسين أصول الدين .. من راسها لساسها ..
وهم قبل كل شيء علماء .. معقوله كلهم بيطلعون خطأ ؟
وأنت مامعك الا شهادة الخامسه تقول لا غلط عليهم ؟
من هو انت ؟
أنا أبعلمك من هو آل الشيخ ... وانت علمني من انت ؟
الصراحه انا استغرب من تصرفاتكم والتي لاتدل على ان الواحد متحمس من جد ..

تدل على طيش وتعصب وهذا بداية الخوارج ..
إذا صار شيخنا اللي مبايعينه بيطلع غلط .. أجل أنت الصح ؟؟؟؟؟؟

الزبده ان ال الشيخ وهيئة كبار العلماء .. ماحطهم ابن باز عبث (( الله يرحم الشيخ ابن باز رحمة واسعة )) ..

هذا مالدينا ..

وكل ماأتمناه انكم تفكرون ولو لحظه ..
وتشوفون حدود عقلكم مقارنه مع اللي تتكلمون عنهم ..
وتكفون تكفون تكفون ترا تكفى تهز الرجاجيل .. لايهمونكم خوارج هذا الزمن .. لايهمونكم .. لايحركون فيكم شعره .. كل شي على النوايا ان شاء الله ..

ماراح ينفعكم الا الله .. وكلنا دارين أكيد ..
فخلوكم عاقلين وفكروا بعقولكم .. واحسنوا النوايا ,,, ترا سوء الظن مافيه فايده ياجماعه ..

خلّوا قلوبكم بيض .. وهذا اللي يسبب الترابط وعدم التفرق ..
وبالتالي نصرة امتنا ...
والسلام ختام